Thursday, March 5, 2009

ကံ ကံ၏ အကျိုး ( ၂၅ )

လွန်ခဲ့သော ငါးနှစ်ကျော်ကျော်ခန့်က ကျွန်တော်သည် အလုံသစ်တောဝင်းထဲရှိ မြန်မာ့သစ်လုပ်ငန်း လက်အောက်ခံ ပရိဘောဂစက်ရုံတွင် စက်ရုံ လုံခြုံရေးအဖြစ် တာဝန်ထမ်းဆောင်ခဲ့ရပါသည်၊ ၄င်းစက်ရုံ လုံခြုံရေးတွင် အဆိုင်းသုံးဆိုင်း ဖွဲ့စည်းထားသည်။

တခါသော် ကျွန်တော်တို့ အဖွဲ့သည် နေ့လယ် ၂-နာရီမှ ည ၁၀-နာရီထိ ဂျူတီသို့ ပြောင်းရွှေ့ကာ တာဝန်ထမ်းဆောင်ရပါသည်၊ ထိုအခါ ည ၇-နာရီခန့်လောက်တွင် ညနေစာထမင်းကို ၀ိုင်းဖွဲ့ကာ စာစားလေ့ရှိကြပါသည်၊ ယင်းသို့ ညနေစာထမင်းကို စားပြီးသည့်အခါတိုင်း မိမိထမင်းချိုင့်ထဲတွင် ကျန်ရှိနေသော ထမင်းကျန် ဟင်းကျန်များနှင့် အခြားသူများစားပြီး ကျန်နေသေးသော စားကြွင်းစားကျန်များကို မိမိထမင်းချိုင့်ထဲသို့ အကုန်လုံး စုသိမ်းကာ မိမိတို့၏ အနီးအနားတွင် စောင့်မျှော်နေလျက်ရှိကြသော ခွေးများကို ကျွေးမွေးလေ့ ရှိပါသည်။

တညနေသော်-ကျွန်တော်တို့အဖွဲ့သည် အလုပ်နည်းနည်းများသွားသဖြင့် ည ၇-နာရီကျော်မှ ထမင်းစားဖြစ်ကြလေသည်၊ ဖြစ်ချင်တော့ ထိုအချိန်တွင် စက်ရုံအတွင်းရှိ တခြားမီးတိုင်များ အားလုံး မီးလင်းပါသော်လည်း ကိုဆူးဂါ-အမည်ရှိ ဂျပန်စက်ရုံရှေ့ရှိ မီးတိုင် သုံးလေးတိုင်မှ မီးများ မလင်းပါ၊ မီးပျက်၍ ၄င်းနေရာတ၀ိုက်တွင် မှောင်မည်းလို့နေသည်။

ကျွန်တော်သည် ထုံးစံအတိုင်း ထမင်းစားပြီးသောအခါ ထမင်းဟင်းကျန်များကို စုစည်းသိမ်းယူကာ ခွေးများကို ကျွေးမွေးသည်၊ ထိုပနောက် ထမင်းချိုင့်ဆေးရန်အလို့ငှါ မီးမလာ၍ မှောင်မည်းနေသော ကိုဆူးဂါး စက်ရုံရှေ့ရှိ ရေဘုံဘိုင်သို့ ထွက်ခဲ့လေသည်။ မီးမှောင်နေရသည့်အထဲတွင် စက်ရုံရှေ့၌ တီအီး(၁၁) ကားကြီးတစီးက ရပ်ထားပြန်သဖြင့် လဆန်းရက်တွင် သာနေသော ကောင်းကင်ထက်ရှိ လ၏ အလင်းရောင်ကို ကားကြီးအရိပ်က ကွယ်နေပြန်သည်။

သို့သော် ထိုညက ထူးခြားမှုတရပ်မှာ ခွေးမလေး တကောင်သည် ကျွန်တော်၏ ထမင်းချိုင့်ထဲမှ ချ၍ ပုံကျွေးသော ထမင်းဟင်းကို ယခင်ကလို ဟက်ဟက်ပက်ပက် မစား၊ ထမင်းချိုင့်ဆေးရန် ထွက်လာသော ကျွန်တော့နောက်သို့သာ တကောက်ကောက် လိုက်နေခြင်းပင်ဖြစ်သည်၊ ထိုအခါ ကျွန်တော်က တခြားခွေးတွေ စားလျှင် ကုန်သွားပြီး ခွေးမလေး မစားလိုက်ရမှာကို စိုးရိမ်လာသောကြောင့် ဟဲ့-ဒီခွေးနှယ် သွား၊ င့်နောက် မလိုက်နဲ့၊ ကိုယ်စားမှာသာ စားပြီး နေခဲ့တာမဟုတ်ဘူး၊ တော်ကြာ ဟိုခွေးတွေ စားသွားလို့ မစားလိုက်ရဘဲ ငတ်နေဦးမယ်-ဟု အော်ငေါက်လျက် ကရုဏာ ဒေါသောနှင့် မာန်မဲလိုက်သည်။

သို့သော် ခွေးမလေးက ကျွန်တော် မာန်မဲပြောဆို အော်ငေါက်နေသည်ကို အရေးမထားသည့်အလား တုတ်တုတ်မျှ မလှုပ်၊ လှည့်ပြန်ခြင်းလည်း မရှိ၊ ကျွန်တော် သွားရာနောက်ကသာ လိုက်မြဲလိုက်နေ၏၊ ပြောဆို အော်ငေါက်၍ မရသည့်အဆုံး လှည့်ပြန်စေလိုသောဆန္ဒနှင့် လမ်းပေါ်မှ အသင့်တွေ့ရသော ခဲတလုံးကို ကောက်လိုက်ပြီး ပစ်မည့်ဟန်နှင့် ခြောက်လှန့်မောင်းထုတ်ပါသော်လည်း ခွေးမလေးက လှည့်ပြီးပြန်ပြေးခြင်း မရှိ၊ ရောက်ရှိနေသော နေရာမှာပင် တအီအီနှင့် အော်မည်လို့သာ နေလေသည်၊

ဘယ်လိုမှ ခြောက်လှန့်၍ မရတော့သည်အဆုံးဝယ် ကျွန်တော်တယောက် လက်လျှော့လိုက်ကာ နင့်ထိုက်နဲ့ နင့်ကံပဲ-ဟု စိတ်ထဲမှ ရေရွတ်ရင်း ရေဘုံဘိုင်ရှိရာသို့ ဆက်လက် ထွက်ခွာလာခဲ့လေ၏။ ၄င်းရေဘုံဘိုင် ရှိရာသို့ သွားရသည်မှာ စက်ရုံရှေ့တွင် ရပ်ထားသော ကားကြီးနံဘေးမှ ဖြတ်သွားမှသာလျှင် ရောက်ရှိမည်ဖြစ်သည်၊ ကျွန်တော်ကလည်း ကားနံဘေး လမ်းကြောင်းလေးဘက်သို့ ဦးတည်လျှောက်လိုက်လေ၏။

ကားကြီးနှင့် ၁၀-ပေ အကွာခန့်သို့ ရောက်သော် ကျွန်တော်၏ နောက်မှ တကောက်ကောက်လိုက်နေသော ခွေးမလေးသည် လျှပ်တပြက်အတွင်း ကျွန်တော့ရှေ့သို့ ပန်းတက်၍ ပြေးသည်၊ ကျွန်တော်သွားမည့် ကားကြီးနံဘေး လမ်းကြောင်းပေါ်ရှိ အရာဝတ္ထုတခုကို ခုန်အုပ်လိုက်လေတော့သည်။ ထိုအခါ ငြိမ်သက်နေသော အရာဝတ္ထုက လွန့်လူးလှုပ်ရှားလာပြီး ခွေးမလေးအား ဗုန်းခနဲ ရိုက်ချလိုက်သည်ကို အမှောင်ထုထဲတွင် ၀ိုးတ၀ါး တွေ့လိုက်ရ၏၊ ခွေးမလေးမှာ အရှောင်ကောင်းလို့လား မသိ၊ ၄င်းကို လုံးဝမထိ၊ လွတ်သွားဟန် တူသည်၊ အရာဝတ္ထုမှာ မြေပေါ်သို့ ပြန်ကျသွားလေသည်၊ ခွေးမလေးသည် ရှေ့သို့ ဆက်မတိုးတော့ဘဲ တ၀ုတ်-၀ုတ် ဖြင့် ထိုးဟောင်၍သာ နေလေတော့သည်။

ကျွန်တော်လည်း ခွေးမလေး ထိုးဟောင်နေသော အရာဝတ္ထုကို သေသေချာချာ စူးစမ်းကြည့်လိုက်ရာ အမှောင်ထဲတွင် ရှည်မျောမျော အရာဝတ္ထုတခု လှုပ်ရှားနေသည်ကို ၀ိုးတ၀ါး တွေ့လိုက်ပါသည်။ ၄င်း ရှည်မျောမျောအရာကို စိတ်ထဲတွင် သင်္ကာမကင်း ဖြစ်လာသောကြောင့် ရှေ့သို့ ဆက်တိုးမသွားတော့၊ ၀ါးဆယ်ပြန် ကျော်ကျော်ခန့် ကွာဝေးသော လုံခြုံရေး ဂိတ်တဲသို့ ပြန်ပြေးသည်၊ ဂိတ်တဲရှိ လုံခြုံရေး ခေါင်းဆောင် ဦးထွန်းအောင်နှင့်တကွ ဂိတ်တွင် တာဝန်ကျသော မီးသတ်ရဲဘော်တို့ကိုပါ မိမိကြုံတွေ့ခဲ့ရသော အကျိုးအကြောင်း အဖြစ်အပျက်များကို ပြောပြီး ၄င်းတို့အားလုံးကို စောစောက နေရာသို့ ခေါ်လာခဲ့၏။

ကျွန်တော်နှင့်အတူ ဦးထွန်းအောင် အပါအ၀င် မီးသတ်ရဲဘော်များ ရောက်သွားစဉ်မှာပင် ခွေးမလေးသည် အမှောင်ထဲတွင် လူးလွန့်လှုပ်ရှားနေသော အရာဝတ္ထုကို အဆက်မပြတ် ထိုးဟောင်လိုက်၊ နောက်သို့ ခုန်ဆုတ်ရင်း တအီအီ-နှင့် အော်မြည်လိုက် လုပ်နေသည်၊ ထိုအခိုက် ဦးထွန်းအောင်တွင် အသင့်ပါလာသော လေးထောင့်ထိုး လက်နှိပ်ဓာတ်မီးဖြင့် ထိုးကာ ခွေးမလေး ထိုးဟောင်နေသော အရာဝတ္ထုကို နှစ်ယောက်ပြိုင်တူ ကြည့်လိုက်လေရာမှ အားပါးပါး၊ နည်းတဲ့ ငန်းမြွေကြီး မဟုတ်ဘုး-ဟု အော်မိကြသည်။ မြွေကြီးက တရှူးရှူး တရှဲရှဲနှင့် မာန်ဖီကာ ပါးပျဉ်းခွက်ပြီး ပတတ်ရပ်နေပုံမှာ အသည်းယားစရာ ကောင်းတော့သည်။

၎င်းကိုယ်လုံးမှသည် အမြီးဖျားတလျှောက်သည် ကျွန်တော်သွားမည့် ကားနံဘေးရှိ လမ်းကြောကလေးပေါ်တွင် ကန့်လန့်ဖြတ်၍ တည်ရှိနေ၏၊ အကယ်၍သာ ကျွန်တော့နောက်က ခွေးမလေးသာ မပါဘဲ တယောက်တည်းသာ သွားမိပါက အမှောင်ထဲဝယ် မမြင်မစမ်းနဲ့ နင်းမိ၊ ထိမိလျှင် ကျွန်တော့အဖို့ မတွေးဝံ့စရာပင်၊ ပါးပျဉ်းခွက်၍ ရန်သူကို တိုက်ခိုက်ရန် အသင့်ရှိနေသော မြွေကြီးကို ဦးထွန်းအောင်နှင့်အတူ မီးသတ်ရဲဘော်များက အသင့်ပါလာသော တုတ်များ ခဲများဖြင့် ရိုက်ထု သတ်ပစ်ရန် စိုင်းပြင်းနေကြသည်ကို တွေ့လိုက်ရသည်။

ကျွန်တော်က ၄င်းတို့အား မရိုက်ဖို့၊ မသတ်ဖို့ နားဝင်အောင် ရှင်းပြရင်း တားမြစ်လိုက်ပြီး မြွေကြီးကိုလည်း မင်းနဲ့ငါ ရန်သူတွေ မဟုတ်ကြဘူး၊ မင်းကို ငါ့ပယောဂနဲ့ ဒီနေရာမှာ အန္တရာယ်မဖြစ်စေချင်ဘူး၊ ဒီတော့ မင်း ဒီနေရာကနေ တခြားလွတ်ရာ ကျွတ်ရာကို အမြန်ရှောင်သွားပေတော့-ဟု ပြောဆိုကာ ၀ါးလုံးရှည်ရှည် တချောင်းနှင့် ထိုးကာ အသာခြောက်လှန့် လွှတ်လိုက်သည်၊ ထိုအခါ မြွေကြီးလည်း လူစကား နားလည်သည့်အလား ပါးပျဉ်းခွက်၍ မာန်ဖီနေရာမှ မြေပေါ်သို့ အသာဖြေလျှော့ ၀ပ်ချလိုက်ပြီး စက်ရုံနံဘေး မြက်ခင်းပြင်ကို ဖြတ်ကျော်ကာ ရေမြောင်းထဲသို့ ဆင်းဝင် ပျောက်ကွယ်သွားလေတော့သည်။

နောက်ဆုံး အချုပ်အားဖြင့် ဆိုရသော်-ကျွန်တော်၏နောက်က ခွေးမလေး လိုက်ခဲ့သောကြောင့် ကျွန်တော်၏ ရုပ်နှင့် ခန္ဓာကိုယ်သည် မြွေအန္တရာယ်မှ လွတ်ကင်းချမ်းသာခဲ့ရပေသည်၊ ဤသည်ကလည်း ခွေးများအပေါ် စေတနာထက်သန်စွာဖြင့် ထမင်း-ဟင်း ကျန်များကို ကျွေးခဲ့ရသော အကျိုးကျေးဇူးများဟု ဆိုရပေမည်။

မည်သည်ပင် ဖြစ်စေ ခွေးမလေးက မြွေအန္တရာယ် ကာကွယ်ပေးခြင်းသည် ကျွန်တော့်စေတနာ၏ အကျိုးကျေးဇူးတရားဟု ဆိုလျှင် မှားအံ့မထင်။

( ရွှေတလေး-လွယ်လင် )

( မြတ်မင်္ဂလာ-၁၉၉၂-ခု မေလ )

No comments: