Tuesday, March 17, 2009

ဘာသာရေး ပြဿနာ ( ၃၃ )

( ဘဒ္ဒန္တတိလောကသာရ ဖြေသည် )

( မေး ) ( ရေကုသိုလ်ကို လှူခြင်း )
ဆရာတော်ဘုရား၊ မိမိပြုလုပ်ထားသော ကုသိုလ်များကို မိမိကို ကျေးဇူးပြုသူအား ရေစက်ချ၍ လှူပါက ထိုသူများ ကုသိုလ်ရပါသလား၊ အကယ်၍ ထိုသူက ကုသိုလ်ရပါလျှင် ကုသိုလ်ပေးသူ၌ ကုသိုလ်အကျိုးကျေးဇူးများကို ရနိုင်ပါသေးသလား ဘုရား။
( မတင်မိုးခိုင်-အ-ထ-က(၁) ရွှေပြည်သာ )

( ဖြေ )
ကုသိုလ်ကို လှူသည်ဟု မဆိုရပါ၊ ကုသိုလ်၏ အကျိုးကို အမျှဝေခြင်းဟုသာ ဆိုရပါသည်၊ ၄င်းမှာ ပုညကိရိယ ၀တ္ထု ၁၀-မျိုးတွင် ပတ္တိဒါနကုသိုလ်ဟု ဆိုပါသည်၊
ဥပမာ-ဒါနကုသိုလ်အဖြစ် တစုံတရာကို လှူဒါန်း၍ ထိုအလှူ၏ အကျိုးတရားကို မည်သူရပါစေဟု ဆိုခြင်းမှာ ပတ္တိဒါန ဖြစ်ပါသည်၊ ၄င်းပတ္တိဒါနကို ရယူလိုသူက မိမိကိုယ်တိုင် လှူသကဲ့သို့ ၀မ်းမြောက်ဝမ်းသာ သာဓုခေါ်ရပါသည်၊ ထိုအခါ မိမိကိုယ်တိုင် လှူသလိုပင် အကျိုးရပါသည်။

အမျှပေးဝေသူ ကုသိုလ်ရှင်မှာ ကုသိုလ်တရားများ လျော့ပါးမသွားသည့်အပြင် ပတ္တိဒါနအတွက် ပို၍ပင် အကျိုးရပါသေးသည်၊ မိမိလက်ထဲမှ ဖယောင်းတိုင်မီးဖြင့် အခြားဖယောင်းတိုင်များကို မီးကူးညှိ ထွန်းပေးလျှင် မိမိမီး မလျော့သည့်အပြင် အခြားမီးများပါ လင်းသဖြင့် ပို၍ အလင်းအားကောင်းလာသည့်အလား ဖြစ်ကြောင်း ဆိုပါသည်။
********************************************************************************

( မေး ) ( အကျွတ်တရားနှင့် အရိမေတ္တေယျ ဘုရား )
၁။ မြတ်စွာဘုရားသည် ကျွတ်ထိုက်သောသူတို့ကို ကြည့်တော်မူပြီး တရားဟောတော်မူရာ ဘာသာကွဲများလည်း ပါဝင်သည်ဟု မှတ်သားရပါသည်၊ ယခုအခါတွင် မြတ်စွာဘုရားကဲ့သို့ အကျွတ်တရားရအောင် ဟောကြားနိုင်သောသူ ရှိပါသလား။

၂။ နောင်ပွင့်တော်မူမည့် အရိမေတ္တေယျ မြတ်စွာဘုရားပွင့်ရန် တက်ကပ်ဆုတ်ကပ် အစရှိသည်တို့နှင့် တွက်ချက် ဖြေကြားပေးတော်မူပါဘုရား။
( မောင်ဇော်ခိုင်လင်း-အ-ထ-က(၁) ရွှေပြည်သာ )

( ဖြေ )
၁။ မြတ်စွာဘုရား ပွင့်လာတော်မူစက ဗြာဟ္မဏဘာသာဝင်များ နတ်ကိုးကွယ်သူများသာရှိရာ ဗုဒ္ဓဘာသာဟူ၍ မရှိသေးသဖြင့် ဘာသာကွဲများဟုသာ ဆိုရပါသည်။ ၄င်းတို့ကို မြတ်စွာဘုရားက ပါရမီ အရင့်အနုကိုကြည့်၍ သင့်လျော်သောတရားကို ဟောကြားကာ အချို့ အရဟတ္တမဂ်၊ အရဟတ္တဖိုလ်သို့ ရောက်ကြသည်။
အချို့ အနာဂါမ်၊ အချို့ သကဒါဂါမ်၊ အချို့ သောတာပန် ဖြစ်ကြသည်။

အချို့ သရဏဂုံ စသည်တည်၍ အကျွတ်တရား ရကြပါသည်၊ ယခုအခါတွင်လည်း အခြားဘာသာဝင်များအား ၀ိပဿနာတရားစသည် ဟောကြားကာ သာသနာပြုနေကြသော ရဟန်းသံဃာများရှိပါသည်။ တရားနာသူ အားထုတ်သူတို့၏ ပါရမီအားလျော်စွာ တရားသိကြသည်ကို တွေ့မြင်ရပါသည်။

၂။ ကမ္ဘာဦး အသင်္ချေယျ အသက်တမ်းမှ ဆယ်နှစ်တမ်းအထိ ဆုတ်ကပ်၊
၎င်းမှ တစတစ တက်၍ အသင်္ချေယျတမ်းအထိ တက်ကပ်။
ဤဆုတ်ကပ် တက်ကပ် တစုံကို အန္တရကပ် တကပ်-ဟု ဆိုရပါသည်။
ဤကမ္ဘာကြီးသည် အန္တရကပ်ပေါင်း ၆၄-ကပ် သက်တမ်းရှိပါသည်။
ကမ္ဘာတည်စမှ သတ္တမအန္တရကပ် ( ၇-ကြိမ်မြောက်ကပ် ) အထိ ဘုရားတဆူမျှ မပွင့်သေးဘဲ
အဋ္ဌမမြောက် အန္တရကပ် ( ၈-ကြိမ်မြောက်ကပ် ) ကျမှ ပထမဆုံး ပွင့်တော်မူသော ကကုသန်မြတ်စွာဘုရား ပွင့်တော်မူပါသည်။

ထို့နောက် န၀မမြောက်ကပ်တွင် ကောဏာဂုံ ဘုရား၊
ဒသမမြောက်ကပ်တွင် ကဿပဘုရား ပွင့်၍
ဧကာဒသမ (၁၁-ကြိမ်မြောက်ကပ်) တွင် ဂေါတမမြတ်စွာဘုရား ပွင့်တော်မူသည်။
ဒွါဒသမ (၁၂-ကြိမ်မြောက်ကပ်) တွင် အရိမေတ္တေယျ မြတ်စွာဘုရား ပွင့်တော်မူမည်ဖြစ်သည်။

ယခု ဂေါတမမြတ်စွာဘုရား ပွင့်တော်မူရာ နှစ် ၁၀၀-တမ်းမှ ၁၀-နှစ်တမ်းအထိ ကျဆင်းသွားပြီး
တဖန် ၁၀-နှစ်တမ်းမှ အသင်္ချေယျတမ်းအထိ တက်သွားဦးမည်။ ထိုအသင်္ချေယျတမ်းမှ ၁၂-ကပ်မြောက် ဆုတ်ကပ်စ ဖြစ်၍ အသက်တသိန်းတမ်းကျမှ ( တသိန်းမှအောက် ရှစ်သောင်းတမ်းတွင် ) အရိမေတ္တေယျ မြတ်စွာဘုရား ပွင့်မည်ဖြစ်ပါသည်။
ရေး၍ ပြော၍ လွယ်သလို ရှိသော်လည်း နှစ်ပေါင်း အသင်္ချေ အနန္တ ကြာဦးမည်ဖြစ်၍ တွေ့ရန် ဆုံရန် ကြုံရန် မလွယ်ကူကြောင်း သဘောပေါက်ထားရန် လိုပါသည်။
********************************************************************************

( မေး ) ( လူနှင့်ရဟန်း ကုသိုလ် အကုသိုလ် )
အရှင်ဘုရား၊ ပုထုဇဉ်လူသားများ ဘ၀တပါးသို့ ကူပြောင်းသောအခါတွင် ကုသိုလ် အကုသိုလ်ပေါ် မူတည်၍ သုဂတိ ဒုဂ္ဂတိဘုံသို့ ရောက်ရသည်-ဟု သိရပါသည်။
ရဟန်းတော်များ ပျံလွန်တော်မူသောအခါတွင်လည်း သုဂတိ ဒုဂ္ဂတိဘုံ ကွဲပြားမှု ရှိပါသလားဘုရား။
ရှိလျှင် ရှင်းလင်းဖြေကြားပေးတော်မူပါဘုရား။
( မောင်တင်ကိုလွင်-ကွင်းတောင်ရပ်ကွက်၊ ကျောက်တံခါးမြို့ )

( ဖြေ )
လူနှင့် ရဟန်းတော်တို့တွင် ရဟန်းတော်တို့မှာ လူတို့ထက် ၀ိနည်းသိက္ခာပုဒ်များ ပိုလွန်သဖြင့် အကုသိုလ်မှု တခုကို ကျူးလွန်လျှင် လူထက် ရဟန်းတို့က သိက္ခာပုဒ်ဆိုင်ရာ ( အာဏာဝီတိက္ကမန္တရာယ် ) အပြစ်တခု ပိုသည်။

ပုံစံအားဖြင့်-လူက ကြက်တကောင်ကို သတ်လျှင် ပါဏာတိပါတ သူ့အသက်သတ်မှု တခုအတွက် အကုသိုလ်ဖြစ်သည်။
ရဟန်းက ကြက်သတ်လျှင် ပါဏာတိပါတ အကုသိုလ်ပြစ် အပြင် ပါစိတ်အာပတ် ( အာဏာဝီတိက္ကမန္တရာယ် ) အပြစ် ထပ်၍တိုးသည်။ အာပတ်မဖြေဖျောက်နိုင်က ပါဏာတိပါတပြစ် အတွက် ငရဲခံရရုံမက ပါစိတ်အာပတ်အတွက်ပါ ငရဲအပြစ် ရရှိသည်။ ငရဲက လွတ်ပြန်လျှင်လည်း သုဂတိလမ်း ပိတ်၍ ဒုဂ္ဂတိဘ၀ ခရီးဆက်ရပေလိမ့်ဦးမည်။

ဘဂ၀တော အာဏာဝီတိက္ကမနတော ၀တ္ထုမဟန္တတာယ မဟာသာဝဇ္ဇံ-ဟု ၀ိနည်းဋီကာက သီလအမြတ်တရားကို ပျက်ပြားစေမှု ၀တ္ထုကြီးလေးသဖြင့် ပါဏာတိပါတချင်း တူသည့်တိုင်အောင် ရဟန်းကျူးလွန်သောအပြစ်က အဆပေါင်းများစွာ သာလွန်အပြစ်ကြီးကြောင်း ဆိုထားပါသည်။

အရင်းသေးသော ကုန်သည်နှင့် အရင်းကြီးသော ကုန်သည်တို့တွင် အရှုံးချင်းတူလျှင် အရင်းကြီးသော ကုန်သည်က ပို၍ နစ်နာ ဆုံးရှုံးသော ဥပမာဖြင့် ပြဆိုထားသဖြင့် လူနှင့် ရဟန်းတို့၏ အကုသိုလ်တို့ကို
ချင့်ချိန် သိရှိနိုင်ပါသည်။ ကုသိုလ်အရာ၌လည်း ဤနည်းဖြင့် နှိုင်းဆ၍ သိသာနိုင်ပါသည်။
********************************************************************************

( မေး ) ( သာသနာသက္ကရာဇ် နှင့် ကောဇာသက္ကရာဇ် )
ဂေါတမမြတ်စွာဘုရား ပရိနိဗ္ဗာန်စံသည်မှာ ယခုလက်ရှိ ကောဇာသက္ကရာဇ် ဟုတ်ပါသလား၊
ကောဇာသက္ကရာဇ်နှင့် သာသနာသက္ကရာဇ် စတင်ပေါ်ပေါက်လာပုံကို ရှင်းပြပေးတော်မူပါ ဘုရား။
( မောင်ပွင့်လန်း-အိုင်ရှည်ရပ်၊ မြစ်ခြေမြို့ )

( ဖြေ )
မြတ်စွာဘုရား ပရိနိဗ္ဗာန်စံသောနှစ်မှာ မဟာသက္ကရာဇ် ၁၄၈-ခုနှစ်ဖြစ်သည်။

ပထမသံဃာယနာတင်သောအခါ ယင်းကို ၁-ခုအဖြစ် သတ်မှတ်ခဲ့၏။
၎င်းနှစ် ၆၂၄-ခုနှစ် အရောက်၌ သရေခေတ္တရာပြည် သုမုန္ဒရီမင်း လက်ထက် သက္ကရာဇ်ဖြိုးကိန်းကျ၍ ၆၂၂-ကို ဖြိုလျက် ၂-ခုကြွင်းထားကာ ၂-နှစ်မှစ၍ ရေတွက်ခဲ့၏။
၎င်းနှစ် ၅၆၂-ခုသို့ ရောက်ပြန်သော် ပုဂံပြည် စောရဟန်းမင်းက ၅၆၀-ကိုဖြို၍ ၂-ခုကြွင်း ထားပြန်ကာ
၂-နှစ်မှစ၍ ရေတွက်ပြန်၏။
၂-ကြိမ်ဖြို ( ၆၂၂-နှင့် ၅၆၀ ) ကို ပေါင်းလျှင် ၁၁၈၂-ဖြစ်ရာ ယင်းနှင့် ဒုတိယအကြိမ်ဖြို၍ ပွားတိုးလာသော ဤလက်ရှိ သက္ကရာဇ် ၁၃၅၅-ခုနှစ်ကို ပေါင်းလျှင် သာသနာနှစ် ၂၅၃၇-ခုကို တွေ့နိုင်ပါသည်။

အကျဉ်းမှတ်သားရန်မှာ ( တစ်တစ်ရှစ်နှစ်၊ သက္ကရာဇ်၊ နှောလစ် သာသနာ ၁၁၈၂+၁၃၅၅=၂၅၃၇ ) ဟူ၍ပင် ဖြစ်ပါသည်။

သာသနာနှစ်ဟူသည်မှာ မြတ်စွာဘုရား ပရိနိဗ္ဗာန်စံဝင်သောနှစ်မှစ၍ ရေတွက်ခြင်း ဖြစ်သည်။

ကောဇာသက္ကရာဇ်ဆိုသည်မှာ ဒုတိယဖြိုပြီး နောက် ဤနှစ်အထိ ရောက်ရှိနေသော သက္ကရာဇ်ဖြစ်သည်ဟု မှတ်သားထားသင့်ပါသည်။

( မြတ်မင်္ဂလာ ၁၉၉၃-အောက်တိုဘာလ )

No comments: