Saturday, December 13, 2008

ဘာသာရေး ပြဿနာ ( ၇ )

ဘဒ္ဒန္တ တိလောကသာရ ဖြေသည်။

( သုဘဒ္ဒ ပရိဗိုဇ် )

( မေး )။ မြတ်စွာဘုရား ပရိနိဗ္ဗာန် စံခါနီးတွင် နောက်ဆုံး ကျွတ်တန်းဝင်သူသည် သုဘဒ္ဒဖြစ်၍ ယင်းပုဂ္ဂိုလ်သည် ဥပကနှင့် မဆာဝါတို့ သားဟု အချို့က ဆိုသည်၊
အချို့က ဥပကနှင့် မဆာဝါတို့ သား-မဟုတ်ဟု ဆိုပါသည်၊ မည်သည်ကမှန်သည်ကို ကျမ်းဂန်သာဓက ညွှန်ပြ၍ ဖြေဆိုတော်မူပါရန်။
( သိန်းဝင်းမောင်-စက်တွင်းရွာ၊ ဆားလင်းကြီးမြို့ )

( ဖြေ )။ မြတ်စွာဘုရား ပရိနိဗ္ဗာန် စံဝင်တော်မူခါနီးတွင် ပေါ်ပေါက်လာသော သုဘဒ္ဒပရိဗိုဇ်တို့နှင့် စပ်၍ သုဘဒ္ဒ အမည်တူ ၃-ဦးရှိသည်။
၁-မှာ အရှင်မဟာကဿပ၏ ပရိသတ်တွင်ပါသည့် မြတ်စွာဘုရား ပရိနိဗ္ဗာန်စံပြီဖြစ်၍ ငါတို့လုပ်လိုရာ လွတ်လပ်စွာ လုပ်နိုင်သည်-ဟုဆိုသည့် သုဘဒ္ဒရဟန်းကြီး။

၂-မှာ ဥပကနှင့် မဆာဝါတို့၏သား သုဘဒ္ဒ ။
၃-မှာ ပုဏ္ဏား သူဌေးမျိုး သုဘဒ္ဒ-ဟူ၍ ဖြစ်သည်။

ဤ ၃-ဦးတွင် မြတ်စွာဘုရား၏ ပစ္ဆိမသာဝက (နောက်ဆုံးကျွတ်တမ်းဝင်၍ ရဟန်းဖြစ်သူ ) သုဘဒ္ဒမှာ ဥဒိစ္စ-ပုဏ္ဏားမျိုး ( အလွန်ထင်ရှား၍ ဇာတ်မြင့်ပုဏ္ဏား သူဌေးသား ) သုဘဒ္ဒဖြစ်ကြောင်း ဗုဒ္ဓ၀င်အဋ္ဌကထာ၊ မဟာပရိနိဗ္ဗာနသုတ် အဋ္ဌကထာတို့၌ ပြဆိုပါသည်၊ မုဆိုးနွယ်ဖြစ်သော ဥပကနှင့် မဆာဝါတို့သား မဟုတ်ကြောင်း ထင်ရှားပါသည်။

ဥပက ဆာဝါတို့သား သုဘဒ္ဒသည် မိဘနှစ်ဦးလုံး ရဟန်း ရဟန်းမ ဖြစ်သွား၍ အဘိုးအဘွားများထံ ကျန်ရစ်ခဲ့ပြီး အရွယ်ရောက်လျှင် ရဟန်းပြုကြောင်းဆိုသည်၊ မြတ်စွာဘုရား ပရိနိဗ္ဗာန် စံခါနီး ရောက်လာသော သုဘဒ္ဒကား ပရိဗိုဇ်ရဟန်း ( ဗာဟိရက-သာသနာပြင်ပ ၀ါဒတမျိုးရှိသူ ) ဖြစ်၍ ဥဒိစ္စပုဏ္ဏားမျိုး ဖြစ်ကြောင်း ဆိုသဖြင့် ကွာပြားခြားနားပါသည်။
*********************************************************************************

( ထန်းလျက် )

( မေး )။ သံဃာတော်များသည် မူးယစ်စေတတ်သော ထန်းရည် စသည်မှရရှိသော အရည်များကို ကျိုချက်၍ ပြုလုပ်ထားသော ထန်းလျက် စသည်များကို စားကောင်းပါသလား၊
၎င်းထန်းလျက်နျင့် ရော၍ပြုလုပ်ထားသော အုန်းသီး ဆီးသီး စသည့်ယိုများကို စားကောင်းပါသလားဘုရား။
( ရှင်ဇိနဒတ္တ-မောင်ထောင်တိုက်၊ ပုသိမ်မြို့ )

( ဖြေ )။ ထန်းလျက်ပြုလုပ်သော ထန်းရည်မှာ မူးယစ်စေသော ထန်းရည်မဟုတ်၊
မူးယစ်စေသော ထန်းရည်မှာ တဆေးခေါ်သည့် အရာဝတ္ထုများ၊ မူးယစ်စေနိုင်သော ထန်းချိုးစသည်များခံ၍ မူးအောင် ပြုလုပ်ထားရသော ထန်းရည်တမျိုး (ထန်းရည်ခါး) ဖြစ်သည်။
ထန်းလျက်ချက်သော ထန်းရည်မှာ မည်သည့်အရာဝတ္ထုနှင့်မျှ ထုံစိမ်ခြင်းမရှိသော ပကတိထန်းရည် (ထန်းရည်ချို) ကို ချက်ခြင်းဖြစ်သည်။
တမျိုးတခြားစီ ဖြစ်သဖြင့် သံဃာတော်များ သံသယကင်းရှင်းစွာ သုံးဆောင်နိုင်ပါသည်၊
၎င်းထန်းလျက်နှင့်ရော၍ ပြုလုပ်ထားသော အုန်းယို၊ ဆီးယို စသည်များကိုလည်း နံနက်ပိုင်း၌ သုံးဆောင်နိုင်ပါသည်။
*********************************************************************************

( ရဟန္တာ ဓာတ်တော် )

( မေး )။ ဈာန်ရသော ရဟန္တာပုဂ္ဂိုလ်များ ပရိနိဗ္ဗာန်စံလျှင် မီးသင်္ဂြိဟ်ြသောအခါ ဓာတ်တော်များကျသည်ဟု ဆိုကြပါသည်၊ ဈာန်မရသော ရဟန္တာများလည်း ဓာတ်တော် ကျနိုင်-မကျနိုင် သိလိုပါသည်ဘုရား။
( ကိုဟန်ဝင်း-အင်းစိန်မြို့သစ်၊ ၁၈၆-၆-လမ်း၊ ခ-ရပ်ကွက် )

( ဖြေ )။ မြတ်စွာဘုရားဖြစ်စေ၊ ရဟန္တာဖြစ်စေ ပရိနိဗ္ဗာန် စံဝင်၍ တေဇောဓာတ်လောင်သောအခါ၌ ဓာတ်တော်များအနေဖြင့် အစိတ်စိတ်အမွှာမွှာ လုံးဝန်းစွာဖြင့် ကျန်ရစ်စေရန်မှာ ပရိနိဗ္ဗာန်ပြုတော်မူခါနီးတွင် အဓိဋ္ဌာန်ပြုတော်မူရပါသည်။
ဤတွင် ဤကမ္ဘာ၌ ပွင့်တော်မူသော သက်တမ်းတော်ရှည်သော ကကုသန်၊ ကောဏာဂုံ၊ ကဿပ၊ ဟူသည့် မြတ်စွာဘုရားတို့ အနေဖြင့် ပရိနိဗ္ဗာန်စံဝင်ပြီး၍ တေဇောဓာတ် လောင်တော်မူသောအခါ ဓာတ်တော်များ အစိတ်စိတ်အမွှာမွှာ ကွဲပြားတော်မမူ၊ တလုံးတဆူတည်းသော ဓာတ်တော် အစုအခဲသာ ကြွင်းသည်၊ ထို့ကြောင့် စေတီတော် တဆူတည်းသာတည်၍ ပူဇော်ကြရသည်၊
အကျွန်ုပ်တို့မြတ်စွာဘုရားမှာ သက်တမ်းတော် တိုပါသည်၊ သာသနာတော်ကို ထားရစ်တော်မူပြီး ထိုသာသနာတော်တလျှောက်လုံး ကိုးကွယ်ပူဇော်၍ သတ္တ၀ါများ သုဂတိဘ၀သို့ လားရောက်နိုင်ရန် အဓိဋ္ဌာန်ပြုသည်။ ထိုအဓိဋ္ဌာန်တော်မူချက်အရ တေဇောဓာတ်လောင်တော်မူသောအခါ ကိုယ်တော်မှ အဆင်းသုံးသွယ်၊ အရွယ်သုံးစား၊ အချင့်အားဖြင့် ၁၆-ပြည်သား ဓာတ်တော်များဖြစ်၍ ကျန်ရစ်ရပါသည်။
ရဟန္တာများလည်း ထို့အတူပင် ပရိနိဗ္ဗာန်စံခါနီး၌ ဓာတ်တော်အဆူဆူ လုံးလုံးဝန်းဝန်း အရွယ်အမျိုးမျိုးဖြစ်ရန် အဓိဋ္ဌာန်တော်မူရပါသည်။
အဓိဋ္ဌာန်တော်မမူပဲ ပရိနိဗ္ဗာန်စံလျှင် တေဇောဓာတ်လောင်တော်မူပြီးနောက် လုံးလုံးဝန်းဝန်း မဟုတ်ပဲ အရိုးတော် ပကတိအတိုင်းပင် ကျန်ပါသည်၊
သာဓကအနေအားဖြင့် ယခုဖူးမြင်နိုင်သော မဇ္ဈိမဒေသ ဆံချီစေတီတော်မှ ရသည့် အရှင်သာရိပုတ္တရာ၊
အရှင်မဟာမောဂ္ဂလ္လာန် ဓာတ်တော်များမြှ အရိုးတော်ပကတိအတိုင်းပင် ဖြစ်ပါသည်၊
ရဟန္တာအနေဖြင့် ဈာန်ရ ဈာန်မရ မထူးပါ၊ အဓိဋ္ဌာန်မှသာ လုံး ၀န်း ရွယ်စား ဓာတ်တော်များ ဖြစ်လာရပါသည်၊ သို့သော် ရဟန္တာဓာတ်တော်များသည် မြတ်စွာဘုရား ဓာတ်တော်များလောက် သေးသေးမွှားမွှားမဖြစ်၊ မြတ်စွာဘုရား ဓာတ်တော်များမှာ အကြီးဆုံး ပဲနောက် ပမာဏမျှဖြစ်သည်၊
ရဟန္တာဓာတ်တော်များမှာ ပဲကြီးစေ့ မတ်ပဲစေ့ ရွေးကြီးစေ့နှင့် ကျောက်စရစ်ခဲပမာဏရှိကြောင်း မှတ်သားရဖူးပါသည်။
*********************************************************************************

( ကုသိုလ်ဖြစ်ရန် လိမ်လည် လှည့်စားခြင်း )

( မေး )။ ၁။ လူတဦးတယောက်အား ကုသိုလ်ရပါစေခြင်းအကျိုးငှါ လိမ်လည်လှည့်ဖြားမိသည်ဆိုလျှင် ထိုလိမ်သူမှာ မုသာဝါဒကံ ထိုက်ပါသလား။
၂။ သာသနာတော် စည်ပင်စေရန် လူငယ်လူရွယ်တို့အား လောကုတ္တရာဘက်သို့ အာရုံစိုက်လာစေရန် ၄င်းတို့အကြိုက် ( ဥပမာ-နစ္စ၊ ဂီတ၊ စသည်တို့နှင့် ) ဖြားယောင်းသွေးဆောင်၍ စည်းရုံးလှုံ့ဆော်ခြင်းသည် အပြစ်ရှိပါသလား ဘုရား။
( မောင်ဆွေတင့်-မြို့နယ်ပညာရေးမှူးရုံး၊ ရွှေတောင်မြို့ )

( ဖြေ )။ လိမ်လည်လှည့်ဖြားခြင်း မုသာဝါဒကံမှာ
၁-မဟုတ်မမှန်သော ၀တ္ထုလည်းဖြစ်စေ၊
၂-ချွတ်ယွင်းစေလိုသော စိတ်ရှိသည်လည်းဖြစ်စေ၊
၃-ကိုယ်နှုတ်နှစ်ပါးတွင် တပါးပါးဖြင့် သိအောင်လည်းပြုစေ၊
၎-တပါးသူက ပြုသည့်အတိုင်း သိလည်းသိစေ-
ဤအင်္ဂါလေးပါးနှင့်ညီလျှင် မုသာဝါဒဖြစ်ပါသည်။
သို့သော် သူတပါးအကျိုးပျက်စီးမှု အကြီးအသေးပေါ် မူတည်၍ အပြစ်အကြီးအသေး ကွားခြားနိုင်ပါသည်။

လူတဦးတယောက်အား ကုသိုလ်ရပါစေခြင်းငှါ-ဟု ရည်ရွယ်ချက်ရှိ၍ ပြောဆိုခြင်းမှာ အပြစ်မကြီးဟု ဆိုနိုင်သည်။
သို့သော် လိမ်လည်မှုအစား ပရိယာယ်ပြုခြင်းမျိုးကို ပြုလုပ်သင့်ပါသည်။
သာဓကမှာ-တမ္ဗဒါဌိက ခိုးသားကြီးသည် အရှင်သာရိပုတ္တရာအား တပည့်တော် ငါးဆယ့်ငါးနှစ်ပတ်လုံး လူသတ် ခဲ့သည်မှာ ကိုယ်သတ်ချင်၍ သတ်သည်မဟုတ်၊ ရှင်ဘုရင် သတ်ခိုင်း၍ သတ်ရပါသည်၊ တပည့်တော်မှာ အပြစ်ရှိပါသလား-ဟု ဆိုသည်၊
ဤတွင် အပြစ်ရှိသည်ဟု ပြောလျှင် ၄င်းခိုးသားကြီး စိတ်လှုပ်ရှား၍ တရားမနာနိုင်ဖြစ်ကာ ကောင်းကျိုးမရဖြစ်မည်ကြောင့် ရှင်ဘုရင် သတ်ခိုင်း၍ သတ်ခြင်း၌ သင့်မှာ အပြစ်ရှိနိုင်ပါ့မလား-ဟူ၍ ရှိသည်ဟုလည်းမဆို၊ မရှိသည်ဟုလည်းမဆို၊ ပရိယာယ်အမေးစကားဖြင့် ဖြေလိုက်သည်၊ ပညာနည်းသော ခိုးသားကြီးစိတ်တွင် ငါ့မှာ အပြစ်မရှိဘူး-တဲ့ ဟု သိမြင်သွားကာ ကောင်းစွာ တရားနာနိုင်၍ တမလွန်ဘ၀တွင် တုသိတာနတ်ပြည်သို့ ရောက်သွာရပေသည်။

၂။ ဇနပဒကလျာဏီအား စွဲလမ်း၍ ရဟန်းတရား အားမထုတ်နိုင်သော ညီတော် နန္ဒ-ရဟန်းအား မြတ်စွာဘုရားက နတ်ပြည်ခေါ်သွားကာ နတ်သမီးများကိုပြရာ ဇနပဒကလျာဏီ အစွဲပျောက်ပြီး နတ်သမီးများအား စွဲလမ်းသွားသည်၊ ဤတွင် ရဟန်းတရားအားထုတ်လျှင် ဤနတ်သမီးများကို ရနိုင်ကြောင်း မြတ်စွာဘုရားက နတ်သမီးဖြင့် သွေးဆောင်၍ တရားအားထုတ်စေသည်၊ ညီတော်နန္ဒလည်း တရားအားထုတ်ကာ ရဟန္တာအဖြစ်သို့ ရောက်သွားပါသည်၊ ဤသို့ ဆူးတချောင်းစူးသည်ကို ဆူးတချောင်းဖြင့် ထွင်သည့်သဖွယ် ပရိယာယ်ဖြင့် ဖြားယောင်းသွေးဆောင်၍ လောကုတ္တရာဘက်သို့ ရောက်စေသည်မှာ အပြစ်ရှိသည်ဟု မဆိုနိုင်ပါ။
*********************************************************************************

( စ်ာန္တရား )

( မေး )။ သြကာသ ကန်တော့ခန်းအဆုံး ဆုတောင်းရာတွင် ဈာန်တရား၊ မဂ်တရားဟု ဈာန်တရားကို ထည့်၍ ဆုမတောင်းရဘူးလား ဘုရား။
( မျိုးမြင့်-မော်လမြိုင်မြို့ )

( ဖြေ )။ သြကာသကန်တော့ခန်း ဆုတောင်ပိုင်းတွင် ပယ်ဆု၊ လိုဆု-နှစ်မျိုးရှိသည်၊
ပယ်ဆုပိုင်းတွင် အပါယ်လေးပါး၊ ကပ်သုံးပါး စသော မလိုလားအပ် ပယ်ရှားအပ်သော ဆုများကို တောင်းရသည်။

လိုဆု-နေရာတွင် မဂ်တရား ဖိုလ်တရား နိဗ္ဗာန်တရားတော်မြတ် ဟူသော လောကုတ္တရာဆုကိုသာ တောင်းရပါသည်။

ဈာန်တရားမှာ လောကီတရားဖြစ်၍ ယင်းကို ဆုတောင်းထဲ ထည့်ရလျှင်-လူ့စည်းစိမ် နတ်စည်းစိမ်တို့ကိုလည်း ရရှိပြီး၍, စသည့်ဈာန်တရား၏ ရှေ့ကထည့်ရမလို ဖြစ်နေပါသည်၊ ထိုပကြောင့် ရှေးရှေးဆရာမြတ်တို့က ကန်တော့ခန်းတွင် လောကုတ္တရာဆုတောင်းကိုသာ ထည့်ပေးခြင်းဖြစ်ကြောင်း မှတ်သားသင့်ပါသည်။
*********************************************************************************

( ဒုလ္လဘရဟန်းခံလျှင် )

( မေး )။ ဆရာတော်များထံ၌ ကြိုတင်ဆည်းကပ် နေထိုင်ခြင်းမရှိဘဲ ဒုလ္လဘရဟန်းခံခါနီးမှ လာရောက် ရဟန်းခံသူအတွက် အကျိုးအပြစ် မည်သို့ ရှိပါသလဲဘုရား။
( ဦးအေးဖေ-အထက-၁၊ သံတွဲမြို့ )

( ဖြေ )။ ရဟန်းမခံမီက သာမဏေ၀တ်ရသေးရာ ဆံချခြင်း၊ သင်္ကန်းတောင်းခြင်း၊ သရဏဂုံ ခံယူခြင်းတို့အတွက် ကြိုတင်သင်ကြားရေး။
ရဟန်းဘ၀၌ နေထိုင်စဉ် ပစ္စဝေက္ခဏာ ဆင်ခြင်မှု၊ ဒေသနာခံ ဒေသနာကြားမှု စသည် ကြိုတင်သင်ကြားရေးတို့ လိုပါသည်။
ထို့အတွက် ရဟန်းမခံမီ တပတ်ခန့် သင်ကြားနိုင်ဖို့ လိုအပ်ပါသည်။
ထိုသိမှတ်လေ့လာဖွယ်တို့ကို မသိမှတ် မလေ့လာဘဲ ရဟန်းဘ၀သို့ရောက်လျှင် ပစ္စဝေက္ခဏာမဆင်ခြင်နိုင်ပါ၊ ပစ္စဝေက္ခဏာမဆင်ခြင်ဘဲ သုံးဆောင်၍ ဣဏပရိဘောဂဖြစ်ခြင်း၊ သင့်သောအာပတ်ကို ဖြေကြားရန် လိုအပ်ခြင်းတို့ကြောင့် အပြစ်များဖွယ်ရှိပါသည်။
*********************************************************************************

( စက္ခု ငါးပါး ဘုရားပင့် )

( မေး )။ ဒိဗ္ဗစက္ခု၊ ဓမ္မစက္ခု၊ ဉာဏစက္ခု၊ ဗုဒ္ဓစက္ခု၊ သမန္တစက္ခု၊ စက္ကန္နဖုသီသံ ဗုဒ္ဓေါ ဘ၀ိဿတိ။
ငယ်စဉ်က မိခင်သင်ပေးထားသော ဂါထာဖြစ်ပါသည်၊ နှုတ်တက်ရနေသည်ကို ရေးတတ်သလို မှန်းဆရေးသားခြင်း ဖြစ်ပါ၍ သည်းခံဖတ်ရှုပြီး ပြင်ဆင်လျက် အနက်ပေးပေးပါဘုရား။
( မ၀င်း-မကစ (၂) မလွန်စခန်း )

( ဖြေ )။ ဂါထာမှာ မြတ်စွာဘုရား၏ စက္ခုတော်ငါးပါးကို ဖော်ဆို၍ မိမိဦးထိပ်ထက်၌ပင့်သော အဓိပ္ပါယ်ပေါ်လွင် ပါသည်၊ သို့သော် စက္ခုတော် အစဉ်မမှန်ခြင်း၊ ပါဠိမမှန်ခြင်းတို့ကြောင့် ပြင်ဆင်ရေးသား၍ အနက်ပေးလိုက်ပါသည်၊
အစားထိုး ကျက်မှတ်ရွတ်ဆို၍ နေ့စဉ် ဘုရားရှိခိုးတိုင်း ဘုရားပင့်ပါ။
မျက်စိမှုန်မွဲ၍ အမြင်အားနည်းသူများ အထူးရွတ်ဆိုသင့်ပါသည်။

ဗုဒ္ဓ ဓမ္မ သမန္တဉ္စ ၊ ဒိဗ္ဗဉာဏတိ ပဉ္စဟိ ။
စက္ခူဟိ မေဟိ သမ္ပန္နော ၊ ဗုဒ္ဓေါ မေ ဌာတု သီသကေ ။

ဗုဒ္ဓ ဓမ္မ သမန္တဉ္စ-ဗုဒ္ဓစက္ခု ဓမ္မစက္ခု သမန္တစက္ခု၎င်း၊ ဒိဗ္ဗဉာဏဉ္စ-ဒိဗ္ဗစက္ခု ဉာဏစက္ခု၎င်း၊ ဣတိ-ဤသို့၊ ပဉ္စဟိ-ငါးပါးကုန်သော၊ ဣမေဟိ စက္ခူဟိ-ဤစက္ခုတော်တို့နှင့်၊ သမ္ပန္နော-ပြည့်စုံတော်မူသော၊ ဗုဒ္ဓေါ-မြတ်စွာဘုရားသည်၊ မေ-ဘုရားတပည့်တော်၏၊ သီသကေ-ဦးခေါင်းထက်၌၊ ဌာတု-တည်တော်မူပါစေသတည်း။

No comments: