Friday, February 20, 2009

ကံ ကံ၏အကျိုး ( ၁၉ )

( အကြင် မျိုးစေ့ )

နှစ်ပေါင်း ၃၀-ခန့် ရှိခဲ့ပါပြီ၊ ခံစားခဲ့ရသော ကြေကွဲဖွယ် အဖြစ်အပျက်သည် မနေ့တနေ့ကကဲ့သို့ မြင်ယောင်နေဆဲပင်။ ထိုအချိန်က ကျွန်မ တာဝန်ထမ်းဆောင်ရသော ဒေသမှာ တာချီလိတ်မြို့နှင့် အနည်းငယ် ကွာလှမ်းသော အ-လ-က စာသင်ကျောင်းဖြစ်သည်။ ထိုစာသင်ကျောင်းသည် ဆေးရုံနှင့် လမ်းတလမ်းသာခြားသည်၊ ထို့ကြောင့် ကျန်းမာရေးနှင့်ပတ်သက်၍လည်း မပူခဲ့ပါ၊

အလှူဒါနဆိုသည်မှာလည်း မိမိရှိသောပစ္စည်း လျော့ပါးမည်စိုး၍ မလှူရက်၊ မပေးရက်ခဲ့ပါ၊ ကလေးငယ်များကို စာသင်ရာတွင်လည်း စေတနာမပါပါ၊ သားသမီးချင်း ကိုယ်ချင်းစာစိတ်လည်း မထားတတ်ပါ၊ တနေ့တွင် ကျွန်မတို့ကျောင်းက ဆရာမတဦး၏ သမီးကလေး တယောက်သည် တက်၍ မေ့မြောသွားသဖြင့် ဆေးရုံသို့ ကမန်းကတန်း ယူပြေးသည်ကို ကျွန်မမြင်လိုက်ရသည်၊

အမှန်အတိုင်းဝန်ခံရလျှင် ကျွန်မ ထိုကလေးကို မသနားသည့်အပြင် ထိုကလေး အသက်ပြန်မရှင်ပါက ထိုဆရာမ စိတ်ဆင်းရဲ၊ ကိုယ်ဆင်းရဲ ဖြစ်တော့မည်ကို ကြိတ်၍ ၀မ်းသာသလိုဖြစ်ခဲ့ပါသည်၊ သို့ရာတွင် မကြာမီ ထိုကလေးငယ် နေကောင်းပြီး မိသားစု ပျော်ပျော်ရွှင်ရွှင် ဆေးရုံမှ ဆင်းလာသည်ကို တွေ့ရသည်။

မကြာမီကာလအတွင်း ကျွန်မ၏ ယုတ်မာသော စိတ်များ အပြောင်းလဲကြီး ပြောင်းလဲမည့်နေ့သို့ ရောက်ရှိလာခဲ့သည်။
ကျွန်မသည် သားကလေး ၅-နှစ်အရွယ်နှင့် သမီးကလေး ၃-နှစ်အရွယ်တို့အား အလွန်ချစ်၍ လိုလေသေးမရှိ ထားခဲ့သည်၊ သို့သော်လည်း စည်းကမ်းရှိရန် လိမ္မာရေးခြားရှိရန်ကိုတော့ ကျွန်မသွန်သင်ဆုံးမသည်။

တရက်သော ညနေပိုင်း၌ တနေကုန်ဆော့နေသော သားကလေးသည် မျက်စိမျက်နှာပျက်ကာ အိပ်ရာတွင်းသို့ စောင်ခြုံ၍ ၀င်အိပ်နေသည်၊ ကျွန်မသည် သားကို မမေးမစမ်းဘဲ အမှတ်တမဲ့ပင် နေမိသည်။
ငါ့မှာ ငွေရှိတယ်၊ ဆရာဝန်ကို ငွေပေးရင် ဘာရောဂါမဆို ပျောက်မှာပဲ-ဟု ယူဆကာ သူ့အဖေပြန်လာမှ ဆေးကုခိုင်းမယ်ဟု ပေါ့ပေါ့ပင်နေခဲ့သည်။

ခင်ပွန်းသည် ပြန်ရောက်လာသောအခါ သားငယ် နေမကောင်းဘူးဆိုသဖြင့် ဆရာဝန်ထံ ဆေးသွားထိုးခိုင်းပါသည်၊ ခါတိုင်း နေမကောင်းလျှင် ဆေးသွားထိုးပြီးပါက ပြန်လည်ကောင်းလာပါသည်၊ ထိုညတွင်မူ သားကလေးသည် တညလုံး ရေတောင်းသောက်ပြီး ငြိမ်နေသည်၊ ကျွန်မကို မပြောရဲဘဲ သူ့ညီမငယ်ကို ညီမလေးရေ အိမ်ရှေ့ခြင်းထဲက မန်ကျည်းသီးလေး တတောင့်လောက် အကိုကြီးကို ယူကျွေးပါ-ဟု ပြောပါသည်။

ထိုစကားကိုကြားရသော ကျွန်မမှာ မည်သို့ဖြစ်သွားမှန်းမသိပါ၊ သားရင်တွေ တအားပူနေမှန်းလည်း မရိပ်မိခဲ့ပါ၊ နောက်တနေ့မနက်တွင် သားသည် သတိလစ်ပြီး ပျော့ခွေလျက်ရှိသည်။ ခင်ပွန်းသည်က သား သတိလစ်နေမှန်း မသိ၊ အိပ်ပျော်နေသည်ဟု ထင်ကာ ဈေးသို့ မော်တော်ဆိုင်ကယ်ဖြင့် ထွက်သွားပါသည်၊ ကျွန်မနှင့် ဆရာတဦး ကလေးကိုပွေ့၍ ဆေးရုံသို့ပြေးကာ ဆရာဝန်သွားပြပါသည်၊

သား၏အဖေ အပြေးအလွှား ရောက်ရှိလာချိန်တွင် သားသည် သွေးညိုညိုများ ၀ူးခနဲ တချက် ထအန်ကာ ကျွန်မကို ကြည့်၍ စကားများ ဗလုံးဗထွေး ပြောပါသည်။ သား၏ မျက်နက်ဝန်းကလေးတို့ ကျယ်လာသည်ကို ကြည့်၍ ကျွန်မသား အခြေအနေကို ရိပ်မိပါပြီ၊ ဆရာဝန်ကလည်း ကြိုးစား၍ ကုပါသည်၊ သားကလေးသည် မျက်ရည်စက်တစက်မျှမကျဘဲ ခုတင်တဖက်တချက်ရှိ ကျွန်မတို့အား အဖေကြီး၊ အမေကြီး-ဟု ခေါ်ကာ ငြိမ်သက်သွားပါသည်၊ ကျွန်မ ဘုရား တမိပေပြီ။

သားကလေးသည် မိခင်ဒဏ် ခံသွားရသည်ဟု ကျွန်မ ယူဆပါသည်။ ထိုအချိန်က ကျွန်မသည် ကိုယ်ချင်းစာတရား ထားခဲ့ပါမူ ဘုရား တရားကို ကိုးကွယ်ဆည်းကပ်ခဲ့ပါမူ ထိုကဲ့သို့ ဆိုးဝါးသောအဖြစ်အပျက်နှင့် မကြုံနိုင်ပါ။
ယခုသော် ကျွန်မစိုက်ခဲ့သော ခါးသီးသော မျိုးစေ့၏အရသာကို ကောင်းကောင်းကြီး ခံစားလိုက်ရပါချေပြီတကား။

( စန္ဒာခမ်းလွန်း )
( မြတ်မင်္ဂလာ ၂၀၀၀-ခု ဧပြီလ )

No comments: