Thursday, February 26, 2009

ဘာသာရေး ပြဿနာ ( ၂၃ )

( ဘဒ္ဒန္တ တိလောကသာရ ဖြေသည် )

( မေး ) ( ဘုရားကိုးဆူ )
ဘုရားကိုးဆူ သမိုင်းကြောင်းနှင့် ဘုရားကိုးဆူ နေရာချထားပုံ၊
ရွတ်ဖတ်မှုကို ရဟန်းတော်များ မလုပ်ဘဲ လူများလုပ်ခြင်းနှင့် နေ့မလုပ်ဘဲ ညလုပ်ရပုံများ သိလိုပါသည်ဘုရား။
( ထွေးလင်းထွဋ်-အင်းစိန် ) ( ထိုက်ထိုက်-တံတားဦး ) ( ၀င်းနိုင်ဦး-သံကုန်း )

( ဖြေ )
သက္ကရာဇ် ၉၂၀-ကျော် ဘုရင့်နောင်မင်းကြီး လက်ထက် ဇင်းမယ်ပြည်မှ နတ်ကြီး ၉-ပါး ပူဇော်ပွဲကို ဘုရင့်နောင်မင်းတရားကြီး သားတော် ဇင်းမယ်စား နော်ရထာစောက သာသနာပြုဆရာတော်များနှင့် တိုင်ပင်၍ ဓမ္မပဒ၊ အာယုဝဍ္ဎန သတို့သား ၀တ္ထုအရ ဘုရားကိုးဆူ ပူဇော်မှုကို စီရင်ခဲ့သည်-ဟု သမိုင်းများက ဆိုပါသည်။

အလယ်ဗဟိုမှာ မြတ်စွာဘုရား သီတင်းသုံး၍
လက်ယာဘက် တောင်အရပ်မှ လက်ယာတော်ရံ အရှင်သာရိပုတ္တရာ၊
လက်ဝဲဘက် မြောက်အရပ်မှ လက်ဝဲတော်ရံ အရှင်မဟာမောဂ္ဂလ္လာန်၊
အရှေ့တော် အရှေ့အရပ်မှ သက်တော်အကြီးဆုံး အရှင်ကောဏ္ဍည၊
နောက်တော် အနောက်အရပ်မှ နောက်တော်ပါ အလုပ်အကျွေး အရှင်အာနန္ဒာ၊
( ဤလေးပါးကို လောကုတ္တရာနည်းအရ နေရာချထား၏ )

တနင်္ဂနွေထောင့်မှာ ဂြိုဟ်သက်အငယ်ဆုံးဖြစ်၍ သက်တော်အငယ်ဆုံး အရှင်ရာဟုလာ၊
အင်္ဂါထောင့် အရှင်သာရိပုတ္တရာ အနီး၌ ၄င်း၏ညီအငယ် အရှင်ရေ၀တ၊
စနေထောင့်၌ စနေနံသည် တရားသူကြီးဂြိုဟ်ဖြစ်၍ ၀ိနယဓရ အရှင်ဥပါလိ၊
ရာဟုထောင့်၌ ပသု-ဟူသော ရာဟုဂြိုဟ်၏ ပရိယာယ်အရ ( ပသု-နွားလားတို့၏၊ ပတိ-အရှင်ဖြစ်သော ) အရှင်ဂ၀ံပတိ၊
( ဤလေးပါးကို လောကီနည်းအရ နေရာချထား၏ )
ဤသို့ ရဟန္တာ ၈-ပါးကို နေရာချထားပေးသည်။

ဘုရားကိုးဆူ ပူဇော်ရာ၌ နံနက် အရုဏ်တက်ချိန်တွင် ဆွမ်းကပ်လှူရမည်ဖြစ်၍ ညပိုင်းတွင် ပြင်ဆင်ပင့်ဆောင်ထားရသည်၊ ဘုရားကိုးဆူ ဒါယကာက ဧည့်သည်များကို ညတွင်ဖိတ်ကြားကာ ဘုရားဖူးစေသဖြင့် ညမှာ ကျင်းပသကဲ့သို့ ဖြစ်နေသည်။ ထို့ပြင် ညပိုင်းတွင် ဘုရားပင့်ခြင်း၊ ရွတ်ဆိုခြင်းတို့မှာ လူတို့အလုပ်ဖြစ်၍ ရဟန်းတော်များနှင့် မသက်ဆိုင်ဘဲလည်း ဖြစ်နေပေသည်။

ဘုရားကိုးဆူ ပူဇော်မှုကို အိမ်ရှင်များက ကျန်းမာ ချမ်းသာ အသက်ရှည်စွာနှင့် ဘေးအန္တရာယ် ကင်းကွာ၍ ကျက်သရေမင်္ဂလာ တိုးတက်ရန် ပြုလုပ်လေ့ရှိကြပါသည်၊ ထိုကိစ္စအားလျော်စွာ အိမ်ရှင်တို့ကိုယ်တိုင် အိမ်၌ ဘုရားကိုးဆူ ပူဇော်ထားစဉ် ဘုရားရှိခိုးခြင်း၊ ရွတ်ဆိုဆုတောင်းခြင်း၊ ဆွမ်းဘောဇဉ်ဆက်ကပ်ခြင်းတို့ကို ဘိသိက်ဆရာကို လွှဲမထားဘဲ ကိုယ်တိုင်ပြုလုပ်မှသာ အဓိပ္ပါယ်ပြည့်ဝစရာ ရှိပေသည်။
********************************************************************************

( မေး ) ( ဓာတုပရိနိဗ္ဗာန် ရောင်တော်ပြန် )
ဆရာတော်ဘုရား၊ သာသနာတော် ကုန်ဆုံးသောနေ့တွင် ဗောဓိမဏ္ဍိုင်၌ မြတ်စွာဘုရား ဓာတ်တော်များ စုပေါင်း၍ ဓာတုပရိနိဗ္ဗာန်ပွဲ ဖြစ်ပေါ်ရာတွင် နတ်ဗြဟ္မာများ ကျွတ်တမ်းဝင်ကြဦးမည် ဆိုပါသည်၊ ထိုအကြောင်းကို ကျမ်းဂန်လာအတိုင်း အထောက်အထားများနှင့် သိလိုပါသည်ဘုရား။
( ဦးအံ့ကျော်-ဘီအေ၊ ဘီအယ်လ်၊ ဗဟိုတရားရုံးရှေ့နေ )

( ဖြေ )
ထိုအကြောင်းကို အင်္ဂုတ္တရအဋ္ဌကထာ ( အံ-ဋ္ဌ ၁၊ ၇၀ ) ဓာတုအန္တရဓာန အခန်းတွင် ပါရှိပါသည်၊ သင့်လျော်သလို မြန်မာမှုပြုရသော် ဓာတုအန္တရဓာန-ဓာတ်တော်တို့ ကွယ်ပျောက်ခြင်း ( ဓာတုပရိနိဗ္ဗာန် ) ကို ဤသို့မှတ်ရမည်။

မြတ်စွာဘုရား၏ ဓာတ်တော်မွေတော်တို့သည် ထိုထိုအရပ်တို့၌ ကောင်းစွာပူဇော် ကိုးကွယ်မှုကို မရကြတော့လျှင် မြတ်စွာဘုရား၏ အဓိဋ္ဌာန်အစွမ်း အားလျော်စွာ ပူဇော်ကိုးကွယ်မှု ရရာအရပ်သို့ ကြွကြလိမ့်မည်။ ထို့နောက် သာသနာတော် ကုန်ဆုံးသောအခါ သီဟိုဠ်ကျွန်း (သီရိလင်္ကာ) တွင် ဓာတ်တော်အားလုံး စုပေါင်းကာ မဟာစေတီကြီး၌ တည်လာလိမ့်မည်၊

ထို့နောက် နာဂဒီပကျွန်း ရာဇာယတန စေတီ၌ တည်ပြီးနောက် မဟာဗောဓိမဏ္ဍိုင် ပလ္လင်တော်သို့ ကြွကြကုန်လတံ့၊ နဂါးပြည်၊ နတ်ပြည်၊ ဗြဟ္မာပြည်တို့၌ ဓာတ်တော်တို့သည်လည်း မဟာဗောဓိမဏ္ဍိုင် ပလ္လင်တော်သို့သာလျှင် ကြွရောက်လာကြကုန်လတံ့၊ ဓာတ်တော် မွေတော်အားလုံးတို့သည် မုန်ညင်းစေ့မျှလောက်ပင် မကြွင်းမကျန်ဘဲ ကြွရောက်လာကုန်လတံ့။

ဓာတ်တော် မွေတော် အားလုံးတို့သည် မဟာဗောဓိမဏ္ဍိုင် ပလ္လင်တော်၌ စုဝေးကြပြီး မြတ်စွာဘုရားအသွင်တော်ကိုယူ၍ ဗောဓိမဏ္ဍိုင်၌ တင်ပလ္လင်ခွေထိုင်တော်မူကာ သုံးဆယ့်နှစ်ပါးသော လက္ခဏာတော်ကြီး၊ ရှစ်ဆယ်သော လက္ခဏာတော်ငယ် တို့နှင့်တကွ ထက်ဝန်းကျင်မှ ရောင်ခြည်တော်တို့နှင့် ပြည့်စုံသော ဗုဒ္ဓအသရေတော်ကို ဆောင်တော်မူလျက် သက်တော်ထင်ရှား ရှိတော်မူစဉ်က ယမိုက်ပြာဋိဟာ ပြတော်မူသကဲ့သို့ ရေမီးအစုံစုံသော တန်ခိုးတော်များကို ပြတော်မူလတံ့။

ထိုအခါ ထိုနေရာသို့ လူသတ္တ၀ါတို့ မရောက်နိုင်ဘဲ စကြ၀ဠာတိုက်တသောင်းမှ နတ်ဗြဟ္မာအားလုံးတို့ စည်းဝေးရောက်လာကြကုန်လျက် ယနေ့ မြတ်စွာဘုရား ပရိနိဗ္ဗာန်ဝင်တော်မူပြီ၊ ဤနေ့မှစ၍ အမှောင်တိုက်ကြီး ဖြစ်ကုန်ပြီ-ဟု ဆို၍ ငိုကြကုန်လတံ့၊ ထို့နောက် ဓာတ်တော်မွေတော် ရုပ်ပုံတော်မှ မီးအလျှံကြီး ဖြစ်ပေါ်၍လာကာ ဓာတ်တော်မွေတော် ကိုယ်တော်မကြွင်း လောင်ကျွမ်းခြင်းသို့ ရောက်ကာ မီးအလျှံကြီးသည် ဤလူ့ပြည်မှ ဗြဟ္မာ့ပြည်တိုင်အောင် တက်ရောက်သွားပေလတံ့၊ ထို့နောက် ဓာတ်တော်မွေတော်ဟူ၍ မုန်ညင်းစေ့ငယ်လောက်မျှ မကျန်တော့ဘဲ လောင်ကျွမ်း၍ သွားပေလတံ့။

ထိုအခါ စည်းဝေးရောက်လာကုန်သော နတ်ဗြဟ္မာအားလုံးတို့သည် မြတ်စွာဘုရား ပရိနိဗ္ဗာန်စံဝင်သော နေ့၌ကဲ့သို့ နတ်ပန်းနံ့သာ တူရိယာတို့ဖြင့် ပူဇော်ကုန်လျက် သုံးကြိမ်တိုင် လက်ယာရစ်ပတ်၍ ပူဇော်ကာ နောင်ပွင့်လတံ့သော မြတ်စွာဘုရားကို ပူဇော်ခွင့်ကို ရရပါလို၏-ဟုဆုတောင်းမြွက်ဆိုကာ မိမိတို့နေရာ ထိုထိုအရပ်တို့သို့ ပြန်ကြွကုန်လတံ့သတည်း။

( ပါဠိကိုလိုလျှင် အင်္ဂုတ္တရဋ္ဌကထာ ( အံ-ဋ္ဌ ၁၊ ၇၀ ) တွင် ယူပါ၊ ဤအဋ္ဌကထာပါဌ်တွင် ကျွတ်တမ်းဝင်မည်ဟူသော စကား မပါပေ၊ နောင်ပွင့်လတံ့သော ဘုရားကို ဖူးတွေ့ရန်ဆိုသဖြင့် ကျွတ်တမ်းဝင်ခွင့် မရ-ဟု သိသာနိုင်ပါသည်။
*********************************************************************************

( မေး ) ( ဘာသာ ၂-မျိုး၊ ၃-မျိုး ကိုးကွယ်လျှင် )
ဆရာတော်ဘုရား ဘာသာ ၂-မျိုး၊ ၃-မျိုးတွဲ၍ ကိုးကွယ်လျှင် ရနိုင်ပါသလား၊ ဤသို့ ကိုးကွယ်သူသည် ဗုဒ္ဓဘာသာအရ သရဏဂုံ တည်နိုင်ပါမည်လား ဖြေကြားတော်မူပါဘုရား။
( မစန်းစန်းမြ-ပန်းဆွဲလမ်း၊ သုံးဆယ်မြို့ )

( ဖြေ )
ကိုးကွယ်မှု ဟူသည် မိမိစိတ်က အကြွင်းမဲ့ယုံကြည်မှု ရှိမှသာ အစစ်အမှန် ဖြစ်နိုင်ပါသည်။ အချို့ ဗုဒ္ဓဘာသာ အမည်ခံသူများသည် မိဘရိုးရာက ဗုဒ္ဓဘာသာဖြစ်၍သာ ဗုဒ္ဓဘာသာဖြစ်နေကြသည်၊ ရတနာသုံးပါး၌ ခိုင်မြဲသော သဒ္ဓါတရား မရှိကြပါ၊ ထိုသူတို့အဖို့ သီလစသော တရားများလည်း မစွဲမြဲနိုင်ကြဘဲ ဟိုဘာသာ သည်ဘာသာ ရောကာ ယောင်ကာနှင့် ဘာသာနှစ်မျိုး သုံးမျိုး ပြောင်းလဲ၍ နေကြသည်။

သရဏဂုံ ဟူသည်မှာ မိမိစိတ်ထဲ နှလုံးထဲမှ နှစ်နှစ်ကာကာ ယုံကြည်စွဲမြဲမှု ရှိမှသာ ဖြစ်သည်၊ ထိုသို့ ဘာသာနှစ်မျိုး သုံးမျိုး ကိုးကွယ်သူ၌ သရဏဂုံ တည်ရှိနေသည်ဟု မဆိုနိုင်ပါ၊ ထို့ပြင် ဗုဒ္ဓဘာသာ၌ သရဏဂုံ တည်တံ့သော ဥပါသကာ စစ်စစ်ဟူသည်မှာ-
(၁) ရတနာသုံးပါး၊ ကံ ကံ၏အကျိုးကိုသာ ယုံကြည်ခြင်း။
(၂) ငါးပါး၊ ရှစ်ပါး၊ ဆယ်ပါး စသော အကျင့်သီလနှင့် ပြည့်စုံခြင်း။
(၃) နတ်၊ ဂိုဏ်း၊ ၀ိဇ္ဇာ၊ ဗေဒင်၊ ယတြာ စသော အယူတို့ကို မစွဲမယူခြင်း။
(၄) လောကီမင်္ဂလာတို့ကို မယုံကြည်ခြင်း။
(၅) ဗုဒ္ဓသာသနာတော်တွင်း၌သာ ကောင်းမှုကို ရှာမှီးခြင်း ဤငါးမျိုးနှင့် ပြည့်စုံရပေမည်။

ထိုမှတပါးလည်း အတ္တသန္နိယျာတန သရဏဂုံ-ရတနသုံးပါး၌ မိမိခန္ဓာကိုယ်ကို စွန့်လွှတ်အပ်နှင်း၍ ကိုးကွယ်ခြင်းစသော သရဏဂုံ ခံယူမှုမျိုးတို့ကို ထောက်ဆက ဘာသာ ၂-မျိုး၊ ၃-မျိုး ကိုးကွယ်သူဟူ၍ မရှိသင့်ကြောင်း ထင်ရှားလှပါသည်၊

အချုပ်မှာ-ဗုဒ္ဓဘာသာ ဟူသည် ဗုဒ္ဓေါ မေ သရဏံ အညံ နတ္ထိ၊
ဓမ္မော မေ ဥရဏံ အညံ နတ္ထိ၊
သံဃော မေ သရဏံ အညံ နတ္ထိ၊
ဘုရား တရား သံဃာ ရတနာသုံးပါးမှတပါး ကိုးကွယ်ရာမရှိ-ဟူ၍ ခံယူထားသူသာ ဖြစ်သင့်ကြောင်း ဖြေကြားအပ်ပါသည်။
********************************************************************************

( မေး ) ( အသုရကာယ် )
ဆရာတော်ဘုရား၊ တပည့်တော်တို့ကို လူကြီးတွေက မင်းတို့အားလုံးသေရင် အသုရကာယ် ဖြစ်မယ်-ဟုပြောပါသည်၊ အသုရကာယ်ဆိုတာ ဘယ်သတ္တ၀ါမျိုးကို ခေါ်ပါသလဲ၊ အဘယ်အကုသိုလ်ကို ပြုလုပ်၍ ဖြစ်ကာ အဘယ်မျှ သက်တမ်းရှိသည်ကို သိလိုပါသည်ဘုရား။
( မောင်လပြည့်ဝန်း-ကော့ကရိတ် )

( ဖြေ )
အသုရကာယ်ကား ဘုံသီးခြားမရှိ၊ ပြိတ္တာများကဲ့သို့ပင် လူ့ဘုံရှိ သမုဒ္ဒရာ တော တောင် စသည်တို့၌ တည်သည်။ ပြိတ္တာများထက် ကိုယ်ကာယ၊ ဆင်းရဲဒုက္ခ၊ အသက်တမ်း ကြီးမားရှည်လျားသည်၊ ကာလကဉ္စိက အသုရာ စသည် ဖြစ်၍ ၄င်းတို့ကိုယ်ကာယမှာ ၃-ဂါဝုတ်ခန့် ကြီးမားသည်၊ အသား အသွေး အလွန်နည်းပါးလျက် ဖက်ရွက်ရော်ကဲ့သို့ ကြုံလှီဖျော့တော့သည်၊ ပုဇွန်မျက်စိပမာ မျက်စိတို့က ပြူးရရူးထွက်နေကြသည်၊ မျက်လုံးတို့ကလည်း နေရာမဟုတ်၊ ဦးထိပ်၌ရှိသည်၊ ကိုယ်ကာယ ကြီးမားပြီး ပါးစပ်ကမူ အပ်ပေါက်ပမာ အလွတ်သေးငယ်သည်၊ ယင်းပါးစပ်သည်လည်း ဦးခေါင်းထက်၌ ရှိ၍ အစာကိုမြင်လျှင် ဦးစိုက်၍ ယူရသည်၊ သို့သော် မည်သည့်အခါမျှ ၀လင်အောင် မစားရ၊ မြစ်တို့ကိုတွေ့လျက် ရေမသောက်ရ။ မီးတဟုန်းဟုန်းတောက်လျက် သက်တမ်းရှည်သမျှ ငတ်မွတ်ဆာလောင်သော ဒုက္ခကို ခံနေကြရသည်။

၎င်းတို့မှာ ကျမ်းဂန်အရ မိစ္ဆာဒိဋ္ဌိ ကံကြွင်းကြောင့် ခံရခြင်းဖြစ်၏၊ သီလ၀န္တ ရဟန်းသံဃာတော်တို့ကို ပြစ်မှား၍ ဖြစ်ရခြင်း စသည်ဖြင့် ပေတ၀တ္ထုများ၌ လာရှိသည်။

( မိစ္ဆာဒိဋ္ဌိကံ၏ အကျိုးရင်းကြောင့်ကား ငရဲ၌ ခံခဲ့ရပြီးပြီ၊)
၎င်းတို့သက်တမ်း အမြဲ မရှိ၊ အကုသိုလ်ကံ မကုန်သမျှ ခံစားရသည်၊ အချို့ ကမ္ဘာသက်တမ်းနှင့် အမျှပင် ခံစားရသည်-ဟု ဆိုပေသည်။
*********************************************************************************

( မေး ) ( မယ်တော်မာယာ အသက် )
မယ်တော်မာယာ အသက် ၅၀-ကျော်မှ ဘုရားလောင်းကို ဖွားသည်ဆိုသည်မှာ ဟုတ်ပါသလား၊
၅၀-မှ ဘယ်လောက် ကျော်ပါသလဲ၊ ကျမ်းဂန်သာဓကနှင့် သိလိုပါသည်ဘုရား။
( ဒေါ်ကေသာဝတီ-စစ်ကိုင်းတောင် )

( ဖြေ )
ဗောဓိသတ္တမာတာပိ ပဌမ၀ယေ သမ္ပတ္တိံ အနုဘ၀ိတွာ မဇ္ဈိမ၀ယေ တတိယကောဋ္ဌာသေ ၀ိဇာယိတွာ ကာလံ ကရောတိ အယမေတ္ထ ဓမ္မတာ-ဟူ၍ သုတ်မဟာဝါ အဋ္ဌကထာ (ဒီ-ဋ္ဌ ၂-၂၉ ) စသည်၌ လာသည်။
ပါဠိကိုမြန်မာပြန်သော်-ဘုရားလောင်း မယ်တော်သည်လည်း ပထမအရွယ်၌ စည်းစိမ်ခံစား၍ မဇ္ဈိမအရွယ်၏ သုံးခုမြောက်သော အစု၌ ဘုရားလောင်းကို ဖွားမြင်ကာ ( ခုနစ်ရက် နေပြီးလျှင် ) သေလွန်သည်။
ဤကား ဓမ္မတာ-ဟု အဓိပ္ပါယ်ရသည်၊

ဆိုလိုသည်မှာ အသက်တရာတမ်းကို သုံးစုပြုသော် ပထမအရွယ် ၃၃-နှစ် ၄-လ၊
မဇ္ဈိမအရွယ် ၃၃-နှစ် ၄-လ၊
ပစ္ဆိမအရွယ် ၃၃-နှစ် ၄-လ ရှိသည်တွင်

ပထမအရွယ် ၃၃-နှစ် ၄-လ စည်းစ်မ်ခံစားသည်။
မဇ္ဈိမအရွယ် ၃၃-နှစ် ၄-လကို သုံးပုံပုံသော် ပထမအပုံ ၁၁-နှစ် ၁-လနှင့် ၁၀-ရက်။
ဒုတိယအပုံ ၁၁-နှစ် ၁-လနှင့် ၁၀-ရက်၊
တတိယအပုံ ၁၁-နှဏ် ၁-လနှင့် ၁၀-ရက် ရသည်။

ပထမအပုံနှင့် ဒုတိယအပုံပေါင်း ၂၂-နှစ် ၂-လနှင့် ၂၀-ရက်ကို
ပထမအရွယ် ၃၃-နှစ် ၄-လနှင့် ပေါင်းလျှင် ၅၅-နှစ်နှင့် ၆-လ အရက် ၂၀-ရ၏၊

ထိုအချိန်တွင် ဘုရားလောင်းကို ပဋိသန္ဓေယူသည်၊ ယင်း၌ ၁၀-လ ထည့်သော် ၅၆-နှစ် ၄-လ၊ ၂၀-ရက်တွင် ဘုရားလောင်းကို ဖွားတော်မူသည်။
*********************************************************************************

( မေး ) ( ဘုရားဘွဲ့မည်တော် )
မဟာသွံသာရ-ဘုရား၊ ဆရာတော်ဘုရား ဖော်ပြပါ ဘုရား၊ ရုပ်ပွားတော် အမည်ကို ဘယ်လိုအသံထွက် ဖတ်ရမည်လဲ၊ အဓိပ္ပါယ်ကိုလည်း သိလိုပါသဖြင့် ရှင်းလင်းမိန့်ကြားစေလိုပါသည်ဘုရား။
( မောင်မျိုးညွှန့်-မြန်မာစာ-ကန်တော်ကလေး )

( ဖြေ )
၎င်းအမည်တော်မှာ ဘုရားရုပ်ပွားတော်၏ စမ္မခဏ်တွင် ပါရှိသည့် ရှေးကသတ်ပုံပင် ဖြစ်ကြောင်း၊
မည်သည့်ခေတ်က ထုလုပ်သည်ဟု မသိနိုင်၊ အလွန်ရှေးကျလှပြီး သစ်သားဆင်းတုတော်ဖြစ်၍ ပြုပြင်စောင့်ရှောက်ထားရကြောင်း စမ္မခဏ်တွင် ( မဟာသွံသာရ-ရုပ်ရှင်တော် ) ဟု စာပါကြောင်း ဆိုင်ရာသို့ စုံစမ်းသိရှိရသည်၊ မဟာသွန်သာရ-ဟု အသံထွက်နိုင်ပါသည်၊
မဟာ-ကြီးမြတ်သော၊ သွံ-သုဝဏ္ဏ-ရွှေအဆင်းကဲ့သို့ တင့်တယ်သပ္ပါယ်သော အဆင်းရှိသည့်၊ သာရ-အနှစ်ဖြစ်သော ရုပ်ရှင်တော်ဘုရား-ဟု အဓိပ္ပါယ် ဖော်ဆိုနိုင်ပါသည်။

ရုပ်ရှင်တော်-ဟု ဆိုသည့်အတိုင်း ယင်းမဟာသွံသာရ မြတ်စွာဘုရား ရုပ်ပွားတော်မြတ်သည် မျက်နှာတော် အဆင်းသဏ္ဍာန် အမျိုးမျိုးပြောင်းလဲတတ်ကြောင်း
ရံခါ အိုမင်းရင့်ရော်သောအသွင်ဖြင့် ဖူးမြင်ရ၍
ရံခါနုပျိုသော အသွင်ဖြင့် ဖူးမြင်ရကြောင်း၊
ရံခါ တည်ကြည်သော အသွင်ဖြင့် ဖူးမြင်ရခြင်း၊
ရံခါ ပြုံးရွှင်နေသော အသွင်တော်ဖြင့် ဖူးမြင်ရကြောင်း
သုံးလေးကြိမ် သွားရောက်ဖူးမြင်သူတို့ အသွင်တော် သုံးလေးမျိုး ဖူးတွေ့ရကြောင်း ပြောဆိုသည်ကို ကြားသိရသည်။

ဗုဒ္ဓရုပ်ပွားတော်၏ ဓာတ်ပုံတော်၌ပင် တပုံနှင့်တပုံ မတူသည်ကို တွေ့ရသဖြင့် ဘုန်းတန်ခိုးကြီးမားသော ရှေးဟောင်း ဥဒ္ဒိဿစေတီ တဆူဖြစ်ကြောင်း သိနိုင်ပါသည်။

( မြတ်မင်္ဂလာ ၁၉၉၂-ခု၊ ဇန်န၀ါရီလ )

No comments: