Saturday, January 24, 2009

ကံ ကံ၏အကျိုး ( ၁၁ )

( စေတနာ )

လွန်ခဲ့သော နှစ်ပေါင်း ၂၀-ကျော်ခန့်က ဖြစ်ပါသည်၊
ဧရာဝတီတိုင်း ရေကြည့်မြို့နယ် အတွင်းရှိ ရွာတရွာတွင် လယ်ယာလုပ်ငန်းဖြင့် အသက်မွေးသော မောင်တင်ညွှန့်ဆိုသူ လူငယ်တဦးရှိသည်၊ မောင်တင်ညွှန့်သည် လိမ္မာယဉ်ကျေးသည်၊ ရဟန်းတော်များနှင့် လူကြီးသူမများကို ရိုသေလေးစားတတ်သည်၊ ထို့ပြင် စေတနာသဒ္ဓါတရား ထက်သန်သူလည်း ဖြစ်သည်။

ထိုအချိန်က ပုသိမ်၊ ရေကြည်နယ်ဘက်တွင် ရွှေယပ်တောင် ဆရာတော်ဟု ထင်ရှားသော ဆရာတော် တပါးသည် ရေလယ် ကျွန်းကလေး တကျွန်းတွင် ၀ါးကျောင်းဖြင့် တပါးတည်း သီတင်းသုံးကာ ဓုတင်အကျင့်ကို ဆောက်တည်လျက် ရှိလေသည်၊ တနေ့ မွန်းမတည့်မီ အချိန်တွင် မောင်တင်ညွှန့်သည် လယ်ကိုခေတ္တနား၍ ထမင်းစားရန် ပြင်ဆင်သည်၊ ထိုစဉ် ရဟန်းတော်တပါး ကြွလာပြီး အလှူခံသဖြင့် မိမိစားမည့် ထမင်းချိုင့်ထဲမှ ထမင်းနှင့် ဟင်းတို့ကို ထိုရဟန်းတော်အား အကုန်ပင် လောင်းလှူလိုက်လေသည်။

တလခန့်ကြာသောအခါ နံနက်စောစောအချိန်တွင် မောင်တင်ညွှန့်သည် မိမိငှက်ပျောခြံထဲမှ မှည့်နေသော ငှက်ပျောခိုင် တခိုင်ကို ခုတ်ယူပြီး အိမ်ပြန်လာသည်၊ လမ်းတွင် ယခင်က မိမိဆွမ်းလှူခဲ့ဘူးသော ရဟန်းတော်က ဆွမ်းရပ်အလှူခံရာ မောင်တင်ညွန့်သည် မိမိ၌ပါလာသော ငှက်ပျောခိုင်ကို လှူလိုပါကြောင်းနှင့် ထိုငှက်ပျောခိုင်ကို မိမိပင် ဆရာတော်ကျောင်းသို့ လိုက်ပို့ပါရစေ-ဟု လျှောက်ထားသည်၊ ဆရာတော်က ခွင့်ပြုသဖြင့် လိုက်ပို့လေသည်၊ ထိုအခါကျမှ မောင်တင်ညွန့်သည် မိမိလှူဒါန်းရသော ဆရာတော်မှာ ရွှေယပ်တောင် ဆရာတော်ဖြစ်ကြောင်းကို သိရလေတော့သည်။

တနှစ်တွင် ပုသိမ် ရေကြည်နယ်ဘက်တွင် ရေကြီးသည်၊ လယ်များနှင့် ခြံများ ရေနစ်မြှုပ်ပျက်စီးကုန်လေသည်၊ မောင်တင်ညွန့်၏ လယ်နှင့်ငှက်ပျောခြံမှာလည်း ရေနစ်မြှုပ် ပျက်စီးသည့်အထဲတွင် ပါသွားလေသည်၊ ထို့ကြောင့် မောင်တင်ညွန့်တို့ မိသားစုမှာ ထိုနှစ်အတွက် စားရေးသောက်ရေး အလွန်ဒုက္ခရောက်ရရှာလေသည်။

တနေ့တွင် မောင်တင်ညွန့်သည် မိမိအဘွားပေးခဲ့သည့် ဘုရားစင်ပေါ်ရှိ ကျောက်ကလေးများထည့်ထားသည့် ၀ါးကျည်တောက်ကလေးကို ပြေး၍ သတိရမိလေသည်၊ နောက်တနေ့တွင် မောင်တင်ညွန့်သည် ကျောက်ကလေးများကို ယူပြီး ရောင်းချရန်အတွက် ရေကြည်မြို့သို့ သွား၍ ကျောက်ပွဲစားများကို ပြသသည်၊ သူတို့က ဈေးပေါသော ဥဿဖရား ကျောက်များသာ ဖြစ်၍ ငွေအနည်းငယ်သာ ရနိုင်သည်ဟု ပြောဆိုကြလေသည်။

သို့ရာတွင် ကျောက်ပွဲစားများထဲမှ စိတ်ကောင်းရှိပြီး ကြင်နာတတ်သည့် ကျောက်ပွဲစားတဦးကမူ မိမိ၏ဆရာ ကျောက်ကုန်သည်တဦး ပုသိမ်မြို့တွင် ရှိကြောင်း၊ ထိုသူမှာ ရိုးသားပြီး သစ္စာရှိသူဖြစ်၍ ကျောက်၏ တန်ရာတန်ကြေးကို အပြည့်အ၀ရနိုင်ကြောင်း၊ သွားလိုလျှင် မိမိလိုက်ပို့ပေးမည်ဖြစ်ကြောင်း ပြောသည်၊ မောင်တင်ညွန့်မှာ ငွေလိုနေသောအချိန်ဖြစ်၍ ဇွဲမလျှော့သေးဘဲ ပုသိမ်မြို့ထိ လိုက်သွားလေသည်။

ပုသိမ်မြို့ပေါ်မှ ထိုကျောက်ကုန်သည်က ကျွမ်းကျင်သော ကျောက်,ရာဖြတ်များနှင့် ပြသစစ်ဆေးကြည့်သည်၊ ထိုအခါ ကျောက်များမှာ အရည်အသွေး အလွန်ကောင်းမွန်သော စိန်များ ဖြစ်နေကြောင်း သိရလေသည်၊ မောင်တင်ညွန့်သည် သူမှန်းထားသော ငွေထက် အဆပေါင်းများစွာ ရရှိသဖြင့် ရေကြည်မြို့ပေါ်တွင် အိမ်တလုံးပင် ၀ယ်ယူနိုင်ပြီး ရွှေ,ငွေ,ကျောက် ၀ယ်ယူရောင်းချသော လုပ်ငန်းဖြင့် ကြီးပွားတိုးတက်လျက် ရှိလေသည်။

ဤသည်မှာ ရဟန်းတော်အား စစ်မှန်သော စေတနာဖြင့် လှူဒါန်းရခြင်းကြောင့် ကောင်းသောအကျိုးကို လက်တွေ့ခံစားလိုက်ရခြင်းပင် ဖြစ်ပါသည်။

( မောင်မြင့်ထွန်း )
*********************************************************************************

( ဥစ္စာမှန်၍ ပြန်ရသည် )

ကျွန်မ၏ဖခင်သည် ရေဦးမြို့မှ ကလေးမြို့သို့ ပြောင်းရွှေ့ တာဝန်ထမ်းဆောင်ရန်အတွက် ရေဦးမြို့မှ မုံရွာမြို့သို့ ကားဖြင့် ထွက်ခွါလာခဲ့ပါသည်၊ မုံရွာမှကလေးသို့ ဆက်သွယ်ရန် မုံရွာဆိပ်ကမ်းတွင် သင်္ဘောပေါ်၌ ညအိပ်ရပါသည်၊ နောက်နေ့နံနက်မှ သင်္ဘောထွက်မည်ဖြစ်ပါသည်၊ ကျွန်မ၏ မိခင်နှင့် ဖခင်တို့မှာ အထက်တန်း အိပ်ခန်း ( လေးယောက်ခန်း ) တွင် နေရာရသဖြင့် နောက်ထပ်နှစ်ယောက်စာ ကျန်ပါသေးသည်။

ထိုကျန်သောနေရာသို့ ၅-နှစ်အရွယ် ကလေးငယ်နှင့် မိခင်တို့ သားအမိနှစ်ယောက် ၀င်လာပါသည်၊ ရောက်လာသောအချိန်မှာ ည ၇-နာရီခန့် ဖြစ်ပါသည်၊ ည ၉-နာရီကျော်သောအခါ မိခင်နှင့် ဖခင်တို့မှာ ဘုရားကန်တော့ မေတ္တာပို့ အမျှဝေပြီး အိပ်ရာဝင်ကြပါသည်၊ ထိုစဉ်က မိခင်မှာ မန္တလေး မဟာစည် သာသနာ့ရိပ်သာတွင် တလတိတိ တရားထိုင်ပြီး ပြန်လာကာစ ဖြစ်ပါသည်။

ည ၁၂-နာရီထိုးသောအခါ ကျွန်မ၏ဖခင်သည် ရုတ်တရက် အိပ်ရာမှ တရေးနိုးလာသည်၊ နိုးနိုးချင်း အပေါ်အိပ်စင်မှ ဆင်းလာကာ အောက်ထပ်အိပ်စင်တွင် အိပ်နေသောမိခင်ကို ပိုက်ဆံအိတ် ရှိရဲ့လား-ဟု မေးပါသည်၊ ထိုအချါိန်က သင်္ဘောပေါ်မှာ မီးလည်းငြိမ်းထားပြီးဖြစ်၍ မှောင်မည်းနေပါသည်။

မေမေလည်း နိုးသွားပြီး မီးထွန်း၍ ပိုက်ဆံအိတ်ကိုကြည့်သောအခါ အမှန်တကယ်ပင် ပိုက်ဆံအိတ်မရှိတော့ပါ၊ ပိုက်ဆံအိတ်နှင့်အတူ အခန်းထဲသို့ရောက်လာသော သားအမနှစ်ယောက်လည်း မရှိတော့ပါ၊ မိခင်ကတော့ ရသမျှ ဘုရားစာအားလုံးကို ရွတ်ဆိုနေရုံမှတပါး ဘာမျှ မလုပ်တတ်တော့ပါ။

ဖခင်လည်း ၁၀-မိနစ်လောက်ကြာမှ သင်္ဘောပေါ်က အလုပ်သမားနှစ်ယောက်ကို အကူအညီခေါ်ပြီး ခြေဦးတည့်ရာ လိုက်ရှာကြပါသည်၊ ထိုသို့လိုက်ရှာကြရင်း ပတ်တရောင်လှည့်လာသော ပြည်သူ့ရဲ့ နှစ်ယောက်ကို တွေ့၍ အကူအညီတောင်းကာ တလမ်းဝင်တလမ်းထွက် လိုက်ရှာကြပါသည်။

ဖြစ်ချင်တော့ ကျွန်၏ဖခင်တို့ အဖွဲ့ ၀င်မည့် လမ်းထိပ်သို့ ပစ္စည်းယူသွားသော သားအမိက လမ်းထဲမှ ထွက်လာသည်နှင့် ကြုံပါတော့သည်၊ လက်ပူးလက်ကြပ် ဖမ်းမိပါတော့သည်၊ ရွှေထည်ပစ္စည်းများနှင့် ငွေများမှာ လုံးဝ လက်ရာမပျက်သေးပါ။

ထိုသို့ ညတွင်းချင်း ပြန်လည်ရရှိခြင်းမှာ မိခင်ကြီး၏ မသာစည်သာသနာ့ရိပ်သာတွင် အားထုတ်ထားသော ၀ိပဿနာ အကျိုးကျေးဇူးနှင့် နေ့စဉ် ရွတ်ဖတ်ပူဇော်သော မြတ်စွာဘုရား၏ ဂုဏ်တော်များတန်ခိုးကြောင့် ဖြစ်ပါသည်၊ ထို့ပြင် နေ့စဉ်ရွတ်ဖတ်ပို့သသော မေတ္တသုတ်ပရိတ်တော်တို့၏ကျေးဇူးတို့ပင် ဖြစ်ပါသည်။

( မချို-ကလေးမြို့ )
*********************************************************************************

( ရထားပေါ်ဝယ် )

လွန်ခဲ့သည့်လအတွင်းက ကျွန်မသည် ရန်ကုန်မှ ပြည်မြို့သို့ နေ့လည် ၁-နာရီထွက်သော အမြန်ရထားဖြင့် သွားခဲ့ပါသည်၊ ကျွန်မတို့စီးသောတွဲမှာ တွဲ ၂-ဖြစ်၍ ရှေ့ပိုင်းကျပါသည်၊ ကျွန်မတို့ရထား လက်ပံတန်းသို့ ရောက်သောအခါ ရထားအတန်ကြာ ရပ်ပေး၍ ရထားပေါ်ပါသူများတွင် အချို့က ရထားပေါ်မှ မှာ၍၄င်း၊
အချို့က အောက်သို့ဆင်း၍၄င်း၊ အချို့က သရေစာ၊ အချို့က ထမင်း စားကြပါသည်၊
ကျွန်မတို့ရှေ့ တခုံကျော်မှ လူငယ် ၃-၄ ဦး အောက်ဆင်း၍ ထမင်းစားကြစဉ် ခရီးသည်တဦးက ထိုဆင်းသွားသော လူငယ်များ၏ ခုံနေရာမှာ လာထိုင်ပါသည်၊ မကြာမီ လူငယ် ၂-ဦး ပြန်တက်လာပြီး နေရာတွင် ထိုင်ရင်း ( နောင်ကြီး အဲသည်နေရာ လူရှိတယ်-ဟု ပြောရာ ထိုခရီးသည်က ထ,မပေးဘဲ ထိုင်မြဲထိုင်နေပါသည်၊ နောက်မကြာမီ ရထားထွက်၍ လူငယ်တဦး ပြေးတက်လာပြီး မောင်အေးတော့မီမှ မီပါ့မလား မသိဘူးဟေ့-ဟု ဆိုကာ သူ့နေရာတွင် ထိုင်ပါသည်၊ ယခင်ခရီးသည်ကိုလည်း ( နောင်ကြီး အဲသည်နေရာ လူရှိတယ် နော် )-ဟု ပြောရာ ထိုခရီးသည်က ဘာမျှ မပြောပါ၊ မောင်အေးဆိုသူလည်း ရောက်မလာသဖြင့် ထိုခရီးသည်အဖို့ ပြဿနာမရှိ၊ အေးအေး လူလူပင် ထိုင်မြဲ ထိုင်နေပါသည်။

ရထားသည် လက်ပံတန်းမှ ထွက်ပြီး မင်းလှကျမှ ရပ်ပါသည်၊ ထိုအခါ မောင်အေး-ဆိုသူသည် ရထားပေါ်သို့ အပြေးအလွှားတက်လာပြီး ( ငါကွာ နောက်ကျနေလို့ မီရာတွဲ တက်လိုက်ရတယ်၊ ဟို နောက်ဆုံးနားက တွဲပေါ့၊
ခု မင်းလှကျမှ ဆင်းလာရတာ )-ဟု ပြောရင်း သူ့ထိုင်ခုံနား သွားရပ်ရာ လက်ပံတန်းမှတက်လာပြီး ထိုင်နေသူက ထမပေးပါ၊ ( ဆရာကြီး အဲဒါ ကျွန်တော့နေရာလေ )-ဟု ပြောသော်လည်း ထိုသူက တုတ်တုတ်မျှ မလှုပ်၊
ဘေးက ၀ိုင်းပြောသည့်တိုင်အောင်လည်း ထမပေးတော့ချေ။

မောင်အေး-ဆိုသူမှာ သဘောကောင်းပုံ ရပါသည်၊ နောက်ထပ် မပြောတော့ပဲ အခြားသူငယ်ချင်း နှစ်ယောက်ဘေးတွင် ဖြစ်သလိုထိုင်၍ လိုက်လာပါသည်၊ ရထားသည် မင်းလှဘူတာမှ ထွက်လာပြီးနောက် အုတ်ဖိုကိုကျော်၍ ကြို့ ပင်ကောက်သို့ ရောက်သောအခါ လက်မှတ်စစ် နှစ်ဦး တက်လာပြီး လက်မှတ်စစ်ပါသည်။

ကျွန်မတို့ကို စစ်ပြီး၍ ထိုလူငယ်ဆီသို့ လက်မှတ်စစ် ရောက်သွားပြီး လက်မှတ်ကို တောင်းရာ လူငယ်များက လက်မှတ်အသီးသီး ပြကြသည်၊ သို့သော်လည်း လက်ပံတန်းမှ တက်သူသည် အင်္ကျီအိတ် နှိုက်သလိုလို၊ လွယ်အိတ်ထဲ ရှာသလိုလို လုပ်နေပါသည်၊ လက်မှတ်စစ်က ခေတ္တစောင့်နေသေးသည်၊ ထို့နောက်
( လက်မှတ် ပါတော့ ပါတယ်ဗျာ၊ အခု ရှာမတွေ့ဘူး၊ ပျောက်သွားတယ် )-ဟု ဆိုလေသည်၊ လက်မှတ်စစ်က
( ဆရာကြီး သည်နည်းနှင့် ဘာရမလဲ၊ လာ-ဘူတာထဲလိုက်ခဲ့ )-ဟု ဆိုကာ ဆွဲချသွားလေသည်၊ ထိုအခါမှ မောင်အေးကလည်း ( အင်း ခုမှပဲ နေရာရတော့တယ် )-ဟု သူ့နေရာတွင် ပြန်ထိုင်ရလေ၏၊ လက်ပံတန်းမှ တက်လာသူ ခရီးသည်အဖို့ကား လက်မှတ်မပါဘဲ စီးသည်ဖြစ်စေ၊ လက်မှတ်ပျောက်သွားသည်ပဲ ဖြစ်စေ၊ သူတပါး နေရာကို မတရား ၀င်ထိုင်သည့်အတွက် လောလော လတ်လတ် ဒုက္ခရောက်သွားသည်မှာကား မှတ်သားစရာပင် ဖြစ်လေတော့သည်။

( မဥမ္မာ )
********************************************************************************

( မိခင်ကို ပြစ်မှားသူ )

လွန်ခဲ့သော သုံးနှစ်ခန့်က ကသာမြို့နယ် ရွှေလီမြစ်ကမ်းဘေးရှိ ရွာတရွာတွင် ဆိုးပေဆိုသူသည် အသက် ၆၀-ကျော် အမေအိုကြီးနှင့် နေလေသည်၊ ဆိုးပေမှာ နာမည်နှင့် လိုက်အောင်ပင် ဆိုးပေလွန်းသည်၊
အလုပ်ကို မည်မည်ရရ မလုပ်ဘဲ အရက်သောက် ဖဲရိုက် စသည့် မကောင်းမှုများကို ပြုလုပ်နေလေသည်၊ အမေအိုမှာ သားတယောက်သာ ရှိသောကြောင့် အလွန်ချစ်ရှာသည်၊ အသက် ၆၀-ကျော်သည့်တိုင် စိုက်ခင်းငယ်ကလေးတွင် ဟင်းရွက် သစ်သီးများ စိုက်ပျိုးရောင်းချကာ စားသောက် နေထိုင်ရလေသည်။

ဆိုးပေမှာ ငါးရှာထွက်လျှင် အအေးဒဏ်ခံနိုင်ရန်ဆိုပြီး အရက်သောက်ရာမှ အရက်စွဲသွားလေတော့သည်၊
နေ့စဉ် ငါးရှာထွက်ရာမှ အရက်မူးပြီး ပြန်လာတတ်သည်၊ အမေအိုက ဆုံးမသွန်သင်သော်လည်း ဆိုးပေမှာ မပြုပြင်ပေ၊ ထို့ပြင် အမေအိုထံမှ ငွေကို တောင်းပြီး အရက်သောက်ပစ်တတ်သေးသည်၊ တောင်း၍မရက
ရှိသမျှ ပစ္စည်းတို့ကို ခိုးယူသွားတတ်လေသည်။

တနေ့တွင် အမေအိုမှာ ၀က်သားဟင်း ၀ယ်ချက်ပြီး တ၀က်ကို ဆွမ်းလောင်းသည်၊ တ၀က်ကို သားအတွက် ချန်ထားလေသည်၊ ဆိုးပေသည် ချန်ထားသော ၀က်သားဟင်းကို ကုန်အောင်စားပြီး ငါးရှာရန်ဆိုကာ ထွက်သွားလေသည်၊ ဆိုးပေသည် တနေကုန် အရက်သောက်ပြီး ပြန်လာသောအချိန်မှာ မိုးချုပ်နေပြီ၊ အရက်မူးမူးနဲ့ အမေအိုအား ထမင်းပွဲ ပြင်ခိုင်းသည်၊ ထမင်းပွဲတွင် ၀က်သားဟင်း မပါသဖြင့် အမေအိုအား ဆူပူကြိမ်းမောင်းလေသည်၊ ၀က်သားဟင်းမှာ မနက်ကတည်းက ကုန်သွားပြီဖြစ်၍ နောက်နေ့မှစားရန် ချော့မော့ပြောဆိုသော်လည်း မရပေ၊ ၀က်သားဟင်းမရှိလျှင် အရက်သွားသောက်မည် ပိုက်ဆံပေးပါ-ဟု တောင်းပြန်လေသည်၊ အမေ့မှာ ပိုက်ဆံမရှိပါဘူး-ဟု ဆိုသောအခါ ခင်ဗျားကြီး ကျုပ်အတွက်ဆို ဘယ်တော့မှ မရှိဘူး၊ ကျုပ်ဘာသာကျုပ် ငါးရှာပြီး သောက်မယ်-ဟု အော်ဟစ်ငေါက်ငမ်းပြီး အနီးရှိ တံမြက်စည်းနှင့် အမေအိုအား ပစ်ပေါက်၍ အရက်မူးမူးနှင့် ထွက်သွားလေသည်၊ အမေအိုက ဖျောင်းဖျတားမြစ်သော်လည်း မရပေ။

ရွှေလီမြစ်သည် ရေတက်ချိန်တွင် ကမ်းပါးများ ပြိုကျတတ်သည်၊ နံနက်လင်းသောအခါ ဆိုးပေသည် ကမ်းပါးပြိုရာတွင် ပါသွားပြီး မြစ်ကမ်းဘေးတွင် ခါးတ၀က်ကျော်ကို သဲမြေများ ဖုံးပြီး မေ့မြောနေသည်၊ ရွာသားအချို့ တွေ့ရသဖြင့် အိမ်သို့ သယ်ယူခဲ့ကြသည်၊ အမေအိုက မျက်ရည်စမ်းစမ်းနှင့် ပြုစုကုသပေး၍
ဆိုးပေ သတိပြန်လည်ရလာသည်၊ သို့သော်လည်း တညလုံး ရေနစ်ခံနေရသည့် အအေးဒဏ် သဲဖုံးခံရသည့် ဒဏ်တို့ကြောင့် ခါးတပိုင်းမှာ လှုပ်ရှား၍ မရတော့ပေ၊ အမေအိုက တတ်စွမ်းသမျှ ပြုစုကုသပေးသော်လည်း မည်သို့မျှ ထူးခြားမလာပေ၊ အစာလည်း မစားနိုင်၊ လမ်းလည်း မသွားနိုင်နှင့် ဝေဒနာကို လူးလိမ့်ခံစားရပြီး တလကျော်ကျော် အကြာတွင် သေဆုံးသွားရလေတော့သည်။

ဆိုးပေသည် မိခင်အား ကာယကံမြောက် ပြစ်မှား ကျူးလွန်မိသော ကံကြောင့် ယခုလက်ရှိဘ၀တွင်ပင် ဤမျှ ခံစားနေခဲ့ရလျှင် နောင်သံသရာတွင် ထို့ထက်ကြီးမားသော ၀ဋ်ကြမ္မာမျိုးကို ခံစားရပေဦးတော့မည်။

( နွေပုရစ်ဖူး-၀န်းသို )

( မြတ်မင်္ဂလာ-၁၉၉၁-ဖေဖော်ဝါရီလ )

No comments: