Friday, January 30, 2009

လင်ကိုတမ်းတ သတိရသူ

တာဝတိံသာနတ်ပြည် ဥယျာဉ်၌ မာလာဘာရီနတ်သား၏ အခြွေအရံ တထောင်အနက် တယောက်သော နတ်သမီးသည် ပန်းဆွတ်ခူးနေရင်း စုတေ၍ သာဝတ္ထိပြည်၌ အမျိုးသမီး ဖြစ်လာ၏၊

လွန်ခဲ့သော ဘ၀က လင်ယောက်ျားဖြစ်သူ နတ်သားအား အမြဲအောက်မေ့ တသ၍ နတ်ပြည်၌ ပြန်ဖြစ်ရန် အမြဲဆုတောင်းနေလေသည်။ လူ့ပြည်တွင် အိမ်ထောင်ကျ၍ သား-လေးယောက် ရပြီးနောက် ကွယ်လွန်ရာ ဆုတောင်းသည့်အတိုင်း နတ်ပြည်ပြန်ဖြစ်ပြီး ပန်းဥယျာဉ်သို့ ပြန်ရောက်သွားသည်၊
အခြားနတ်သမီးများသည် ပန်းခူးနေကြဆဲပင် ဖြစ်၏။ နတ်သားက ခပ်စောစောက သင့်ကိုမမြင်၊ ဘယ်သွားနေသနည်း မေးရာ, စုတေ၍ လူဖြစ်ပြီး နတ်ပြည်ပြန်ရောက်လာကြောင်း ပြောပြ၏။

နတ်သားသည် လူ့ဘ၀သည် ဤမျှ တိုတောင်းပါလျက် လူတို့သည် မအို မသေ နေရမည်ကဲ့သို့ ကုသိုလ်ကောင်းမှု မပြုဘဲ မေ့လျော့နေကြလေသည်-ဟု သံဝေဂဖြစ်လေသည်။ မြတ်စွာဘုရား သာဝတ္ထိပြည်၌ သီတင်းသုံးနေစဉ် ဤအကြောင်းနှင့်ပတ်သက်၍ ဟောတော်မူခဲ့သည်။

( ဂါထာ )
ပုပ္ဇာနိဟေ၀ ပစိနန္တံ ၊ ဗျာသတ္တ မာနသံ နရံ ။
အတိတ္တညေ၀ ကာမေသု ၊ အန္တကော ကုရုတေ ၀သံ ။

( မြန်မာပြန် )
ပန်းဥယျာဉ်သို့ဝင်၍ ကောင်းနိုးရာရာပန်းများကို ရွေးချယ်သောသူကဲ့သို့
ငါးပါးအာရုံ ကာမဂုဏ်ချမ်းသာတို့ကို ရွေးချယ်လျက် မရသေးသော ကာမဂုဏ်ချမ်းသာကို တောင့်တ၊
ရပြီးသော ကာမဂုဏ်ချမ်းသာကို အလွန် တွယ်တာသော လူအပေါင်းသည်
ထိုထိုကာမဂုဏ်ချမ်းသာ၌ အလိုဆန္ဒ မပြည်ဝမီပင် သေမင်းခေါ်ရာသို့ လိုက်ရလေသည်။

( ဆောင်ပုဒ် )
ပွင့်ငုံဖူးချပ်၊ ရွက်ထပ်ညွှန့်သေး၊ ပန်းမွှေးရောင်စုံ၊ အဖုံဖုံကို၊ အာရုံစိတ်ကြိုက်၊ ရွေးယူလိုက်သို့၊
နှစ်ခြိုက်ကာမ၊ အာရုံမွကို၊ တ,သ တွယ်တာ၊ အာသာငမ်းငမ်း၊ အရဖမ်းလျက်၊ စိတ်မှန်းသမျှ၊ အားမရခင်၊
မရဏမင်း၊ အပြင်းရောက်ကာ၊ သူခေါ်လာ၍၊ လူ့ရွာလောက၊ စွန့်ခွါရ၏။

( ပုပ္ဇ၀ဂ် ပတိပူဇိက ကုမာရီ ၀တ္ထု )

No comments: