Wednesday, February 4, 2009

ဘာသာရေး ပြဿနာ ( ၁၄ )

( ဘဒ္ဒန္တ တိလောကသာရ ဖြေသည် )

( မြန်မာလူမျိုးနှင့် မြတ်စွာဘုရား )
( မေး ) ဆရာတော်ဘုရား ဗုဒ္ဓ-အလောင်းအလျာသည် အန္တိမဘ၀ နောက်ဆုံးကာလ၌ ခတ္တိယနှင့် ဗြဟ္မဏအမျိုးတို့၌သာ ဖြစ်ရသည်-ဟု စာအုပ်တအုပ်၌ တွေ့ပါသည်။
သို့ပါ၍ မြန်မာလူမျိုး ဘုရားဖြစ်နိုင်-မဖြစ်နိုင် သိလိုပါသည်ဘုရား။
( မျိုးညွှန့်-မြန်မာခရီးသွားလုပ်ငန်းဌာန၊ ရန်ကုန် )

( ဖြေ )
ဓမ္မတာအားဖြင့် ဘုရားအလောင်းတော်များ လူ့ပြည်တွင် ပဋိသန္ဓေ နေတော်မူခါနီး၌ ကြည့်ခြင်းကြီး ငါးပါးဖြင့် ကြည့်လေ့ရှိသည်။
ယင်းတို့မှာ ၁။ ကာလ-ဘုရားဖြစ်ရာ ကာလ ( အသက်တသိန်းတန်းနှင့် တရာတန်း ကြားကာလ )
၂။ ဒီပ-ကျွန်းလေးကျွန်းတွင် ဇမ္ဗူဒိပ်ကျွန်း
၃။ ဒေသ-ဇမ္ဗူဒိပ်ကျွန်း၏ အချက်အချာ မဇ္ဈိမဒေသ
၎။ ကုလ-အမျိုးလေးပါးတွင် ခတ္တိယနှင့် ဗြဟ္မဏမျိုး
၅။ မာတု အာယုပရိစ္ဆေဒ-မယ်တော်၏ ဆယ်လနှင့် ခုနစ်ရက် အသက်အပိုင်းအခြား-ဟူ၍ ငါးပါးဖြစ်သည်။

မြန်မာနိုင်ငံသည် မဇ္ဈိမဒေသ၏ အပြင်ဘက်၌ ကျနေခြင်း
( ဗောဓိပင်ကို ဗဟိုထား၍ အိန္ဒိယပြည် ဗီဟာနယ်တွင် အရှေ့လားသော်-ဇင်္ဂလနိဂုံး။
အရှေ့တောင်လားသော်-သလ္လ၀တီမြစ်။
အနောက်လားသော်-ထူနပုဏ္ဏားရွာ။
မြောက်လားသော်-ဥသိရဒ္ဓဇတောင်။
အတွင်း အ၀န်း ယူဇနာ ကိုးရာ အတွင်း၏ အပြင်ဒေသ ဖြစ်နေခြင်း ) ကြောင့် မြန်မာလူမျိုး ဘုရားဟူ၍ ဖြစ်နိုင်ဖွယ် မရှိပါ။
သို့သော် လူ့သမိုင်းအရ မြန်မာလူမျိုးတို့သည် မြတ်စွာဘုရား၏ သကျသာကီဝင်မျိုးမှ ဆင်းသက်လာကြောင်း အဆိုရှိသဖြင့် တနည်းအားဖြင့် မြန်မာတို့သည် မြတ်စွာဘုရား၏ အမျိုးအနွယ်များပင် ဖြစ်သဖြင့် ကျေနပ်အားရဖွယ်ပင် ဖြစ်ပေသည်။
*********************************************************************************

( ရွတ်ဖတ်ကိစ္စ )
( မေး ) အရှင်ဘုရား၊ ပါဌ်နှစ်ဆင့်ရှိလျှင် ( တတ္ထ ) အထက်အက္ခရာသည် အသတ်ဖြစ်သည် မဟုတ်ပါလား၊ ( တတ်ထ )။
ပါဠိစာတွင် တွေ့ရသော တတ္ထာနှင့် တသ္မာ ဤနှစ်ခုကို ဖတ်ရာတွင် တတ္ထာကို တတ်ထာ-ဟု ဖတ်၍၊ တသ္မာကို တသ်မာ-ဟု မဖတ်ဘဲ အဘယ်ကြောင့် တသ်သမာ-ဟုဖတ်ရပါသလဲ ခြားနားပုံ သိချင်ပါသည်။
( ခရစ်ရှာနာ-၂၅-လမ်း မန္တလေး )

( ဖြေ )
ဤပါဠိသတ်ပုံများကို ဆောင်းပါးရေးခြင်း၊ စာအုပ်ထုတ်ခြင်းများဖြင့် ပညာရှင်များ အတော်များများ ဖြန့်ဝေထားကြသည်၊
တင်ပြပုံ မှန်ကန်တိကျ နည်းပေးလှသော်လည်း အများအမြင်မရှင်းဘဲ ရှိနေကြသေးသည်၊
သို့ဖြင့် အလွယ်ကူဆုံးသော နည်းကို ညွှန်ပြပါမည်၊
ကကြီး ခကွေး ဗျည်း ၃၃-လုံးကို ၅-လုံးစီ ဇယားချ ရေးကြည့်ပါ၊
က-တန်း၊ စ-တန်း၊ ဋ-တန်း၊ တ-တန်းနှင့် ပ-တန်း အတန်း ၅-တန်းရှိ စာလုံးများ သူ့အတန်းနှင့်သူ အချင်းချင်း ဆင့်ခြင်းမှာ
ထုံးစံအတိုင်း ဆင့်ခြင်းဖြစ်၍ အဆင့်၏ အပေါ်စာလုံးမှာ အသတ်ဖြစ်သွားပြီး အသံပျောက်ရပါသည်။
( ပုံစံ-တတ္ထ-တတ်ထ။ အဆင့် တ၀မ်းပူသံ ပျောက်သည် )

ယ-မှစ၍ အ-အထိ ၈-လုံးသော စာလုံးများ အဆင့်အနေနှင့်တွေ့လျှင် ထုံးစံမဟုတ်သော ဆင့်ခြင်းဖြစ်၍ အဆင့်၏အထက်စာလုံးမှာ အသတ်လည်း ဖြစ်သည်၊ အသံလည်း မပျောက်ရပါ။
( ဥပမာ-တသ္မာ-တသ်သမာ။ သ-သည် အသတ်လည်းဖြစ်သည်၊ အသံလည်း မပျောက်ရပါ )။

ထို့အတူ တမှာ-( မ နှင့် ဟ-ဆင့် ) တမ်မှာ။
တတြ-( တ နှင့် ရ-ဆင့် ) တတ်တရ။ ( လျှာလိပ်သံ )
ဟိတွာ-( တ နှင့် ၀-ဆင့် ) ဟိတ်တ၀ါ။
ဒဠှံ-( ဠ နှင့် ဟ-ဆင့် ) ဒဠ်ဠှံ ( ဒန်လှံ )
မယှံ-( ယ နှင့် ဟ-ဆင့် ) မယ်ယှံ စသည်ဖြစ်၏။

ဗြဟ္မဏော-ဟူသော ပါဠိကို ပါဠိအသံအတိုင်းဆိုပါက ဗရာဟ်ဟမဏော-ဟု ဖတ်သင့်သော်လည်း မြန်မာသံဖြင့် ဗြန်မဏော-ဟု ဖတ်ခြင်းမှာ ခြွင်းချက်ဟု ဆိုရပေမည်။
********************************************************************************

( မာယာ လေးဆယ် )
( မေး ) ဗုဒ္ဓစာပေများကို ဖတ်ရှုရာတွင် မိန်းမတို့ မာယာအနေအားဖြင့် ကိုယ်လက်ကို ဆန့်၏၊ ညွတ်၏၊ စံပယ်၏၊ ရှက်စနိုးကဲ့သို့ ပြု၏၊ မှစ၍ ထဘီပြင်ဝတ်ခြင်း၊ ဆံပင်ထုံးခြင်းများပါ ဖော်ပြထားရာ မိန်းမအနေဖြင့် မာယာ မများရန် လက်ကလေးမျှပင် မလှုပ်ဝံ့စရာဖြစ်နေပါသည်၊ ထို့ကြောင့် ၄င်းမာယာ လေးဆယ်ဆိုသည်မှာ ဘယ်ကဲ့သို့ မှတ်ယူရမည်ကို အရှင်ဘုရား ဖြေကြားသင့်သည်ထင်က ဖြေကြားပေးစေလိုပါသည်ဘုရား။
( ဌေးဌေးဝင်း-အထက၊ မုဒုံ )

( ဖြေ )
မာယာလေးဆယ်မှာ အသီတိ နိပါတ် မဟာကုဏာလဇာတ်လာ ဖြစ်သည်။
ဗုဒ္ဓစာပေအရပင် ဖြစ်သဖြင့် ဖြေရှင်းဟောပြသင့်သော တရားဓမ္မပင်ဖြစ်၍ ဖြေဆိုပါမည်။
မိန်းမတို့မှာ မာယာ လေးဆယ် မဖြစ်အောင် လက်ခြေမျှကိုပင် မလှုပ်ဝံ့စရာ-ဟုဆိုက ဆိုစရာပင်ဖြစ်သည်၊
မြတ်စွာဘုရား ဟောတော်မူသော အလိုမှာ အခါခပ်သိမ်း လှုပ်ရှားမှုကို မဆိုလို၊ မိမိစိတ်ဝင်စားသော ယောက်ျားတဦးရှေ့တွင် မိန်းမတို့သည် ငြိမ်ငြိမ်သက်သက် မနေဘဲ မိမိကို စိတ်ဝင်စားစေလိုသော ဆန္ဒဖြင့် လှုပ်ရှားမှု တခုခုကို ပြုလုပ်ပြခြင်း၌ ဤလေးဆယ်မျိုးတွင် တမျိုးမျိုးကို ပြုလုပ်တတ်ကြောင်း ဟောတော်မူလိုရင်းပင် ဖြစ်သည်။
ဖြစ်နိုင် မဖြစ်နိုင် မြတ်စွာဘုရား ဟောတော်မူချက် မှန်-မမှန် မိန်းမတဦးအနေဖြင့် စဉ်းစားတွေးခေါ်ကြည့်၍ မြတ်စွာဘုရား၏ သဗ္ဗညုတရွှေဉာဏ်တော်ကို ကြည်ညိုလျက် ကုသိုလ်ပွားစေလိုကြောင်း အကြံပေးလိုပါသည်။
*********************************************************************************

( အပရာဇိတ ပလ္လင်တော် )
( မေး ) ဆရာတော်ဘုရား၊ ဘုရားအလောင်း သိဒ္ဓတ် မင်းသားသည် တောထွက်သောအခါ မြက်ထမ်းသမားထံမှ မြက်အလှူခံပြီးနောက် ဖြန့်ချလိုက်သောအခါ ချက်ချင်း ပလ္လင်ပေါ်လာပါသလား။
ဘုရားဖြစ်မှ ပလ္လင်ပေါ်လာပါသလား ဖြေရှင်းပေးတော်မူပါဘုရား။
( မောင်ထက်နောင်ဝင်း-၅-ရပ်ကွက်၊ လယ်ဝေးမြို့ )

( ဖြေ )
ဘုရားအလောင်း မြက်ရှစ်ဆုပ် အလှူခံသည်မှာ တောထွက်တော်မူစက မဟုတ်၊
ဘုရားအဖြစ်သို့ ရောက်တော်မူခါနီး ကဆုန်လပြည့် ညနေဆည်းဆာ အချိန်၌ဖြစ်၍ ဗောဓိပင်အောက် အရှေ့မြောက်အရပ်၌
ကြဲဖြန့်တော်မူရာ မြက်အသွင် ကွယ်ပျောက်၍ တစုံတယောက်သော ပန်းချီဆရာ၊ ပန်းပုဆရာမျှ ရေးထုခြင်းငှါ မတတ်သာအောင် လွန်စွာဆန်းကြယ်သည့် တဆယ့်လေးတောင် ပမာဏရှိသော ရတနာပလ္လင်တော်ကြီးကို ပါရမီတော်အားလျော်စွာ ပေါ်ပေါက်တော်မူလာရသည်-ဟု ဗုဒ္ဓ၀င်တွင် ဖော်ပြထားလေသည်။

( မြတ်မင်္ဂလာ ၁၉၉၂-သြဂုတ်လ )

No comments: