Thursday, February 12, 2009

ဘာသာရေး ပြဿနာ ( ၁၇ )

( ဘဒ္ဒန္တ တိလောကသာရ ဖြေသည် )

( မေး ) ( ပထမံဂါထာနှင့် အစိန္တေယျ လေးပါးဂါထာ )
၁။ သစ္စာအနက် ၁၆-ချက် ပထမံဂါထာတွင် အချို့ကျမ်း၌ နောက်ဆုံးပိုဒ်မှာ
( ၀ိဘဇေ ကမတော ပဌမေန ၀ိနာ )-ဟု တွေ့ရ၍
အချို့မှာ ( ကမတော ၀ိဘဇေ ပဌမေန ၀ိနာ )-ဟု တွေ့ရပါသည်။
မည်သည်က အမှန်ဖြစ်သည်ကို သိလိုပါသည်ဘုရား။

၂။ အစိန္တေယျလေးပါး ဘုရားရှိခိုးဂါထာ ၀ါစာ အစိန္တေယျပုဒ်တွင်
( တေနမှာ တုလ၀ါစကာ )-ဟု တွေ့ရ၍
အချို့တွင်-( တေနမှာ တုလ၀ါစကော )-ဟု တွေ့ရပါသည်။
မည်သည်က အမှန်ဖြစ်သည်ကို သိလိုပါသည်ဘုရား။
( မောင်မြင့်ထွန်း-၁၄၁-လမ်း၊ မအူကုန်း၊ ရန်ကုန် )

( ဖြေ )
၁။ သစ္စာအနက် ၁၆-ချက် ဂါထာမူရင်းမှာ အဘိဓမ္မတ္ထသင်္ဂဟအဖွင့် သင်္ခေပ၀ဏ္ဏနာဋီကာ (၂၉၆) လာ ဖြစ်၍
ယင်း၌ နောက်ဆုံးပိုဒ်မှာ ( ကမတော ၀ိဘဇေ ပထမေန ၀ိနာ )-ဖြစ်ပါသည်။
သို့သော် ( ၀ိဘဇေ ကမတော ပထမေန ၀ိနာ )-ဆိုလျှင်လည်း မမှားပါ။
ပါဒတိုင်း သဂိုဏ်းလေးခုစီရှိသော ဋောဋကဂါထာမျိုးဖြစ်၍ ကမတောလည်း သဂိုဏ်း၊
ဝိဘဇေလည်း သဂိုဏ်း ဖြစ်သည်။
မည်သည့်ပုဒ်က အစက နေနေ အဓိပ္ပါယ်လည်း မပျက်ပါ၊ နှစ်သက်သလို ရွတ်နိုင်ပါသည်။

၂။ အစိန္တေယျ ဘုရားရှိခိုး မူရင်းမှာ သုတ၀န္ဒနာကျမ်းဖြစ်၍ ယင်း၌
( တေနမှာ တုလ၀ါစကော )-ဟု ရှိပါသည်။
လိုင်အရ ပုလ္လိင်ဖြစ်၍ တုလ၀ါစကော-ပင် မှန်ပါသည်။
ရူပ၀ါ၊ ဣဒ္ဓိမာ၊ ဉာဏ၀ါ-ဟုအခြားအပိုဒ်များ၌ အာကာရန္တနှင့် ရှိနေ၍ ၀ါစကာ-ဟု အသံတူအောင် ဆိုနေကြခြင်း ဖြစ်ဟန်တူပါသည်။
*********************************************************************************

( ( မေး ) ( အလှူခံနှင့် အဖိုးအခ )
အရှင်ဘုရား၊ တပည့်တော်တို့ ဗုဒ္ဓဘာသာတွေမှာ ဘုရားအတွက်၊ ကျောင်းအတွက်၊ ကထိန်အတွက် ဆိုပြီး အလှူခံဌာနတွေ ပြုလုပ်ကာ အပြောအဟောကောင်းစွာဖြင့် အလှူခံနေကြတာကို တွေ့ရပါသည်။
အချို့အလှူခံဌာနများမှာ ဟောပြော၍ အလှူခံပေးသူအား အလှူခံ၍ ရရှိသည့် ငွေထဲမှ ရာခိုင်နှုန်းဖြင့် ပေးရသည်-ဟုသိရပါသည်၊ ဘုရား ကျောင်း ကထိန်အတွက် ရည်ရွယ်ပြီး လှူဒါန်းထားသော ငွေထဲမှ ထိုသို့ဖြတ်ယူ သုံးစွဲခြင်းသည် အပြစ်ရှိပါသလား။ အပြစ်ရှိလျှင် အတိမ်အနက် ဖော်ပြပေးပါရန် ရိုသေစွာ လျှောက်ထားအပ်ပါသည်။
( ဦးတင်အုန်း-မင်းဒင်လမ်း၊ သုဝဏ္ဏ )

( ဖြေ )
စေတနာ့ဝန်ထမ်း နိဗ္ဗာန်ဆော်များ ရှိသကဲ့သို့ အခစားနိဗ္ဗာန်ဆော်များလည်း ရှေးရှေးကပင် ရှိခဲ့ပါသည်။
မူလကပင် ဤရွေ့ဤမျှယူရန် အခကြေးငွေ နေ့တွက်ဖြင့်ဖြစ်စေ ရာခိုင်နှုန်းအနေဖြင့် ဖြစ်စေ ဖြတ်ထားပြီး ထိုအတိုင်း မှန်ကန်စွာ ယူသူတို့အဖို့ အပြစ်ရှိဖွယ် မမြင်ပါ။
စေတီတဆူ တည်ဆောက်ရာ၊ ကျောင်းတဆောင် ဆောက်လုပ်ရာတို့၌ ကုန်ကျစရိတ်တွင် ပန်းရန်ခ၊ လက်သမားခ များလည်း အပါအ၀င်ဖြစ်သကဲ့သို့ အလှူခံ၍ ရသောငွေကြေးတွင်လည်း အခစား နိဗ္ဗာန်ဆော်တို့အတွက် အဖိုးအခလည်း ပါရမည်သာ ဖြစ်ပါသည်။ ၄င်းတို့၏ အပြောအဟော လုပ်အားခမှာလည်း ဘုရား ကျောင်းကန် တည်ဆောက်ရာ၌ ပန်းရန်ခ၊ လက်သမားခတို့နှင့် အလားတူပင် ယူဆနိုင်ပါသည်။
********************************************************************************

( မေး ) ( စုဆောင်းခြင်း )
အရှင်ဘုရား၊ တပည့်တော်မသည်၊ အိမ်ထောင်ရှင်တဦးဖြစ်၍ မိမိခင်ပွန်းဖြစ်သူ၏ ၀င်ငွေထဲမှ ခင်ပွန်းဖြစ်သူအား အသိမပေးဘဲ နောင်ရေးအတွက် မြော်မြင်၍ သီးသန့် ဖယ်ရှားစုဆောင်းထားကာ လက်ဝတ်ရတနာအချို့ ပြုလုပ်ထားပါသည်။ အရေးကြုံလျှင် ထုခွဲသုံးစွဲရန် ရည်ရွယ်ပါသည်။
သို့သော် ခင်ပွန်းဖြစ်သူကို အသိမပေးဘဲ ထားသဖြင့် အဒိန္နာဒါနကံ ကျူးလွန်ရာ ရောက်နေမည်လား-ဟု သံသယဖြစ်မိပါသည်။
ထို့ပြင် စုဆောင်းထားသော ငွေပိုငွေလျှံများမှ လှူဒါန်းခြင်း၊ မိဘ ဆွေမျိုးများအား ထောက်ပံ့ခြင်း၊ မရှိနွမ်းပါးသူအား ပေးကမ်းခြင်းလည်း ပြုလုပ်ပါသည်၊ မိမိလိုအပ်သော အ၀တ်အစား အသုံးအဆောင်များလည်း ၀ယ်ပါသည်။ ထိုကိစ္စများကို ခင်ပွန်းသည်အား အသိမပေး၍ တပည့်တော်မမှာ အဒိန္နာဒါနကံ ထိုက်မထိုက် သိလိုပါသည်ဘုရား။
( ခင်ခင်ချို-မန္တလေး )

( ဖြေ )
အိမ်ထောင်ရှင် ယောက်ျားတဦး၏ ရှာဖွေရရှိသော ၀င်ငွေမှာ ဇနီးမောင်နှံနှစ်ဦး ပိုင်ဆိုင်သော ပစ္စည်းပင်ဖြစ်သည်၊ ၄င်းပစ္စည်းကို ဇနီးဖြစ်သူက ဖြုန်းတီးမှုမျိုး မဟုတ်ဘဲ တရားသဖြင့် သုံးစွဲလျှင် အပြစ်မရှိပါ။

ထို့ပြင် ဇနီးမယား၏ ၀တ္တရား ငါးပါးမှာ
( အိမ်တွင်းမှုလုပ်၊ သိမ်းထုတ်သေချာ၊ မိစ္ဆာကြဉ်ရှောင်၊ လျော်အောင်ဖြန့်ချိ၊ ပျင်းရိမမူ၊ ၀တ်ငါးဆူ အိမ်သူကျင်အပ်စွာ )ဟု လာရှိပါသည်။
ရှိတော့ တန်ဆာ, မရှိတော့ ၀မ်းစာ-ရည်ရွယ်ကာ လက်ဝတ်လက်စား လုပ်ထားခြင်းမှာ သုသံဝိဟိတကမ္မန္တ-ဟူသော သိင်္ဂါလသုတ်ပါဠိတော်လာ ဖော်ပြပါလင်္ကာ သိမ်းထုတ်သေချာအရ ဇနီးမယားဝတ္တရားနှင့် အညီပင် ဖြစ်ပေသည်။

ထို့ပြင် မိဘဆွေမျိုးများအား ထောက်ပံ့ခြင်းစသည်မှာလည်း ( သင်္ဂဟိတ ပရိဇနာ )ပါဠိတော်လာ လျော်အောင်ဖြန့်ချိခြင်းပင်ဖြစ်၍ ၀တ္တရားအရပင် ညီညွတ်လျက် ရှိပြန်သည်။ ထို့ကြောင့် ပြဿနာရှင်၏ ပြုမူဆောင်ရွက်မှုမှာ အဒိန္နာဒါနကံ မထိုက်သည့်ပြင် စိတ်ထားတတ်က မြတ်, ဟူသော စကားအတိုင်း ကုသိုလ်ပင်ဖြစ်ကြောင်း ဖြေကြားအပ်ပါသည်။
********************************************************************************

( မေး ) ( သိဒ္ဓိ ၁၀-ပါး )
အရှင်ဘုရား၊ တပည့်တော်သည် သိဒ္ဓိ ၁၀-ပါးရှိသည်ဟု သာမန်သိထားပါသည်၊ ယင်းသိဒ္ဓိ ၁၀-ပါးကို
တပါးချင်း အနက်အဓိပ္ပါယ်နှင့်အတူ အစဉ်လိုက်သိလိုပါသဖြင့် ဤစာစောင်မှ ဖြေကြားပေးတော်မူပါဘုရား။
( မောင်ဇင်မောင်ဆွေ-လှည်းတန်း၊ ကမာရွတ် )

( ဖြေ )
၁။ အာရောဂျသိဒ္ဓိ-အနာရောဂါ ကင်းခြင်း။
၂။ ယောဗ္ဗန သိဒ္ဓိ-မအိုခြင်း။
၃။ အာယု သိဒ္ဓိ-အသက်ရှည်ခြင်း။
၎။ ကာယ သိဒ္ဓိ-ဓား လှံ သေနတ် ပြီးခြင်း။
၅။ ပီယ သိဒ္ဓိ-သူတကာတို့ ချစ်ခင်ခြင်း။
၆။ ဓန သိဒ္ဓိ-ရွှေငွေဖြစ်ခြင်း။
၇။ ပထ၀ီ သိဒ္ဓိ-ခရီးမြန်စွာရောက်ရန် မြေကြောကို ရှုံ့ခြင်း။
၈။ ဥဒက သိဒ္ဓိ-ရေပေါ်၌ လမ်းလျှောက်သွားနိုင်ခြင်း။
၉။ အာကာသ သိဒ္ဓိ-ကောင်းကင်၌ သွားနိုင်ခြင်း။
၁၀။ ဣဒ္ဓိဝိဓ သိဒ္ဓိ-အထူးထူးအထွေထွေ တန်ခိုးဖန်ဆင်းနိုင်ခြင်း။
လောကီဝိဇ္ဇာဓရကျမ်းတို့၌လာသော သိဒ္ဓိ ၁၀-မျိုး ဖြစ်ပါသည်။

သာသနာတော်၌ ဈာန်အဘိညာဉ်ရသော ပုဂ္ဂိုလ်များသည်လည်း ယင်းသိဒ္ဓိတို့၌ ပြည့်စုံနိုင်စရာ ရှိပါသည်။
သာသနာတော်ကျမ်းတို့၌ ဣဒ္ဓိဝိဓ, ဒိဗ္ဗသောတ, ပရစိတ္တ၀ိဇာနန, ပုဗ္ဗေနိဝါသာနုဿတိ, ဒိဗ္ဗစက္ခု ဟူ၍ အဘိညာဉ်တန်ခိုး ငါးမျိုးသာ ပြထားပါသည်။
အလွန်လောကီဆန်သော ကာယသိဒ္ဓိ, ဓနသိဒ္ဓိ စသည်တို့ကို မလိုအပ်၍ မထည့်သွင်းသော်လည်း အချို့သိဒ္ဓိများမှာ သင့်လျော်ရာ အဘိညာဉ်တို့၌ အကျုံးဝင်သွားနိုင်ပါသည်။
*********************************************************************************

( မေး ) ( ၀ိညာဉ် )
ဆရာတော်ဘုရား ဗုဒ္ဓဘာသာအရ ဘ၀ကူးဝိညာဉ် မရှိကြောင်း မှတ်ယူရပါသည်ဘုရား။
ခန္ဓာငါးပါး၌ ၀ိညာဏက္ခန္ဓာ-သိမှုဝိညာဉ်အစု-ဟု၎င်း။
နာမ်တရားကို ၀ိညာဉ်ဟု၎င်း မှတ်သိရပါသည်ဘုရား။
သို့သော်လည်း ပဋိစ္စသမုပ္ပါဒ်အရ သင်္ခါရပစ္စယာ ၀ိညာဏံ၊ ၀ိညာဏပစ္စယာ နာမရူပံ-ဟု ပါရှိပါသည်။
ပဋိစ္စသမုပ္ပါဒ်အရ ၀ိညာဉ်ကြောင့် နာမ်ရုပ်ဖြစ်ရသည်ကို မရှင်းပါသဖြင့် ဆရာတော်ဘုရားမှ ရှင်းပြပေးပါရန် ရိုသေလေးစားစွာဖြင့် လျှောက်ထားအပ်ပါသည်ဘုရား။
( မောင်အောင်မင်း-သန်လျင်မြို့ )

( ဖြေ )
ခန္ဓာငါးပါး၌ ပါရှိသော ၀ိညာဉ်မှာ သူ့ချည်းသက်သက် တည်ရှိနေသည် မဟုတ်။ ရုပ် ဝေဒနာ သညာ သင်္ခါရတို့နှင့် အတူ တည်ရှိနေသည်-ဟု ဆိုရပါမည်။

ဝိညာဉ်-ဟုခေါ်ဆိုရသော အသိစိတ်သည် ဆိုင်ရာဝတ္ထုရုပ်၌သာ တည်နေရသည်။
စက္ခုဝိညာဉ်ခေါ် မြင်သိစိတ်သည် စက္ခုဝတ္ထုခေါ် မိမိမှီရာ ၀တ္ထုရုပ်၌ မှီရပေသည်။
ထို့အတူ သောတ၀ိညာဉ်စသည် ကြားသိစိတ် စသည်တို့သည်လည်း သောတ၀တ္ထု စသည်တို့၌သာ မှီကြရကုန်မြဲတည်း။

ပဋိစ္စသမုပ္ပါဒ်အရ ၀ိညာဏပစ္စယာ နာမရူပံ-ဟူသည်မှာလည်း ၀ိညာဉ်က ဘ၀ကူးသွားပြီး နာမ်ရုပ် ဖြစ်စေသည်မဟုတ်၊ ၀ိညာဉ်ဟုဆိုရသော စိတ်တခုယုတ် ၉၀-( ၈၉) က နာမ်ရုပ်ဟုဆိုသော စေတသိက် ၅၂-ပါး၊ ရုပ် ၂၈-ပါးတို့ကို အကြောင်းအားလျော်စွာ ဖြစ်စေခြင်းကိုသာ ဆိုပါသည်။
( မီးတွင်ရှိန်ဝါ ထက်ကြပ်ပါသို့ )ဟူသော စကားအတိုင်း မီးဟုဖြစ်ပေါ်လာလျှင် ထိုမီး၏ အရှိန်အ၀ါသည်လည်း အတူတကွပါလာသည်။
အလားတူ ၀ိညာဉ် ၆-ပါး ဖြစ်ပွားလာလျှင် ထိုဝိညာဉ်တို့၏ အစွမ်းသတ္တိကြောင့် စေတသိက်ခေါ်သော နာမ်တရားများ၊ မဟာဘုတ်ကြီးလေးပါးနှင့် ဥပါဒါရုပ် ၂၄-ပါးတည်းဟူသော ရုပ်တရားများ ထင်ရှားဖြစ်ပေါ်လာမြဲပင် ဖြစ်လေသည်။

( မြတ်မင်္ဂလာ ၁၉၉၂-ခု နိုဝင်ဘာလ )

No comments: