Tuesday, September 30, 2008

အလှူ-မတူ လူ-မတူ

နံပါတ်တစ် အလှူက
ကံကံ၏အကျိုးကို ယုံကြည်တဲ့ဉာဏ် ( ကမ္မဿကတာဉာဏ် ) လဲ ရှိတယ်၊ ဒါ့ထက် အဆင့်မြင့်မြင့် ပြောမယ်ဆိုရင် ရုပ်နာမ်ဓမ္မတို့ရဲ့ အဖြစ်, အပျက်ကိုမြင်တဲ့ ၀ိပဿနာဉာဏ် ရှိတယ်၊ မလှူခင်လဲ ဒီအလှူနဲ့ပတ်သက်လို့ ကုသိုလ်စိတ်တွေ ဖြစ်နေတယ်၊ လှူပြီးပြန်တော့လဲ အဲဒီအလှူနဲ့ ပတ်သက်လို့ ကုသိုလ်စိတ်တွေ ဖြစ်နေတယ်၊ အဲဒီလို အလှူ (တိဟိတ်ဥက္ကဋ္ဌအလှူ) က တမျိုး။
အဲဒီလို အလှူမျိုးကို လှူတဲ့အတွက် ဒီဒါနရဲ့ အစွမ်းသတ္တိကြောင့် နောင်ဘ၀မှာ လူလာဖြစ်ရင် ဉာဏ်ရှိတဲ့လူသား (တိဟိတ်ပုဂ္ဂိုလ်) ပဲ လာဖြစ်တယ်၊
ဉာဏ်ရှိတဲ့လူသားဟာ တရားအားထုတ်ရင်လဲ ဈာန်တရား မဂ်တရား ဖိုလ်တရား ရနိုင်တယ်၊ ပညာသင်မယ် စီးပွားရှာမယ်ဆိုရင် တထွာပြရင် တလံလောက်မြင်တဲ့ လူသားမို့ ပညာတတ်မယ်၊ စီးပွားဖြစ်မယ်၊ ဉာဏ်ရှိတဲ့ လူသားအတွက် လောကီ လောကုတ် ဘာပဲလုပ်လုပ် အဆင်ပြေတယ်။


နံပါတ်နှစ် အလှူက
ကံ ကံ၏အကျိုးကို ယုံကြည်တဲ့ဉာဏ် (ကမ္မဿကတာဉာဏ်)တော့ ရှိပါရဲ့၊ ဒါပေမယ့် မလှူခင်မှာလဲ အဲဒီအလှူနဲ့ ပတ်သက်လို့ အကုသိုလ်တွေ ဖြစ်နေတယ်၊ လှူပြီးပြန်တော့လဲ အဲဒီအလှူနဲ့ပတ်သက်လို့ အကုသိုလ်တွေ ဖြစ်နေ တယ်၊ အဲဒီလိုအလှူ (တိဟိတ်သြမကအလှူ) က တမျိုး။
ဒီလိုအလှူမျိုးကို လှူတဲ့အတွက် ဒီအလှူရဲ့အစွမ်းသတ္တိကြောင့် နောင်ဘ၀မှာ လူလာဖြစ်ရင် ဉာဏ်မရှိတဲ့လူသား (ဒွိဟိတ်ပုဂ္ဂိုလ်) ပဲ လာဖြစ်မယ်။
္ကဉာဏ်မရှိတဲ့လူသားဆိုရင်တော့ တရားအားထုတ်ရာမှာ ဈာန်တရားတောင် မရနိုင်ဘူး၊ မဂ်တရား ဖိုလ်တရားဆိုတာ ဝေးရော့။


နံပါတ်သုံး အလှူက
ကံ ကံ၏အကျိုးကို ယုံကြည်တဲ့ဉာဏ် (ကမ္မဿကတာဉာဏ်) မရှိဘူး၊ ကြွားချင်လို့ လှူတာ၊ ထင်ပေါ်ကျော်ကြားချင်လို့ လှူတာ၊ ဒါပေမဲ့ မလှူခင်မှာရော လှူပြီးတော့ပါ အဲဒီအလှူနဲ့ပတ်သက်လို့ ကုသိုလ်စိတ်တွေ ဖြစ်နေတဲ့အလှူ (ဒွိဟိတ်ဥက္ကဋ္ဌအလှူ) က တမျိုး။
ဒီလိုအလှူမျိုးကို လှူရင်တော့ ဒီအလှူရဲ့ အစွမ်းသတ္တိကြောင့် နောင်ဘ၀မှာ လူလာဖြစ်ရင် ဉာဏ်မရှိတဲ့လူသား (ဒွိဟိတ်ပုဂ္ဂိုလ်) ပဲ လာဖြစ်မယ်၊ ဉာဏ်မရှိတဲ့ လူသားဆိုရင်တော့ ဒီဘ၀မှာ တရားဘယ်လို အားထုတ် အားထုတ် တရားမရနိုင်ပါဘူး။


နံပါတ်လေး အလှူက
ကံ ကံ၏အကျိုးကို ယုံကြည်တဲ့ဉာဏ် (ကမ္မဿကတာဉာဏ်)လဲ မရှိဘူး၊ ထင်ပေါ်ကျော်ကြားချင်လို့ လှူတာ၊ ကြွားချင်လို့ လှူတာ၊ သူများလှူလိုပ လှူတာ၊ မလှူခင်မှာရော၊ လှူပြီးတော့ပါ အဲဒီအလှူနဲ့ပတ်သက်လို့ အကုသိုလ်တွေ ဖြစ်နေတဲ့အလှူ (ဒွိဟိတ်သြမကအလှူ)က တမျိုး။
ဒါမျိုးအလှူက ထင်ပေါ်ကျော်ကြား ကြွားချင်လို့လှူတာဖြစ်တဲ့အတွက်္ကာဏ်မရှိတာတော့ သေချာတယ်၊ ပြီးတော့ အလှူပွဲအတွက် ၀က်သားကျွေးဖို့ ၀က်မွေးထားတတ်တယ်၊ ၀က်မမွေးတောင် ၀က်သားကို ကြိုတင် မှာထားတတ်တယ်၊ ဒါက မလှူခင် အကုသိုလ်၊ ကြွားချင်လို့လှူတာဖြစ်တဲ့အတွက် ငွေချေးငှါးရတယ်၊ အကူငွေကို မျှော်ရတယ်၊ အလှူပြီးလို့ အကူငွေကလဲမရ၊ အကြွေးကလဲ မကျေတော့ သောကဖြစ်ရတယ်၊ ဒါက အလှူပြီးတော့ အကုသိုလ်၊ ဒါမျိုးအလှူက အညံ့စားအလှူပဲ၊
ဒီလိုအလှူမျိုးကို လှူရင်တော့ ဒီအလှူရဲ့ အစွမ်းသတ္တိကြောင့် နောင်ဘ၀မှာ လူလာဖြစ်ရင် လူစဉ်မမီတဲ့လူသား (သုဂတိအဟိတ်ပုဂ္ဂိုလ်)ပဲ လာဖြစ်မယ်၊ လူစဉ်မမီတဲ့လူသားဆိုရင် အရာရာမှာ အောက်တန်းကျလို့ မျက်နှာငယ် ရတယ်၊ ဘာသာရေးလဲ ဉာဏ်မမီ၊ လူမှုရေး မကူညီနိုင် ဖြစ်တတ်ပါတယ်၊ မလှူတတ်လို့ လူစဉ်မမီတဲ့ လူသားဖြစ်ရတာ နာပါတယ်၊ လူစဉ်မမီတဲ့လူသားဟာ အရာရာမှာ ပင်ပန်းလှပါတယ်။။

No comments: