Friday, February 20, 2009

ဘာသာရေး ပြဿနာ ( ၂၀ )

( ဘဒ္ဒန္တ တိလောကသာရ ဖြေသည် )

( မေး ) ( မရဏာနုဿတိ )
အရှင်ဘုရား မရဏာနုဿတိကို စီးဖြန်းပုံများကို ဖြေကြားပေးစေလိုပါသည်။
( သုတမောင်-ရမ်းဗြဲ )

( ဖြေ )
မရဏာနုဿတိ ကမ္မဋ္ဌာန်းကို စီးဖြန်းလိုသူသည်
၁။ ချစ်ခင်သူ၏ သေခြင်း၊ မုန်းသောသူ၏ သေခြင်းတို့ကို အောက်မေ့လျှင် သောက-ဟူသော စိုးရိမ်ပူဆွေးခြင်း၊
ပါမောဇ္ဇ-ဟူသော ၀မ်းမြောက်ခြင်းတို့ ဖြစ်တတ်သဖြင့် မချစ် မမုန်း လျစ်လျူရှုလေ့ရှိသောသူ၏ သေခြင်းကို အောက်မေ့၍ ဤသူကဲ့သို့ ငါလည်း သေရအံ့။
မရဏံ မေ ဘ၀ိဿတိ၊ ဇီဝိတိန္ဒြိယံ နိရုစ္ဆိဇ္ဇိဿတိ-ငါ့အား သေခြင်းသည် ဖြစ်လတံ့။
အသက်ဇိဝိတိနြေ္ဒသည် ပြတ်လတံ့-ဟု အကြိမ်ကြိမ်နှလုံးသွင်း၍ မရဏာနုဿတိ ထင်သည့်တိုင်အောင် ပွားများရပါမည်။

သေခြင်းတရား၊ ဤတပါးကား၊ များပြားလူ့ဘောင်၊ အကျိုးဆောင်သည်၊ အိုအောင် အောက်မေ့ စီးဖြန်းကြ-ဟူသောစကားအတိုင်း ဤသေခြင်း မရဏာနုဿတိကို အောက်မေ့စီးဖြန်းနေသူသည် မကောင်းမှုတို့ကို ပြုလုပ်ရန် ကြောက်လန့်လာသဖြင့် အစဉ် ကုသိုလ်ဖြစ်နေသောကြောင့် သေခြင်းတရားသည် လူတို့၏ အကျိုးဆောင်တရား-ဟု အဆိုရှိပါသည်။ ထို့ကြောင့် အမြဲပွားများ၊ အားထုတ်ရန် သင့်ကြောင်း ဖြေကြားလိုက်ပါသည်။
*********************************************************************************

( မေး ) ( အနုဂါမိက ဥစ္စာ-မြှုပ်နှံရာ )
အရှင်ဘုရား၊ အနုဂါမိကဥစ္စာ၏ အဓိပ္ပါယ်နှင့် ၄င်းဥစ္စာ မြှုပ်နှံရာဌာနတို့ကို ဖြေကြားပေးတော်မူပါဘုရား။
( မောင်မြင့်ကြည်-မိတ္ထီလာမြို့ )

( ဖြေ )
ပြဿနာရှင် သိလိုသော အနုဂါမိကဥစ္စာနှင့် မြှုပ်နှံရာဌာနအကြောင်းကို နိဓိကဏ္ဍသုတ် ( ခု-၁-၉ ) တွင် ပါရှိပါသည်။ ၄င်းသုတ်မှာ ဂါထာ ၁၆-ဂါထာ ပါရှိ၍ ဂါထာနံပါတ် ၇-တွင်
စေတိယမှိ စ သံဃေ ၀ါ ၊ ပုဂ္ဂလေ အတိထီသု ၀ါ ။
မာတရိ ပိတရိ စာပိ ၊ အထော ဇေဋ္ဌမှိ ဘာတရိ ။ ဟု ရှိရာ အဓိပ္ပါယ်မှာ

စေတီသုံးမျိုး၊
သံဃာ၊
မြတ်သောပုဂ္ဂိုလ်၊
အဝေးရောက်ဧည့်သည်၊
အမိ အဖ နှင့်
မိမိထက်ကြီးသော အကိုကြီး အမကြီးတို့၌
အနုဂါမိက ရွှေအိုးကို မြှုပ်နှံရာ၏-ဟု ဆိုလိုပါသည်။

အနုဂါမိက ရွှေအိုးဟူသည်မှာ သံသရာ၌ အရိပ်ကဲ့သို့ မိမိ သွားလေရာ ထက်ကြပ်လိုက်ပါတတ်သော ဒါန၊ သီလ၊ သံယမ စသော ကုသိုလ်ကောင်းမှုများကို ဆိုလိုသည်ဟု ဟောတော်မူထားပါသည်။
( အကျယ်ကို ဖော်ပြပါ သုတ်အဖွင့်တို့တွင် ကြည်နိုင်ပါသည် )
********************************************************************************

( မေး ) ( ပါရာဇိက အမျိုးမျိုး )
အရှင်ဘုရား၊ ရဟန်းပါရာဇိက၊ ရှင်သာမဏေပါရာဇိက၊ ဘိက္ခုနီပါရာဇိက၊ သာမဏေရီပါရာဇိက နှင့် လူပါရာဇိကတို့ ဆုံးရှုံးပုံကို ရှင်းပြပေးပါဘုရား။
တဖန် ထိုပါရာဇိက ကျသူများ၊ မဂ်ဖိုလ်မှ မတားမြစ်၊ ( မဆုံးရှုံးရ ) အောင် မည်သို့ဆောင်ရွက်နိုင်ပုံနှင့် သီလရှင်များ ပါရာဇိက ကျနိုင်-မကျနိုင် ဖြေကြားပေးတော်မူပါ အရှင်ဘုရား။
( စောရန်နိုင်ထွန်း-တာချီလိတ် )

( ဖြေ )
ပါရာဇိက ဟူသည် မဂ်ဖိုလ်မှ ဆုံးရှုံးခြင်းဖြစ်၍ ရဟန်း၏ ပါရာဇိက လေးပါးမှာ-
၁။ မေထုန်မှု ပြုခြင်း။
၂။ လူဇာတ်ရှိသူကို သတ်ခြင်း။
၃။ တမတ်နှင့် အထက် ငွေကြေး၊ ၄င်းတမတ်နှင့် အထက် ထိုက်တန်သော ၀တ္ထုကို ခိုးယူခြင်း။
၎။ မရှိသော မရသေးသော ဈာန်မဂ်ဖိုလ်ကို ပြောခြင်းတို့ ဖြစ်သည်။

သာမဏေ၌ လိင်ဆယ်ပါးကို ကျူးလွန်ခြင်း ဖြစ်သည်။
ဘိက္ခုနီ၌ ရဟန်းဆိုင်ရာ ဖော်ပြပါလေးပါးနှင့် ဘိက္ခုနီဆိုင်ရာ အခြားလေးပါး ပေါင်းသော် ရှစ်ပါး ဖြစ်သည်။
သာမဏေရီ (သာမဏေမ)မှာ သာမဏေနှင့်အတူ ဖြစ်သည်။

လူတို့မှာ ပါရာဇိက-ဟု အမည်မတပ်သော်လည်း သဂ္ဂန္တရာယ် မဂ္ဂန္တရာယ်ဖြစ်သော ပဉ္စာနန္တရိယ ကံငါးပါးကို ကျူးလွန်ခြင်းတို့ ဖြစ်သည်။

(ရဟန်း ) ဘိက္ခှုနှင့် ဘိက္ခုနီတို့အဖို့ ဘိက္ခု ဘိက္ခုနီဘ၀တို့မှ လူထွက်၊ လူဝတ်လဲလိုက်လျှင်၎င်း။
သာမဏေ သာမဏေရီတျို့မှာ သရဏဂုံသီလ ထပ်မံခံယူလိုက်လျှင်၎င်း၊
ဈာန်မဂ်ဖိုလ်မှ မတားမြစ်၊ ( မဆုံးရှုံး ) နိုင်။ ဤသည်တို့မှာ ပါရာဇိက ကုစားနည်း ဖြစ်သည်။

လူပါရာဇိက-ဟု ဆိုအပ်သော အမိ၊ အဖ သတ်ခြင်းစသော ကံကြီးများမှာမူ ဂရုကံကြီးများ ဖြစ်၍ မည်သည့်ကုသိုလ်ကောင်းမှုနှင့်မျှ အပါယ်ငရဲသို့ ကျရောက်ခြင်းမှ မတားမြစ်နိုင်တော့ပါ။

အဇာတသတ်မင်းသည် ဘုရားကို ရာသက်ပန် ကြည်ညိုလျက် မပြတ်လှူဒါန်း၍ သီလဆောက်တည်ကာ နေခဲ့သည်။ ထို့အပြင် ပထမသံဂါယနာတင်သည်အထိ သာသနာပြု လုပ်ငန်းများကိုလည်း လုပ်ခဲ့သည်။
ဤကဲ့သို့ ကုသိုလ်ကြီးများကို ပြုလုပ်ခဲ့ပါသော်လည်း ခမည်းတော် ဗိမ္ဗိသာရမင်းကြီးကို သတ်ခဲ့မိသဖြင့် လောဟကုမ္ဘီငရဲ၌ ကျရောက်ရသေးသည်။

ယခုကာလ သီလရှင်များအတွက်ကား လူတို့ ပါရာဇိကအတိုင်းသာ မှတ်သားသင့်ပါသည်။
********************************************************************************

( မေး ) ( ရဟန်း နှင့် မာတုဂါမ အဘိဓမ္မာအမေး အဖြေ )
အရှင်ဘုရား၊ အဘိဓမ္မာအမေး အဖြေများကို ရဟန်းငယ်နှင့် မာတုဂါမ (မိန်းမ) အမေး အဖြေ ပြုလုပ်ကောင်းပါသလား ဘုရား။
မေးမည် ဖြေမည်ဆိုပါက မည်သည့်အကျိုးအပြစ်များ ရရှိနိုင်ပါသလဲဘုရား။
မည်သို့ မေးနိုင် ဖြေနိုင်ကြောင်းကိုလည်း ဖြေကြားပေးတော်မူပါဘုရား။
( ဒေါ်ညွန့်ညွန့်မြိုင်-တရော်မြေ )

( ဖြေ )
သုတ်၊ အဘိဓမ္မာ၊ ၀ိနည်း ပိဋကတ်ဆိုင်ရာများ ဗုဒ္ဓဘာသာရေးရာများကို ပညာတတ်ရဟန်းတော်များအား မာတုဂါမများအနေဖြင့် မေးမြန်းလေ့လာသင်ကြားမှု ပြုနိုင်ပါသည်။

မြတ်စွာဘုရားလက်ထက်တော်ကပင် အရှင်အာနန္ဒာသည် သာဝတ္ထိပြည် ကောသလမင်းကြီး နန်းတော်ဆောင်အတွင်း၌ မလ္လိကာ၊ ၀ါသဘခတ္တိယ၊ စသော မိဖုရား မောင်းမမိဿံများအား ပိဋကတ်စာပေ သင်ကြားပေးခြင်း၊ ပြဿနာဖြေခြင်းများကို မြတ်စွာဘုရား၏ စေခိုင်းချက်ကြောင့် ပြုလုပ်ပေးခဲ့ကြောင်း ဓမ္မပ၏ အဋ္ဌကထာတွင် ပါရှိပါသည်။

ထို့အတူ ကောသမ္ဘီပြည် ဥတေနမင်းကြီး၏ နန်းတော်တွင်းမှာလည်း ပြုလုပ်သင်ကြားပေးကြောင်း တွေ့ရသည်၊
သို့သော် ၀ိနည်းတော်အရ မာတုဂါမချည်းရှိသော ပရိသတ်၌ ဟောကြား ဖြေကြားလျှင် အာပတ်သင့်နိုင်သဖြင့် ယောက်ျားကလေး တဦးတလေ အနီးတွင် ရှိသင့်သည်ကိုမူ သတိပြုသင့်ပါသည်။
********************************************************************************

( မေး ) ( သိက္ခုာပုဒ်မညီသော ရဟန်းများ )
အရှင်ဘုရား၊ ၀ိနည်းသိက္ခာပုဒ်နှင့်မညီသော ရဟန်းသံဃာများကို ဝေဖန်ပြောဆို ပြစ်တင်ရှုတ်ချလျှင် အပြစ်ဖြစ်ပါသလား၊
( ဥပမာ ) ဓားပြတိုက်ရာတွင် လက်ထောက်ချခြင်း၊ ဆင်းရဲ ချမ်းသာမကြည့်၊ မတရား ဘက်လိုက်သဖြင့် မှန်ကန်သော ဆင်းရဲသား ပိုမို နစ်နာဆုံးရှုံးခြင်း )
( ဥိးခင်မောင်သိန်း-ညောင်ရွှေမြို့ )

( ဖြေ )
ဘုန်းတော်ကြီး ဦသီလ ထေရုပ္ပတ္တိ-၌
ဟဲ့-ငတိုး၊ ရှင်ဘုရင်ကြီးတဦးမှာ သားတော် ၂-ပါးရှိတယ်။
အကြီးက တရားရှိတယ်၊ ခင်မင်ကြည်ညိုသူ များတယ်၊
အငယ်က တရားမရှိဘူး၊ မုန်းတီးသူတွေ များတယ်၊

ထိုလူယုတ်မာလေးကို လက်ဖြင့်သွားလုပ်လျှင် ဘယ်လိုဖြစ်မလဲ။
( သူ့အဖေ ရှင်ဘုရင်ကြီးက လက်ဖြတ်ပါလိမ့်မယ် ဘုရား။)

ဆဲရေးတိုင်းထွာလျှင်ကော၊
( အာဟက်ခံရပါလိမ့်မယ်ဘုရား )

အေးအေး၊ မင်းတို့ ဒီလိုသိရင်တော်ပြီ။
ဘုရားရှင် သားတော်တွေအပေါ်လဲ နင်တို့ သတိထားတတ်ရော့ပေါ့-ဟု မိန့်တယ်။

ဆူးပေါ်ဖက်ကျမို့ ငါဖြင့် လန့်လိုက်လေကွယ်၊ မောင်ဘိုးအင်ရယ်-ဟု
ညောင်လေးပင်မြို့၌ ဦးဘိုးအင် ဆိုသည့် သူ၏မိတ်ဆွေအား ရှေ့နေ ဦးတိုးကြီးက ပြန်၍ ပြောပြဖူးသည်ဆို၏။-ဟု ပါရှိသည်။ ထိုဘုန်းတော်ကြီး ဦးသီလ စကားတော်အတိုင်း မှတ်သားအပ်ပါသည်။
********************************************************************************

( မေး ) ( သိက္ခာပုဒ်အကျယ် )
အရှင်ဘုရား၊ ၀ိနည်းတဲ့ သိက္ခာ၊ နှစ်ရာ့နှစ်ဆယ့်ခွန်မှ၊ ချဲ့ပြသောအခါ၊ ကုဋေလာ၊ ကိုးထောင်ကျော်သာ၍၊ ဘယ်သိက္ခာ ဘယ်မှပွားသည်ဟု၊ အကျဉ်းသာ သွင်းကာကြားလို့ရယ်၊ ပွားပြစေကြောင်း။
( အရှင်တေဇောဘာသ-မူလမင်းကွန်း သတိပဋ္ဌာန်ကျောင်း၊ မုဒုံမြို့ )

( ဖြေ )
ကိုးထောင်တရာ၊ ရှစ်ဆယ်သာ၊ သင်္ချာကုဋေထုတ်၊
ငါးသန်းသုံးသောင်း၊ ခြောက်ထောင်ပေါင်း၊ များတောင်း သိက္ခာပုဒ်။
ပါတိမောက်သာ၊ မဆိုရာ၊ လေးဖြာ သီလချုပ်။
ပေယျာလလျှင်၊ အမြွက်တင်၊ ချုံးလျှင် ပြဆောင်လုပ်။
မည်သည့်သိက္ခာ၊ ပုဒ်မှလာ၊ ပြောသာမည်မဟုတ်။
အပရိယန္တ၊ မြတ်သီလ၊ ဟောပြသိက္ခာပုဒ်။
********************************************************************************

( မေး ) ( ဘုရားတဆူ ချွတ်သောသူနှင့် ဘုရားပစ္စေကဗုဒ္ဓါတို့ ဈာန်တန်ခိုး )
အရှင်ဘုရား၊
၁။ ဘုရားရှင်တဆူလျှင် ဘုရားရှင်နှင့်အတူ ကျွတ်တမ်းဝင်နိုင်မည့်သူ ပုဂ္ဂိုလ်အရေအတွက် ပိုင်းခြားပြီးဖြစ်သည်မှာ ဟုတ်ပါသလား၊ မည်မျှပါနည်း၊ မည်သို့သောပုဂ္ဂိုလ်များ ပါဝင်ပါသနည်း။
၂။ ဘုရားအဖြစ်သို့ ရောက်တော်မူရန် ရက်အနည်းငယ်သာ ကျင့်တော်မူသော မြတ်စွာဘုရားနှင့် ပစ္စေကဗုဒ္ဓါ တို့သည် သစ္စာလေးပါးကို သိတော်မူသည်နှင့် ဈာန်တန်ခိုးများ အလိုအလျောက် ရရှိပါသလား၊ သိလိုပါသဖြင့် ဖြေကြားပေးတော်မူပါဘုရား။
( သူရငယ်-ပွင့်ဖြူ )

( ဖြေ )
စတုဝီသတာ သင်္ချေယျော-စသော ဂါထာဖြင့် ဘုရားတဆူလျှင် ကျွတ်တမ်းဝင်မည့်သူ ၂၄-သင်္ချေနှင့် ကုဋေ ၆၀ ဗိုလ်ခြေ တသိန်း ဖြစ်ကြောင်း တထာဂတုပ္ပတ္တိကျမ်းတွင် ဆိုသည်။
ထို့အတူ ဇိနာလင်္ကာရကျမ်းကလည်း ဆိုသည်။
သို့သော် ခိုင်ခံ့သော ပါဠိအဋ္ဌကထာကျမ်းတို့တွင် မလာရှိသည့်အပြင် ဓမ္မပဒကျမ်းတို့၌ တဂါထာ တဂါထာကို ဟောတော်မူလျှင် ကျွတ်တမ်းဝင်သော သတ္တ၀ါဝေနေယျတို့ မရေတွက်နိုင် ဟူ၍၄င်း။
မဟာသမယသုတ်၊ မင်္ဂလသုတ်၊ စူဠရာဟုလောဝါဒသုတ်၊ သမစိတ္တပဋိပဒါသုတ်၊ ဓမ္မစက္ကသုတ်၊ ပရာဘ၀သုတ်တို့ကို ဟောရာ၌ ကျွတ်တမ်းဝင်သူ အပ္ပမေယျ အသင်္ချေယျ အနန္တရှိသည်ဟု ဆိုသောကြောင့်၎င်း၊
ဘုရားတဆူ တဆူ၌ ကျွတ်တမ်းဝင်သူ မည်မျှဟု မပြောနိုင်ကြောင်း သိရပါသည်။

၂။ ပဋိသမ္ဘိဒါပတ္တ၊ ဆဠာဘိည ရဟန္တာတို့သည်ပင် ရဟန္တာဖြစ်လျှင်ဖြစ်ချင်း ဈာန်အဘိညာဉ် တန်ခိုးများ ဖြစ်ပေါ်လာသဖြင့် ရဟန္တာထက် အဆင့်မြင့်သော ဘုရားပစ္စေကဗုဒ္ဓါတို့၌ သစ္စာလေးပါးကို သိလျှင်သိချင်း ဈာန်တန်ခိုးများ အလိုအလျောက် ရလာနိုင်ကြောင်းကို အထူးပြောဖွယ်ပင် လိုတော့မည်မဟုတ်ပါ။
*********************************************************************************

( မေး ) ( ရဟန်း နှင့် သံဃာ )
အရှင်ဘုရား၊ ရဟန်းနှင့် သံဃာ ကွာခြားမှု ရှိပါသလားဘုရား၊
အချို့က ရဟန်းသံဃာ-ဟု တွဲခေါ်ပါသည်၊
ရဟန်းခံပွဲဟုသာ ခေါ်ကြပြီး သံဃာခံပွဲ-ဟု မခေါ်ကြပါ၊
သံဃာတော်များအား ဆွမ်းခဲဘွယ်ဘောဇဉ် ပစ္စည်းဝတ္ထု လှူသည်ဟုသာ သုံးကြပါသည်၊ ရှင်းပြတော်မူပါဘုရား။
( တင်တင်ယု-ရွှေပြည်သာမြို့နယ် )

( ဖြေ )
ပုဂ္ဂိုလ်တပါးချင်းကို ရဟန်း-ဟုခေါ်၍ လေးပါးနှင့် လေးပါးမှအထက်ကို သံဃာ-ဟု ခေါ်ပါသည်။
သံဃာဟူရာ၌ မှတ်သားရန်မှာ သံဃာဟုဆိုလျှင် ရဟန်းတော်တို့၏ အစုအဖွဲ့ အပေါင်းအစည်းဟု မှတ်သား၍ မြတ်စွာဘုရားလက်ထက်က အရှင်သာရိပုတ္တရာ၊ အရှင်မဟာမောဂ္ဂလာန်၊ အရှင်မဟာကဿပမှစ၍
သာသနာ တလျှောက်လုံးနှင့် ယခုမျက်မြင်ထင်ရှားရှိသော ရဟန်းသာမဏေများအထိ မြင်ရန်လိုအပ်ပါသည်။

ထိုသို့မြင်ထားမှသာလျှင် သံဃာတော်ဟုဆို၍ လှူဒါန်းရာ၌ ရဟန်းသာမဏေတပါးကို ဆွမ်းလောင်းရာ၌ဖြစ်စေ၊ သံဃဿ ဒေမ-ဟု ဆို၍ လှူလျှင် သံဃာတော်အားလုံးကို လှူရာရောက်ပါသည်။ ယင်းသို့ သံဃာတော် အားလုံးကို အာရုံပြု၍ လှူရာ၌ ဒုဿီလ၊ အလဇ္ဇီ-ဟူ၍ မရှိတော့ပါ၊ ထို့ကြောင့် ဗုဒ္ဓဘာသာတိုင်း သံဃာတော်အား လှူဒါန်းပူဇော်တတ်ရန်နှင့် ရဟန်းနှင့်သံဃာကို ကွဲပြားရန် အထူးပင် အရေးကြီးပေသည်။
********************************************************************************

( မေး ) ( စိတ်တခုယုတ် ကိုးဆယ် နှင့် စိတ်ကုဋေတသိန်း )
အရှင်ဘုရား၊ စိတ် ၈၉-ပါး၊ ( စိတ်တခုယုတ် ကိုးဆယ် ) ရှိသည်ဟု သင်္ဂြိုဟ်တွင် ဆိုထားပါသည်၊
လက်ဖျစ်တတွက်အတွင်း စိတ်ပေါင်း ကုဋေတသိန်းဖြစ်သည်ဟုလည်း ဆိုထားပါသည်၊
ဘာကိုအမှန်ယူရပါမည်နည်း ဘုရား။
( မသင်းသင်းအေး-ဒဂုံမြို့သစ် မြောက်ပိုင်း )

( ဖြေ ) စိတ် ၈၉ ( စိတ်တခုယုတ် ကိုးဆယ် )ဆိုသည်မှာ စိတ်အမျိုးအမည်တို့ကို ဖော်ပြခြင်းသာ ဖြစ်သည်။
ထိုစိတ်တခုယုတ် ကိုးဆယ်ထဲမှ (၀ါ) စိတ်၈၉-ထဲမှ စိတ်တခုတခုတို့၏ ဖြစ်မှု ပျက်မှုမှာ လက်ဖျစ်တတွက်၊ လျှပ်တပြက်အတွင်းတွင် ကုဋေတသိန်း(မက) ဖြစ်ပျက်၍နေပါသည်၊

ဥပမာ-မိုးသားကင်းစင်သော ညအခါတွင် ကောင်းကင်ကိုမော့ကြည့်လျှင် ကြယ်ပေါင်းမြောက်မြားစွာကို တပြိုင်နက် မြင်ရပါလိမ့်မည်။ အမှန်မှာ ကြယ်တလုံးကို ၀ီထိစိတ် ၃-၄ကြိမ် ဖြစ်ပြီးမှ မြင်ပြီး၊ နောက်တလုံးကို ပြောင်း၍ ၀ီထိများကျ၍ မြင်ရပါသည်၊ ကြယ်ပေါင်းများစွာကို တလုံးပြီးတလုံး ၀ီထိများကျ၍ မြင်ရသော်လည်း ၀ီထိစိတ်များ ဖြစ်ပျက်မြန်လှ၍ တပြိုင်တည်း မြင်ရသကဲ့သို့ ဖြစ်နေပါသည်။

ဤသို့ဖြင့် လက်ဖျစ်တတွက် လျှပ်တပြက်အတွင်း စိတ်ပေါင်း ကုဋေတသိန်းမက ဖြစ်ပျက်နေသည်ကို သဘောပေါက်လိမ့်မည်ဟု ယူဆပါသည်။
********************************************************************************

( မေး ) ( ဆွမ်းဟင်းလောင်းလှူခြင်း )
အရှင်ဘုရား၊ အချို့အိမ်များ၌ ဆွမ်းခံသံဃာ အပါးရေ လွန်စွာများပြားသဖြင့် ဆွမ်းဟင်းလောင်းလှူရာ၌
ဥပမာ-ခရမ်းသီးနှပ်၊ ကန်ဇွန်းရွက်ကြော် စသည့် ဒုတိယတန်းစား ဟင်းများနှင့် လောင်းလှူကြပါသည်။
၎င်းတို့စားသောအခါ ဥပမာ-ကြက် ၀က် စသည့် ပထမတန်းစားဟင်းများနှင့် စားကြပါသည်၊ ဤကဲ့သို့ လောင်းလှူကြသဖြင့် မည့်သည့်အကျိုး အပြစ်များရှိသည်ကို သိလိုပါသည်အရှင်ဘုရား။
( မချို-အလုံ )

( ဖြေ )
ဆွမ်း ခဲဘွယ် ဘောဇဉ် စသည် လှူဒါန်းရာ၌
၁။ ဒါန ဒါသ-မိမိသုံးဆောင်သည်ထက် ယုတ်ညံ့သော ၀တ္ထုကို လှူဒါန်းခြင်း။
၂။ ဒါန သဟာယ-မိမိသုံးဆောင်သည်နှင့် အလားတူဝတ္ထုကို လှူဒါန်းခြင်း။
၃။ ဒါန သာမိ-မိမိသုံးဆောင်သည်ထက် ကောင်းမွန်သော ၀တ္ထုကို လှူဒါန်းခြင်း-ဟူ၍ သုံးမျိုးရှိသည်။

ထိုတွင် ၁-မှာ ကျွန်တို့ကို ကျွေးသကဲ့သို့ဖြစ်၍
၂-မှာ မိတ်ဆွေ အပေါင်းအသင်းများကို ကျွေးသကဲ့သို့ ဖြစ်သည်။
၃-မှာ အစိုးတရပုဂ္ဂိုလ် မိမိအရှင်သခင်တို့အား ကျွေးမွေးဧည့်ခံသကဲ့သို့ ဖြစ်ပါသည်။

စေတနာကိုလည်း အစဉ်အတိုင်း ဟီန၊ မဇ္ဈိမ၊ ပဏီတ-ဟု ဆိုသဖြင့် အကျိုးပေးရာတွင်လည်း အယုတ်၊ အလတ်၊ အမြတ် အကျိုးပေးနိုင်ပါသည်။

( မြတ်မင်္ဂလာ ၂၀၀၀-ခု ဧပြီလ )

No comments: