Saturday, February 21, 2009

ဘာသာရေး ပြဿနာ ( ၂၁ )

( ဘဒ္ဒန္တ တိလောကသာရ ဖြေသည် )

( မေး ) ( ဒါနသုံးမျိုး )
အရှင်ဘုရား၊ ၀ိနယဒေသနာအလို၊ အဘိဓမ္မာဒေသနာအလိုနှင့် သုတ္တန်ဒေသနာအလိုအားဖြင့် မည်သို့ ဒါနပြုရမည်ကို အသီးသီးဖော်ပြပေးတော်မူပါဘုရား။
ထိုသုံးမျိုးတွင် မည်သည့်ဒေသနာအလိုအားဖြင့် အမြတ်ဆုံး ဒါန ဖြစ်ပါသလဲဘုရား။
( ရွှေစင်သန်းရွှေ-ကလေးမြို့ )

( ဖြေ )
ဒါနသည် ၀ိနည်းဒေသနာအလို
၁။ ဆွမ်း ၂။သင်္ကန်း ၃။ ကျောင်း ၄။ ဆေး-ဟူ၍ ၄-ပါးရှိပါသည်။

အဘိဓမ္မာဒေသနာအလို
၁။ ရူပဒါန ၂။ သဒ္ဒဒါန ၃။ ဂန္ဓဒါန ၄။ ရသဒါန ၅။ ဖောဋ္ဌဗ္ဗဒါန-ဟူ၍ ၅-ပါးရှိပါသည်။

သုတ္တန်ဒေသနာအလို
၁။ အန္န-ဆွမ်းအလှူ ၂။ ပါန-အဖျော်အလှူ ၃။ ဃရ-ကျောင်းအလှူ ၄။ ၀တ္ထ-အ၀တ်ပုဆိုးအလှူ
၅။ ယာန-ယာဉ် အစီးအနင်းအလှူ ၆။ မာလာ-ပန်းအလှူ ၇။ဝိလေပန-နံ့သာပျောင်းအလှူ
၈။ ဂန္ဓ-အနံ့အလှူ ( အမွှေးတိုင်စသည် ) ၉။ သေယျာ-အိပ်ရာနေရာအလှူနှင့် ၁၀။ ပဒီပ-ဆီမီးအလှူတို့ ဖြစ်ပါသည်။

ဆွမ်းတမျိုးကိုပင် ၀ိနည်းဒေသနာ အလို-ဆွမ်း
အဘိဓမ္မာဒေသနာ အလို-ရသဒါန
သုတ္တန် အလို-အန္န-ဟူ၍ ဖြစ်ပါသည်။
အကျိုးအမြတ်အနေဖြင့်မူ မည်သည့်ဒေသနာအလိုပင်ဖြစ်စေ နိဗ္ဗာန်ကို ရည်စူး၍ ၀ိဝဋ္ဋဒါနဖြစ်အောင် ဆုတောင်း၍ လှူဒါန်းကြရန်သာ အရေးကြီးပါသည်။
*********************************************************************************

( မေး ) ( အဂတိတရား လေးပါး )
အရှင်ဘုရား၊ ဆန္ဒာဂတိ၊ ဒေါသာဂတိ၊ မောဟာဂတိ၊ ဘယာဂတိ အဂတိတရား လေးပါးတွင် ဘယာဂတိနှင့် မောဟာဂတိ နှစ်မျိုးကို သက်ကြီးဝါကြီး၊ ဘုန်းတော်ကြီးများ လိုက်စားပြုမှားပါက အပြစ်မရှိ၊ အပျယ်မကျ-ဟု ဟောပြောနေကြသည်ကို တွေ့နေရပါသည်၊
လေးစားအပ်သူများကမူ အဂတိလေးပါးလုံးပင် အပြစ်ရှိသည်၊ အပျယ်ကျသည်-ဟု ဆိုပါသည်၊
မည်သည်က မှားသည်၊ မည်သည်က မှန်သည်ကို ဖြေကြား၍ အဂတိတရား လေးပါး အဓိပ္ပါယ်ကိုလည်း ဖြေကြားပေးပါဘုရား။
( ခင်ချို-မြ၀တီမြို့ )

( ဖြေ )
သုတ်သုံးကျမ်း အပါအ၀င် ပါထိက၀ဂ် သိင်္ဂါလောဝါဒသုတ်တွင် ဆန္ဒာ ဒေါသာ ဘယာ မောဟာ၊ ယော ဓမ္မံ အတိဝတ္တတိ၊ နိဟီယတိ ယသော တဿ၊ ကဠပက္ခေ၀ စန္ဒိမာ။
ဆန္ဒာဂတိ ဒေါသာဂတိ ဘယာဂတိနှင့် မောဟာဂတိတို့ လွှမ်းမိုးခံရသူသည် လဆုတ်ပက္ခ၌ လမင်းကဲ့သို့ အခြံအရံ စသည်တို့မှ ဆုတ်ယုတ်ရလေသည်-ဟု ဟောတော်မူထားသည်။
ထိုဂါထာ၏အဖွင့် အဋ္ဌကထာတွင် ယော စတုဗ္ဗိဓောပိ ယထာနုက္ကမေန ဆန္ဒာဂတိ အာဒီနိ ဂစ္ဆန္တော ပါပကမ္မံ ကရောတိ နာမ-ဟု အဂတိလေးပါးလုံးသည်ပင် အကုသိုလ်ကံများဖြစ်၍ အပါယ်ကျနိုင်ကြောင်း ဖွင့်ဆိုပါသည်။
( ဒီ=ဋ္ဌ ၃-၁၂၇ )

အဂတိလေးပါး အဓိပ္ပါယ်မှာ-
၁။ ချစ်၍ အနိုင်ပေးခြင်း။
၂။ မုန်း၍ အရှုံးပေးခြင်း။
၃။ ကြောက်၍ အနိုင်ပေးခြင်း။
၎။ တွေဝေမှိုင်းမိ အသိတရားမရှိ၍ အရှုံးအနိုင် ထင်သလို ပေးခြင်းမျိုးကို
အဂတိလိုက်သည်-ဟု ဆိုပါသည်။
********************************************************************************

( မေး ) ( ကောတုဟလမင်္ဂလာ )
အရှင်ဘုရား၊ အင်္ဂုတ္တိုရ်ပါဠိတော် မြန်မာပြန် ပဉ္စကနိပါတ် စဏ္ဍာလသုတ်တွင်
ရဟန်းတို့၊ တရားငါးမျိုးနှင့် ပြည့်စုံသော ဥပါသကာသည်
ဥပါသကာဒွန်းစဏ္ဍာလည်း မည်၏။
ဥပါသကာညစ်လည်းမည်၏။
ဥပါသကာ ညံ့လည်းမည်၏။
အဘယ်ငါးမျိုးတို့နည်းဟူမူ -ဟုဆိုကာ ကောတုဟလမင်္ဂလာကို ယုံကြည်မှု ရှိ၏-ဟု တပါးပါရှိပါသည်။
ကောတုဟလမင်္ဂလာကို ကွဲကွဲပြားပြား သိလိုပါသည်ဘုရား။
( ကိုဟန်ဝင်း-အင်းစိန်မြို့သစ် )

(ဖြေ )
ပါဠိအမှန် ကောတူဟလ-ဖြစ်၍ အုတ်အုတ်ကျက်ကျက် အသံဟု ဆိုလိုပါသည်။
ဤသူသည် လူအများ အုတ်အုတ်ကျက်ကျက် ဖြစ်လောက်အောင် ထူးဆန်းသောအမူအရာ ( အတတ်ပညာ )၊ အပြုအမူ အပြောအဆိုရှိသည်။
ဤသူကို ဆည်းကပ်လျှင် လာဘ်လာဘပေါများမည်၊ စည်းစိမ်ဥစ္စာတိုးတက်မည်-ဟု ယူဆ၍ အုတ်အုတ်ကျက်ကျက် ဖြစ်စေသူအား ကိုးကွယ်ဆည်းကပ်ခြင်းမျိုး ဖြစ်သည်။
ဤခေတ်တွင် ရိုးရိုးသံဃာတော်ထက် ဘိုးတော် ၀ိဇ္ဇာ ထွက်ရပ်ပေါက်ဆိုသူများကို ကိုးကွယ်ခြင်းမျိုးကို ဆိုလိုပါသည်။
********************************************************************************

( မေး ) ( မနောဒွါရ မနောကံ )
အရှင်ဘုရား၊ ကင်္ခါအဋ္ဌကထာ၌ မနောဒွါရေ အာပတ္တိနာမ နတ္ထိ၊ မနောဒွါရ၌ အာပတ်မသင့်-ဟု ဆိုပါသည်။ အချို့ကျမ်းစာများတွင် ကံသုံးပါးတို့တွင် မနောကံသာ အပြစ်အကြီးဆုံးဟု ဆိုပြန်ပါသည်။
ထိုနှစ်ချက်၏ ကွားခြားမှုကို ရှင်းလင်းဖြေကြားပေးတော်မူပါဘုရား။
ထို့ပြင် သိလိုသောပြဿနာတရပ်မှာ ကမ္ဘာဦးအစက ယောက်ျားနှင့် မိန်းမ ဘယ်သူက အစ ဖြစ်ပါသလဲဘုရား။ ဖြေကြားပေးတော်မူစေလိုပါသည်။
( အရှင်ဣန္ဒ၀ံသ-ကောလင်းမြို့ )

( ဖြေ )
ဝိနည်း (သီလ) အရာ၌ ကာယဒွါရ၊ ၀စီဒွါရသာလျှင် ပဓာနဖြစ်သည်။
ကာယဒွါရ ၀စီဒွါရကို ထိမ်းသိန်းနိုင်လျှင် အပြစ်အာပတ် မဖြစ်နိုင်၊ မနောဖြင့် လွန်ကျူးခြင်းသည် အပြစ်မရှိ၊
ထို့ကြောင့် မနောဒွါရေ အနာပတ္တိဟု ဟောတော်မူသည်။
သို့သော် ၀ိနည်းကိစ္စ သီလစောင့်ထိန်းမှုမျိုးမှတပါး ပြစ်မှားလုပ်ဆောင်မှုမျိုး၌ကား မနောကံ ပါမှသာလျှင် အပြစ်ရှိသည်။

ရဟန္တာဖြစ်သော အရှင်စက္ခုပါလမထေရ်သည် မျက်စိမမြင်၍ စင်္ကြံလျှောက်ရာ၌ ပိုးကောင်များကို နင်းမိ၍ သေကျေကြသော်လည်း သေစေလိုသောစိတ်မရှိ၊ မနောကံမပါ၍ အပြစ်မရှိ၊ သေစေလိုသောစိတ် (၀ဓက) စေတနာ မနောပါမှသာ အပြစ်ရရှိပေသည်။

ကမ္ဘာဦးအစက ယောက်ျားနှင့် မိန်းမ ဘယ်သူက အစဖြစ်ပါသလဲ-ဟူသော အမေး၌ ဇာတက အသီတိနိပါတ် မဟာဟံသဇာတ်၌ မဟာဘူတိတ္ထိယောနာမ လောကသ္မိံ ဥဒပဇ္ဇိသုံ-ကမ္ဘာဦးအခါ၌ ဣတ္ထိလိင် (မိန်းမသွင်ပြင်)က ရှေးဦးစွာ ထင်ရှားဖြစ်ကြောင်း ထင်ထင်ရှားရှား ဟောကြားတော်မူထားချက်ရှိတယ်။(ဇာ-ဋ္ဌ၊ ၅-၃၉၁ )
ထို့ကြောင့် သတပဒိကပုစ္ဆာတွင် မန်လည်ဆရာတော်မေး၍ မင်းကွန်းဆရာတော် ဖြေရာ၌လည်း
ဣတ္ထိတဲ့ ပုရိသာ၊ ပေါ်စအခါက၊ မိန်းမမှာ အစထူး၊ ရှေးဦးဖြစ်လာ-ဟူ၍ ဖြေကြားတော်မူထားပေသည်။
********************************************************************************

( မေး ) ( ပရိတ်ရွတ်ရာ၌ နတ်ဖိတ်ခြင်း )
အရှင်ဘုရား၊ ပရိတ်မရွတ်မီ နတ်များကို ပင့်ဖိတ်ကြပါသည်၊ ပရိတ်တရား နာယူရန် နတ်များကြွရောက်ကြပါသလား၊ မမြင်ဖူး၍ ကိုယ်ထင်ပြပေးရန် တောင်းဆိုလျှင် ရပါသလား။
ပရိတ်ရွတ်ဖတ်သူတို့က မည်သည့်အင်္ဂါမျိုးနှင့် ပြည့်စုံရပါမည်နည်း။ ဖြေကြားပေးတော်မူပါဘုရား။
( မောင်ဋ္ဌေးဝင်း-မန္တလေးတိုင်း )

( ဖြေ )
လူတို့ပြည်သည် နတ်တို့အနေဖြင့် အညစ်အကြေးများ စုဝေးရာ ဌာနကဲ့သို့ ဖြစ်သည်။
လူတို့၏အနံ့သည် နတ်တို့အဖို့ မိုင်ပေါင်းများစွာ ဝေးကွာသောဌာနမှပင် မခံသာအောင် နံစော်လှသည်-ဟု ဆိုပါသည်။
သို့သော် လူတို့က ငါးပါး၊ ရှစ်ပါး၊ ဆယ်ပါးသီလနှင့် ပြည့်စုံလျှင်
ရဟန်းတော်များက သီလကြီး လေးပါးနှင့် ပြည့်စုံလျှင် ထိုသီလရနံ့တို့က နံစော်မှုတို့ကို ဖုံးလွှမ်း၍သွားသည်။

ထို့ကြောင့် ပရိတ်ရွတ်သူသည် ပရိတ်မရွတ်မီ ကိုယ်လက်သန့်စင်စေလျက် ၀တ်ကောင်းစားလှများကို ၀တ်ဆင်ကာ သရဏဂုံသီလတို့ကို ခံယူဆောက်တည်ပါ။ ထို့နောက် ဘုရားပုထိုး ရှိခိုးလျက် နတ်များကို ဖိတ်ပြီးလျှင် ပရိတ်တော်များကို ဌာန်ကရိုဏ်းကျနစွာ ရွတ်ဖတ်လျှင် နတ်များလာရောက်နာယူတတ်ကြပါသည်။

နတ်တို့သည် ပရိတ်တရားတော်များကို နာယူလို၍ လူ့ပြည်တွင် လာရောက်လှည့်လည်ရှာဖွေ၍ နေကြသည်-ဟု ဆိုပါသည်။ အနည်းဆုံး-ဘုမ္မစိုး၊ ကိုယ်စောင့်နတ်၊ အိမ်စောင့်နတ်များ နာယူကြပါသည်။ အထူးအားဖြင့် အထက်ပါ ပရိကံများကို ပြုလုပ်၍ ပဋ္ဌာန်းပစ္စယုဒ္ဒေသ၊ ပစ္စယနိဒ္ဒေသများကို နေ့စဉ်ရွတ်ဆိုသူများထံ နတ်များ လာရောက်နာယူကြကြောင်း ပြောကြပါသည်။

နတ်များသည် ၄င်းတို့လာသည်ကို သိရန် ထူးခြားသော အမွှေးနံ့များကို ပေးတတ်ပါသည်၊
ကြာသော် လူ့အသွင်ဖြင့် ရွတ်ဆိုသူ၏နောက်ပါးတွင် ထိုင်၍ နာယူတတ်ကြပါသည်။ ထိုကဲ့သို့ နာယူတတ်ကြောင်း ရွတ်ဆိုနေကျ ဆရာတော်ကြီးများ မိန့်တော်မူသည်ကို နာခံရဖူးပါသည်။
********************************************************************************

( မေး ) ( အကျဉ်းဟော၍ သိသူ )
အရှင်ဘုရား၊ အကျဉ်းဟောရုံမျှဖြင့် မဂ်ဖိုရသူ၊
အကျယ်ဟောရုံမျှဖြင့် မဂ်ဖိုလ်ရသူ-ဟူ၍ ဒီခေတ် ဒီအခါ ဒီကာလ၌ ရှိပါသေးသလားဘုရား။
( ယောဂီတဦး-မြိတ် )

( ဖြေ )
အကျဉ်းဟောရုံဖြင့် မဂ်ဖိုလ်ရသူ ဥဂ္ဃါတိတညူပုဂ္ဂိုလ်၊
အကျယ်ဟောပြမှ မဂ်ဖိုလ်ရသူ ၀ိပဉ္စိတညူပုဂ္ဂိုလ်များမှာ မြတ်စွာဘုရားလက်ထက် ရှေ့ပိုင်းမှာမှ ရှိနိုင်ပါသည်။
ဤခေတ်တွင်မူ တရားတပုဒ်ကို အကျယ်ဝေဖန် ဆန်းစစ်ခွဲစိတ်ပြမှ မဂ်ဖိုလ်ကို ရနိုင်သော နေယျပုဂ္ဂိုလ်များသာ အမြတ်ဆုံး ဖြစ်ပါသည်။
ထို့ကြောင့် ဤခေတ် ဤအခါ ဤကာလတွင် ဥဂ္ဃါတိတညူပုဂ္ဂိုလ်၊ ၀ိပဉ္စိတညူပုဂ္ဂိုလ်များ မရှိနိုင်တော့ပါ။
********************************************************************************

( မေး ) ( ဘုရားမီးလှုံပွဲ )
အရှင်ဘုရား၊ တပို့တွဲလပြည့်နေ့ကို ဘုရားမီးလှုံပွဲနေ့-ဟု ဆို၍ အချို့ဒေသတွင် နံ့သာ၊ ဒန္ဒကူး၊ မှက်၊ ဖွတ်၊ ချဉ်၊ တောင်တမာင်ပင်တို့ကို အခွံခြစ်၍ စင်ကြယ်စေပြီး ညမိုးချုပ်လျှင် ဘုရားကို မီးပူဇော်ကြပါသည်။
ဘုရားအချစ်ဆုံးနေ့ ဟူ၍လည်း ဆိုကြပါသည်။ အထောက်အထား ကျမ်းဂန်လာ မှန်ပါသလား၊ တပည့်တော်များ လေ့လာနိုင်ရန် ညွှန်ပြပေးတော်မူပါဘုရား။
( အရှင်သုခ-မန္တလေး )

( ဖြေ )
တပို့တွဲလဘွဲ့ တေးထပ်တပုဒ်တွင် ချမ်းဆိုသမျှ စံမတူသည်၊ သယမ္ဘူသော်မှ၊ မီးမယ်ဖျူး၊ ရွှေလက်ကင်သည်၊ ရေစက်သွင်အေးသည့်ကာလ-စသည် ရေးစပ်ထားသော ကဗျာမဆားအရ မြတ်စွာဘုရား မီးလှုံကြောင်းယူဆ၍ မီးပူဇော်ပွဲများ၊ မီးပုံပွဲများ အချို့ဒေသတို့တွင် ပြုလုပ်ကြောင်း ကြားသိရပါသည်။ ပါဠိ အဋ္ဌကထာတို့တွင် လာရှိသည်ဟု မသိရပါ။
********************************************************************************

( မေး ) ( ရေသပ္ပါယ်ခြင်း )
အရှင်ဘုရား၊ မြတ်စွာဘုရား ဆင်းတုတော်များ၊ ရေလောင်းသပ္ပါယ်နေသည်ကို ရွှေတိဂုံဘုရားပေါ်၌ အများဆုံး တွေ့ရပါသည်၊
တချို့က ဦးခေါင်းပေါ်မှစ၍သော်၎င်း၊လည်ပင်းနားမှစ၍သော်၎င်း၊ ရေလောင်းကြပါသည်။
မည်သည့်နေရာမှ ရောလောင်းသပ္ပါယ်လျှင် မည်သို့စိတ်ထားရမည်။ မည်သို့သော အကျိုးရမည်ကို ဖြေကြားပေးတော်မူပါဘုရား။
( မဉာဏ်လွန်-ကမာဝက်၊ မုဒုံ )

( ဖြေ )
ရွှေတိဂုံဘုရားပေါ်၌ ဘုရားရေသပ္ပါယ်ကြသူများမှာ အချိန်အခါဟူ၍မရှိ၊ ဗေဒင်ဆရာက ယတြာချေခိုင်းလျှင် ဘုရားရုပ်ပွားတော်များကို စင်္ကြန်ရေလောင်းသကဲ့သို့ လောင်းနေကြသည်မှာ ကုသိုလ်မရ။ အပြစ်ရဖွယ်သာ ဖြစ်စရာရှိပါသည်။

တကယ်ရေသပ္ပါယ်လိုသော စေတနာရှင်များမှာ ရွှေတိဂုံဘုရားပေါ်သို့ပင် သွားနေစရာမလိုပါ၊ ကိုယ့်အိမ်ရှိ ဘုရားရုပ်ပွားတော် (ကြေးဆင်းတု၊ကျောက်ဆင်းတု)ကို နွေလအခါ ပူသောအချိန်တွင် ကျောင်းဆောင်မှပင့်၍ အိမ်ဦးတွင် ချေးညှော်စင်အောင် ချေးချွတ်ဆေး၊ ဆပ်ပြာ၊ အ၀တ်သန့်သန့်၊ ရေသန့်သန့်ဖြင့် သင့်လျော်ရာနေရာမှ လောင်း၍ ရိုသေလေးစားစွာ ရေသပ္ပါယ်ကုသိုလ်ယူသင့်ပါသည်။

စင်္ကြန်အခါ နှစ်သစ်ကူးအခါတို့တွင် ကျောင်းကန် ဘုရားတို့၌ ဥပုသ်စောင့်ကြသော ဥပုသ်သည် ကျား, မ, မဟူ ညနေပိုင်းတို့တွင် ကျောင်းရှိ ကြေးဆင်းတု၊ ကျောက်ဆင်းတုများကို ရိုသေစွာ ရေသပ္ပါယ်ကြသည်ကို တွေ့ရ ကြုံရလေ့ရှိပါသည်။ အချို့ရေအေးအေးတွင် အမွှေးနံ့သာများထည့်၍ ရေသပ္ပါယ်ကြသည်ကိုလည်း တွေ့ရပါသည်။ ထိုကဲ့သို့ ကုသိုလ်ဖြစ်အောင် ရေသပ္ပါယ်သင့်ပါသည်။

( မြတ်မင်္ဂလာ ၂၀၀၁-ခု နိုဝင်ဘာလ )

No comments: