Wednesday, March 25, 2009

ဘာသာရေး ပြဿနာ ( ၃၉ )

( ဘဒ္ဒန္တ တိလောကသာရ ဖြေသည် )

( မေး ) ( ဂါထာပရိတ်ရွတ်ခြင်း )
အရှင်ဘုရား၊ တပည့်တော်မသည် နေ့စဉ် ဘုရားရှိခိုး ၀တ်ပြုပြီးတိုင်း ဂါထာ ၆-ပုဒ်လောက်ကို ရွတ်ဆိုလေ့ရှိပါသည်၊ နေ့စဉ် အားလပ်ချိန်များတွင်လည်း အမြဲရွတ်ဆိုနေပါသည်၊ အချို့က ဂါထာကို မိမိအနှစ်သက်ဆုံး တပုဒ်သာ ရွေးချယ်ရွတ်ဖတ်သင့်သည်၊ သို့သော် ဓာတ်တွေရော၍ အစွမ်းမထက်ဟု ဆိုပါသည်၊ ထိုစကား မှန်မမှန်ဖြေကြားပေးပါ အရှင်ဘုရား။
( နန်းမေဖဲ-ကျောက်မဲမြို့၊ ရှမ်းပြည်မြောက်ပိုင်း )

( ဖြေ )
ဂါထာတော် ပရိတ်တော်များကို ရလေကောင်းလေ၊ များများရွတ်လေ များများအကျိုးရှိလေ-ဟု မှတ်သင့်ပါသည်၊ ပရိတ်တော်အားလုံးပင် အန္တရာယ်ကင်းသည်ချည်း ဖြစ်သော်လည်း
ကျက်သရေမင်္ဂလာ တိုးပွားရန်အတွက် မင်္ဂလသုတ်၊
ရောဂါကင်းရန်အတွက် ရတနသုတ်၊
အချောက်အလှန့်ကင်းရန်အတွက် မေတ္တသုတ်၊
မြွေဘေးကင်းရန်အတွက် မောရသုတ်၊
မီးဘေးကင်းရန်အတွက် ၀ဋ္ဋသုတ်၊ စသည်ဖြင့် သူ့ဆိုင်ရာဆိုင်ရာ ပိုမိုအစွမ်းထက်ရာများ ရှိသကဲ့သို့ ဂါထာများမှာလည်း ထို့အတူ ပိုမိုအစွမ်းထက်ရာ သတ္တိထူးများ ရှိကြပါသည်။

( မောရသုတ်တော်တွင် ဗြဟ္မမန္တန္တိ-ထူးမြတ်သော မန္တန်တော်ဟူ၍-ပင် ပရိတ်တော် ဂါထာမန္တန်တော်များကို အတူထား၍ ဆိုပါသည် ) ထို့ကြောင့် ရတနာသုံးပါးနှင့်ဆိုင်ရာ ဂါထာများကို ကြိုးစားကျက်မှတ်၍ မပြတ်မစဲ အမြဲရွတ်ဖတ်သင့်ကြောင်း ဖြေကြားအပ်ပါသည်။
********************************************************************************

( မေး ) ( နိဗဒ္ဓကုသိုလ်ရှင် )
ဆရာတော်ဘုရား၊ နိဗဒ္ဓကုသိုလ်နှင့် ပြည့်စုံသော ပုဂ္ဂိုလ်တို့သည် သောတာပန်ကဲ့သို့ပင် အပါယ်သို့ မကျနိုင်-ဟု တပည့်တာ် နာကြားရဖူးပါသည်၊ ၄င်းကုသိုလ်ရှင်များသည် သောတာပန်ကဲ့သို့ပင် ၇-ဘ၀ပြီးလျှင် နိဗ္ဗာန်ဝင်နိုင်ပါသလားဘုရား။
( ဒေါ်မြသွေး-ခြံနံပါတ် ၂။ ၁၀-ရပ်ကွက်၊ မရမ်းကုန်း-ရန်ကုန်မြို့ )

(ဖြေ )
ယေသံ ပန ကုလာနံ တီဏိ သရဏာနိ-စသည်ဖြင့် သရဏဂုံတည်သူမှ စ၍ ဧကော အာဝါသော-ကျောင်းတဆောင် ဆောက်လုပ်လှူဒါန်းသူအထိ သူ-၇ ဦးမှာ နိဗဒ္ဓ-မြဲသောကုသိုလ်ရှင်များဖြစ်၍ အပျယ်မကျ, အပျယ်မကြောက် ၇-ယောက်ဟူ၍ အင်္ဂုတ္တရဋ္ဌကထာ (အံ-ဋ္ဌ ၃-၂၆၇) တွင် ဆိုသည်မှာ ၄င်းတို့သည် အမြဲမပြတ် ကုသိုလ်စိတ္တုပ္ပါဒ် ဖြစ်နေသူများဖြစ်၍ ဤဘ၀မှ ကွယ်လွန်လျှင် တမလွန်ဘ၀၌ အပျယ်မရောက်နိုင်ဟု ဆိုပါသည်၊ သောတာပန်ပုဂ္ဂိုလ်သည် ဂတိမြဲသူဖြစ်၍ ဤဘ၀မှ ကွယ်လွန်လျှင် တမလွန်ဘ၀၌ သုဂတိသာ လားရာရှိပြီး ဒုဂ္ဂတိသို့ လားစရာအကြောင်း မရှိသည်နှင့် တစိတ်တူသည်ကိုသာစွဲ၍ သောတာပန်နှင့် အလားတူသည်ဟု ဆိုခြင်းဖြစ်ပါသည် သောတာပန်ပုဂ္ဂိုလ်ကဲ့သို့ ၇-ဘ၀နှင့် နိဗ္ဗာန်ဝင်နိုင်ခြင်း မရှိသေးပါ။
********************************************************************************

( မေး ) ( အသုဘ ရှုခြင်း )
ဆရာတော်ဘုရား၊ ၀ိသုဒ္ဓိမဂ်အဋ္ဌကထာ အသုဘကမ္မဋ္ဌာန်းရှုသော ယောဂီပုဂ္ဂိုလ်သည် ၀ိသဘာဂဖြစ်သော သူသေကောင်ကို မရှုပွားရဟု မှတ်သားခဲ့ဖူးပါသည်။
လယ်တီဆရာတော်ဘုရားကြီး ရေးသားတော်မူသော ကမ္မဋ္ဌာန်းကျမ်းကြီး စာအုပ်၌မူ ၀ိသဘာဂဖြစ်သော သူသေကောင်ကို ရှုပွားရမည်ဟု မှတ်သားရပြန်ပါသည်။
မည်သည့်အယူအဆက မှန်မည်ဆိုသည်ကို ဘုရားရှင်အလိုတော်ကျ ဆုံးဖြတ်ပေးတော်မူပါဘုရား။
( မောင်ဉာဏ်မော်-အရှေ့ငယ်တိုးရွာ၊ ကျောက်ဆည်မြို့ )

( ဖြေ )
မဟာကာဠ မထေရ်သည် ရဟန္တာမဖြစ်မီ သုဿာန်၌ သေလွန်ခါစဖြစ်သည့် ၀ိသဘာဂ သူကောင်ကိုကြည့်ရှု၍ အသုဘရှုပွားရာ အသုဘမထင်နိုင်ဘဲ ရာဂသာ ပွားနေ၍ အခက်အခဲ ဖြစ်နေကြောင်း၊
ထိုဝိသဘာဂ သူကောင်ကို မီးသဂြိုဟ်နေခိုက် ထပ်မံရှုပွားရာ ရုပ်ဆင်းပျက်၍ နှစ်သက်ဖွယ်မရှိမှ အသုဘထင်ကာ ရဟန္တာဖြစ်ရကြောင်း ၀တ္ထုနှင့်

အလွန်လှပသော သီရိမာ ကွယ်လွန်၍ ၄-ရက်ခန့် မီးမသဂြိုဟ်ရသေးဘဲ ထားစေ၍ အလွန်ရုပ်ပျက် ပုပ်ပွ အသုဘလုံးလုံးဖြစ်မှ လူအများကို ကြည့်ရှုစေရာ သီရိမာအား စွဲမက်နေသူ ရဟန်းတပါး ထိုအခါမှ အသုဘထင်၍ တရားရ ရဟန္တာဖြစ်သွားကြောင်း ၀တ္ထုကို နှိုင်းယှဉ်သုံးသပ်၍ အခြေအနေအရ နှစ်မျိုးစလုံးပင် မှန်ကန်ကြောင်း သိနိုင်ပါသည်။
********************************************************************************

( မေး ) ( ကမ္ဘာပျက်ခြင်း )
အရှင်ဘုရား၊ သာသနာကုန်၍ ကမ္ဘာလဲသောအခါ လူနတ်ဗြဟ္မာ သုံးဘုံစလုံး လဲပါသလားဘုရား၊ လူ့ဘုံတခုသာ လဲပြီး ကျန်နတ်ဗြဟ္မာဘုံတို့ မူလအတိုင်း တည်နေပါသလားဘုရား။
တပည့်တော်မနှင့် အခြားမသိသေးသူများ နားလည်အောင် ရှင်းပြပေးတော်မူပါဘုရား၊
တဆက်တည်း မေးလိုသည်မှာ တော်လဲ-သည်ဆိုသည်မှာ မည်သည်ကိုခေါ်ဆိုပါသနည်း ဘုရား။
လူကြီးသူမများကို မေးကြည့်ရာ ကောင်းကောင်း မပြောနိုင်ပါ၍ မေးရခြင်းဖြစ်ပါသည်ဘုရား။
( မအေးဝင့်ဖြူ-တန်ဆည်မြို့၊ စစ်ကိုင်းတိုင်း )

(ဖြေ )
သာသနာကုန်သော်လည်း ကမ္ဘာလဲ (ကမ္ဘာအသစ်လဲ ကမ္ဘာပျက်) ခြင်း မရှိနိုင်သေး။
ကမ္ဘာသက်တမ်းမှာ အန္တရကပ် (တက်ကပ်-ဆုပ်ကပ်-တစုံ) ပေါင်း ၆၄-ကပ်ရှိရာ ၁-မှ ၇-ကပ်အထိ ဘုရားတဆူမျှ မပွင့်သေး။

၈-ကပ်မြောက်ကျမှ ကကုသန် ပထမဆုံး ဘုရားပွင့်၍
၉-ကပ်တွင် ကောဏာဂုံဘုရား။
၁၀-ကပ်တွင် ကဿပဘုရားပွင့်ပြီးနောက်
၁၁-ကပ်မြောက်ကျမှ ဂေါတမမြတ်စွာဘုရား ပွင့်ကာ
၁၂-ကပ်မြောက်တွင် အရိမေတ္တေယျ မြတ်စွာဘုရား ပွင့်တော်မူမည်ဖြစ်ပေသည်။

၁၃-ကပ်မြောက်မှ ၆၄-ကပ်အထိ ဘုရားတဆူမျှ ပွင့်တော်မမူတော့ဘဲ ၆၄-ကပ် ကုန်ဆုံးပြီးလျှင်
မီးဖျက်သောကမ္ဘာ၌ ၃၁-ဘုံတွင် ကာမဘုံအားလုံးနှင့် အာဘဿရ ရူပဘုံအောက်။
ရေဖျက်သောကမ္ဘာတွင် သုဘကိဏှာဘုံအောက်၊
လေဖျက်သောကမ္ဘာတွင် ဝေဟပ္ဖိုလ်ဘုံအောက် ရူပဗြဟ္မာဘုံများပါ ပျက်ပါသည်။

ထိုအချိန်တွင် သတ္တ၀ါအားလုံး ယင်းတို့၏ အထက်အထက်ဘုံများမှာ ဖြစ်ကြရပါသည်၊

အကျယ်မရေးသာပါ၊ နီးစပ်ရာ ဆရာတော်များကို လျှောက်ထားမှတ်သားစေလိုပါသည်။

တော်လဲ-( တော်လည်း )သည် ဟူသည်မှာ မြေကြီးမြည်ဟည်းခြင်းကို ခေါ်သည်၊ များသောအားဖြင့် ငလျင်ပြင်းစွာ လှုပ်လျှင် တော်လဲခြင်းလည်း ဖြစ်တတ်လေသည်၊ ရံဖန်ရံခါ ငလျင်လှုပ်ခါနီးတွင် မြေကြီးကသာမဟုတ် ကောင်းကင်ကလည်း မြည်ဟည်းတတ်သည်ဟု ဆိုပါသည်။
********************************************************************************

( မေး ) ( ရှဥ့်နက်တို့ကို အစာကျွေး၍ မွေးမြူရာ )
အရှင်ဘုရား၊ မြတ်စွာဘုရား သီတင်းသုံးရာ ရာဇဂြိုဟ်ပြည် ဝေဠုဝန်ကျောင်းတော်ကို ရှဥ့်နက်တို့ကို အစာပေး၍ မွေးမြူရာဖြစ်သော-ဟု ၀ိသေသနတပ်၍ ဆိုသည်မှာ အဘယ်သူသည် အဘယ်အခါက ရှဥ့်နက်တို့ကို အစာပေး၍ မွေးမြူထားခြင်း ဖြစ်ပါသလဲဘုရား။
( ဦးစိန်ထွန်း-ဆင်တဲ )

( ဖြေ )
ကလန္ဒ နိဝါပ-( ကလန္ဒ-ရှဥ့်နက်တို့ကို၊ နိဝါပ-အစာပေးရာ ) ရှဥ့်နက်တို့ကို အစာပေးရာဌာန။
အဋ္ဌကထာတို့တွင် ရှေးအခါက မင်းတပါးသည် ထိုဌာနဥယျာဉ်၌ ကစားရန်လာသော် သေရည်ယစ်မူး၍ သစ်ပင်ရင်းတခုဝယ် အိပ်လေ၏၊ နောက်လိုက်နောက်ပါတို့သည် ဟိုဟိုသည်သည် သွားကုန်၏၊
ထိုအခါ သေနံ့ကိုရ၍ သစ်ခေါင်းတွင်နေသော မြွေဟောက်တကောင်သည် ထွက်၍လာပြီးသော် အိပ်နေသောမင်းကြီးအထံသို့ သွားလေ၏။

ထိုအခြင်းအရာကို ရုက္ခစိုးနတ်မြင်လျှင် မင်းကြီးအား အသက်ကိုပေးအံ့-ဟူ၍ ရှဥ့်နက်အသွင် ဖန်ဆင်းကာ မင်းကြီး၏ နားအနီး၌ မြည်လေ၏၊ မင်းကြီးနိုးလတ်သော် မြွေဟောက်သည် ဆုတ်ခွါသွားလေ၏၊ မင်းကြီးသည် ရှဥ့်နက်ကိုမြင်၍ ဤရှဥ့်နက်သည် အသက်ကိုပေး၏-ဟု ကျေးဇူးတင်လျက် ဥယျာဉ်၌ ရှဥ့်နက်တို့ကို အစာကျွေးစေလျက် ဘေးမဲ့ပေးလေ၏၊ ထိုနေရာ၌ ဝေဠုဝန်ကျောင်းတော်ဖြစ်၍ ကလန္ဒ နိဝါပ-ရှဥ့်နက်တို့ကို အစာပေးရာဌာန-ဟု ခေါ်သည်-ဟု ဖွင့်ဆိုထားသည်ကို မှတ်သားနိုင်ပါသည်။

( မြတ်မင်္ဂလာ ၁၉၉၄-ခု ဇူလိုင်လ )

No comments: