Tuesday, September 30, 2008

ကြိုး

ခိုင်းနွားလျှင်
တိုင်တွင်ကွယ့် ချည်ရိုး။

ကြိုး-ဆရာ
ခိုင်စွာထုံးတော့တယ်
သုံးလွန်းတင်-ကြိုး။

ဆိုးသမျှ
ဒေါသကွယ့် တလွန်းတင်
မောဟလျှင် ၀င်ကာရစ်
ကျစ်လစ်စွာပင်။

လိုလောဘ နွယ်အမျှင်
လိမ်ကာဝင် တမျိုး။

သံသရာ
တိုင်မှာ ရုန်းမရအောင်
များသူငါ
ရင်မှာထုံးကြတယ်----ကွယ်
သုံးလွန်းတင်-ကြိုး။



မောင်မြတ်သိ ( မန်းမြေ )

၂၀၀၅-ဇူလိုင်လ ဓမ္မရတနာ-မှ

No comments: