Thursday, December 25, 2008

ဝိပါက်တော် ၁၂-ပါး ကဗျာများ

၁။ ပထမ ၀ိပါက်တော်
( မေး )
ဥရုဝေဠ ၊ တောဝမြိုင်ခွင် ၊
ခြောက်နှစ်ပတ်လုံး ၊ ကျင့်သုံး အရှင် ၊
အားကုန်ခန်းလို့ ၊ ညှိုးနွမ်းငြိုငြင် ၊
ပင်ပန်းရေး ၊ ၀ဋ်ကြွေး ဘယ်ကြောင့်တင် ။

( ဖြေ )
ကဿပဖျား (ဘုရား) ၊ ထင်ရှားပွင့်သော် ၊
ဇောတိပါလ ၊ နာမအကျော် ၊
ပုဏ္ဏားမာန်တက် ၊ နှုတ်မြွက်အာဘော် ၊
ဝစီပြင်း ၊ ရှေးရင်း ၀ိပါက်တော် ။


၂။ ဒုတိယ ၀ိပါက်တော်
( မေး )
စိဉ္စမာဏ ၊ မိန်းမစေကျွန် ၊
ကိုယ်ဝန်ရှိသော ၊ ဆိုပြော အလွန် ၊
လက်သယ်ထားလို့ ၊ ဘုရားကိုညွှန် ၊
စွပ်စွဲခဲ့ ၊ အဘယ့် ၀ိပါက်ဝန် ။

( ဖြေ )
သောက်စားလွန်ကြူး ၊ ယစ်မူးပျော်ရွှင် ၊
သေသောက်သမား ၊ ဖြစ်ငြား ယခင် ၊
ရဟန္တာမြတ် ၊ ဆွမ်းရပ်သည်မြင် ၊
အကျင့်ယုတ် ၊ ဖွင့်ထုတ် စွပ်စွဲအင် ။


၃။ တတိယ ၀ိပါက်တော်
( မေး )
တိတ္ထိစေခိုင်း ၊ မိုက်ရိုင်း ဒုဿီ ၊
ထင်ယောင် ထင်မှား ၊ ပြုငြား သုန္ဒရီ ၊
လူရှင်အပေါင်း ၊ ယုံကြောင်းပွေလီ ၊
ရှင်တော်ထွတ် ၊ ဘယ်ဝဋ် ရှေးကမှီ ။

( ဖြေ )
မုနာဠိ-ဟု ၊ မည်ရှိလောင်းတော် ၊
မောက်ကြွား မှောက်မှား ၊ သောက်စား အပျော် ၊
ရှင်ပစ္စေက ၊ ဗုဒ္ဓမြင်သော် ၊
ဒုဿီပဲ ၊ စွပ်စွဲ ၀ဋ်ကြွေးပေါ် ။


၎။ စတုတ္ထ ၀ိပါက်တော်
( မေး )
သုန္ဒရီမိုက် ၊ သတ်လိုက်လေရာ ၊
တိတ္ထိအသင်း ၊ သတင်းလွှင့်ကာ ၊
တပည့်များနှင့် ၊ ဘုရားကိုသာ ၊
လူအများ ၊ ယုံမှား ဘယ်တွက်တာ ။

( ဖြေ )
လောင်းတော်ရသေ့ ၊ ပျော်မွေ့စံရာ ၊
ရသေ့ တဦး ၊ ဈာန်မြူးကွန့်လာ ၊
ငြူစူစိတ်ဇော ၊ မနော ဣဿာ ၊
ကျင့်ယုတ်ကြီး ၊ နှုတ်သီးချွန်သည့်တာ ။


၅။ ပဉ္စမ ၀ိပါက်တော်
( မေး )
ဝေဘာတောင်စောင်း ၊ ကျောက်မောင်း ဆင်ကာ ၊
ဒေ၀ဒတ်ယုတ် ၊ ခလုတ် အသာ ၊
သူဖြုတ်ချလို့ ၊ ဗုဒ္ဓခြေမှာ ၊
ကျောက်လွှာငြိ ၊ ဒဏ်ထိ ဘယ်ဝဋ်ပါ ။

( ဖြေ )
သူကြွယ်မျိုးဇာတ် ၊ ဖြစ်လတ်တုံချေ ၊
ညီကိုလှည့်ဖျား ၊ ခေါ်သွားသလေ ၊
ကျောက်နှင့်ဖိညှပ် ၊ ထုသတ်ကြိတ်ခြေ ၊
ကျောက်ဝိပါက် ၊ အဆက်ပါခဲ့ပေ ။


၆။ ဆဋ္ဌမ ၀ိပါက်တော်
( မေး )
ကျောက်လွှာထိပါး ၊ မြတ်ဖျားထွတ်တင် ၊
တည်နေ၀ပ်ကိန်း ၊ သွေးစိမ်းအရှင် ၊
ခြေမတော်ထဲ ၊ ကိုက်ခဲနာကျင် ၊
ဝိပါက်ရင်း ၊ အလင်းပြစေချင် ။

( ဖြေ )
သူငယ်ဖြစ်ခိုက် ၊ လမ်း၌ပျော်ရွှင် ၊
ရှင်ပစ္စေက ၊ ဝေးမှအမြင် ၊
ခဲနှင့်ပစ်လိုက် ၊ ထိခိုက်ခြေတွင် ၊
သွေးယိုဆင်း ၊ ရှေးရင်း ၀ိပါက်တော် ။


၇။ သတ္တမ ၀ိပါက်တော်
( မေး )
ဆွမ်းခံကြွမြန်း ၊ ထိပ်ပန်းဘုန်းကြွယ် ၊
မုန်ကျဆင်ကြီး ၊ ခရီးအကျယ် ၊
ဒေ၀ဒတ်မိုက် ၊ လွှတ်လိုက်ပြန်တယ် ၊
ရင်ဆိုင်တွေ့ ၊ ဆင်ဝှေ့ ဘယ်ဝဋ်နွယ် ။

( ဖြေ )
ဆင်ထိန်း ဆင်ကျောင်း ၊ အလောင်းဖြစ်တုံ ၊
ရှင်ပစ္စေက ၊ လမ်းမ အဆုံ ၊
ဒေါသထားလို့ ၊ ပြစ်မှား သုန်မှုန် ၊
ဆင်နှင့်တိုက် ၊ ၀ဋ်လိုက်စေဖို့ကြုံ ။


၈။ အဋ္ဌမ ၀ိပါက်တော်
( မေး )
ကျောက်လွှာခတ်လို့ ၊ သွေးဓာတ်ဆူပူ ၊
ခြေမတော်ဦး ၊ ထွတ်ဖူး တဆူ ၊
သွေးညိုကိန်းလို့ ၊ ကျိန်းဝပ်တော်မူ ၊
ဇီဝက ၊ ခွဲရ ဘယ်ဝဋ်ဟူ ။

( ဖြေ )
ပဒေသရာဇ် ၊ မင်းဖြစ်စဉ်ဝယ် ၊
မူးယစ်သောက်စား ၊ ဖောက်ပြားမဖွယ် ၊
လူရှင်လတ်လတ် ၊ ထိုးသတ်ပြတ်တယ် ၊
ဓားဝိပါက် ၊ အဆက် သူကနွှယ် ။


၉။ န၀မ ၀ိပါက်တော်
( မေး )
သုံးလူထွတ်ဖူး ၊ မြိုင်မှူးသျှောင်ကေ ၊
ရံဖန်ခါလဲ ၊ ခေါင်းခဲပလေ ၊
ဝေဒနာဝဋ် ၊ မလွတ်တုံချေ ၊
ဘယ်ဝိပါက် ၊ အဆက်ပါခဲ့ပေ ။

( ဖြေ )
ရှေးခါကပ်ဟောင်း ၊ မကောင်းကံဆော် ၊
တံငါမျိုးဇာတ် ၊ ဖြစ်လတ် သရော် ၊
ငါးတို့ဦးခေါင်း ၊ ထုထောင်းမြင်သော် ၊
ဝမ်းမြောက်မိ ၊ လိုက်ဘိ ၀ိပါက်တော် ။


၁၀။ ဒသမ ၀ိပါက်တော်
( မေး )
ဝါတော်ကပ်တော့ ၊ မာရ်နတ်နိုးဆော် ၊
ဝေရဉ္ဇာတိုင်း ၊ သမိုင်းအကျော် ၊
မုယောဆွမ်းမို့ ၊ ကြမ်းကြမ်း ထော်ထော် ၊
ဘုဉ်းပေးရ ၊ ရှေးက ဘယ်ဝဋ်နော် ။

( ဖြေ )
မထင်မရှား ၊ မျိုးသားဖြစ်တုံ ၊
ရဟန်းတော်များ ၊ ဆွမ်းစားခိုက်ကြုံ ၊
ဆွမ်းကြမ်းစားဟု ၊ ပြစ်မှားဆိုပုံ ၊
ဝစီထွက် ၊ ၀ိပါက်တော်တဲ့ယုံ ။

၁၁။ ဧကာဒသမ ၀ိပါက်တော်
( မေး )
အထွတ်ဆုံးဟု ၊ သုံးလူ့မျက်မှန် ၊
ခါးတော်ကိုက်ခဲ ၊ အသဲအသန် ၊
ဝေဒနာများ ၊ ခံစားရဖန် ၊
ဘယ်အကြောင်း ၊ ကံဟောင်းထုတ်လို့ပြန် ။

( ဖြေ )
လက်ဝှေ့သတ်ကောင်း ၊ အလောင်းဖြစ်သော် ၊
ပြိုင်ပွဲ ဆိုင်ပွဲ ၊ နိုင်မြဲအကျော် ၊
နိုင်လျှင် ခါးရိုး ၊ ရိုက်ချိုး မြေပေါ် ၊
အသတ်ကောင်း ၊ ဇာတ်ဟောင်း ၀ိပါက်တော် ။


၁၂။ ဒွါဒသမ ၀ိပါက်တော်
( မေး )
ဆဒ္ဒန်ဆယ်စီး ၊ အားကြီးလျင်မြန် ၊
ဝမ်းတော်သွန်ငြား ၊ ရွှေအားမသန် ၊
ခွေယိုင်နွဲ့လို့ ၊ မြန်းခဲ့နိဗ္ဗာန် ၊
ဖြေစေကြောင်း ၊ ကံဟောင်းသိဖို့ရန် ။

( ဖြေ )
ရောဂါကုစား ၊ သမားဉာဏ်ကျယ် ၊
ရှင်သူဌေးသား ၊ ဆေးဝါးကုတယ် ၊
ခ-မပေးလို့ ၊ ဟိုရှေးဘုန်းကြွယ် ၊
ဝမ်းလားဆေး ၊ တိုက်ကျွေး ၀ဋ်ဟောင်းလယ် ။


( သတိပေး ကဗျာ )
ဝိပါက်ရောက်ရေး ၊ ကြောက်သွေးတုန်ဖွယ် ၊
ဘုရားသော်လဲ ၊ ရှောင်လွှဲ မလွယ် ၊
တွေ့ကြုံမြဲမို့ ၊ တ၀ဲ လယ်လယ် ၊
မလွတ်သေး ၊ ၀ဋ်ကြွေးခက်လှတယ် ။

ကြင်နာထောက်ထား ၊ သနားမြော်ခေါ် ၊
ကုသိုလ်ပွားမှု ၊ အားပြုကြနော် ၊
နှိပ်စက်ညှဉ်းပန်း ၊ သရမ်းပြက်ချော် ၊
ရှောင်ကြဉ်ရေး ၊ ၀ဋ်ကြွေးစင်ဖို့မြော် ။

မှတ်ချက်။
လယ်တီ ပဏ္ဍိတ ဦးမောင်ကြီး-ပြုစုသော သာဓုသုန္ဒရီ ယပ်လှဲတရားစာမှ

No comments: