Sunday, December 14, 2008

ဆယ်စောင်တွဲ

ရှေးခေတ် မြန်မာနိုင်ငံ ပညာသင်ကြားပုံ နည်းစနစ်မှာ ဘုန်းတော်ကြီးကျောင်း ပညာရေးစနစ်ဖြစ်၍ ဆယ်စောင်တွဲသည် မသင်မနေရ ကျမ်းစာဖြစ်ခဲ့သည်။ ရှေးခေတ်က မြန်မာနိုင်ငံသားမှန်လျှင် ဆယ်စောင်တွဲ၏ ကျေးဇူးနှင့် မကင်းကြ၊ ဆယ်စောင်တွဲကို သင်ဖူးသူ များကြသည်၊ အနည်းဆုံး မင်္ဂလသုတ်လောက်တော့ သင်ဖူးကြ၏၊ ဆယ်စောင်တွဲစာအုပ်၌ ဘုရားဟော ပိဋကတ်စာပေများနှင့်တကွ နီတိအမျိုးမျိုး, ဆုံးမစာအမျိုးမျိုး တို့ကိုပါ ပြဆိုထားသောကြောင့် လောကအကြောင်းရော ဓမ္မအကြောင်းပါ ခြုံမိငုံမိနေသည်၊ ထိုပကြောင့် ဆယ်စောင်တွဲကို အလိမ္မာလမ်းညွှန်အဖြစ် ခေါ်ဆိုထိုက်သည်။

ယင်းသို့ ကျေးဇူးများလှ၍ ရှေးဆရာတော်ကြီးများနှင့် လူပညာရှိတို့က ဆယ်စောင်တွဲကို ဗုဒ္ဓဘာသာ အခြေခံစာပေအဖြစ် သင်ရီုးပြုခဲ့ကြသည်၊ ဆယ်စောင်တွဲပါ စာများကို နှုတ်ရအာဂုံဆောင်ထားနိုင်လျှင် (သို့မဟုတ်) လေ့လာထားပါလျှင် စကားပြောနှင့် တရားဟောဆိုင်ရာ ကိစ္စများတွင် အထောက်အကူ မုချရရှိနိုင်ပါသည်။

( ဆယ်စောင်တွဲပါ စာမူများ )
စာမူ ၁၀-မျိုး တွဲထားသော ကျမ်းစာကို ဆယ်စောင်တွဲ-ဟု ခေါ်သည်၊ ကျမ်းစာတွဲပုံမှာ အောက်ပါအတိုင်း ဖြစ်သည်။
၂-စောင်တွဲ=မြန်မာသင်ပုန်းကြီးနှင့် မင်္ဂလသုတ်။
၃-စောင်တွဲ=မင်္ဂလသုတ်၊ အပြင်အောင်ခြင်း၊ အတွင်းအောင်ခြင်း။
၎-စောင်တွဲ=မင်္ဂလသုတ်၊ အပြင်အောင်ခြင်း၊ အတွင်းအောင်ခြင်း၊ ရတနာရွှေချိုင့်။
၅-စောင်တွဲ=မင်္ဂလသုတ်၊ အပြင်အောင်ခြင်း၊ အတွင်းအောင်ခြင်း၊ ရတနာရွှေချိုင့်၊ နမက္ကာရ။
၆-စောင်တွဲ=မင်္ဂလသုတ်၊ အပြင်အောင်ခြင်း၊ အတွင်းအောင်ခြင်း၊ ရတနာရွှေချိုင့်၊ နမက္ကာရ၊ လောကနီတိ။
၇-စောင်တွဲ=မင်္ဂလသုတ်၊ အပြင်အောင်ခြင်း၊ အတွင်းအောင်ခြင်း၊ ရတနာရွှေချိုင့်၊ နမက္ကာရ၊ လောကနီတိ၊ ပရိတ်ကြီး။
၈-စောင်တွဲ=ဤအမည်ဖြင့် ထုတ်ဝေသည်ကို မတွေ့ရ။
၉-စောင်တွဲ=ဤအမည်ဖြင့် ထုတ်ဝေသည်ကို မတွေ့ရ။
၁၀-စောင်တွဲ=မင်္ဂလသုတ်၊ အပြင်အောင်ခြင်း၊ အတွင်းအောင်ခြင်း၊ ရတနာရွှေချိုင့်၊ နမက္ကာရ၊ လောကနီတိ၊ ပရိတ်ကြီး၊ ရှင်မဟာသီလ၀ံသ ဆုံးမစာ၊ ရှင်မဟာရဋ္ဌသာရ ဆုံးမစာ၊ စကားကြီး ၁၀-မျိုး။

ဆယ်စောင်တွဲကို ဖွဲ့ရာ၌ ပရိတ်ကြီးအထိ ၇-မျိုးမှာ တူညီပြီး ကျန် ၃-မျိုးမှာ မတူဘဲရှိတတ်သည်၊ ထုတ်ဝေသူ၏ ဆန္ဒအလေဆာက် နှစ်သက်ရာ စာမူကို ထည့်သွင်းကြသည်။ ဤကျမ်းစာတွဲများအပြင် ၁၂-စောင်တွဲ၊ ၁၅-စောင်တွဲ စသည်များကိုလည်း ထုတ်ဝေကြသေးသည်၊ သို့သော် ဆယ်စောင်တွဲအမည်က လူသိများပြီး တွင်ကျယ်နေသောကြောင့် အခြားကျမ်းစာတွဲများမှာ ဆယ်စောင်တွဲလောက် တွင်ကျယ်မှု မရှိကြပါ။

( ဆယ်စောင်တွဲခေတ် )
ဆယ်စောင်တွဲပါ စာပေများကို ပုံနှိပ်လုပ်ငန်းမပေါ်မီ ပေနှင့်ပုရပိုက် ခေတ်ကပင် လက်ရေးဖြင့် ရေးကူး၍ ခေတ်အဆက်ဆက် သင်ယူလာခဲ့ကြသည်၊ မြန်မာနိုင်ငံ၌ ပုံနှိပ်လုပ်ငန်းများ ပေါ်လာချိန်မှစ၍ ပေနှင့် ပုရပိုက်ခေတ်က သင်ရိုးပြုခဲ့သော စာများသည်လည်း ဆယ်စောင်တွဲအမည်ဖြင့် တွင်ကျယ်စွာ ထွက်ပေါ်လာခဲ့သည်။
ဆယ်စောင်တွဲပါ စာများ စတင်ပေါ်ပေါက်ရာခေတ်ကို အတိအကျ သတ်မှတ်၍ မရနိုင်ပါ၊ ပရိတ်ကြီးနှင့် လောကနီတိတွင်ပါသော ဂါထာအချို့မှာ ဘုရားဟောဒေသနာဖြစ်၍ ဘုရားလက်ထက်ကပင် ရှိနေသော စာများဟု ဆိုရပါမည်၊ ဓုတင်အကြောင်းကို ဖွဲ့ဆိုသော ရှင်မဟာသီလ၀ံသ နှင့် ရှင်မဟာရဋ္ဌသာရတို့၏ ရတုကဗျာ ဆုံးမစာများကို ထောက်၍ ဆယ်စောင်တွဲပါ စာအားလုံး အင်းဝခေတ်ထက် စောကြောင်း (သို့မဟုတ်) နောက်မကျကြောင်း အတိအလင်း ဆိုနိုင်ပါသည်၊ ဆယ်စောင်တွဲဟူသော အမည်ကိုမူ မြန်မာနိုင်ငံ၌ ပုံနှိပ်လုပ်ငန်းပေါ်စ ခေတ်ဦးကပင် တွင်ကျယ်လာသော အမည်ဖြစ်ကြောင်း မှတ်သားသင့်ပါသည်။

( ဆယ်စောင်တွဲ အနှစ်ချုပ် )
၁။ မင်္ဂလသုတ်=မင်္ဂလာတရား ၃၈-ပါးကို ဟောကြားထားခြင်း။
၂။ အပြင်အောင်ခြင်း=ဘုရားရှင်၏ ခန္ဓာကိုယ်မှ အပြင်ပရန်သူများကို အောင်မြင်ခြင်း။
၃။ အတွင်းအောင်ခြင်း=ခန္ဓာကိုယ်အတွင်း၌ ဖြစ်ပေါ်တတ်သော ကိလေသာရန်သူများကို အောင်မြင်ခြင်း။
၎။ ရတနာရွှေချိုင့်=ရတနာသုံးပါးကို ရွှေချိုင့်သဖွယ် အကာအရံပြုထားခြင်း။
၅။ နမက္ကာရ=မြတ်စွာဘုရား၏ ဂုဏ်တော်, ကျေးဇူးတော်, လက္ခဏာတော်များကို ကြည်ညိုဖွယ်ရာ ပြဆိုထားသော ဘုရားရှိခိုး။
၆။ လောကနီတိ=လောကလူသား အကျိုးများအောင် လမ်းညွှန်စာပေ။
၇။ ပရိတ်ကြီး=ဘေးရန်အမျိုးမျိုးမှ ကာကွယ်စောင့်ရှောက်တတ်သော တရား။
၈။ ရှင်မဟာသီလ၀ံသ ဆုံးမစာ=ယဉ်ကျေးလိမ္မာစေရန် ဆုံးမသောစာ။
၉။ ရှင်မဟာရဋ္ဌသာရ ဆုံးမစာ=ယဉ်ကျေးလိမ္မာစေရန် ဆုံးမသောစာ။
၁၀။ စကားကြီး ၁၀-မျိုး=စကားပြောရာ၌ လိမ္မာ ကျွမ်းကျင်စေရန် စကားပြောနည်း ၁၀-မျိုး။

No comments: