လောကသုံးပါး

လုဇ္ဇတိ-ပျက်စီးတတ်၏၊ ပလုဇ္ဇတိ-အဖန်ဖန် ပျက်စီးတတ်၏၊ ဣတိ-ထို့ကြောင့်၊ လောကော-လောကမည်၏။
ဟူ၍ ကျမ်းဂန်တို့၌ ဖွင့်ဆိုပါသည်၊
ထိုလောကသည်
၁။ သတ္တလောက
၂။ သြကာသလောက
၃။ သင်္ခါရလောက ဟူ၍ သုံးပါးရှိသည်၊
ထိုတွင် ၁။ သက်ရှိ ရုပ်နာမ်ခန္ဓာအစဉ်ကို သတ္တလောက-ဟုခေါ်သည်။
၂။ သက်မဲ့ရုပ်ဝတ္ထုများကို သြကာသလောက-ဟုခေါ်သည်။
၃။ သက်ရှိ သက်မဲ့နှစ်မျိုး၌ တည်ရှိသော ရုပ်နာမ်တရားသဘောများကို သင်္ခါရလောက-ဟုခေါ်သည်။
ဤသည်မှာ ကျမ်းဂန်အဖွင့်များနှင့်အညီ စာစကားဖြင့် ဖော်ပြခြင်းဖြစ်ပါသည်။

အများသိလွယ်သော အရပ်စကားဖြင့် ပြောမည်ဆိုလျှင်
၁။ လူ နတ် တိရစ္ဆာန် စသော သက်ရှိသတ္တ၀ါအပေါင်းသည် သတ္တလောက။
၂။ ထိုသတ္တ၀ါတို့၏ တည်ရာဘုံဌာနများနှင့် တကွ သစ်ပင် တောတောင် သမုဒ္ဒရာစသည့် သက်မဲ့အရာဝတ္ထုများသည် သြကာသလောက။
၃။ ထိုသက်ရှိ သက်မဲ့ နှစ်မျိုးလုံးတို့၌ ဖြစ်ပျက်နေသော သဘောတရားများသည် သင်္ခါရလောက မည်၏။
ဟု မှတ်ယူနိုင်ပါသည်။
( လောကသုံးပါး အကျယ်ဖွင့်ပြချက်ကို ၀ိသုဒ္ဓိမဂ် ဗုဒ္ဓ်နုဿတိကထာနှင့် ပါရာဇိကဏ် အဋ္ဌကထာ ဝေရဉ္ဇကဏ္ဍ လောက၀ိဒူ အဖွင့် စသည်တို့၌ ရှုနိုင်ပါသည် )။