Monday, January 19, 2009

ဘာသာရေး ပြဿနာ ( ၁၁ )

( ဘဒ္ဒန္တ တိလောကသာရ ဖြေသည် )


( မေး ) ( အိပ်မက် )
သောတာပန်, သကဒါဂါမ်, အနာဂါမ် အရိယာများ အိပ်မက် မက်ခြင်း ရှိနိုင်ပါသလား၊
ရဟန္တာများ အိပ်မက် မက်ခြင်း ရှိ-မရှိ ၊ မရှိလျှင် အဘယ့်ကြောင့် ဆိုသည်ကို သိလိုပါသည်။
( အရှင်ပညာဒီပ-မင်္ဂလာတောရကျောင်း၊ ကြာအင်းဆိပ်ကြီးမြို့ )

( ဖြေ )
ပုထုဇဉ် ပုဂ္ဂိုလ်နှင့် သောတာပန် ပုဂ္ဂိုလ်, သကဒါဂါမ် ပုဂ္ဂိုလ်, အနာဂါမ် ပုဂ္ဂိုလ် ဤပုဂ္ဂိုလ် ၇-ဦးတို့သာ ၀ိပ္ပလ္လာသတရားကို မပယ်ရသေး၍ အိပ်မက် မြင်နိုင်၏။

ရဟန္တာပုဂ္ဂိုလ်တို့ကား သညာဝိပ္ပလ္လာသ, စိတ္တ၀ိပ္ပလ္လာသ, ဒိဋ္ဌိဝိပ္ပလ္လာသ တို့ကို အကြွင်းမဲ့ ပယ်ရှားပြီးဖြစ်၍ အိပ်မက်မြင်ခြင်း မရှိတော့ပါ။
*********************************************************************************

( မေး ) ( ရှေးဘုရားတို့၏ ဓာတ်တော်များ )
ရွှေတိဂုံသမိုင်းတွင် ကကုသန် စသော ရှေးဘုရားတို့၏ ဓာတ်တော်များကို ဌာပနာထားကြောင်း သိရပါသည်၊
ဘုရားဓာတ်တော်များသည် ဘုရားသာသနာကုန်လျှင် ဓာတုပရိနိဗ္ဗာန်ပရိနိဗ္ဗာန်စံ၍ မကျန်နိုင်ကြောင်း ကြားသိဖူးပါ၍ ကကုသန်-စသော ဓာတ်တော်များ ရှိနိုင်-မရှိနိုင် ရှင်းလင်းဖြေဆိုပေးပါရန် ဘုရား။
( မွန် အရှင်သန္တာစာရ-တနင်္သာရီ )

( ဖြေ )
ဓာတ်တော်များ ဓာတုပရိနိဗ္ဗာန်စံ၍ အနည်းငယ်မျှ မကျန်ရတော့ကြောင်းဆိုသည်မှာ သက်သမ်းတိုသော ဂေါတမမြတ်စွာဘုရား သာသနာတော်အတွက်သာ ဆိုခြင်းဖြစ်ကြောင်း မှတ်သားသင့်ပါသည်။

ကကုသန်စသော မြတ်စွာဘုရားတို့မှာ သက်တမ်းတော်ရှည်၍ ပရိနိဗ္ဗာန်စံဝင်တော်မူသောအခါ ဓာတ်တော်များ မကျန်ရစ်ပါ၊ တလုံးတခဲတည်းသော ရုပ်ကြွင်းဓာတ်တော်ကို စေတီတည်ရစ်ကြောင်း ဆိုပါသည်၊

ရွှေတိဂုံသမိုင်းလာ ရှေးဘုရားတို့၏ ပူဇော်စရာမှာ ဓာတ်တော်များ မဟုတ်၊
တောင်ဝှေးတော်, ရေစစ်တော်, ရေသနုပ်တော် ဟူသော အသုံးအဆောင်များဖြစ်၍ ဘုရားရှင်တို့၏ တန်ခိုးတော်, တကမ္ဘာတိုင် အသက်ရှည်မည့် ဘုမ္မစိုး နတ်မင်းကြီးများ၏ ထိမ်းသိမ်းစောင့်ရှောက်မှု, ကိုးကွယ်ထိုက်သူ ဗုဒ္ဓဘာသာ ရဟန်းရှင်လူတို့၏ ကုသိုလ်ကံကြောင့် မရှိနိုင်စရာအကြောင်း မရှိပါ-ဟု ဖြေဆိုအပ်ပါသည်။
*********************************************************************************

( မေး ) ( နေလွဲညစာ စားမှုကိစ္စ )
ဗုဒ္ဓဘာသာဝင်များ ဥပုသ်သီလ စောင့်ထိန်းရာတွင် နေလွဲညစာ စားမှုမှ ရှောင်ကြဉ်ရခြင်း၏ ရည်ရွယ်ချက် အနှစ်သာရသဘောကိုထားကို ရှင်းလင်းပေးတော်မူပါဘုရား။
( မောင်ဘအေး-ရွာထောင်ရွာ၊ မုံရွာမြို့ )

( ဖြေ )
လူပုဂ္ဂိုလ်တို့သည် နိစ္စသီလဖြစ်သောငါးပါးသီလကိုသာ စောင့်ထိန်းရာမှ အရိယာသူတော်ကောင်းများကဲ့သို့ သီလများစွာကို စောင့်ထိန်းလိုသောအခါ အနာဂါမ်အရိယာများ, ရဟန်းပုဂ္ဂိုလ်နှင့် ဘုရား ရဟန္တာများအား အတုယူ၍ ဗြဟ္မစရိယသီလတော်မြတ်ကို ခံယူဆောက်တည်ကြရာ
ကာမေသု မိစ္ဆာစာရာ ဝေရမဏိသိက္ခာပဒံ သမာဒိယာမိ-နေရာ၌
အဗြဟ္မစရိယာ ဝေရမဏိသိက္ခာပဒံ သမာဒိယာမိ-ကို အစားထိုး ဆောက်တည်ကြရပါသည်၊

ဗြဟ္မစရိယ သိက္ခာပုဒ်တော်ကြီးမှာ အလွန်သိမ်မွေ့လှပါသည်၊ ဤသိက္ခာပုဒ်တော်ကြီး တည်တံ့ခိုင်မြဲရေး၏ အကြီးဆုံးအန္တရာယ်မှာ ညစာစားခြင်းပင် ဖြစ်ပါသည်၊
ညစာစားမှုသည် ကာမမှုကို အားပေးသော အားဆေးကြီးပင် ဖြစ်သည်၊
ထို့ကြောင့် ဗြဟ္မစရိယသိက္ခာပုဒ် ခိုင်မြဲရေးအတွက် ညစာစားမှုကို ပထမဆုံး ရှောင်ကြဉ်ရပါသည်။

ထို့အတူ ဗြဟ္မစရိယ သိက္ခာပုဒ်ကို ပျက်ပြားစေရေး အားပေးသော ကခြင်း, သီဆိုခြင်း, တီးမှုတ်ခြင်း, ယင်းတို့ကို ကြည့်ရှု နားထောင်ခြင်း, ပန်းပန်ခြင်း, နံ့သာလိမ်းခြင်း, တန်ဆာဆင်ခြင်းနှင့် ညက်ညောသော အခင်းအာရုံတို့နှင့် အိပ်စက်ခြင်းတို့ကိုပါ ရှောင်ကြဉ်ရပါသည် ။
*********************************************************************************

( မေး ) ( အမျှ ပေးဝေချိန် )
ငါးပါးသီလ ခံယူ၍ ပရိတ်နာယူပြီးမှ အမျှ ပေးဝေခြင်းထက်
အမျှ ပေးဝေပြီးမှ ပရိတ်နာယူခြင်း မည်သည်က မှန်ပါသလဲဘုရား။
( ဦးသာအေး-တောင်ဥက္ကလာ )

( ဖြေ )
အိမ်မှာ ဘုန်းတော်ကြီးများအား ဆွမ်းကပ်ပြီးနောက် ရှေးဦးစွာ ကန်တော့၍ သီလခံယူပြီး ပရိတ်တရားတော်များကို နာယူကာ သြ၀ါဒ အနုမောဒနာတရားများ နာကြားပြီးသည့်နောက် အဆုံးမှာမှ ရေစက်ချ အမျှပေးဝေမှုမှာ ဗုဒ္ဓဘာသာ လမ်းရိုးစဉ်လာပင် ဖြစ်ပါသည်၊

အဘယ့်ကြောင့်ဆိုသော်-အမျှပေးဝေခြင်းသည် ပတ္တိဒါနကုသိုလ်မှုဖြစ်၍ မိမိပြုသမျှ ဒါနမှု, သီလမှု, ပရိတ်တရားနာခြင်း-စသော ဓမ္မဿဝနမှု-စသော ကုသိုလ်ကောင်းမှုများကို မိမိရည်ညွှန်းအပ်သော ပုဂ္ဂိုလ်နှင့်တကွ ၃၁-ဘုံရှိ သတ္တ၀ါများ မိမိနှင့်အတူ အမျှရစေလိုသော မနောအာသီသ အမှန်အတိုင်း ဖြစ်သောကြာင့်ပင်။
*********************************************************************************

( မေး ) ( သောတာပန်နှင့် အရက် )
ဘုရားလက်ထက်က အရက်သမား သောတာပန်-ဟူ၍ ရှိခဲ့သည်ဟု ကြားဖူးပါသည်၊ ဟုတ် မဟုတ် ဖြေကြားပေးတော်မူပါဘုရား။
( မလှလှ-မန္တလေး )

( ဖြေ )
အရက် အလွန်သောက်သော သရဏာနိ သာကီဝင် မင်းသားအား မြတ်စွာဘုရား တရားဟော၍ သောတာပန်ဖြစ်သွားသည်၊ သောတာပန်ဖြစ်ပြီးသည့် နောက်တွင်ကား အရက်မသောက်တော့ချေ၊
သောတာပန်ပုဂ္ဂိုလ်တို့မည်သည်မှာ ငါးပါးသီလကို မည်သည့်အခါမျှ ဖောက်ဖျက်သည်မဟုတ်။
သောတာပတ္တိမဂ်ဖိုလ်စသော အရိယာတရားတို့သည် လောကတွင် အယဉ်ကျေးဆုံး တရားတော်များ
ဖြစ်သည်၊

အရက်သည် လောကတွင် အရိုင်းစိုင်းဆုံး၏ အကြောင်းတရားဖြစ်သည်၊
လွန်စွာဆန့်ကျင်သည်ဖြစ်သဖြင့် အရက်နှင့် ရေ ရောနှော၍ သောတာပန်ပုဂ္ဂိုလ်၏ ပါးစပ်တွိင်းသို့ ထည့်လျှင်
ရေသာဝင်၍ အရက်မ၀င်ကြောင်း သီလက္ခန္ဓ၀ဂ္ဂ အဋ္ဌကထာတွင် ဖွင့်ဆိုပါသည်၊ ထို့ကြောင့် အရက်သမား သောတာပန်-ဟူ၍ မရှိနိုင်ကြောင်း အထူးမှတ်သားသင့်ပါသည်။
*********************************************************************************

( မေး ) ( ရွှေတိဂုံနှင့် ဘုရားလေးဆူ ဓာတ်တော် )
ရွှေတိဂုံ စေတီတော်မြတ်ကြီး၌ ကိန်းအောင်းလျက်ရှိသောဘုရားလေးဆူ၏ အသုံးအဆောင် ဓာတ်တော် မွေတော်များကို သိလိုပါသည်ဘုရား။
( မောင်ဇော်လတ်-ပဲခူးစုရပ်ကွက်, သန်လျင်မြို့ )

( ဖြေ )
ရွှေတိဂုံ သမိုင်းဟောင်းများအရ -
၁။ ကကုသန်မြတ်စွာဘုရား၏ တောင်ဝှေးတော်၊
၂။ ကောဏာဂုံမြတ်စွာဘုရား၏ ရေစစ်တော်၊
၃။ ကဿပမြတ်စွာဘုရား၏ ရေသနုပ်တော်၊
၎။ ဂေါတမမြတ်စွာဘုရား၏ ဆံတော်များ ဖြစ်ကြောင်း သိရပါသည်။
*********************************************************************************

( မေး ) ( ဗုဒ္ဓပ္ပမုခ သံဃိကဒါန )
မျက်မှောက်ခေတ် သာသနာတော်၌ ဗုဒ္ဓပ္ပမုခ သံဃိကဒါန ( ဘုရားအမှူးရှိသော သံဃာအား လှူဒါန်းမှု )
ဖြစ်နိုင်-မဖြစ်နိုင် ဖြေကြားတော်မူပါဘုရား။
( အရှင်ဝဏ္ဏိတ-ငပုတော, သုံးခွ ပရဟိတ )

( ဖြေ )
ဧကတော ဘိက္ခုသံဃော၊
ဧကတော ဘိက္ခုနီသံဃော၊
ဗုဒ္ဓပ္ပမုခ ဥဘတောသံဃော-စသည်ဖြင့်
ဒက္ခိဏ၀ိဘင်္ဂသုတ်အဖွင့် ( မ-ဋ္ဌ၊ ၄-၂၂၄၊ ၂၂၅ ) တွင် မြတ်စွာဘုရား၏ ဓာတ်တော် ဌာပနာထားသော
ဗူဒ္ဓရုပ်ပွားတော်ကို ရှေ့၌ထားရှိ၍ ရဟန်းသံဃာအား ရေစက်ချ လှူဒါန်းခြင်းမှာ ဗုဒ္ဓပ္ပမုခ သံဃိကဒါန ဖြစ်နိုင်၍

ဘုရားပရိနိဗ္ဗာန်စံပြီးနောက် ဘိက္ခုနီ ရှိသေးသော ခေတ်တွင် ဗုဒ္ဓရုပ်ပွားတော်ကို ဗဟို၌ထား၍ ဘိက္ခု ဘိက္ခုနီ သံဃာကို တဖက်စီထား၍ ရေစက်ချလှူဒါန်းသော အလှူကို ဗုဒ္ဓပ္ပမုခ ဥဘတော သံဃဒါန ဖြစ်ကြောင်း အကျယ်ဖွင့်ဆိုထားပါသည်၊

ဤခေတ်အခါတွင် ဘိက္ခုနီသံဃာ မရှိနိုင်တော့၍ ဗုဒ္ဓပ္ပမုခ ဧကတော သံဃဒါနကိုသာ ရရှိနိုင်မည်ဖြစ်ပါသည်။
အကျယ်ကို အညွှန်းပါ ဥပရိပဏ္ဏာသ အဋ္ဌကထာ ကိုရှုပါ။
*********************************************************************************

( မေး ) ( ငရဲခန်း စကားနှင့် အနန္တငါးပါး )
၁။ နေမိ ငရဲခန်းပျို့  ပိုဒ်ရေ ၁၂၅-နမော က ခ၊ တည်စကျမ်းရိုး၊ ကိုးခိုး ကုံးခုံး၊ တလုံးတနာ၊ သင်ဖူးပါသား၊ ဆရာသမား-၌ ကိုးခိုး ကုံးခုံး၏ အဓိပ္ပါယ်ကို နားမလည်ပါ၍ ဖြေကြားပေးတော်မူပါဘုရား။

၂။ အနန္တောအနန္တ ငါးပါးကို မည်သည့်ပါဠိ အဋ္ဌကထာ ဋီကာတို့၌ ယှဉ်တွဲဟောကြား ဖွင့်ဆိုထားချက် ရှိပါသနည်း၊
ရှိပါက သာဓကများ ထုတ်ပြ၍ဖြေကြားပေးတော်မူပါဘုရား။
( ဦးထိန်-၄၂-သမ္မာဒိဋ္ဌိလမ်း, ဋ္ဌေးကြွယ်ရပ်ကွက် တာမွေ )

( ဖြေ )
၁။ ကိုးခိုး ကုံးခုံး-ဟူသော နေမိငရဲခန်း စကားမှာ မြန်မာစကား ပရိယာယ်တွဲယှဉ်၍ စပ်ဆိုထားခြင်း ဖြစ်ပါသည်၊
ဤငရဲခန်းပျို့ တွင်-ညစ်ညောင့် ညစ်ညမ်း ( ပုဒ်-၂၆ )
ယုတ်မောင့် ယုတ်မာ ( ပုဒ်-၂၇ )
လွတ်ခေါင့် လွတ်ခဲ ( ပုဒ်-၂၈ ) တို့၌ စပ်ဆိုထားသကဲ့သို့၎င်း၊

အခြားပျို့ လင်္ကာတို့တွင် နှမိနှမြော၊ ဖြစ်ခေါင့်ဖြစ်ခဲ၊ လိမ္မောင့်လိမ္မာ-ဟူသကဲ့သို့၎င်း၊
မြတ်မာစကားတွင် ခိုးလိုး ခုလု, ကပြောင်း ကပြန်, ကိုးရိုး ကားရား, စသည်များကဲ့သို့၎င်း၊
ကိုးခိုး ကုခု-ဟု ဆိုလိုပါလျက် ကိုးခိုး ကုံးခုံး-ဟု ဆိုခြင်း ဖြစ်တန်ရာပါသည်။

နမောသိဒ္ဓံ က-ခ မှစ၍ ကိုးကွယ်မှီခို၍ တလုံးတပါဒ သင်ပေးဖူးသော ဆရာသမား-ဟု အဓိပ္ပါယ် ဖော်နိုင်ပါသည်။

၂။ ရတနာသုံးပါးနှင့် မိဘ ဆရာသမားတို့ ကျေးဇူးကို ယှဉ်တွဲဟောကြားထားသော ပါဠိတော်နှင့် ဖွင့်ဆိုချက်များ သီးခြားမတွေ့ရပါ၊ သို့သော် ပါဠိ အဋ္ဌကထာ နေရာများစွာ၌ ရတနာသုံးပါး၏ ဂုဏ်ကျေးဇူး, မိဘဂုဏ်ကျေးဇူး, ဆရာသမားဂုဏ်ကျေးဇူးတို့ကို ဟောပြဖွင့်ဆိုချက်များ များပြားလှပါသည်။
ထိုအချက်တို့ကိုထောက်၍ ရှေးဆရာကြီးများက အနန္တငါးပါး ဂုဏ်ကျေးဇူးများကို ဖော်ကျူး စီကုံးထားခဲ့ခြင်း
ဖြစ်ကြောင်း မှတ်သားသင့်ပါသည်။
*********************************************************************************

( မေး ) ( မာယာ သာဌေယျ ၀ဉ္စနာ )
မာယာ, သာဌေယျ, ၀ဉ္စနာ သုံးမျိုး၏ အဓိပ္ပါယ်ကို ခြားနားသိသာအောင် ဖြေကြားတော်မူပါဘုရား။
( ဒေါ်မြင့်မြင့်-အုတ်ကျင်းဘူတာရုံလမ်း ရန်ကုန်မြို့ )

( ဖြေ )
မာယာ-ဟူသည်မှာ လှည့်ပတ်ခြင်း, အယောင်ဆောင်ခြင်း, ဖြားယောင်းခြင်း, မိမိအပြစ်ကို ဖုံးလွှမ်းခြင်း, လှည့်ပတ်မှု အတတ်တို့ ဖြစ်သည်။

သာဌေယျ-ဟူသည်မှာ စဉ်းလဲသည်၏အဖြစ်, ( မိမိ၏ ထင်ရှားမရှိသော ဂုဏ်ကို ထုတ်ဖော် လုပ်ဆောင်၍ ပြောဆိုခြင်း ) လိမ်လည်ခြင်းတို့ ဖြစ်သည်။

ဝဉ္စနာ-ဟုသည်မှာ လှည့်စားခြင်း, လှည့်ပတ်ခြင်း, လိမ်လည်ခြင်း, တပါးသော အခြင်းအရာအားဖြင့် ပြခြင်းတို့ ဖြစ်သည်။

၎င်းသုံးမျိုးမှာ အလွန်ကြီး ထူးခြားမှု မရှိလှပါ၊ အနု အရင့် သဘောမျှသာ ဖြစ်ပါသည်။( အဘိ-ဋ္ဌ၊ ၃-၉၁ )။

No comments: