Sunday, March 22, 2009

ဘာသာရေး ပြဿနာ ( ၃၅ )

( ဘဒ္ဒန္တ တိလောကသာရ ဖြေသည် )

( မေး ) ( ကန်တော့ခန်း-ဆုတောင်း )
ဆရာတော်ဘုရား၊ သြကာသကန်တော့ချိုး ဆိုရာတွင် ဆုပေးမည့်ရဟန်းတော်ရှိလျှင် ဆုတောင်း ဆက်ဆိုရန် မလိုအပ်-ဟု ယူရပါမည်လားဘုရား။
ဆုတောင်း ဆက်မဆို၇သော ရှေးအစဉ်အလာ သြကာသကန်တော့ချိုးထက် ပိုကောင်း ပိုမှန်ကန်ပါသလား၊ ခြေကြားပေးတော်မူပါဘုရား။
( ပြည်သိမ်း-အငြိမ်းစားဆေးမှူး၊ အင်းရွာ-သာယာဝတီ )

( ဖြေ )
ဆုတောင်းခြင်းမှာ ကန်တော့သူ၏ ပြင်းပြစွာ ရလိုသောဆန္ဒကို ထုတ်ဖော်ခြင်းဖြစ်၍ ကိုယ်တိုင်နှုတ်မြွက် ဆုတောင်းခြင်းသာ မှန်ကန်ပါသည်။
အပါယ်လေးပါး စသော ပယ်ဆု၊ မဂ်တရား စသော လိုဆုများကို ပြည့်ပြည့်စုံစုံ ရှေးသရောအခါကပင် စီစဉ်ပေးထားသော ဆုတောင်းဖြစ်၍ ကိုယ်တိုင် စနစ်တကျ ဆုတောင်းရပါမည်၊
ဆုပေးမည့်ရဟန်းဟူသည်မှာ သင်ဆုတောင်းသည့်အတိုင်း ဖြစ်ပါစေ-ဟု ပံ့ပိုးပေးရုံမှတပါး ဆုတောင်းဆုမြတ်များကို ပေးစွမ်းနိုင်သူများ မဟုတ်ပါ၊

ဆုပေးတိုင်း ရစေနိုင်သော ဘုရား၊ ပစ္စေကဗုဒ္ဓါ များပင်
ဣစ္ဆိတံ ပတ္ထိတံ တုယှံ ၊ ခိပ္ပမေ၀ သမိဇ္ဈတု ။
သင်အလိုရှိ၍ တောင့်တတဲ့ဆုအတိုင်း လျင်မြန်စွာပြည့်ပါစေ-ဟု ဆုပေးကြပါသည်။
ထို့ကြောင့် ရှေးအစဉ်အလာ ကန်တော့ချိုး အပြည့်အစုံ အမှန်ကန်ဆုံးဖြစ်၍ မူအတိုင်းသာ ကန်တော့ဆုတောင်း ကြရန် ဖြေကြားလိုက်ပါသည်။
********************************************************************************

( မေး ) ( ပါဠိဘာသာ စကား )
ဘုရားရှင်လက်ထက်တော်က သာမန်လူများ ပြောဆိုကြသော စကားရပ်သည် ပါဠိဘာသာစကားပင် ဖြစ်ပါသလား၊ ယင်းဘာသာစကားကို ယခုခေတ် ဘယ်အရပ်ဒေသတွင် ပြောပါသလဲ၊
ယခုကာလ၌ ရွတ်ဖတ်နေသော ပရိတ်ပါဠိတော်များသည် ဘုရားရှင်လက်ထက်တော်က အတိုင်းပင် ဖြစ်ပါသလား၊ ယင်းပရိတ်တော်များကို အခြားသော ထေရ၀ါဒ နိုင်ငံများက ရဟန်းများ ရွတ်ဖတ်ပါက မြန်မာ ရဟန်းတော်များ ရွတ်ဖတ်သည့်အတိုင်းပင် တူညီပါသလားဘုရား။
( ဦးဆွေ-အရှေ့ရန်ကင်း၊ ရန်ကုန် )

( ဖြေ )
မြတ်စွာဘုရားသည် မဇ္ဈိမဒေသ (ယခု-ဘီဟာနယ်၊ အိန္ဒိယ အရှေ့မြောက်ဒေသ) ၌ ပွင့်တော်မူသည်။
ထိုအချိန်က အိန္ဒိယတပြည်လုံးတွင်
၁။ သက္ကတဘာသာ
၂။ ပြာကရိတ်ဘာသာ
၃။ မာဂဓဘာသာ တို့သည် အရပ်သုံး ဘာသာများ ဖြစ်ကြ၏။

၁-မှာ ထီးသုံး နန်းသုံး။
၂-မှာ အထက်တန်းလွှာသုံး ဖြစ်ပြီး
၃-မှာ လူတန်းစားအားလုံး သုံးသောဘာသာဖြစ်၍ မြတ်စွာဘုရားသည် ၄င်းအမှတ် ၃-(မာဂဓ) ဘာသာဖြင့် အများ နားလည်အောင် ဟောပြောလေ့ရှိပါသည်။

မြတ်စွာဘုရား၏ တရားတော်ကို စောင့်ရှောက်သော ၀ါ-တရားတော်နှင့် ကိုက်ညီသော ဘာသာဖြစ်၍ မာဂဓဘာသာကို ပါဠိဘာသာ-ဟု ခေါ်ပါသည်၊ ထိုပါဠိဘာသာမှာ မည်သည့်အခါမှာမျှ ကွယ်ပျောက်မည်မဟုတ် နတ်ပြည် ဗြဟ္မာ့ပြည်များမှာလည်း ထိုဘာသာကိုပင် သုံးစွဲပါသည်၊ မြတ်စွာဘုရား၏ တရားဒေသနာများ ပရိတ်ပါဠိတော်ကဲ့သို့သော သုတ်တော်များမှာ မာဂဓဘာသာ (ပါဠိဘာသာ)ဖြင့်သာ မြတ်စွာဘုရား ဟောကြားတော်မူခဲ့၍ အခြားဘာသာဖြင့် ပြန်ဆိုထားလျှင် ကြာရှည်လည်း မတည်နိုင်၊ မြတ်စွာဘုရား၏ အလိုတော် ၀ါ-အနက်အဓိပ္ပါယ်ကိုလည်း မထိမိနိုင်၊ ပါဠိဘာသာမှသာလျှင် အလိုတော်နှင့် ကိုက်ညီ ထိမိနိုင်သည်။

ထေရ၀ါဒနိုင်ငံတိုင်းပင် ဤပါဠိဘာသာကိုသာ သုံးပါသည်၊ ပါဠိဘာသာတတ်လျှင် အတူတကွ ပြောဆိုနှီးနှောနိုင်သည်၊ ဒေသသံမျှသာ ကွာခြား၍ အများအားဖြင့် တူညီပါသည်။
*********************************************************************************

( မေး ) ( ကျောင်းတိုက်ပြင်ပ ကထိန်အလှူ )
၁။ ၀ါဆိုကျောင်းတိုက် ပြင်ပ၌မူ အလှူဒါန ကထိနကို ခံရမည်လော ကျမ်းနှီးနှော၍ ဖြေပါလေ။
၂။ ဗုဒ္ဓဘုရား ထင်ရှားရှိစဉ် ကထိန်အလှူ ပေးလှူသူနှင့် ခံသူပုဂ္ဂိုလ် မထေရ်ကိုလည်း ကျမ်းဆိုနှီးနှော ဖြေပါလေ။
( မော်ကြီးကျောင်း-ဦးဓမ္မသာရ၊ ညောင်ပင်ကျွန်း-ကျောက်ဖြူမြို့နယ် )

( ဖြေ )
၁။ ၀ါဆိုကျောင်းတိုက်၊ ပြင်ပ၌လည်း၊ စိတ်ကြိုက်ကထိန၊ လှူဒါန်းရ၏။
( သစေ ပန၊ ပါဌ်အစဖြင့်၊ ၀ိ-ဋ္ဌ ၃-ရွေး၊ ၄၂၄-၀ယ်၊ ရှုတွေးတတ်ပါ၊ မှတ်စရာသည်၊ ၀ါဆိုခေတ်ပြင် ကထိန်တည်း။)

၂။ ဗုဒ္ဓဘုရား၊ ထင်ရှားရှိခါ၊ ကထိနာဟု၊ လှူဒါနမြတ်၊ ပိဋကတ်၌၊ တပ်အပ်မတွေ့၊ မဖွင့်၍လည်း၊ ကြည်မြေ့သဒ္ဓါ၊ ဒါယကာနှင့်၊ ထေရာမည်တော်၊ မထုတ်ဖော်နိုင်၊ သို့သော် ပဏ္ဏာ၊ ဇင်းမယ်ကမူ၊ ကောသလရာဇာ၊ လှူဒါန်းပါ၍၊ ထေရာကောဏ္ဍည၊ ခံယူရဟု၊ ဖော်ပြထားပါလေသတည်း။
********************************************************************************

( မေး ) ( ဥပုသ်သည်နှင့် ဓမ္မဂီတ )
ရှစ်ပါး ကိုးပါးသီလ စောင့်ထိန်းသူများသည် အိမ်ရောက်၍ မြတ်စွာဘုရားနှင့် ပတ်သက်သော ၀ိပါက်တော် ၁၂-ပါးစသည့် သီချင်းများကို အာရုံပြု၍ နားထောင်နေလျှင် သီလကျိုးပါသလားဘုရား။
( ချိုမာ-ပဲခူး )

( ဖြေ )
ဂီတဟူသည် ရိုးရိုးသီချင်းဂီတပင်ဖြစ်စေ၊ တရားဓမ္မနှင့် စပ်သော သီချင်းဂီတပင်ဖြစ်စေ၊ ရဟန်းသံဃာများ အဖို့ (ဥပုသ်သည်လည်း အတူတူ) သီဆိုခြင်း၊ နားထောင်ခြင်း မပြုရပါ။
အရိယာနံ ပရိနိဗ္ဗာနကာလေ ရတနတ္တယဂုဏူပသဥှိတံ သာဓုကီဠိတဂီတံ ၀ါ-စသည်ဖြင့် ၀ိနည်းအဋ္ဌကထာများ (၀ိ-သင်-၄၃၈) တွင် ဆိုသဖြင့် ရဟန္တာပုဂ္ဂိုလ်များ ပရိနိဗ္ဗာန်စံသောအခါ၌ ဆိုသော သီချင်းမျိုး၊ ရတနာသုံးပါး ဂုဏ်နှင့် စပ်သော သီချင်းမျိုး၊ ဘုန်းတော်ကြီးပျံ စသည်၌ ဆိုသော သီချင်းမျိုးများလည်း ဂီတပင်ဖြစ်၍ ကိုယ်တိုင် သီဆိုခြင်း၊ သွားရောက်နားထောင်ခြင်းမျိုးကို ဥပုသ်သည်များ အဖို့ မပြုသင့်ပါ။

ဥပုသ်သည်တဦးအဖို့ သွားရောက်နားထောင်ခြင်းမျိုး မဟုတ်ဘဲ သံဝေဂဖြစ်ဖွယ် သီချင်းသံမျိုးကို ကြား၍ အာရုံပြုကာ မိမိနေရာမှာနေရင်း နားထောင်မိလျှင်ကား ဥပုသ်သီလမပျက်၊ အပြစ်မရှိ-ဟု ဆိုရပါသည်၊ သွားရောက်နားထောင်ခြင်း၊ ကိုယ်တိုင် ဖွင့်၍ နားထောင်ခြင်း၊ ကြားနာ နားထောင်နိုင်ရန် သူ့ကို ဖွင့်စေခြင်း၊ ဆိုစေခြင်း မျိုးကိုကား မပြုအပ်ပါ၊ နစ္စဂီတ၀ါဒိတ၀ိသူကဒဿနာ စသော သိက္ခာပုဒ် ကျိုးပျက်နိုင်ပါသည်။
********************************************************************************

( မေး ) ( မိဘပြစ်မှား အပြစ်များ )
အရှင်ဘုရား မိဘများကို ပြန်ပြောခြင်း၊ နှုတ်လှံထိုးခြင်း၊ ကိုယ်ထိလက်ရောက် စော်ကားခြင်းတို့အတွက် ကံကြီးထိုက်သောအခါ ၄င်းကံကြွေးများ ပြေအောင်မည်သို့ ဆောင်ရွက်သင့်ပါသလဲဘုရား။
( မဇာလီအောင်-ပုဇွန်တော်၊ ရန်ကုန် )

( ဖြေ )
မိဘဆရာသမားတို့အား ပြန်ပြောခြင်း၊ နှုတ်လှံထိုးခြင်း၊ ရိုက်ပုတ်ခြင်း၊ စသည့် ကိုယ်ထိလက်ရောက် ကျူးလွန် စော်ကားခြင်းတို့ အတွက် ခင်ပွန်းကြီး ၁၀-ပါး ပြစ်မှားခြင်းကြောင့် ဖြစ်သည့် ဒဏ် ၁၀-ပါး အပြစ်များ ဖြစ်တတ်ပါသည်။
၎င်းတို့မှာ-
၁။ ကြမ်းကြုတ်သော ဝေဒနာကို ခံရခြင်း။
၂။ ကိုယ်ပျက်ခြင်း။
၃။ အနာရောက်ခြင်း။
၎။ ရူးသွပ်ခြင်း။
၅။ မင်းဒဏ်သင့်ခြင်း။
၆။ ကြီးစွာသော စွပ်စွဲခြင်းကို ခံရခြင်း။
၇။ အဆွေအမျိုး ( ချစ်သူခင်သူ ) ပျက်စီးခြင်း။
၈။ စည်းစိမ်ချမ်းသာ ( လက်ရှိဥစ္စာ ) ပျက်စီးခြင်း။
၉။ အိမ် ( အိပ်ရာနေရာ ) ကို မီးလောင်ခြင်း။
၁၀။ သေသည့်နောက် ငရဲသို့ လားရောက်ခြင်းများ ဖြစ်တတ်ကြောင်း ကျမ်းဂန်စာပေများ၌ လာရှိပါသည်။
ယင်းအပြစ်များ မဖြစ်ရန် မိမိ ကိုယ်နှုတ်စိတ်တို့ဖြင့် ပြစ်မှားမိသော မိဘစသည်များအား ရှိခိုးကန်တော့လျက် တတ်နိုင်သမျှ လုပ်ကျွေးပြုစုကြရပါသည်။ ရတနာသုံးပါးကို ကန်တော့ရာ၌လည်း မိမိပြစ်မှားမိသော မိဘစသည်တို့အားပါ ကန်တော့ပါကြောင်း ဆင်ခြင်ရည်စူး၍ ဦးနှိမ်မာန်လျှော့ ကန်တော့ရမည်-ဟု ဆိုပါသည်။

( မြတ်မင်္ဂလာ ၁၉၉၃-ခု ဒီဇင်ဘာလ )

No comments: