Tuesday, January 13, 2009

ဘာသာရေး ပြဿနာ ( ၈ )

( ဘဒ္ဒန္တ တိလောကသာရ ဖြေသည် )

( မေး ) ( ဗောဓိညောင်ပင်နှင့် အနေကဇာတင်မှု )
၁။ ဗောဓိညောင်ပင်နှင့် ညောင်ပင်ရိုးရိုး ကွာခြားပုံ၊
ဗောဓိောင်ပင်မရှိသောအရပ်တွင် အခြားသောညောင်ပင်အား ရေသွန်းလောင်းခြင်း ပြုနိုင်၊ မပြုနိုင်
ကဆုန်လပြည့်မဟုတ်သော အခြားနေံများတွင် ညောင်ရေ သွန်းအပ်၊ မသွန်းအပ်နှင့်
လမ်းဘေးတွင် ညောင်ပင်စိုက်ပျိုးပါက အကျိုး ရှိ၊ မရှိ သိလိုပါသည်ဘုရား။

၂။ ဘုရားအနေကဇာတင် အဓိပ္ပါယ်နှင့် ရုပ်ပွားတော်များကို အနေကဇာ မတင်က ကိုးကွယ်သင့်၊ မသင့် စုံလင်စွာ သိလိုပါသည်ဘုရား။
( အ၀င်း - မ က စ ( ၂ ) မလွန်၊ အထက်မင်းလှ )

( ဖြေ ) ၁။ ညောင်ပင်သည် ညောင်ဗုဒ္ဓဟေ၊ ပညောင် (ပျဉ်ညောင် )၊ ညောင်ကြတ်၊ ညောင်ချဉ်၊ ညောင်ခြေထောက်၊ ညောင်ပိန္နဲ၊ ညောင်အုပ်၊ ညောင်လန်း၊ ညောင်ခရေ-စသည်ဖြင့် အမျိုးပေါင်း မြောက်မြားစွာရှိသည်၊
ညောင်ဗုဒ္ဓဟေပင်မှာအရွက်ဝန်းဝိုင်း၊ အညှာအရိုး ရှည်သည်၊ ကျောဘက်တွင် အစိမ်းရင့်ရောင် ပြောင်ပြောင်လက်လက် ရှိသည်၊ ၀မ်းဘက်တွင် အကြောများ ထွက်၍နေကာ အရွက်ဖျားတွင် အမြီးပမာ ရွက်စွန်းရှည်စွာ ထွက်နေသည်၊ အရိပ်ကောင်း၍ အကိုင်းများ အထက်ကို ထောင်သည်ထက် ဘေးသို့ဖြာထွက်၍ အဝေးကမြင်ရလျှင် အပင်ဝိုင်းကြီးသဖွယ် တွေ့ရသည်၊ အခြားညောင်ပင်မျိုးထက်ပင် ညောင်ဗုဒ္ဓဟေပင်က ပို၍ပင် အရိပ်ကောင်းတတ်ပါသည်၊ အခြားညောင်ပင်များ၌ မုတ်ဆိတ်သဖွယ် အမြစ်များ တွဲလျားကျနေတတ် သော်လည်း ညောင်ဗုဒ္ဓဟေပင်မှာ မုတ်ဆိတ်မြစ်ကင်း၍ ရှင်းလင်းသာယာမှု ရှိပေသည်။

၎င်းညောင်မျိုးကို ဗုဒ္ဓဘုရားဖြစ်ရာ ဟေတု-အကြောင်းဟူသော ပါဠိကိုစွဲ၍ ဗုဒ္ဓဟေညောင် ( ညောင်ဗုဒ္ဓဟေ )ဟု အမည်ပေးသည်၊ ဗောဓိညောင်ပင်ဟုလည်း ဆိုသည်၊ ဗောဓိညောင်အစစ် ဟူသည်မှာ မဇ္ဈိမဒေသ၊ ဗုဒ္ဓဂယာရှိ ဘုရားပွင့်ရာ ညောင်ပင်ကို ဆိုသည်၊ ယခုရှိသော ဗုဒ္ဓဂယာ ညောင်ဗုဒ္ဓဟေပင်မှာ တတိယမြောက် ( အချို့အဆို-စတုတ္ထမြောက် ) ပင်ပွားတော်ဖြစ်သည်၊
သီဟိုဠ် ( သီရိလင်္ကာ )အနုရာဓမြို့မှာရှိသော သံဃမိတ္တာဗောဓိမှာ ပထမဗုဒ္ဓဟေပင်မင်း၏ အကိုင်းကို စိုက်ပျိုးခြင်းဖြစ်၍ ဗုဒ္ဓဟေအစစ်ဟုပင် ဆိုနိုင်ပါသည်၊ ၄င်းမှ အသီးရှစ်လုံးပါ၍ ပွားလာသောညောင်များကို အဋ္ဌဖလဗောဓိများဟု ခေါ်သည်၊ မြန်မာနိုင်ငံရှိ ညောင်ဗုဒ္ဓဟေများမှာလည်း ဗုဒ္ဓဂယာမှ၎င်း၊ သီရိလင်္ကာမှ၎င်း၊ ပွားသောပင်ပွားများသာဖြစ်သည်၊ မိမိတို့အရပ်ဒေသတွင် ညောင်ဗုဒ္ဓဟေပင်ပွားများကို ဗောဓိပင်အဖြစ်ဖြင့် ရေသွန်း ပူဇော်က ကုသိုလ်ဖြစ်နိုင်ပါသည်။

ဓာတ်တော် မေါတော် ရုပ်ပွားဆင်းတုတော်များကို ဘုရားအစစ်နှင့် စေတနာတူထား၍ ပူဇော်လျှင် အတူတူပင် အကျိုးရကြောင်း အပါဒါန်ပါဠိတော်တွင် ပြဆိုပါသည်။
ညောင်ရေသွန်းလောင်းရာ၌ကား နွေရာသီ ပူပြင်းသောကာလများ၌ နေ့စဉ်ပင် သွန်းလောင်း၍ ကုသိုလ်ယူနိုင်ပါသည်၊
လယ်တီဆ၇ာတော်ဘုရားကြီးသည် ဗောဓိပင်ကို အစဉ်ရေသွန်းလောင်းကာ ဗောဓိယင်္ဂဏ၀တ် အမြဲပြုကြောင်း သိရပါသည်၊ လေးစားရိုသေအပ်သော ဗောဓိညောင်မျိုးမှတပါး အခြားညောင်ပင်များကို လမ်းခရီး၌ အရိပ်ခိုနိုင်ရန် စိုက်ပျိုးပါမူကား ဇရပ်တဆောင် ဆောက်သည့်အလား အကျိုးများလှကြောင်း ကျမ်းဂန်များတွင် ဆိုပါသည်။

၂။ ဗုဒ္ဓရုပ်ပွားတော်များကို ကိုးကွယ်ပူဇော်ကြရာ၌ အနေကဇာတင်မှ ကိုးကွယ်ပူဇော်ရသည် မဟုတ်ပါ၊ ပုံတော်ထုလုပ်၍ ဗုဒ္ဓရုပ်ပုံတော် ပီပြင်နေလျှင်ပင် ကိုးကွယ်ပူဇော်ထိုက်နေပါပြီ၊ သို့သော် ဗုဒ္ဓဘာသာဝင်တို့သည် မိမိတို့ အိမ် ကျောင်း စသည်တို့၌ ဗုဒ္ဓရာပ်ပွားတော်များ ကိုးကွယ်ပူဇော်ကြရာတွင် အမွှမ်းတင် အသရေဖွင့်သည့်အနေဖြင့် ဗုဒ္ဓါဘိသေကမင်္ဂလာဟု အမည်တပ်ကာ သံဃာတော်များကိုပင့်၍ အနေကဇာတင်စေကြပါသည်၊
အနေကဇာတင်သည်ဟူသည်မှာ မြတ်စွာဘုရား ဘုရားအဖြစ်သို့ ရောက်တော်မူစ ဗောဓိမဏ္ဍိုင်တွင် အနေကဇာတိ သံသာရံ-စသော ၃-ဂါထာကို မနသာဥဒါန်းအနေဖြင့် နှလုံးသွင်းရွတ်ဆို၍ ယဒါဟဝေ-စသော ၃-ဂါထာကို ၀စသာ ဥဒါန်းအနေဖြင့် နှုတ်တော်မြွက် ရွတ်ဆိုလျက် ဥဒါန်းကျူးရင့်ခဲ့ပါသည်၊ ၎င်းဂါထာတော်များနှင့် ပဋိစ္စသမုပ္ပါဒ်၊ ပဋ္ဌာန်း စသော ပါဠိတော်များ၊ ဥဂ္ဃေါသန ဂါထာများ၊ ဂုဏ်တော် ပရိတ်တော် စသည်များကို သံဃာတော်တို့က ရွတ်ဆို၍ အမွှမ်းတင် အသရေဖွင့်တော်မူကြပါသည်၊ ယင်းကို အနေကဇာတိ သံသာရံ -အစချီသဖြင့် အနေကဇာတင်သည်-ဟု ဝေါဟာရပြုကြလေသည်၊ ယင်းသို့ ဗုဒ္ဓါဘိသေကမင်္ဂလာ အနေကဇာတင်ခြင်းဖြင့် ဘုရားကိုးကွယ်၍ ကုသိုလ်ပွားရခြင်းတွင် ကျက်သရေမင်္ဂလာ ဖွံ့ဖြိုး၍ အကျိုးရှိမည်မှာ အထူးပြောရန်ပင် မလိုတော့ပါပေ။
*********************************************************************************

( မေး ) ၁။ ဂေါတမမြတ်စွာဘုရားသည် မည်သည့်ပုဂ္ဂိုလ်ကို ဘုရားဖြစ်ရန် ဗျာဒိတ်ပေးခဲ့သည်ကို ဖြေကြားပေးတော်မူပါရန်။

၂။ ပစ္စေကဗုဒ္ဓါများသည် သဗ္ဗညုတဉာဏ်ကို ရကြပါသလားဘုရား။
၃။ ပစ္စေကဗုဒ္ဓါ အလောင်းများသည် ပါရမီဘယ်နှစ်ပါး ဖြည့်ကျင့်ရသည်ကို ဖြေကြားတော်မူပါရန်။
( ကိုအောင်သန်းဦး )
လွန်ကန်ရွာ၊ ပုသိမ်အရှေ့မြို့နယ် ။

( ဖြေ ) ၁။ မြတ်စွာဘုရားတဆူက ဘုရားဖြစ်ရန် ဗျာဒိတ်ပေးခြင်းကို ယင်းဗျာဒိတ်ခံရသူ ဘုရားဖြစ်ရန် ပြန်ဟောမှ သိနိုင်ပါသည်။
မြတ်စွာဘုရား ကိုယ်တော်တိုင်က မည်သူ့အား ငါ-ဗျာဒိတ်ပေးလိုက်သည်-ဟု ဟောတော်မူရိုးမရှိ၍ ဂေါတမမြတ်စွာဘုရား ဗျာဒိတ်ပေးသည်ကို မသိနိုင်ပါ၊ ဗုဒ္ဓ၀ံသပါဠိ (ခု-၄-၃၈၃)တွင် အဟ မေ တရဟိ သမ္ဗုဒ္ဓေါ၊ မေတ္တေယျောစာပိ ဟေဿတိ-ဟု ပါရှိ၍ နောင် အရိမေတ္တေယျ မြတ်စွာဘုရား ပွင့်တော်မူလတံ့သည်ကို ဟောထားသည်မှာမူ ထင်ရှားပါ၏၊ ဗျာဒိတ်ပေးခြင်းကား မဟုတ်ပါ။

၂။ ပစ္စေကဗုဒ္ဓါတို့ရသောဉာဏ်ကို သဗ္ဗညုတဉာဏ်-ဟု မဆိုပါ၊
ပစ္စေကဗောဓိဉာဏ်-ဟုသာ ဆိုရပါသည်၊
သဗ္ဗညုတဉာဏ်အောက် အဆင့်နိမ့်၍ အဂ္ဂသာဝက ဗောဓိဉာဏ်တို့ထက် အဆင့်မြင့်ပါသည်။

၃။ ဗုဒ္ဓအလောင်းအလျာ၊ ပစ္စေကဗောဓိအလောင်းအလျာ၊ အဂ္ဂသာဝက, မဟာသာဝက, ပကတိသာဝက အလောင်းအလျာ အားလုံးပင် ဒါနစသော ပါရမီ ၁၀-ပါးကို ဖြည့်ကျင့်ရသည်ချည်း ဖြစ်ပါသည်၊
ပါရမီအနေနှင့် အလျော့အနည်း မရှိ၊

ဗုဒ္ဓအလောင်းတော်များမှာ တဆယ့်ခြောက်သင်္ချေနှင့် ကမ္ဘာတသိန်း,
ရှစ်သင်္ချေနှင့် ကမ္ဘာတသိန်း,
လေးသင်္ချေနှင့် ကမ္ဘာတသိန်း ပါရမီဖြည့်ရ၍
ပစ္စေကဗုဒ္ဓါလောင်းလျာများမှာ နှစ်သင်္ချေနှင့် ကမ္ဘာတသိန်း ပါရမီဖြည့်ရသဖြင့်
ပါရမီဖြည့်ရာကမ္ဘာ နည်းပါးမှုသာကွားခြားပါသည်။
*********************************************************************************

( ကာမေသုမိစ္ဆာစာရနှင့် ဒု သ န သော )
( မေး ) အမျိုးသားများသည် လင်ရှိမယားကို ကျူးလွန်၍ ကာမေသုမိစ္ဆာစာရထိုက်သကဲ့သို့
အမျိုးသမီးများသည် မယားရှိလင်နှင့် ကျူးလွန်က ကာမေသုမိစ္ဆာစာရ ထိုက်ပါသလားဘုရား။
ကာမေသုမိစ္ဆာစာရနှင့် ဒု သ န သော မည်သို့ထူးပါသလဲဘုရား။
ဒု သ န သော အဓိပ္ပါယ်ကိုလည်း သိလိုပါသည်ဘုရား။
( မောင်လေးမြင့်-ဥက္ကံမြို့ )။ ဦးဝင်းဆွေ-ညောင်ရွှေမြို့ )။ ဦးစောထွန်း-တောင်သာမြို့ )။

( ဖြေ ) အမျိုးသားများဆိုင်ရာ ကာမေသုမိစ္ဆာစာရနှင့် အမျိုးသမီးများဆိုင်ရာ ကာမေသုမိစ္ဆာစာရကို ရှင်းလင်းသိသာရန် ဖော်ပြလတံ့ပါ မိန်းမနှစ်ကျိပ်ကို လေ့လာမှတ်သားထားပါ။

၁။ မာတုရက္ခိတာ-အမိစောင့်ရှောက်သော မိန်းမ။
၂။ ပိတုရက္ခိတာ-အဖစောင့်ရှောက်သော မိန်းမ။
၃။ မာတာပိတုရက္ခိတာ-မိဘနှစ်ပါး စောင့်ရှောက်သော မိန်းမ။
၎။ ဘာတုရက္ခိတာ-မောင်ကြီး မောင်ငယ် စောင့်ရှောက်သော မိန်းမ။
၅။ ဘဂိနိရက္ခိတာ-အမ ညီမ စောင့်ရှောက်သော မိန်းမ။
၆။ ဉာတိရက္ခိတာ-ဆွေမျိုး စောင့်ရှောက်သော မိန်းမ။
၇။ ဂေါတ္တရက္ခိတာ-အနွယ်တူ စောင့်ရှောက်သော မိန်းမ။
၈။ ဓမ္မရက္ခိတာ-တရားကျင့်သုံးဖက် စောင့်ရှောက်သော မိန်းမ။
( ဤမိန်းမ ရှစ်ယောက်မှာ ကာမပိုင်သူ မရှိ၊ မိမိကာမ မိမိပိုင်သူတို့သာဖြစ်၍ အထူးမှတ်သားထားပါ )

၉။ သာရက္ခာ-ထိမ်းမြားထိုက်သူ အစောင့်ရှိသော ( ကြောင်းလမ်းပြီး ) မိန်းမ။
၁၀။ သပရိဒဏ္ဍာ-မင်းတို့ ဒဏ်ထားအပ်သော မိန်းမ။ ( အခြားသူနှင့် လက်မထပ်ရန် မင်းမိန့်အာဏာဖြင့် တားမြစ်ထားသော မိန်းမ။)
၁၁။ ဓနက္ကိတာ-ယောက်ျားတဦးဦးက ဥစ္စာဖြင့်ဝယ်ထားသော မိန်းမ။
၁၂။ ဆန္ဒ၀ါသိနီ-ယောက်ျားတဦးဦးနှင့် အလိုတူ၍ အတူနေသော မိန်းမ။
၁၃။ ဘောဂ၀ါသိနီ-ယောက်ျားတဦးဦးက စည်းစိမ်ပေး၍ မယားပြုထားသော မိန်းမ။
၁၄။ ပဋ၀ါသိနီ-ယောက်ျားတဦးဦးက အ၀တ်ပုဆိုးပေး၍ မယားပြုထားသော မိန်းမ။
၁၅။ သြဒပတ္တကိနီ-ရေခွက်၌ ခက်စုံချေ၍ ယောက်ျားတဦးဦးနှင့် ထိမ်းမြားထာေးသာ မိန်းမ။
၁၆။ သြဘဋစုမ္ဗဋာ-ယောက်ျားတဦးဦးက ခေါင်းခုကိုချစေ၍ သိမ်းယူထားသော မိန်းမ။
( အလွန်ဆင်းရဲ၍ ခေါင်းရွက် လုပ်ကိုင်စားရသော မိန်းမကို မရွက်စေရဘဲ သိမ်းယူထားသည်ဟု ဆိုလိုသည်။)
၁၇။ ဒါသီ စ ဘရိယာ-ကျွန်လည်းဖြစ်, မယားလည်းဖြစ်နေသော မိန်းမ။
၁၈။ ကမ္မာကာရီ စ ဘရိယာ-အမှုလုပ်လည်း ဖြစ်, မယားလည်းဖြစ်နေသာ မိန်းမ။
၁၉။ ဓဇာဟဋာ-စစ်မြေမှ ဆောင်ခဲ့သော ( သုံ့ပန်း ) မိန်းမ။
၂၀။ မုဟုတ္တိကာ-တဦးဦး၏ ခေတ္တမယားဖြစ်နေသာ မိန်းမ။
ထိုမိန်းမ နှစ်ကျိပ်လုံးပင် အမျိုးသားတို့အဖို့ ကာမေသုမိစ္ဆာစာရထိုက်သဖြင့် လုံးဝကျူးလွန်ခြင်း မပြုရပေ။
၁-မှ ၈-အထိမှာ ကာမပိုင် မရှိ၊ အပျိုစင်များဖြစ်၍ အမျိုးသမီးတို့အဖို့ အခြားယောက်ျားတပါးနှင့် ကျူးလွန်မိသည့်တိုင် ကာမေသုမိစ္ဆာစာရ မဖြစ်။
၉-မှ ၂၀-အထိ မိန်းမတိုပမှာ ကာမပိုင်ရှိသူများဖြစ်၍ မိမိ ကာပိုင်ယောက်ျားမှတပါး မည်သည့် ယောက်ျားနှင့်မျှ ကာမကျူးလွန်မှု မပြုရတော့ပေ။

ဒု သ န သော-ဟူသည်မှာ ကဿပဘုရား လက်ထက်က သူဌေးသား လေးဦး ကာမေသုမိစ္ဆာစာရကြာင့် လောဟကုမ္ဘီခေါ်သော ငရဲသို့ ကျသွားရာ ငရဲသက် အနှစ်သုံးသောင်း နစ်၍ ငရဲအိုးမှ တကြိမ်ပေါ်လာစဉ် ဟစ်အော်ပြောဆိုသော စကားများ၏ အစ စကားလုံးများဖြစ်သည်။
စကားလုံး တလုံးစီသာ အော်ဟစ်နိုင်ခဲ့ပြီး ပြန်နစ်သွားသည်၊ ထိုအသံကို လင်ရှိမယားတဦးအား မတရားသိမ်းပိုက်ရန် ကြံစည်နေသော ပသေနဒီကောသလမင်းကြီး ကံအားလျှော်စွာ ကြားရသည်၊ ဘုရားရှင်အား မေးလျှောက်သဖြင့် ဘုရားရှင်က ဟောပြ၍ ထင်ရှားလာရခြင်းဖြစ်သည်။ယင်း ဒု သ န သော-မှာ သူဌေးသားလေးယောက် ( ငရဲသား လေးဦး ) ရွတ်ဆိုပြောကြားသော ပါဠိဂါထာတို့၏ အစ,စကားလုံးများ ဖြစ်သည်၊ နောင်တရ၍ နောင် ဤအဖြစ်မျိုး မဖြစ်စေရဘဲ ကုသိုလ်တရားများကို ပွားများပါတော့မည် စသော အဓိပ္ပါယ်များပင်တည်း။

( မြတ်မင်္ဂလာ ၁၉၉၁-ဇူလိုင်လ )

No comments: