Wednesday, March 11, 2009

ဘာသာရေး ပြဿနာ ( ၃၀ )

( ဘဒ္ဒန္တ တိလောကသာရ ဖြေသည် )

( မေး ) ( သိကြားသာသနာ )
ယခုအခါ သမယသည် ဘုရားသာသနာလား၊ သိကြားသာသနာလား ဆိုတာ တပည့်တော်မတို့ အငြင်းပွားလျက်ရှိပါသည်၊ မည်သည့်သာသနာဖြစ်သည်ကို ဖြေကြားပေးတော်မူပါဘုရား၊ အဘယ်ကြောင့် သိကြားသာသနာဟု ဖြစ်လာရသည်ကို သိလိုပါသည်ဘုရား။
( မအိအိခိုင်-လသာ၊ ရန်ကုန်မြို့ )

( ဖြေ )
ဘုရားသာသနာကုန်ဆုံး၍ သိကြားသာသနာ ဖြစ်လာမည်ဟူသောအရာ ဗုဒ္ဓစာပေတွင် လုံးဝမရှိပေ၊
ပရိယတ္တိ၊ ပဋိပတ္တိ၊ ပဋိဝေဓ၊ လိင်္ဂနှင့် ဓာတု-ဟု သာသနာကွယ်ပျောက်ပုံငါးမျိုးရှိရာ ၄င်းငါးမျိုးကွယ်လျှင် လုံးဝသာသနာမရှိတော့၊ သိကြားမင်းလည်း မစောင့်ရှောက်နိုင်တော့၊ ထို့ကြောင့် ဘုရားသာသနာရှိပါ၏။
သိကြားသာသနာဟူ၍ မရှိ။

ကဏှဇာတ်တော်၌ ကဿပမြတ်စွာဘုရား သာသနာနောက်ပိုင်းတွင် လူသားတို့ တရားပျက်၍ နေသဖြင့် သိကြားမင်းက မုဆိုးအသွင်၊ မာတလိနတ်သားက ခွေးနက်ကြီးအသွင်ဖြင့် ခြောက်လှန့် တရားဟော၍ လူသားများ ငါးပါးသီလတည်ကြောင်းလာရှိသည်။

ယင်းဇာတ်လမ်းအရ ဤဘုရားသာသနာ နောက်ပိုင်းတွင်လည်း ၄င်းနည်းအတိုင်း သိကြားမင်းက လူ့ပြည်ဆင်းပြီး သာသနာပြုလိမ့်ဦးမည်-ဟု ဇာတ်သဘင်သမားများ၊ ကွက်စိပ်သမားများ၊ စကားအရ လူ့လောကတွင် သိကြားသာသနာ ဟူသောစကား ထင်ရှားနေရကြောင်း အဆိုရှိပေသည်။

ထို့ပြင် စလေဦးပုည၏ သိကြားတိုင်တေးထပ်တို့တွင် -
အင်ကြင်းမြိုင် ကုသိန်နန်းမှာလ၊ စာ စာတမ်းထိုးလျက်ရှိပါ၊ ဘုရားက သိကြားကိုမှာတယ်၊ ဋ္ဌကထာ စကား၊ သာသနာငါထားလို့၊ မမှားအောင် စောင့်ဆော်--စသည် ရေးခဲ့၍ ထိုသိကြားသာသနာ ဟူသောစကားမှာ ပို၍ ထင်ရှားနေပေသည်။

မြတ်စွာဘုရား ပရိနိဗ္ဗာန် ၀င်စံခါနီးတွင် သိကြားမင်းအား သာသနာတော်ကို စောင့်ရှောက်ရန် မှာကြားတော်မူခြင်း လုံးဝမရှိပါ၊ ပါရာဇိကဏ်အဋ္ဌကထာတွင် နောင်အခါ အရှင်မဟိန္ဒတို့ တမ္ဗပဏ္ဏိ ( သီရိလင်္ကာ) ကျွန်းသို့ သာသနာပြုကြွလျှင် အဖော်အဖြစ်ပါရန် မိန့်တော်မူသောစကား အမြွက်မျှသာ စာရှိပေသည်၊ ထို့ကြောင့် ဘုရားသာသနာသာ ရှိသည်၊ သိကြားသာသနာဟု လုံးဝ မရှိဟူ၍သာ မှတ်သားစေလိုပါသည်။
********************************************************************************

( မေး ) ( ရဟန်းခံကြရာတွင် )
အရှင်ဘုရား၊ ရဟန်းခံကြရာတွင် ရှင်သာမဏေပြုပြီးမှ ရဟန်းခံပေးကြသည်ကိုသာ တွေ့ကြုံဖူးပါသည်။
ရှင်သာမဏေမဲပုဘဲနဲ့ ဦးခေါင်းရိတ် သင်္ကန်းဝတ်ရုံပေးကာ ပရိက္ခရာစုံလင်စွာဖြင့် ရဟန်းတော်များက ရဟန်းခံပေးလျှင် ရဟန်းအဖြစ်သို့ ရောက်ရှိပါမည်လား။
( ဦးကျော်ကျော်-အမှတ် ၂-ရပ်ကွက်၊ သံတွဲမြို့ )

( ဖြေ )
ရဟန်းခံရာတွင် အသက် ၂၀-မရှိသေးခြင်း၊ လူသားစင်စစ် မဟုတ်ခြင်းနှင့် ယောက်ျားစစ်စစ် မဟုတ် (ပဏ္ဍုတ်စသည်ဖြစ်) ခြင်းမျိုးမှအပ ရဟန်းဖြစ်ပါသည်။
ဥပဇ္ဈာယ်မရှိဘဲ ရဟန်းခံမပေးရ-ဟု ဆိုသော်လည်း ဥပဇ္ဈာယ်မရှိဘဲ ရဟန်းခံပေးလျှင် ရဟန်းခံပေးကြသော ရဟန်းများမှာ ဒုက္ကဋ်အာပတ်သင့်ရုံမျှသာဖြစ်၍ ရဟန်းဖြစ်သည်။

ပရိက္ခရာမစုံလင်ဘဲ ရဟန်းခံမပေးရဆိုသော်လည်း ခံပေးလျှင် ဆရာများမှာ အာပတ်သင့်ရုံဖြစ်၏၊
ရဟန်းကား ဖြစ်ပေသည်။ ရဟန်းခံရာ၌ သာမဏေဖြစ်မှ ရဟန်းခံပေးရမည်-ဟု မပါ။ အသက်ပြည့်သော လူယောက်ျားဖြစ်လျှင် ကမ္မ၀ါစာဖတ်၍ ရဟန်းခံပေးကြလျှင် ရဟန်းဖြစ်ပေသည်။

သို့သော် ဥလ္လုမ္ပတု-ယုတ်နိမ့်သော သာမဏေအဖြစ်မှ မြင့်မြတ်သော ရဟန်းအဖြစ်သို့ ရောက်အောင် လုယက် ကယ်တင်တော်မူပါဘုရား-ဟူသော တောင်းပန်ချက်အရ အစဉ်အလာအတိုင်း သာမဏေ၀တ်၍ ရဟန်းပြုပေးရိုး ဖြစ်နေသောကြောင့်သာ သာမဏေမှ ရဟန်းခံရသည့် အစဉ်အလာ ဖြစ်နေပါသည်၊ အခြားအင်္ဂါအားလုံး ပြည့်စုံလျှင် လူ့ဘ၀မှပင် တဆက်တည်း ရဟန်းခံပေးလျှင် ကံလည်းမပျက်၊ အာပတ်လည်းမသင့် မှတ်ရမည်-ဟု ဆရာမြတ်တို့ အဆုံးအဖြတ်ရှိပါသည်၊ သို့သော် အစဉ်အလာမဟုတ်သည်ကို တမင်္ဂလာလုပ်၍ အဆန်းမထွင်သင့်ဟုကား ပြောလိုပါသည်။
********************************************************************************

( မေး ) ( အရိမေတ္တေယျ မြတ်စွာဘုရား )
အရှင်ဘုရား နောင်ပွင့်မည့် အရိမေတ္တေယျ မြတ်စွာဘုရားသည် မည်သည့်မျိုးနွယ်၌ ဖွားမြင်၍ သက်တော်မည်မျှ၌ တောထွက်မည်၊ ဘုရားဖြစ်မည်၊ မည်သည့်ဗောဓိပင်တွင် ပွင့်မည် စသည်တို့ကို သိလိုပါသည်၊ ဘုရားပွင့်ရာ အချိန်ကာလ မည်မျှလိုသေးသည်ကိုလည်း သိလိုပါသည်ဘုရား။
( စည်သူအေးဝင်း-ကျောက်တံတားမြို့နယ်၊ ရန်ကုန်မြို့ )

( ဖြေ )
ဒီဃနိကာယ် ပါထိက၀ဂ် စက္က၀တ္တိသုတ် (ဒီ၊ ၃၊ ၆၃)၌ နောင် အနှစ်ရှစ်သောင်းတမ်း၌ အရိမေတ္တေယျ မြတ်စွာဘုရား ပွင့်တော်မူမည့်အကြောင်း ဟောတော်မူထားချက် ရှိသည်။ ယင်းနည်းတူ ဗုဒ္ဓ၀င် ပါဠိတော်၌လည်း ပါရှိခဲ့လေသည်။

ပုဏ္ဏားမျိုး၌ဖြစ်၍ ကေတုမတီပြည် (ယခု-ဗာရာဏသီပြည်) သုဗြဟ္မပုဏ္ဏားကြီး၏ ဇနီး ဗြဟ္မ၀တီပုဏ္ဏေးမကြီး၏ ၀မ်း၌ ပဋိသန္ဓေအားဖြင့် ဖြစ်၍ အနှစ်ရှစ်သောင်းတမ်း ကာလဖြစ်သဖြင့် အသက်အားဖြင့် နှစ်ပေါင်း ရှစ်ထောင်အထိ မင်းစည်းစိမ်ကို ခံစားပြီး ပြာသာဒ်ပျံဖြင့် တောထွက်၍ ခြောက်ရက် ဒုက္ကရစရိယာ ကျင့်ကာ ကံ့ကော်ဗောဓိပင်၌ ဘုရားအဖြစ်သို့ ရောက်လိမ့်မည်-ဟု အဆိုရှိပါသည်။ ဘုရားပွင့်ရန် အချိန်ကာလအနေဖြင့် ဤယခုသက်တမ်းမှသည် အနိမ့်ဆုံး ၁၀-နှစ်တမ်းသို့ ရောက်သွားပြီး ထိုမှ တစတစ တက်သွားသော သက်တမ်းမှာ အသင်္ချေယျ ( ရေတွက်၍ မရနိုင်အောင် အသက်ရှည်သော၊ တနည်း-တစ်နောက်တွင် သုညပေါင်း တရာ့လေးဆယ်သင်္ချာအထိ သက်တမ်းရှည်သော ) အသက်တမ်းသို့ ရောက်မည်ဖြစ်သည်။

ထိုမှတဖန် ကျဆင်းလာသော အသက်တမ်းမှာ ရှစ်သောင်းသို့ ရောက်လာချိန်တွင် အရိမေတ္တေယျဘုရား ပွင့်လိမ့်မည်-ဟု ခန့်မှန်းတွက်ဆကြရသည်၊ သို့ဖြစ်၍ အရိမေတ္တေယျဘုရား ပွင့်တော်မူရန် အချိန်အခါမှာ ကာလတွက်ဆ၍ မရအောင် ကြပါလိမ့်ဦးမည်။ ထိုဘုရားပွင့်တော်မူမှ ကျွတ်တမ်းဝင်လိုပါသည်ဆိုလျှင် ဘ၀ပေါင်းအသင်္ချေ ကြာမြင့်ပါဦးမည်။

ကံမကောင်း အကြောင်းမသင့်၍ ထိုဘုရားပွင့်တော်မူချိန်တွင် မိမိက ရပ်ပြစ်ရှစ်ပါး၌ ကျရောက်ဖြစ်ပွားနေပါက နောက်ထပ် ကမ္ဘာအသေင်္ချ မျောရဦးမည်။ ထို့ကြောင့် မေတ္တေယျ မြတ်စွာဘုရားကို စောင့်မျှော်သည်ထက် ယခုပစ္စုပ္ပန် မျက်မှောက် ဘ၀တွင်ပင် တမဂ် တဖိုလ် အနည်းဆုံးရအောင် အားထုတ်ကြခြင်းသာ အကောင်းဆုံး ဖြစ်ကြောင်း ဖြေကြားလိုပါသည်။

( မြတ်မင်္ဂလာ ၁၉၉၃-ခု မတ်လ )

No comments: