Sunday, March 22, 2009

ကံ ကံ၏အကျိုး ( ၃၃ )

( တူသောအကျိုး )

လွန်ခဲ့သော ၄-၅ နှစ်ခန့်က ကျွန်မတို့အိမ်တွင် ၀ဏ္ဏ နှင့် ပပ -ဟု အမည်ပေးထားသော ကြောင်ကလေးနှစ်ကောင် ရှိခဲ့ဖူးပါသည်။ တနေ့တွင် ကျွန်မသည် လိမ္မော်ခွံဖြင့် ပပ-၏ မျက်လုံးနှစ်ဖက်ကို လိမ္မော်ခွံရည်များ ညှစ်ထည့်ပြီး စလိုက်ပါသည်၊ ကြောင်ကလေးခမျာ မြေပေါ်တွင် အလူးအလှိမ့် ဖြစ်နေရှာသည်၊ လက်လေးနှစ်ဖက်နှင့်လည်း မျက်နှာကို ပွတ်ပွတ်ပြီး ဖေဖေနှင့် မေမေထိုင်နေသော ထိုင်ခုံရှေ့တွင် ကျွမ်းထိုးနေပါတော့သည်။

သတ္တ၀ါကို သနားရမှန်း မသိသော ကျွန်မမှာ သဘောကျနေမိပါသည်။ ဖေဖေက အဆိပ်များ မိလာသလား
မသိဘူး-ဟု တဖွဖွ ပြောပြီး၊ မေမေကတော့ ကြောင်ကလေး ဘာမှမဖြစ်ပါစေနဲ့-ဟု ဆုတောင်းနေပါသည်။

ထိုကြောင်မလေးကို နှိပ်စက်ခဲ့ပြီး သုံးနှစ်ခန့်အကြာတွင် ကျွန်မ၏ မျက်လုံးတဖက်သည် ထိခိုက်ဒဏ်ရာ မရှိဘဲ အလိုလို နီရဲလာပါသည်၊ မေမေက ရိုးရိုးမျက်စိနာသည်အထင်နှင့် နံနက်စောစော ရေချိုးရန် ပြောသဖြင့် ကျွန်မ နံနက်စောစောထပြီး ရေချိုးပါသည်၊ ငါးရက်ခန့်ကြာသော် စူးရှရှ ဝေဒနာကို ခံစားရပြီး မခံမရပ်နိုင်အောင် အလွန် အနေခက်ပါသည်၊ ဖြစ်သည့်ရက်မှစ၍ မျက်ရည်ပူများ ကျဆင်းနေပြီး ငိုထားသည်နှင့် တူနေပါသည်၊ တချက်တချက်တွင် စူးရှလိုက်သည်မှာ မခံနိုင်အောင်ပင် ဖြစ်ပါသည်။

အိမ်ရှိလူများအားလုံး မျက်လုံးပြူးကုန်ပါတော့သည်၊ ဘယ်ကိုမှမကြည့်နိုင်၍ မျက်မှန်တပ်ထားပြီး အမြဲတမ်း လှဲအိပ်နေရပါတော့သည်၊ တနေ့တခြား သက်သာလာသည်မရှိဘဲ မျက်လုံးများေ၀၀ါးကာ သိပ်ပင် မမြင်ရတော့ပါ။ ဖေဖေနှင့် အကိုတို့ကလည်း နည်းမျိုးစုံဖြင့် ကုသပေးကြပါသည်၊ ကျန်းမာရေးမှူး တဦးဖြစ်သော ဖေဖေက ငါးသမီးလို ဝေဒနာရှင်မျိုးကတော့ ဆေးမတိုးပါလား-ဟု ပြောပါတော့သည်။

အချို့က ပယောဂ ဖြစ်မည်-ဟု ပြောကြသည်၊ ပယောဂဆရာနှင့် ကုပေးပါသည်၊ မသက်သာပါ။

( မြတ်မင်္ဂလာ ၁၉၉၃-ခု ဒီဇင်ဘာ )

No comments: