Sunday, December 14, 2008

အပြင်အောင်ခြင်း ရှစ်ပါး

မြတ်စွာဘုရား၏ အောင်မြင်မှုမှာ အသင်္ချေအနန္တဖြစ်သော်လည်း ဗုဒ္ဓစာပေကျမ်းဂန်ထဲမှ လူသိများ၍ ထင်ရှားသော ဤ ၈-မျိုးကိုသာ ထုတ်နှုတ်ပြီး ဂါထာစီထားသောကြောင့် အောင်ခြင်း ရှစ်ပါးဟု တွင်ကျယ်နေခြင်းဖြစ်သည်။ မြတ်စွာဘုရား၏ ခန္ဓာကိုယ်မှ အပဖြစ်သော အပြင်ရန်အောင်မြင်မှုကို စွဲ၍ အပြင်အောင်ခြင်းဟု ခေါ်ဆိုသည်။
ကျမ်းဂန်များတွင် အဋ္ဌ ဇယမင်္ဂလာ-ဟု သုံးနှုန်းသည်၊ မြတ်စွာဘုရား၏ အောင်မြင်ပုံ ၈-မျိုးကို ပြဆိုပြီး အကျွန်ုပ်အား အလားတူ အောင်မြင်မှုမင်္ဂလာ ရရှိပါစေ-ဟု အာသီသပြု၍ ဖွဲ့ဆိုထားသောကြောင့် ဗုဒ္ဓဘာသာဝင်တိုင်းက အလွန်နှစ်သက်ကြသည်။

( သီဟိုဠ်မှာလည်း အသုံးများ )
အပြင်အောင်ခြင်း ဂါထာများကို မြန်မာနိုင်ငံနည်းတူ သီဟိုဠ်နိုင်ငံတွင်လည်း ဘာသာရေးအခမ်းအနားများ၌ အမြတ်တနိုး ရွတ်ဆို ဖတ်ကြားလေ့ရှိကြသည်၊ မြန်မာနိုင်ငံ ရဟန်း, ရှင်, လူ တို့က ဆယ်စောင်တွဲ၌ ပါသည့်အတိုင်း ဂါထာအဆုံးတွင် ဇယမင်္ဂလဂ္ဂံ-ဟု ဧက၀ုစ်ဖြင့် အဆုံးသတ်သည်၊ သီဟိုဠ်နိုင်ငံကမူ ဇယမင်္ဂလာနိ ဟုဗဟုဝုစ်ဖြင့် အဆုံးသတ်လေ့ရှိသည်၊ ဂါထာအားလုံး ၁၄-လုံးဖွဲ့ချည်း စီထားသည်၊ ဂါထာအားလုံး တပုံစံတည်း တံ တေဇသာ ဘ၀တု မေ ဇယမင်္ဂလဂ္ဂံ-ဟူသော ဆုတောင်းအဓိဋ္ဌာန်စာဖြင့် အဆုံးသတ်ထားသည်။

( ကျမ်းဂန်နှင့်အညီ ရေးဖွဲ့ထား )
အပြင်အောင်ခြင်း ဂါထာများနှင့်ပတ်သက်၍ ရေးသူ၏အမည်, ရေးသည့်နေရာ, ရေးသည့်ခေတ်, စာပြီးနှစ်စသည်တို့ကို အတိအကျ မသိရ၊ ပိဋကစာပေ နှံ့စပ်ကျွမ်းကျင်ပြီး အလွန်သဒ္ဓါတရားကောင်းသော ပညာရှင်တဦးက ဖွဲ့ဆိုထားခြင်းဖြစ်သည်-ဟုသာ မှတ်ချက်ချ၍ ကြည်ညိုရပါသည်။ ဤမှတ်တမ်းရေးသူ (မာဂဓီ) နှီးနှောတိုက်ဆိုင်မိသမျှ လက်လှမ်းမှီရာ ကျမ်းဂန် အထောက်အထားများကို ကျမ်းညွှန်းအဖြစ် ဖော်ပြပေးလိုက်ပါသည်။

၁။ မာရ်နတ်အောင်-ဗာဟုံ သဟဿ-ဂါထာမှာ ဇာတကအဋ္ဌကထာ, ဗုဒ္ဓ၀ံသအဋ္ဌကထာ, အပဒါနအဋ္ဌကထာ တို့နှင့်အညီ ရေးဖွဲ့ထားသည်။
၂။ အာဠ၀ကအောင်-မာရာတိရေက-ဂါထာမှာ သဂါထာဝဂ္ဂသံယုတ်နှင့် သုတ္တနိပါတ အာဠာဝကသုတ်နှင့် အညီ ရေးဖွဲ့ထားသည်။
၃။ နာဠာဂီရိအောင်-နာဠာဂိရိံ ဂဇ၀ရံ-ဂါထာမှာ စူဠ၀ါပါဠိနှင့် စူဠဟံသဇာတ် အဋ္ဌကထာနှင့်အညီ ရေးဖွဲ့ထားပါသည်။
၎။ အင်္ဂုလိမာလအောင်-ဥက္ခိတ္တခဂ္ဂ-ဂါထာမှာ ထေရဂါထာ ၀ိနည်းမဟာဝါ၊ မဇ္ဈမိပဏ္ဏာသ အင်္ဂုလိမာလသုတ်နှင့် အညီ ရေးဖွဲ့ထားသည်။
၅။ စိဉ္စမာဏအောင်-ကတွာန ကဋ္ဌမုဒရံ-ဂါထာမှာ ဓမ္မပဒအဋ္ဌကထာ စိဉ္စမာဏ၀တ္ထု, အပဒါနအဋ္ဌကထာ ပထမတွဲ၊ မဟာပဒုမဇာတ် တို့နှင့်အညီ ရေးဖွဲ့ထားပါသည်။
၆။ သစ္စကပရိဗိုဇ်အောင်-သစ္စံ ၀ိဟာယ-ဂါထာမှာ စူဠကာလိင်္ဂဇာတ်, မဇ္ဈိမပဏ္ဏာသ စူဠသစ္စကသုတ်, အဖွင့်နှင့် အညီ ရေးဖွဲ့ထားသည်။
၇။ နန္ဒောပနန္ဒအောင်-နန္ဒောပနန္ဒဘုဇဂံ-ဂါထာမှာ ထေရဂါထာနှင့် ၀ိသုဒ္ဓိမဂ်အဋ္ဌကထာ နန္ဒောပနန္ဒနာဂဒမန ကထာနှင့်အညီ ရေးဖွဲ့ထားသည်။
၈။ ဗကဗြဟ္မာအောင်-ဒုဂ္ဂါဟဒိဋ္ဌိဘာဇဂေန-ဂါထာမှာ ဗြဟ္မသံယုတ် ဗကဗြဟ္မာသုတ်, မူလပဏ္ဏာသ ဗြဟ္မနိမန္တနိက သုတ်တို့နှင့်အညီ ရေးဖွဲ့ထားသည်။
( သုတေသီတို့ တိုက်ဆိုင်ကြည့်ကြပါကုန်။)

( အောင်ခြင်းနိဿယများ )
အပြင်အောင်ခြင်းရှစ်ပါး ဂါထာများကို ခေတ်အဆက်ဆက် ပည်ာရှင်တို့က နိဿယများ ရေးသားခဲ့ကြသည်၊ ဆယ်စောင်တွဲ၌ ပါရှိသော နိဿယမှာ အနက်ဆန်တိုတိုနှင့် ရိုးရိုးပင် ပြန်ဆိုထားသည်၊ ရဟန်း, ရှင်, လူတိုင်း သင်ကြားခဲ့ရသော အနက်ဖြစ်သည်။
ဇိနတ္ထပကာသနီကျမ်းပြု ရွှေတောင်မြို့ ကျီးသဲလေးထပ်ဆရာတော် အနက်မြန်မာပြန်ဆိုထားသော အပြင်အောင်ခြင်း ရှစ်ပါး နိဿယကို သဇ္ဇန၀ိလာသိနီကျမ်းတွင် လေ့လာတွေ့ရှိနိုင်သည်။ အနက်ဆန်ကို လင်္ကာသွားဖြင့် အကျယ်တ၀င့် ရေးထားသည်၊ သာယာဝတီ ဦးညေယျ-စသော အခြားပညာရှင်တို့၏ နိဿယများလည်း ရှိသေးသည်။

( စကားပြေ ၀တ္ထုများ )
အောင်ခြင်းရှစ်ပါးအကြောင်းကို ခေတ်အဆက်ဆက် ပညာရှင်တို့က မြန်မာစကားပြေဖြင့် အသီးသီးရေးသားခဲ့ ကြသည်၊ အရေအတွက်များလွန်း၍ အတိအကျဖော်ပြရန် မလွယ်ပါ၊ စကားပြေကျမ်းများအနက်-
၁။ ကျီးသဲလေးထပ်ဆရာတော်၏ ဇိနတ္ထပကာသနီကျမ်းကြီးနှင့်
၂။ ဆရာတော် ဦးဝိစိတ္တသာရာဘိဝံသ၏ မဟာဗုဒ္ဓ၀်ကျမ်းကြီးမှာ သုတေသီတို့ အားထားလောက်သော အောင်ခြင်းရှစ်ပါး စွယ်စုံကျမ်းကြီး ၂-ဆူဖြစ်သည်။

( အောင်ခြင်းကဗျာများ )
အောင်ခြင်းရှစ်ပါးအကြောင်းကို ခေတ်အဆက်ဆက် ပညာရှင်တို့က ကဗျာလင်္ကာအမျိုးမျိုး ရေးဖွဲ့ထားကြသည်။
၁။ ဘိုးတော်မင်းတရား လက်ထက် အမည်မသိ ဆရာတဦး၏ အောင်ခြင်းရှစ်ပါး ရကန်။
၂။ ဆီးဘန်နီဆရာတော်၏ အဋ္ဌဇယ မော်ကွန်း။
၃။ မင်းကွန်း အာဒိဝဋံသကာထေရ်၏ ရှစ်လုံးဖွဲ့ ကဗျာ။
၎။ ပါရမီတော်ခန်းပျို့ ဋီကာကျမ်းပြု အရှင်ကောသလ္လ (ဓမ္မာစရိယ ဘီအေ-ဂုဏ်ထူး) ၏ အောင်ခြင်း သံဆန်းကဗျာတို့မှာ လူသိများ၍ ထင်ရှားသည်၊ ဆီးဘန်နီဆရာတော် ရေးသားပြုစုသော က၀ိမဏ္ဍနမေဒနီ ကျမ်းကြီးတွင် ပါသော အဋ္ဌဇယမော်ကွန်းမှာ အကျယ်ဝန်းဆုံးသော အောင်ခြင်းရှစ်ပါး ရသမြောက် ကဗျာဝတ္ထုကြီး ဖြစ်သည်။ ရှာဖွေလေ့လာကြည့်ကြပါ။

( အောင်ခြင်းရှစ်ပါး တေးဂီတ )
အောင်ခြင်းရှစ်ပါးအကြောင်းကို လယ်တီကောဝိဒ-က စာသားပြုစု၍ သဟာယဆရာတင်-က သီချင်းရေးစပ်ပြီး ၁၉၄၁-ခုနှစ်တွင် အေ၀မ်းဓာတ်ပြား ကုမ္ပဏီမှ အဆိုကျော် မေရှင်ဖြင့် အသံသွင်းထုတ်ဝေခဲ့ရာ ရောင်မလောက်အောင် တွင်ကျယ်ခဲ့သည်၊ မေရှင်၏သီချင်းမှာ ယနေ့တိုင် လူတိုင်းနှစ်သက်၍ ကျော်ကြားဆဲ ရှိနေသည်၊ သီချင်းသံကြားရုံဖြင့် ဗုဒ္ဓဘုရားအပေါ် ကြည်ညိုသဒ္ဓါစိတ်များ တဖွားဖွား တိုးပွား၍ အကျိုးများလှသည်။
စာရေးဆရာကြီး ဦးဉာဏ-ကလည်း ၁၉၄၀-ခုနှစ်တွင် အောင်ခြင်းရှစ်ပါးသီချင်းကို ရေးစပ်၍ ဗြိတိသျှ ဓာတ်ပြားကုမ္ပဏီမှ အဆိုကျော် ရုပ်ရှင်မင်းသား ခင်မောင်ရင်ဖြင့် အသံသွင်း ထုတ်ဝေခဲ့သည်။ သို့သော် မေရှင်၏ အောင်ခြင်းရှစ်ပါးလောက် လူသိမများလှ၊ တခါတရံ မြန်မာ့အသံမှ ထုတ်လွင့်ပေးတတ်သည်။

( ရှေ့နောက်အစဉ် )
ဆယ်စောင်တွဲပါ ဂါထာများကို ကြည့်၍ ရေးစီထားသော အောင်ခြင်းရှစ်ပါးသီချင်းမှာ မြတ်စွာဘုရား ၀ါဆိုစဉ်နှင့် တိုက်ဆိုင်ကြည့်သည့်အခါ ရှေ့နောက် အစဉ်ထားပုံ လွဲနေသည်၊ ၀ါဆိုစဉ်အရ အောက်ပါအတိုင်း ဖြစ်သင့်သည်။
၁။ ဘုရားဖြစ်သောနေ့တွင် မာရ်နတ်ကို အောင်တော်မူသည်။
၂။ ပဉ္စမ၀ါတွင် အာဠ၀ီပြည်၌ သစ္စကပရိဗိုဇ်ကို အောင်တော်မူသည်။
၃။ ဧကာဒသမ၀ါတွင် နန္ဒောပနန္ဒနဂါးမင်းနှင့် ဗကဗြဟ္မာကို အောင်တော်မူသည်။
၎။ စုဒ္ဒသမ၀ါတွင် အင်္ဂုလိမာလနှင့် စိဉ္စမာဏကို အောင်တော်မူသည်။
၅။ သောဠသမ၀ါတွင် အာဠာဝကဘီလူးကို အောင်တော်မူသည်။
၆။ ၀ီသတိမြောက်ဝါတွင်နာဠာဂီရိဆင်ကြီးကို အောင်တော်မူသည်။

( အင်းဝခေတ်နျင့် အောင်ခြင်းရှစ်ပါး )
ပုဂံခေတ်တွင် အောင်ခြင်းဂါထာများကို သင်ကြားပို့ချမှု ရှိနေပြီဖြစ်ကြောင်း အခိုင်အမာ မပြောနိုင်သော်လည်း အင်းဝခေတ်တွင်မူ အထင်အရှား ရှိနေပြီဖြစ်ကြောင်း အခိုင်အမာ ပြောနိုင်ပါသည်။ ဓုတင်အကြောင်းကို ဖွဲ့ဆိုထားသော ရှင်မဟာသီလ၀ံသ၏ ရတုပိုဒ်စုံ ၃-ပုဒ်အနက်-
( မယှဉ်သဘင်၊ စိတ်ကိုသင်၍၊ တောဝင်ပီပီ၊ ညရီနံနက်၊ ခတ်တံမြက်ဖြင့်၊ ကိုယ်လက်ကျန်းအောင်၊ သုံးရေဆောင်၍၊ ညောင်ဗောဓိပင်၊ စေတီပြင်မှာ၊ သုတ်သင်ဝတ်တက်၊ ရှိခိုးလျက်ပင်၊ ကျောင်းထက်ရောက်ခါ၊ မဟာသမယ၊ အဋ္ဌဇေယျာ၊ မင်္ဂလာနှင့်၊ ရတနာရွှေချိုင့်၊ တံတိုင်ပမာ၊ စောင်ရန်းကာမှ )-ဟူသော
စာပိုဒ်ကို ထောက်သောအားဖြင့် အင်းဝခေတ်တွင် အောင်ခြင်းရှစ်ပါး ဂါထာများကို သင်ကြားပို့ချမှု, ရွတ်အံသရဇ္ဈာယ်မှု တွင်ကျယ်စွာပြုနေပြီဖြစ်ကြောင်း အတိအလင်း ပြောနိုင်ပါပြီ။

လူငယ်လူရွယ်များ အလွယ်တကူသဘောပေါက် နားလည်စေရန် မူရင်းပါဠိဂါထာ၏အောက်တွင် ပါဠိမဖက် မြန်မာသက်သက် ပြန်ဆိုဖော်ပြလိုက်ပေသည်။

( အပြင်အောင်ခြင်းရှစ်ပါး ပါဠိ နှင့် မြန်မာပြန် )
၁။ မာရ်နတ်သားကို အောင်မြင်ခြင်း
ဗာဟုံသဟဿမဘိနိမ္မိတ သာဓုဝန္တံ ၊
ဂိရိမေခလံ ဥဒိတဃောရံ သသေနမာရံ ။
ဒါနာဒိဓမ္မ၀ိဓိနာ ဇိတ၀ါမုနိန္ဒော ၊
တံ တေဇသာ ဘ၀တု မေ ဇယမင်္ဂလဂ္ဂံ ။

လက်ရုံးတထောင် လက်နက်တထောင် ဖန်ဆင်းကာ ဂိရိမေခလာဆင်ကို စီး၍လာသော ကြမ်းတမ်းသော စစ်သည်ဗိုလ်ပါနှင့်တကွ မာရ်နတ်သားကို မြတ်စွာဘုရားသည် ဒါနပါရမီစသော တရားတော်အစီအရင်ဖြင့် အောင်တော်မူလေပြီ၊ မာရ်နတ်သားကို အောင်တော်မူသော ထိုမြတ်စွာဘုရား၏ တန်ခိုးတော်ကြောင့် အကျွန်ုပ်အား အောင်ခြင်းမင်္ဂလာ ဖြစ်ပါစေ။

၂။ အာဠာဝက ဘီလူးကို အောင်မြင်ခြင်း
မာရာတိရေက မဘိယုဇ္ဈိတ သဗ္ဗရတ္တိံ ၊
ဃောရံ ပနာဠ၀က မက္ခမထဒ္ဓယက္ခံ ။
ခန္တီ သုဒန္တ ၀ိဓိနာ ဇိတ၀ါ မုနိန္ဒော ၊
တံ တေဇသာ ဘ၀တု မေ ဇယမင်္ဂလဂ္ဂံ ။

မာရ်နတ်သားထက် လွန်ကဲစွာ ညဥ့်လုံးပေါက် စစ်ထိုးနိုင်၍ ကြောက်ဖွယ်ကောင်းပြီး သူတပါးတို့ သည်းမခံနိုင်အောင် ကြမ်းတမ်းခက်မာသော အာဠာဝကဘီလူးကြီးကို မြတ်စွာဘုရားသည် သည်းခံတော်မူခြင်း, ကောင်းစွာယဉ်ကျေးစေတော်မူခြင်း အစီအရင်ဖြင့် အောင်တော်မူလေပြီ၊ အာဠာဝကဘီလူးကို အောင်တော်မူသော ထိုမြတ်စွာဘုရား၏ တန်ခိုးတော်ကြောင့် အကျွန်ုပ်အား အောင်ခြင်းမင်္ဂလာ ဖြစ်ပါစေ။

၃။ နာဠာဂိရိဆင်ကို အောင်မြင်ခြင်း
နာဠာဂိရိံ ဂဇ၀ရံ အတိမဒ္ဒဘူတံ ၊
ဒါဝဂ္ဂိစက္ကမသနီဝ သုဒါရုဏန္တံ ။
မေတ္တမ္ဗုသေက၀ိဓိနာ ဇိတ၀ါ မုနိန္ဒော ၊
တံ တေဇသာ ဘ၀တု မေ ဇယမင်္ဂလဂ္ဂံ ။

တောမီး မိုးကြိုးစက်ကဲ့သို့ ကြမ်းကြုတ်၍ အလွန်မုန်ယစ်နေသော အဇာတသတ်မင်း၏ စီးတော်ဆင် နာဠာဂိရိကို မြတ်စွာဘုရားသည် မေတ္တာတော်ရေ သွန်းခြင်း အစီအရင်ဖြင့် အောင်တော်မူလေပြီ၊ နာဠာဂိရိဆင်ကို အောင်တော်မူသော ထိုမြတ်စွာဘုရား၏ တန်ခိုးတော်ကြောင့် အကျွန်ုအား အောင်ခြင်းမင်္ဂလာ ဖြစ်ပါစေ။

၎။ အင်္ဂုလိမာလကို အောင်မြင်ခြင်း
ဥက္ခိတ္တခဂ္ဂမဘိဟတ္ထ သုဒါရုဏန္တံ ၊
ဓာဝံ တိယောဇနပထင်္ဂုလိမာလ၀န္တံ ။
ဣဒ္ဓိဘိသင်္ခတမနော ဇိတ၀ါ မုနိန္ဒော ၊
တံ တေဇသာ ဘ၀တု မေ ဇယမင်္ဂလဂ္ဂံ ။

သန်လျက်ကို လက်၌ မြှောက်မိုး၍ အလွန်ကြမ်းကြုတ်ရက်စက်သူ သုံးယူဇနာခရီးကို မမောမပန်း တဟုန်တည်း ပြေးစွမ်းနိုင်သူ လက်ညှိုးပန်းကုံးဆွဲထားသူ အင်္ဂုလိမာလ လူဆိုးကြီးကို မြတ်စွာဘုရားသည် ဖန်ဆင်းထားသော စိတ်တန်ခိုးဖြင့် အောင်တော်မူလေပြီ၊ အင်္ဂုလိမာလ လူဆိုးကြီးကို အောင်တော်မူသော ထိုမြတ်စွာဘုရား၏ တန်ခိုးတော်ကြောင့် အကျွန်ုပ်အား အောင်ခြင်းမင်္ဂလာ ဖြစ်ပါစေ။

၅။ စိဉ္စမာဏကို အောင်မြင်ခြင်း
ကတွာန ကဋ္ဌမုဒရံ ဣ၀ ဂဗ္ဘိနိယံ ၊
စိဉ္စာယ ဒုဋ္ဌ၀စနံ ဇနကာယမဇ္ဈေ ။
သန္တေန သောမ၀ိဓိနာ ဇိတ၀ါ မုနိန္ဒော ၊
တံ တေဇသာ ဘ၀တု မေ ဇယမင်္ဂလဂ္ဂံ ။

တရားနာကြသော လူရှင်ရဟန်း ပရိသတ်တို့၏ အလယ်၌ သစ်သားကို ကိုယ်ဝန်ဆောင် မိန်းမ၏ ၀မ်းဗိုက်ကဲ့သို့ အတုပြု၍ လုပ်ဆောင်လာသူ စိဉ္စမာဏ၀ိကာ အမည်ရှိသော မိန်းမယုတ်၏ မဟုတ်မတရား စွပ်စွဲဖျက်ဆီးသော စကားကို မြတ်စွာဘုရားသည် ငြိမ်သက်ဖြူစင် ချမ်းအေးသော အစီအရင်ဖြင့် အောင်တော်မူလေပြီ၊ စိဉ္စမာဏ မိန်းမယုတ်ကို အောင်တော်မူသော ထိုမြတ်စွာဘုရား၏ တန်ခိုးတော်ကြောင့် အကျွန်ုပ်အား အောင်ခြင်းမင်္ဂလာ ဖြစ်ပါစေ။

၆။ သစ္စကပရိဗိုဇ်ကို အောင်မြင်ခြင်း
သစ္စံ ၀ိဟာယ အတိသစ္စက၀ါဒကေတုံ ၊
ဝါဒါဘိရောပိတမနံ အတိအန္ဓဘူတံ ။
ပညာပဒီပ ဇလိတော ဇိတ၀ါ မုနိန္ဒော ၊
တံ တေဇသာ ဘ၀တု မေ ဇယမင်္ဂလဂ္ဂံ ။

မှန်သောစကားကို ပယ်၍ မမှန်ကို အမှန်လုပ်ကာ ၀ါဒမှားကို တံခွန်အလား လွင့်ထူသွားသူ, မိမိ၏၀ါဒဖြင့် သူတပါးအို့အား နှိမ်နင်းလိုသော စိတ်ထားရှိသူ, အလွန်မိုက်မဲသည့် ကူဋဒန္တခေါ်သော သစ္စကပရိဗိုဇ်ကို မြတ်စွာဘုရားသည် ပညာတန်ဆောင် ဆီမီးရောင်ကို ညှိထွန်းတော်မူခြင်းဖြင့် အောင်တော်မူလေပြီ။ သစ္စကပရိဗိုဇ်ကို အောင်တော်မူသော ထိုမြတ်စွာဘုရား၏ တန်ခိုးတော်ကြောင့် အကျွန်ုပ်အား အောင်ခြင်းမင်္ဂလာ ဖြစ်ပါစေ။

၇။ နန္ဒောပနန္ဒ နဂါးကို အောင်မြင်ခြင်း
နန္ဒေပနန္ဒဘုဇဂံ ၀ိဝိဓံ မဟိဒ္ဓိံ ၊
ပုတ္တေန ထေရဘုဇဂေန ဓုနာပယန္တော ။
ဣဒ္ဓူပဒေသ ၀ိဓိနာ ဇိတ၀ါ မုနိန္ဒော ၊
တံ တေဇသာ ဘ၀တု မေ ဇယမင်္ဂလဂ္ဂံ ။

အထူးထူးအပြားပြား တန်ခိုးကြီးမားသော နန္ဒောပနန္ဒ နဂါးမင်းကို မြတ်စွာဘုရားသည် တပည့်သားဖြစ်သူ ရှင်မောဂ္ဂလာန်ကို နှစ်ဆကြီးသော နဂါးအသွင်ဖြင့် အခိုးအလျှံကို လွှတ်စေလျက် တန်ခိုးဖန်ဆင်းခြင်း၌ နည်းညွှန် ဥပဒေပေးသော အစီအရင်ဖြင့် အောင်တော်မူလေပြီ။ နန္ဒောပနန္ဒနဂါးမင်းကို အောင်တော်မူသော ထိုမြတ်စွာဘုရား၏ တန်ခိုးတော်ကြောင့် အကျွန်ုပ်အား အောင်ခြင်းမင်္ဂလာ ဖြစ်ပါစေ။

၈။ ဗကဗြဟ္မာကို အောင်မြင်ခြင်း
ဒုဂ္ဂါဟဒိဋ္ဌိဘုဇဂေန သုဒဋ္ဌဟတ္ထံ ၊
ဗြဟ္မံ သုတံ ဇုတိမဟိဒ္ဓိံ ဗကာဘိဓာနံ ၊
တံ တေဇသာ ဘ၀တု မေ ဇယမင်္ဂလဂ္ဂံ ။

မကောင်းသောအယူ မိစ္ဆာဒိဋ္ဌိမြွေဆိုး လက်၌ကိုက်ခဲခြင်းခံရသူ ကျော်စော၍ ထွန်းလင်းတောက်ပသော ကြီးမားသော တန်ခိုးရှင် ဗကဗြဟ္မာကြီးကို မြတ်စွာဘုရားသည် ဉာဏ်တော်တည်းဟူသော အဆိပ်ဖြေဆေး အစီအရင်ဖြင့် အောင်တော်မူလေပြီ။ ဗကဗြဟ္မာကြီးကို အောင်တော်မူသော ထိုမြတ်စွာဘုရား၏ တန်ခိုးတော်ကြောင့် အကျွန်ုပ်အား အောင်ခြင်းမင်္ဂလာ ဖြစ်ပါစေ။
( အောင်ခြင်းရှစ်ပါး ပါဠိနှင့် မြန်မာပြန် ပြီး၏ )


( မင်းကွန်း အာဒိဝဋံသကာထေရ် သီကုံးရေးဖွဲ့သော အပြင်အောင်ခြင်း ရှစ်ဖြာ-ရှစ်လုံးဖွဲ့ ဓမ္မကဗျာ )
၁။ ဗောဓိညောင်နန်း အောင်ဝန်းရိပ်သာ ၊
တထောင်လက်ရုံး စက်ဘုန်းလျှံဖြာ ။
မာရ်နတ်မင်းနှင့် သင်းပင်းဗိုဇ်ပါ ၊
တို့ဘုရား တရားတော်ဖြင်သာ ။
အခေါင်နင်း အောင်ခြင်းလက်ဦးစွာ ၊
ငါတို့လဲ ထိုနဲ-အောင်စေပါ ။

၂။ အာဠာဝက ယက္ခယုတ်မာ ၊
ညဥ့်သုံးယာမ်လုံး အုံးအုံးကြွက်ညာ ။
လက်နက်မိုးဖြင့် ထစ်ကြိုးတိုက်လာ ၊
ခန္တီထုံး ကျင့်သုံး-တို့မြတ်စွာ ။
အခေါင်နင်း အောင်ခြင်း-ဒုတိယာ ၊
ငါတို့လဲ ထိုနဲ-အောင်စေပါ ။

၃။ နာဠာဂိရိ မည်ရှိထင်စွာ ၊
တောမီးမိုးကြိုး စက်မျိုးပမာ ။
ကြမ်းတမ်းရုန့်ရင်း မုန်ဆင်းသတ္တ၀ါ ၊
မေတ္တာမိုး စွေဖြိုး-တို့မြတ်စွာ ။
အခေါင်နင်း အောင်ခြင်း-တတိယာ ၊
ငါတို့လဲ ထိုနဲ-အောင်စေပါ ။

၎။ လက်ညှိုးစုံပန်း ဆင်မြန်းလျက်သာ ၊
အဟိံသက စောရ-လူစွာ ။
သတ်မည်ကောဟု လျင်ဆောလိုက်လာ ၊
တန်ခိုးစွမါး ဖန်ဆန်း-တို့မြတ်စွာ ။
အခေါင်နင်း အောင်ခြင်းစတုတ္ထာ ၊
ငါတို့လဲ ထိုနဲ-အောင်စေပါ ။

၅။ ကိုယ်ဝန်စွဲပိုက် ၀မ်းတိုက်တူစွာ ၊
သစ်သားကိုလုပ် မိယုတ်စိဉ္စာ ။
ပရိသတ်ထဲ စွပ်စွဲလေရာ ၊
သာယာညင်း မိန့်လျှင်း တိူ့မြတ်စွာ ။
အခေါင်နင်း အောင်ခြင်းပဉ္စမာ ၊
ငါတို့လဲ ထိုနဲ-အောင်စေပါ ။

၆။ အမှန်ပယ်ရှား အမှားကိုသာ ၊
ဝါဒမှန်ကင်း ထောင်လျှင်းစိူက်ကာ ။
လူ,ပရိဗိုဇ် အမိုက်သစ္စကာ ၊
ပညာမီး ညှိသီး တို့မြတ်စွာ ။
အခေါင်နင်း အောင်ခြင်းဆဋ္ဌမာ ၊
ငါတို့လဲ ထိုနဲ-အောင်စေပါ ။

၇။ မဟာနန္ဒော မာန်ပြောထူစွာ ၊
နဂါးရန်ကြီး ဖျက်ဆီးစိမ့်ငှါ ။
ဝဲရံထေရ်အား မခြားချိန်ခါ ၊
လူ,ထိပ်မိုး တန်ခိုးညွှတ်ပြကာ ။
အခေါင်နင်း အောင်ခြင်းသတ္တမာ ၊
ငါတို့လဲ ထိုနဲ-အောင်စေပါ ။

၈။ အယူဖောက်လွဲ မြွေခဲလက်မှာ ၊
တန်ခိုးရှိန်အား ကြီးမားထင်စွာ ။
ဗြဟ္မာဗက ဗာလယုတ်မာ ၊
ဉာဏ်တော်ဆေး တိုက်ကျွေး-တို့မြတ်စွာ ။
အခေါင်နင်း အောင်ခြင်းအဋ္ဌမာ ၊
ငါတို့လဲ ထိုနဲ-အောင်စေပါ ။

မှတ်ချက်။
အာဒိဝဋံသကာထေရ်ဆိုသည်မှာ နောင်အခါ ပထမဆုံး တိပိဋကဓရဘွဲ့ကို ရရှိတော်မူသော မင်းကွန်းဆရာတော် ဘဒ္ဒန္တ၀ိစိတ္တသာရ မထေရ်မြတ်ပင် ဖြစ်ပါသည်။


ပါရမီခန်းပျို့ဋီကာ ကျမ်းပြုဆရာတော် အရှင်ကောသလ္လ ( ဓမ္မာစရိယ၊ ဘီအေ ) ရေးသားဖွဲ့ဆိုသော
အောင်ခြင်းရှစ်ပါး ကဗျာများ

၁။ မာရ်နတ်အောင်ပွဲ
လက်ရုံးတထောင် အသွင်ဆန်းနဲ့ ၊ ဆင်ကြမ်းကိုတဲ့ စီးလို့လာ ။
မာရ်နတ်ဘုရင် ပလ္လင်လုဖို့ ၊ သေနင်ထုနဲ့ တိုက်ခိုက်တာ ။
ပါရမီတွေ သက်သေပြုလို့ ၊ ၀သုန်မြေထု ညွန်ပြရာ ။
မာရ်စစ်တွေဟာ ကျေကာပျက်လို့ ၊ ဟိုထွက်သည်ထွက် ပြေးရရှာ ။
နဘံလွှမ်းမိုး ဖြန်းဖြန်းကျိုး ၊ ပန်းမိုးချလို့ရွာ ။
အဲဒါက ဘဂ၀ါ-အရဟ ပထမအောင်စဉ်ပါ ။

၂။ အာဠာဝက အောင်ပွဲ
ဒေါသပြင်းစွာ တင်းမာလှ ၊ မင်းမာရထက် ကြမ်းတမ်းစွာ ။
လက်နက်ကိုးဖြာ မိုးရွာလစ် ၊ ဘွဲ့ပြူပစ်လို့ စစ်ထိုးတာ ။
ဗုဒ္ဓမြတ်စွာ မေတ္တာပွားလို့ ၊ သစ္စာတရားနဲ့ ချေပရာ ။
လက်နက်တွေဟာ ခြေတော်အနီး ၊ ပန်းစည်းပန်းဆုပ် ခြေသုတ်ပမာ ။
အာဠ၀က မာန်စွယ်ကျ ၊ ဦးချဝပ်တွားလာ ။
အဲဒါက ဘဂ၀ါ-သုဂတ ဒုတိယအောင်စဉ်ပါ ။

၃။ နာဠာဂိရိဆင် အောင်ပွဲ
နာဠာဂိရိ ဆင်ပြောင်မိုက်ကို ၊ သေရည်တိုက်လို့ ခိုင်းတဲ့ခါ ။
လောင်မီးစံပုံ မာန်ဟုန်ပြင်းလို့ ၊ နင်းဖို့ သတ်ဖို့ အတင်းလာ ။
ဓာတ်ဗြဟ္မစိုရ် လှစ်ကာနိုး ၊ မေတ္တာမိုးနဲ့ သွန်းလိုက်တာ ။
နှာမောင်းလေးကို ကွေးကာကုပ်လို့ ၊ ဒူးတုပ်ဝပ်တွား ညွှတ်သွားရှာ ။
တိုက်ဆင်ပြောင်ကြီး လိမ္မာပြီး ၊ ငြမ်ကြီးငြိမ်သက်လာ ။
အဲဒါက ဘဂ၀ါ-ဇိန တတိယအောင်စဉ်ပါ ။

၎။ အင်္ဂုလိမာလ အောင်ပွဲ
သန်လျက်ကို ယမ်းကာဝှေ့လို့ ၊ လမ်းလာသရွေ့ သတ်ဖြတ်ကာ ။
လက်ချောင်းတွေကို သီကာတွဲလို့ ၊ လည်မှာဆွဲတဲ့ လူကြမ်းဟာ ။
ဘုရားရှင်ကို လမ်းဝယ်တွေ့တော့ ၊ ဖမ်းမယ်ဟေ့လို့ ပြေးလိုက်ရာ ။
တန်ခိုးတော်ဘိညာဉ် ထင်စွာပြုမှ ၊ အင်္ဂုလိမာလ ညွတ်တွားလာ ။
တရားရေအေး အမြိုက်ဆေး ၊ တိုက်ကျွေးကျွတ်စေတာ ။
အဲဒါက ဘဂ၀ါ-နုတ္တရ စတုတ္ထအောင်စဉ်ပါ ။

၅။ စိဉ္စမာဏ အောင်ပွဲ
ပျဉ်ချပ်တွေကို ခံခွေပြုလို့ ၊ သန္ဓေအတုနဲ့ စိဉ္စမာ ။
အရှက်ကွဲရုံ ဂုဏ်တော်ဖြုတ်ဖို့ ၊ သမုတ်စွပ်စွဲ လူထဲမှာ ။
ငြိမ်းအေးမေတ္တာ ဓာတ်တရားကြောင့် ၊ နတ်သိကြားတို့ မနေသာ ။
ပျဉ်ကြိုးဖြေကာ ခြေကိုဖြတ်လို့ ၊ မျြေိုဟပ်တော့ ငရဲမှာ ။
ဂုဏ်တော်တန်ခိုး ဆတမ်းပိုး ၊ တိုးလို့တက်လို့လာ ။
အဲဒါက ဘဂ၀ါ-ယှဉ်မရ ပဉ္စမအောင်စဉ်ပါ ။

၆။ သစ္စကပရိဗိုဇ် အောင်ပွဲ
ဝါဒချင်းပြိုင် နိုင်မလားလို့ ၊ ဘုရားကိုတဲ့ အတ်တုလာ ။
အယူတထောင် ဆောင်ကိုမိုက်တဲ့ ၊ ပရိဗိုဇ်ကွဲ့ သစ္စကာ ။
မိမိကိုယ်ဟာ အတ္တလားလို့ ၊ မြတ်စွာဘုရား မေးတဲ့ခါ ။
မသိတွေမှိုင် ဖြေနိုင်ဘဲမို့ ၊ ခွေယိုင်လဲလို့ ရှုံးရတာ ။
တိတ္တိအမျိုး မာန်စွယ်ကျိုး ၊ ငုံ့လျှိုးနေရရှာ ။
အဲဒါက ဘဂ၀ါ-မြတ်လှ ဆဋ္ဌမအောင်စဉ်ပါ ။

၇။ နန္ဒေပနန္ဒ နဂါးမင်း အောင်ပွဲ
နန္ဒောပနန် မျက်မာန်ကြွ ၊ ခက်ထန်လှတဲ့ နဂါးဟာ ။
မြင်းမိုရ်တောင်ကို ခွေပတ်ပြီးတော့ ၊ ကတ်သီးကတ်သတ် ရန်ပြုတာ ။
ဘုရားသခင် မယှဉ်လောက်တော့ ၊ ရှင်မောဂ္ဂလာန်နဲ့ ပြိုင်စေရာ ။
လက်ဝဲတော်ရံ ဈာန်တန်ခိုးနဲ့ ၊ မာန်ဟုန်ချိုးလို့ ဆုံးမတာ ။
နတ်နဂါးမင်း ခြေတော်ရင်း ၊ ၀ပ်စင်းခယလာ ။
အဲဒါက ဘဂ၀ါ-မြတ်လှ သတ္တမအောင်စဉ်ပါ ။

၈။ ဗကဗြဟ္မာ အောင်ပွဲ
ဗကဆိုသူ လူတမျိုးနဲ့ ၊ အယူဆိုးတဲ့ မိုးဗြဟ္မာ ။
အနိစ္စကို နိစ္စပဲလို့ ၊ စိတ်ကစွဲလို့ လွဲခဲ့တာ ။
တို့ဘုရားရှင် လျင်စွာကြွလို့ ၊ ထင်စွာပြတော့ မြတ်ဓမ္မာ ။
တန်ခိုးချင်းတောင် တူသလားလို့ ၊ လူဘုရားက ပြတဲ့ခါ ။
မိုးဗြဟ္မာကြီး မာန်ကွာပြီး ၊ ရှုံးကြီးရှုံးရရှာ ။
အဲဒါက ဘဂ၀ါ-မြတ်လှ အဋ္ဌမအောင်စဉ်ပါ ။


( အောင်ခြင်းရှစ်ပါး သီချင်း )
( စာသား ပထမကျော် လယ်တီကောဝိဒ )

ရေး-သဟာယ ဆရာတင် ။ ဆို-မေရှင် ။
အောင်ခြင်းရှစ်ပါး ---အသံကြားတဲ့ခါ---စီးပွားဥစ္စာ အဟုတ်မကြာ အောင်မှာ ကျန်းမာ--ချမ်းသာပါလို့---ဘေးရန်မ၀ိုင်း---ကြံတိုင်းအောင် ဆောင်တိုင်းမြောက်မှာ ၇-ရက်သားသမီးများနဲ့ နတ်-လူ-ဗြဟ္မာ။
သက္ကရာဇ်ကောဇာ တရာ့သုံးခုမှာ လပြည့်နွေကဆုန် ရွှေဘုန်းတော်ခြောက်ဖြာ တောက်ခါ မဟာဗောဓိ ညောင်ပင်အောက်မှာ ဘုရားအဖြစ် တရားအစစ်နဲ့ ရွှေပလ္လင်ထက်မှာ စံပယ်ချိန်ခါ ပြောင်မာတင် မေခလာ ဆင်ရတနာစီးလို့ မာရ်နတ်မင်းရယ် အားမာန်တင်းကာ ၀သ၀တီ နတ်ပြည်ကလာ စစ်ချီကာ မာန်တွေမူလို့ ဘုရားကိုယှဉ်တု ပလ္လင်လုပြန်တာ၊ သည်းခံပါ၍ အမျက်မထား---ပါရမီဆယ်ပါးနဲ့---မာရ်နတ်ရန် နင်းနှိမ်ပေရှာ မေတ္တာဓာတ်နဲ့ ဗုဒ္ဓမြတ်စွာ ဆောင်နှင်းခဲ့ အောင်ခြင်းပထမပါ။

အာဠ၀ီပြည်အနီး ညောင်ပင်ကြီးမှာ တဦးတည်း ဘီလူးကြီး အာဠ၀ကစံရာ တနေ့သော် မြတ်စွာဘဂ၀ါ သူ့စံနန်း မြန်းတော်မူလာ၊ ဘီလူးကြီး အာဠာဝက ယမ်းပုံမီးကျ တားမရ ဆီးမနိုင် ဒေါသလှိုင်ကာ၊ ဘုရားကိုပြိုင်ဆိုင် မနိုင်ငြား မာန်စွယ်များလည်း ကျရရှာ၊ မေတ္တာဓာတ်နဲ့ ဗုဒ္ဓမြတ်စွာ ဆောင်နှင်းခဲ့ အောင်ခြင်းဒုတိယပါ။

အခါတပါး မြတ်စွာဘုရားသည် ရာဇဂြိုဟ်ပြည်လမ်းမှာ ဆွမ်းခံကြွလာခိုက် သတ်လိုက်မယ်တဲ့ ဒေ၀ဒတ်မိုက်ရယ် ကြံစည်ပြန်တာ၊ နာဠာဂီရိ အမည်ရှိတဲ့ဆင်ကို အရက်အမျိုးမျိုးတွေ အတင်းတိုက်လို့သာ၊ ဘုရားမြတ်စွာကိုပင် အနင်းခိုင်းလိုက်တာ၊ သို့ပါသော်လည်း ဆင်မိုက်ကြီးမှာ ဒူးတုပ်ရရှာ၊ မေတ္တာဓာတ်နဲ့ ဗုဒ္ဓမြတ်စွာ ဆောင်နှင်းခဲ့ အောင်ခြင်းတတိယပါ။

( ရှေးသရောအခါ သာဝတ္ထိပြည်ဌာနမှာ လူဆိုးဗိုလ် အင်္ဂုလိမာလဟာ သန်လျက်ဓားကို သူ့လက်ဖျားက မချပါ-၂) ဓားပြကြီးလုပ်၍ ဆိုးယုတ်ပုံမှာ လက်ညှိုးတွေ ခုတ်လို့သာ၊ ထိုအခါ ဘုရားကြွလို့ မမှားရဖို့ တရားပြတော်မူရှာ၊ မေတ္တာဓာတ်နဲ့ ဗုဒ~ဓမြတ်စွာ ဆောင်နှင်းခဲ့ အောင်ခြင်းစတုတ္ထပါ။

မြတ်တရားတော် မြွက်ရှာပါလို့ သိကြားဗြဟ္မာ အများသတ္တ၀ါဗိုလ်ပုံ ပရိသတ်စုံတဲ့ မင်္ဂလာပွဲမှာ စိဉ္စမာဏ မိန်းမယုတ်မာ သူ့ဗိုက်ကို ပျဉ်ချပ်ဖုံးကာ ဘုရားဂေါတမနဲ့ ကမ္မဋ္ဌာန်းဇောကျကာ ငိုကြွေး-အရှက်မွန်-ကိုယ်လေး-လက်ဝန် ရှိတဲ့ပုံဟန်ဆောင်လို့ သူစွပ်စွဲလာ၊ အပြစ်တော်မယူပဲ လူပုံထဲမှာ မေတ္တာဓာတ်နဲ့ ဗုဒ္ဓမြတ်စွာ ဆောင်နှင်းခဲ့ အောင်ခြင်းပဉ္စမပါ။


သုံးလူ့ထွဋ်ထား မြတ်ဘုရားဒေသနာ မှတ်သားဖွယ် ဝေနေယျာ အနိစ္စရယ် ဒုက္ခရယ် အနတ္တတရားကို မှားတယ်ဆို၍ မကြည်ညိုပြန်တာ၊ အယူလွဲတဲ့ ငရဲမိစ္ဆာ သစ္စကပရိဗိုဇ် မလိမ္မာ၊ ဒေသနာတော် အနန္တကို မြတ်ဘုရားက နောင်မမှားအောင် သစ္စကကို တရားပြရှာ၊ မေတ္တာဓာတ်နဲ့ ဗုဒ္ဓမြတ်စွာ ဆောင်နှင်းခဲ့ အောင်ခြင်းဆဋ္ဌမပါ။

ဇမ္ဗူကျွန်း မြင်းမိုရ်ရွှေတောင်ခါးပန်းမှာ ကြမ်းတမ်းတဲ့ နတ်နဂါးပါ မှတ်သား-လောက်စရာ၊ နန္ဒောပနန္ဒ လျှပ်တပြက် အသက်ရာကုဋေ ချွေခွင်း-မြွေမင်းရာဇာ မြတ်ဘုရားတဲ့သားတော် ရှင်မောဂ္ဂလာန်၊ နှိမ်နင်းဖို့ လွှတ်လို့သာ၊ စိတ်နှလုံးသိမ်မွေ့ကာ နဂါးကြီးခေါင်းငိုက် ဦးစိုက်ပါလို့ ခစားဖို့ရောက်လို့လာ၊ မေတ္တာဓာတ်နဲ့ ဗုဒ္ဓမြတ်စွာ ဆောင်နှင်းခဲ့ အောင်ခြင်းသတ္တမပါ။

ဗြဟ္မာ့ဘုံမှာ တန်ခိုးဂုဏ် မာန်သတင်း နေဆယ်စင်းသို့ ပုံပမာ၊ ဗကဗြဟ္မာကြီးဟာ အမှားကြီးမှားလို့ အယူသည်းနေရှာ၊ ငါသာမြဲတယ် စိတ်မှာစွဲကာ ဘုရးကိုပင် ကန့်လန့်တိုက်၍ မိုက်နေပုံကို ဆိုးနေပုံကို ဘဂ၀ါဘုရားကသာ ဒေသနာတရားပြကာ၊ အဲဒီတော့ ဗကဗြဟ္မာ မာန်စွယ်ကျလို့ ရှိခိုးရတာ၊ မေတ္တာဓာတ်နဲ့ ဗုဒ္ဓမြတ်စွာ ဆောင်နှင်းခဲ့ အောင်ခြင်းအဋ္ဌမပါ။


( အောင်ခြင်းရှစ်ပါး ၀တ္ထုများ )
၁။ မာရ်နတ်ကို အောင်မြင်ပုံ
မဟာသက္ကရာဇ် ၁၀၃-ခု ကဆုန်လပြည့်နေ့တွင် ဂေါတမဘုရားအလောင်းသည် ဗောဓိညောင်ပင်အောက်ရှိ ပလ္လင်ပေါ်၌ ထက်ဝယ်ဖွဲ့ခွေ ထိုင်နေတော်မူလျက် ဘုရားမဖြစ်သမျှ ဤသို့နေခြင်းကို မဖျက်တော့အံ့-ဟု အဓိဋ္ဌာန်ကာ နေတော်မူ၏၊ ဗြဟ္မာသိကြား နတ်အများလည်း ထံတော်ပါးသို့ ရောက်လာကြ၏။

ထိုသို့ထိုင်နေပုံကို မြင်၍ ဘုရားစင်စစ် ဧကန်ဖြစ်မည်ကို သိသော မာရ်နတ်မင်းသည် နတ်စစ်သည်များ စုဆောင်းပြီး ကိုယ်တိုင်ဦးဆောင်၍ လက်ရုံးတထောင် လက်နက်တထောင် ဖန်ဆင်းကာပလ္လင်တော်ကို လုရန် ကြိုးစားတိုက်ခိုက်လေ၏။ ရန်ပြုလာသူ မာရ်နတ်သားအား မြတ်စွာဘုရားက မေတ္တာဓာတ်ကို စေလွတ်လျက် (ဒါနာဒိဓမ္မ၀ိဓိနာ) ဒါနပါရမီစသော တရားတော် အစီအရင်ဖြင့် အေးချမ်းကြည်ဖြူစွာ အောင်မြင်တော်မူလေ၏။

၂။ အာဠာဝကကို အောင်မြင်ပုံ
အာဠ၀ီပြည်အနီး ညောင်ပင်ကြီးကို ဗိမာန်ပြု၍ နေထိုင်သော ဘီလူးကြီးသည် မာရ်နတ်သားထက် ကြောက်ဖွယ် ကောင်း၏၊ မြတ်စွာဘုရားသည် အာဠ၀ကကို ဆုံးမရန် ဘီလူးကြီးမရှိခိုက် သူ၏ဗိမာန်သို့ဝင်၍ နေတော်မူ၏၊ တံခါးစောင့်နတ်က ဟိမ၀န္တာနတ်သဘင် အစည်းအဝေးသို့ တက်ရောက်နေသော သူ့သခင် အာဠ၀ကအား အကျိုးပ=အကြောင်း သွားရောက်ပြောကြးလေ၏၊ အာဠ၀ကဘီလူးကြီးသည် နတ်သဘင်အစည်းအဝေးမှ ချက်ချင်းထွက်ခွါ၍ ကေလာသတောင်ထွဋ်ပေါ်သိုပ ခုန်တက်ကာ--ငါဟဲ့ အာဠ၀က-ဟု ကြုံးဝါး၍ လက်နက် ၉-မျိုးဖြင့် ညဥ့်လုံးပေါက် စစ်ထိုးတိုက်ခိုက်လေ၏၊ မြတ်စွာဘုရားက အကြမ်းဖက် တိုက်ခိုက်သော အာဠ၀ကဘီလူးကြီးအား မေတ္တာဓာတ်ကို စေလွှတ်လျက် ( ခန္တီသုဒန္တ၀ိဓိနာ ) သည်းခံတော်မူခြင်း ကောင်းစွာ ယဉ်ကျေးစေတော်မူခြင်း အစီအရင်ဖြင့် အေးချမ်းကြည်ဖြူစွာ အောင်မြင်တော်မူလေ၏။

လက်နက် ၉-မျိုး
၁။ ၀ါတမဏ္ဍလ-လေမုန်တိုင်း တိုက်ခိုက်ခြင်း။
၂။ မဟာဝဿ-ကြီးမားသော မိုးကြီး ရွာချခြင်း။
၃။ ပါသာဏ၀ဿ-ကျောက်ခဲမိုး ရွာစေခြင်း။
၎။ ပဟာရဏ၀ဿ-လက်နက်မျိုးစုံမိုး ရွာစေခြင်း။
၅။ အင်္ဂါရ၀ဿ-မီးကျီးမိုး ရွာစေခြင်း။
၆။ ကုက္ကုဠ၀ဿ-ပြာပူမိုး ရွာစေခြင်း။
၇။ ၀ါဠုက၀ဿ-သဲမုန်တိုင်းမိုး ရွာစေခြင်း။
၈။ ကလလ၀ဿ-ရွံ့ညွန်မိုး ရွာစေခြင်း။
၉။ အန္ဓကာရ-အမိုက်မှောင်ကြီး ကျစေခြင်း။


၃။ နာဠာဂီရိဆင်ကို အောင်မြင်ပုံ

No comments: