Monday, February 16, 2009

ဘာသာရေး ပြဿနာ ( ၁၈ )

( ဘဒ္ဒန္တ တိလောကသာရ ဖြေသည် )

( မေး ) ( ၀ိပါက်အမှန် ဇောအပြန် )
ဆရာတော်ဘုရား ၀ိပါက်မှာ အမှန်-ဇောမှာအပြန်-ဟူသော စကားကို ရှင်းလင်းဖြေကြားပေးတော်မူပါဘုရား။
( လင်းထိုက်-လမ်းမတော် ရန်ကုန် )

( ဖြေ )
အဘိဓမ္မာသဘောအရ အလွန်လိုအပ်သော ဘုရားအစရှိသော အာရုံတို့ကို မြင်ရခြင်းသည် ကုသလ၀ိပါက်
( ကုသိုလ်၏ အကျိုးတရား ) ပင် ဖြစ်သည်။
သူတော်ကောင်းတို့အဖို့ ထိုဘုရား အစရှိသော အာရုံတို့ကို မြင်ရလျှင် မဟာကုသိုလ် သောမနဿဇောများ ဖြစ်ပွားကြသည်။ ၄င်းမှာ ၀ိပါက်အမှန် ဇောအမှန်ပင် ဖြစ်လေသည်။

သို့သော် မိစ္ဆာဒိဋ္ဌိအယူရှိသူတို့အဖို့ကား ကုသိုလ်အကျိုးကြောင့် တွေ့ကြုံဖူးတွေ့ရသော မြတ်စွာဘုရား၏ အဆင်းသဏ္ဍာန်၌ ကုသိုလ်ဇော မစောနိုင်ဘဲ အကုသိုလ် ဒေါသဇောများ စောရလေသည်။ ၄င်းမှာ ၀ိပါက်အမှန် ဇောအပြန်-ဖြစ်ခြင်းပင်တည်း။

မစင်ပုပ် စသော မကောင်းသောအာရုံကို တွေ့ကြုံရခြင်းမှာ အကုသလ၀ိပါက်ဖြစ်၍ အကုသိုလ် ဒေါသဇော စောရမည်ဖြစ်သော်လည်း ခွေးတို့အဖို့ကား နှစ်သက်ဝမ်းသာ သာယာမက်မော သောမနဿဇော ဖြစ်လေရာ ယင်းမှာလည်း ၀ိပါက်အမှန် ဇောအပြန်-ဖြစ်ခြင်းတမျိုးပင်။
*********************************************************************************

( မေး ) ( သိမ်ဝင် စိပ်ပုတီး )
အရှင်ဘုရား၊ ရိုးရိုး ပုတီတကုံးထက် သိမ်ဝင်ထားတဲ့ ပုတီးက ဘာအကျိုးကျေးဇူးတွေ ပိုပါသလဲဘုရား။
ဘာအတွက် ကောင်းပါသလဲ ဘုရား။
( မသန္တာဦး-ပုဏ္ဏားကုန်းတောင်ပိုင်း၊ တာမွေ-ရန်ကုန် )

( ဖြေ )
သိမ်ဝင် ပုတီး၊ သိမ်ဝင် အပ်၊ သိမ်ဝင် သပိတ်ကွဲ စသည်တို့မှာ အထက်ဂိုဏ်းဆရာတို့၏ အသုံးအနှုန်းများသာ ဖြစ်ပါသည်။ သိမ်ဝင်ပုတီးဖြင့် ပယောဂပူးဝင်နေသော လူနာအား စွပ်ပေးခြင်း၊ သိမ်ဝင်အပ်ဖြင့် နတ်ရဲ သစ်ပင်အား စိုက်ခြင်း၊ သိမ်ဝင် သပိတ်ကွဲ၌ အင်းချ၍ မြှုပ်ခြင်းတို့မှာ ယင်းဂိုဏ်းဆရာတို့၏ အလုပ်အဆောင်များဖြစ်ကြောင်း ကြားသိရဖူးပါသည်။

သာသနာဆိုင်ရာကိစ္စများ၌ သိမ်ဝင်ပုတီးစသည် မလိုအပ်ပါ၊ သိက္ခာကာမ သီလ၀န္တ လဇ္ဇီပေသလ ဆရာတော်ကြီးများကလည်း ဥပသမ္ပဒ ကံဆောင်ရာ၌ ပုတီးများထည့်ခြင်းတို့ကို အားပေးလေ့မရှိပါ၊ ဒါယကာတို့အလိုအားလျော်စွာ မဆန့်ကျင် လိုက်လျောသည့်သဘောဖြင့် တားမြစ်ခြင်းမပြုဘဲသာ နေကြပါသည်၊ ဂုဏ်တော်ပုတီးစိပ်ရာ၌ သိမ်ဝင်ပုတီးဖြစ်၍လည်း မည်သို့မှ အကျိုးကျေးဇူး ပိုမိုလာမည်မဟုတ်၊ ရိုးရိုးပုတီးပင် ဖြစ်လင့်ကစား ဘုရား တရား သံဃာ ရတနာသုံးပါး ဂုဏ်တော်၌ သမာဓိရအောင် ပွားများနိုင်လျှင် အကျိုးထူးလှပါသည်။
*********************************************************************************

( မေး ) ( ရဟန်းဒါယိကာမနှင့် အသက်အရွယ် )
ဆရာတော်ဘုရား လာမည့်နှစ်တွင် ကိုရင်တပါးနှင့် မောင်လေးများကို ရဟန်းခံပေးခင်ပါသည်၊ ယခု တပည့်တော်မ အသက်မှာ ၂၈-နှစ်ပါ။ ၄၅-နှစ်မပြည့်လျှင် ရဟန်းအမ မလုပ်ရဘူး-ဟု ပြောကြပါသည်၊ အဲဒါ- ဟုတ်ပါသလား၊ တပည့်တော်မ ရဟန်းဒါယိကာမ သိပ်ဖြစ်ချင်ပါတယ်၊ ကျေးဇူးပြု၍ အမြန်ဖြေကြားပေးပါဘုရား။
( မနီနီအေး-ရွှေငါးကိတ်မုန့်တိုက်၊ ကန်ဦးရပ်-ကျောက်ဆည် )

( ဖြေ )
မည်သည့်အသက်အရွယ် ရောက်မှ ရဟန်းဒါယိကာမ၊ ကျောင်း-ဘုရား ဒါယိကာမ ဖြစ်ရမည်ဟု စာပေအထောက်အထားမရှိပါ။
ရှေးဘုရင်များသည် ပထမကျော် သာမဏေများ၊ စာပေတတ်ကျွမ်းသော ရဟန်းတော်များကို သမီးတော်လေး များအား ဒါယိကာမပြု၍ ရဟန်းခံစေ သိမ်ထပ်စေပါသည်။ ကျောင်းဆောက် လှူဒါန်းစေပါသည်၊
သာယာဝတီမင်း၏ သမီးတော်ကြီး ( နောင်-မင်းတုန်းမင်း၏ မိဖုရားကြီး ) စကြာဒေ၀ီ၊ မင်းတုန်းမင်း၏ ပင်တိုင်စံ သမီးတော် စလင်း မင်းသမီးတို့သည် မင်းသမီးငယ်ကလေး ဘ၀ကပင် ခမည်းတော်များက ချီးမြှောက်၍ ရဟန်းဒါယိကာမများ ဖြစ်ခဲ့ကြသည်။

သီပေါမင်း၏ မိဖုရား စုဖုရားလတ်သည်လည်း မင်းသမီးငယ်ဘ၀ကပင် ရဟန်းအမ ကျောင်းအမ ဖြစ်ခဲ့ပါသည်။
ဤကဲ့သို့ ငယ်စဉ်ကပင် သာသနာတော်ကို ချီးမြှောက်လိုစိတ် ပေါ်ပေါက်သည်မှာ ရှေးရှေးဘ၀များစွာက အထုံပါရမီ ပါခဲ့ခြင်းကြောင့် ဖြစ်ပါသည်။ အကောင်းအထည်ပေါ်အောင် ကြိုးစားင သာသနာ့မိခင်တဦး ဖြစ်လာပါစေဟု တိုက်တွန်းအပ်ပါသည်။
*********************************************************************************

( ငါးပါးသီလနှင့် သီလရှင်များ )

ဆရာတော်ဘုရား ရှစ်ပါးသီလ ကိုးပါးသီလတို့ကို စောင့်ထိန်းနေသော ပုဂ္ဂိုလ်တို့သည် ရဟန်းသံဃာများက ငါးပါးသီလပေးလျှင် လိုက်မဆိုရ၊ လိုက်ဆိုလျှင် သီလပြန်ဆေးရ၏၊ သီလပြန်မဆေးလျှင် ငါးပါးသာရတော့သည်-ဟု ကြားဖူးပါသည်၊ ဟုတ်ပါသလားဘုရား ဖြေကြားတော်မူပါ ဘုရား။
( ဇေယျာဉာဏီ-မဟာလယ်တီ၊ ဓမ္မေသက-မုံရွာ )

( ဖြေ )
ငါးပါးသီလ ဆယ်ပါးသီလတို့မှာ နိစ္စသီလများ ဖြစ်ပါသည်၊ ရှစ်ပါးသီလမှာ နေ့အထူး ရက်အထူးပြု၍ ဆောက်တည်ရသော (ဥပေါသထ) ဥပုသ်သီလဖြစ်သည်၊ သီခြားနေ့အထူးဖြင့် ကျင့်သုံးဆောက်တည်ရ၍ ဥပေါသထ-ဟု ခေါ်ရပါသည်။ နိစ္စသီလမဟုတ်ပါ။ သို့သော် နေ့ရက်ပိုင်းခြား အဓိဋ္ဌာန်ထားကာ ၄၅-ရက်၊ တလ စသည်ဖြင့်လည်း ဆောက်တည်နိုင်ပါသည်။

ငါးပါးသီလသည် လူတို့အတွက် နိစ္စသီလဖြစ်၍ ဆောက်တည်သည်ဖြစ်စေ၊ မဆောက်တည်သည်ဖြစ်စေ အမြဲကျင့်သုံးရသဖြင့် အလှူဒါနပြုတိုင်းပင် ရှေ့သွားအနေဖြင့် သရဏုံဂုံနှင့် ငါးပါးသီလကို ရဟန်းသံဃာတော်တို့က ဆောက်တည်စေပါသည်၊ ဆယ်ပါးသီလ ဆောက်တည်ထားစေကာမူ ဒါန၏ရှေ့ပြေး (ဒါနပုဗ္ဗင်္ဂမ) အနေဖြင့် သရဏဂုံနှင့် ငါးပါးသီလကို ပေးကြလေ့ရှိပါသည်၊ ရှစ်ပါး, ကိုးပါး, ဥပုသ်သီလ ခံယူထားသူ ဖြစ်လင့်ကစား နိစ္စသီလ ငါးပါးသီလမှာ ခံယူခြင်း၊ ကျင့်သုံးခြင်း၊ မပျက်ပြားရသဖြင့် ငါးပါးသီလကို ထပ်မံခံယူခြင်းကြောင့် ရှိရင်းသီလ မယုတ်လျော့ပါ။

သီလသည်, သီတင်းသည် အဓိဋ္ဌာန်ဥပုသ်ဝင်သူများ အနေဖြင့် နိစ္စသီလ ငါးပါးသီလကို လိုက်ဆိုပွားများခြင်းကြောင့် သီလဆေးစရာ မလိုပါ၊ သုံးပါး ပျက်မသွားပါ၊ သီလသည် လွန်ကျူးမှသာ ပျက်ပါသည်၊ ဥပုသ်သီလသည် မိမိနေ့ရက်ပိုင်းခြား အဓိဋ္ဌာန်ထားလျှင် ယင်းအဓိဋ္ဌာန်ရက် ကုန်ဆုံးလျှင် ပျက်သည်။
သီလရှင်များမှာလည်း သီလရှင်သိက္ခာ ကိုယ်၌တည်သရွေ့ ခံယူထားခြင်းတို့ကြောင့် သီလပျက်စရာ မရှိပါ။ ငါးပါးသီလကို ၀မ်းမြောက်ဝမ်းသာပင် လိုက်၍ ဆိုကြပါ-ဟု တိုက်တွန်းလိုပါသည်။
********************************************************************************

( မေး ) ( ဆရာ ဇီဝက၏ ဘ၀ )
ဇီဝက ဆေးသမားကြီးသည် မည်ကဲ့သို့ဘ၀မျိုးကို ခံယူ၍ ကံကုန်ပါသနည်း။ မြတ်စွာဘုရား၏ ဆေးသမား ဇီဝက၏ ဘ၀ဇာတ်လမ်းကို သိလိုပါသည်။ နိဗ္ဗာန်ဝင်သွားပါသလား၊ နတ်ဗြဟ္မာဘ၀နှင့် ရှိနေပါသလားဘုရား၊
( ဦးမောင်စောလှ-စစ်တွေမြို့ )

( ဖြေ )
မြတ်စွာဘုရား၏ ဆေးဆရာကြီး ဆရာဇီဝက၏ ဘ၀ဇာတ်လမ်းမှာ ၀ိနည်းမဟာဝါ ပါဠိတော်တွင် ပါသည့်အတိုင်း ဇိနတ္ထပကာသနီတွင် အကျယ်ရေးသားထား၏။
မွေးဖွားစ ဘ၀မှစ၍ ရဟန်းတော်တို့ ပံ့သကူသင်္ကန်းများကိုသာ ၀တ်ရုံနေကြရာမှ ပြည်သူတို့လှူဒါန်းသော ဂဟပတိ စီဝရကို ၀တ်ရုံနိုင်ခွင့် လျှောက်ထားတောင်းပန်သဖြင့် မြတ်စွာဘုရား ခွင့်ပြုတော်မူသည် အထိသာ ပါရှိပါသည်။

နောက်ပိုင်း ဇာတ်လမ်း မည်သို့ဖြစ်သည်ကို မည်သည့်ကျမ်းတွင်မျှ ဖော်ပြထားခြင်း မရှိတော့ပါ၊ သို့သော်လည်း ရှေးဘုရားတို့ လက်ထက်က မြတ်စွာဘုရား၏ သမားတော်အဖြစ် ဆုတောင်းခဲ့ခြင်း၊ မြတ်စွာဘုရားအား ပုဂ္ဂိုလ်စွဲ ကြည်ညိုမှု အရာ၌ ဧတဒဂ်ရခဲ့ခြင်းတို့ကို ထောက်က အခြားလူ ဥပါသကာ၊ ဧတဒဂ်ရ ပုဂ္ဂိုလ်တို့ ကဲ့သို့ မဂ်ဖိုလ် တဆင့်ဆင့်သို့ ရောက်စရာရှိပါသည်။

အနာထပိဏ်တို့ကဲ့သို့ သောတာပတ္တိမဂ်ဖိုလ်ကို ရခဲ့လျှင် တာဝတိံသာ စသော နတ်ပြည် တပြည်ပြည်၌၄င်း၊
စိတ္တသူကြွယ်တို့ကဲ့သို့ အနာဂါမိမဂ်ဖိုလ်ကို ရခဲ့လျှင် အကနိဋ္ဌကဲ့သို့သော ဗြဟ္မာပြည်၌၄င်း ဖြစ်နိုင်စရာရှိပါသည်။

( မြတ်မင်္ဂလာ ၁၉၉၂-ခု ဒီဇင်ဘာလ )

1 comment:

တက္ကသိုလ် အလင်းအိမ်(တေဇာလင်း) said...

မှတ်သားစရာများ မှတ်သားရ၍ကျေးဇူး များလှပါတယ်။ မသိသည်များလည်း သိခွင့်ရပါတယ်။