Thursday, March 12, 2009

ဘာသာရေး ပြဿနာ ( ၃၁ )

( ဘဒ္ဒန္တ တိလောကသာရ ဖြေသည် )

( မေး ) ( ဘုရားနှင့် ခြင်္သေ့ )
ဘုရားစေတီများ၌ ခြင်္သေ့ရုပ်များ ထားရှိခြင်းကို အရှင်ဘုရား၏ အဖြေလွှာတခု၌ တွေ့ရ၍ သဘောကျပါသည်။
တပည့်တော် ဘုရားတဆူ၌ ခြင်္သေ့ရုပ် ပြုလုပ်လှူဒါန်းလိုရာ ခြင်္သေ့ရုပ်ကို ဘုရား၌ ကျောခိုင်းမထားဘဲ ဘုရားဘက်သို့ မျက်နှာလှည့်၍ ထားလိုပါသည်၊ သင့်-မသင့် အဖြေပေးသနားတော်မူပါဘုရား။
( ဦးလှမောင်-မိတ္ထီလာမြို့ )

( ဖြေ )
ရှေးက ဓာတ်တော်တိုက်များ၊ အမြင့်အမြတ် ဌာနများတွင် ခြင်္သေ့၊ မြင်း၊ ဆင်၊ စသော အမြင့်အမြတ် အထိမ်းအမှတ် အရုပ်များကို အစောင့်အနေအဖြစ် ထားကြရာ မြန်မာများက ခြင်္သေ့ကို အသုံးများကြသည်။
ဤတွင် အစောင့်အနေ၊ အစောင့်အရှောက် ဟူသော စကားကို အလေးအနက် အမှတ်အသားပြုသင့်ပေသည်။

ဘုရား၌ ခြင်္သေ့ရုပ်များကို ရှေးရှေးက အစောင့်အရှောက်အဖြစ် ထားခြင်းဟု သဘောပေါက်လျှင် ခြင်္သေ့ရုပ်သည် ဘုရားရှိရာဘက်ကို လှည့်၍ နေသင့်သလော၊ ဘုရားမှ အခြားဘက်သို့ လှည့်၍ နေသင့်သလော-ဟု စဉ်းစားတွေးခေါ်နိုင်စရာ ရှိပါသည်။ ဘုရားကို ကျောခိုင်း၍ နေခြင်းမှာ ဘုရားဆီသို့ (၀ါ) ဘုရားတွင် ဌာပနာထားသော ဓာတ်တော်၊ မွေတော်များဆီသို့ လာမည့်အန္တရာယ်များကို ကာကွယ်စောင့်ရှောက်နေပုံများဟု အဓိပ္ပါယ်ဖော်နိုင်ပါလိမ့်မည်။

ဘုရားကို အရိုအသေပြုနေသော ခြင်္သေ့ပုံများ လုပ်ဆောင်လိုပါက ဘုရားတံတိုင်းလေးတောင့်ဆီမှ ဘုရားဘက်သို့ လှည့်ကာ ၀ပ်၍နေသော ခြင်္သေ့ပုံများ လုပ်ဆောင်လျှင် သင့်လျော်မည် ထင်ပါသည်။
*********************************************************************************

( မေး ) ( အနန္တောအနန္တ ငါးပါး )
ဆရာတော်ဘုရား၊ ဗုဒ္ဓဂုဏော အနန္တော -စတဲ့ အနန္တော အနန္တ ငါးပါးပါရှိတဲ့ ပါဠိ၊ အဋ္ဌကထာ၊ ဋီကာကို သိလိုပါသည်ဘုရား။
( သောမာလင်္ကာရ-ရွှေဘို )

( ဖြေ )
အနန္တငါးပါးနှင့်စပ်၍ သတ္တကာယော စ အာကာသော-စသည်ဖြင့် သတ္တ၀ါ အနန္တ၊ စကြ၀ဠာအနန္တ နှင့် ဗုဒ္ဓဉာဏ်တော် အနန္တ အကြောင်းကို ဗုဒ္ဓ၀င်ပါဠိတော် ( ခု-၄၊ ၃၀၅ ) တွင် တွေ့ရှိနိုင်ပါသည်။

သို့သော်လည်း ဗုဒ္ဓဂုဏော အနန္တော၊ ဓမ္မ၊ သံဃ၊ မာတာပိတု နှင့် အာစရိယဂုဏော အနန္တော-ဟူသော အနန္တငါးပါးမှာ ငါးပါးစု၍ တနေရာတည်း၌ မည်သည့်ပါဠိ၊ အဋ္ဌကထာမှာမှ မတွေ့နိုင်ပါ။ ရှိပါသည်ဟူ၍လည်း ဆရာတော်အရှင်မြတ်တို့ ညွှန်ပြချက်မရှိပါ။

သို့သော် အပ္ပမာဏော ဗုဒ္ဓေါ-စသော ပါဠိတော်များ၊
ဗဟုပကာရာ ဘိက္ခဝေ မာတာပိတရော-စသော ပါဠိတော်များနှင့် အာစရိယ ဆရာသမားတို့ကြောင့် အပါယ်တံခါးများပိတ်၍ သုဂတိတံခါးများ ပွင့်ကာ နိဗ္ဗာန်လမ်း ပေါက်ရောက်စေနိုင်ကြောင်း၊ တရားတော်များကို အမှီပြု၍ ဉာဏ်ပညာ ကြီးမားတော်မူကုန်သော ရှေးဆရာကြီးများက အနန္တငါးပါးကို စီစဉ်ထားရှိခဲ့ခြင်း ဖြစ်ကြောင်း သိရှိရပါသည်။

ဖော်ပြပါ သတ္တ၀ါအနန္တ စသော အနန္တ ငါးပါးနှင့် ကွဲရန် ဤဗုဒ္ဓဂုဏော အနန္တော စသည်ကို အနန္တော အနန္တ ငါးပါး-ဟု ဝေါဟာရ ပြုခဲ့ကြပါသည်
********************************************************************************

( မေး ) ( ကေစိဝါဒ )
စာများတွင် ကေစိဝါဒ-ဟု တွေ့ရပါသည်။ ကေစိဝါဒ ဟူသည်မှာ ဘယ်လိုဝါဒမျိုး ဖြစ်သည်ကို ရှင်းလင်း
ဖြေကြားပေးပါဘုရား။
( ရှင်ပညာဇောတ-ပုသိမ်မြို့ )

( ဖြေ )
ကေစိဝါဒ-ဆိုသည်မှာ ကေသဉ္စိ ၀ါဒေါ ကေစိဝါဒေါ-ဟူသော ဋီကာဆရာများ အဆိုအရ အချို့သူတို့၏ အယူဝါဒ-ဟု ဆိုလိုသည်။
ကျမ်းပြုပုဂ္ဂိုလ်တို့သည် မိမိအောက်နိမ့်သူ (မိမိ အယူဝါဒလောက် ကောင်းသော အယူဝါဒ မရှိသူ)
အခြားကျမ်းပြု ပုဂ္ဂိုလ်တို့ကို ကေစိ (အချို့သော သူတို့က-အချို့သော ဆရာတို့က) ဟု သုံးနှုန်းလေ့ရှိကြပါသည်။

ဗုဒ္ဓစာပေနယ်တွင် ကေစိဆရာ၊ ဧကေဆရာ၊ အညေဆရာ၊ အပရေဆရာ၊ ဟူ၍ ကျမ်းဆရာလေးမျိုးရှိရာတွင် ဧကေ-အချို့သော ဆရာတို့သည်။
အညေ-အချို့ သော ဆရာတို့သည်-ဟု ဧကေ၊ အညေဖြင့် သုံးလျှင် မိမိဆရာနှင့် အတူထားအပ်သော ဆရာများ ဖြစ်သည်။

အပရေ-အချို့သော ဆရာတို့သည်-ဟု အပရေနှင့်သုံးလျှင် မိမိနှင့် ရည်တူတန်းတူ ကျမ်းဆရာများ ဖြစ်ကြောင်း သိအပ်၏။
ကေစိ-ဆိုလျှင်ကား မိမိအောက် ယုတ်နိမ့်သူ၊ မိမိဝါဒကို မမီသူ၊ မမှတ်သားအပ်သော ၀ါဒရှိသူများ-ဟု အသိအမှတ် ပြုထားကြလေသည်။

ထို့ကြောင့်
ဧကေ၊ အညေ၊ ဆရာပေ။ အပရေမူ၊ ကိုယ့်ရည်တူ။ ကေစိမှာမူ၊ ကိုယ့်အောက်ယူ။-ဟု
နိယံဆရာတို့ စပ်ဆိုကြလေသည်။
********************************************************************************

( မေး ) ( ရေစက်ချရန် လို-မလို )
အလှူလုပ်ရာ၌ ရေစက်မချသော်လည်း အလှူမြောက်သည် မဟုတ်ပါလားဘုရား။
အဘယ့်ကြောင့် ရေစက်ချရပါသနည်း၊ အလှူတွင် ရေစက်ချရန် လို-မလို ရှင်းလင်းဖြေကြားစေလိုပါသည်ဘုရား။
( ဦးကျော်စိုး-က-စ-လ၊ ရန်ကုန် )

( ဖြေ )
အလှူခံပုဂ္ဂိုလ်၏ လက်တွင်းသို့ အလှူဝတ္ထုကို ပေးကမ်းဆက်ကပ်လိုက်လျှင်ပင် အလှူမြောက်ပါသည်။
ရေစက်ချခြင်းမှာ အလှူမြောက်မှု၊ မမြောက်မှုနှင့် မသက်ဆိုင်ပါ။

ရေစက်ချ၌
၁။ ဆန္ဒပြုခြင်း
၂။ ဆုတောင်းခြင်း နှင့်
၃။ အမျှဝေခြင်း-ဟု အပိုင်း သုံးပိုင်းရှိရာ
၁။ ဤမည်ဤမည်သောအလှူဝတ္ထုတို့ကို ဤသို့ဆန္ဒပြု၍ လှူဒါန်းပါ၏။
၂။ ဤသို့လှူဒါန်းရသောကြောင့် မဂ်ဖိုလ်နိဗ္ဗာန်ကို မျက်မှောက်ပြုရပါလို၏။
၃။ ဤကောင်းမှုကုသိုလ်အဖို့ကို သတ္တ၀ါတို့အား အမျှဝေပါ၏။
အမျှရကြပါစေ-ဟု ရေစက်ချ၍ ဆုတောင်းအမျှဝေခြင်းကြောင့် မိမိအလှူမှာ ၀ိဝဋ္ဋနိဿိတဒါန ဖြစ်၍ ဆုတောင်းသည့်အတိုင်း မဂ်ဖိုလ်နိဗ္ဗာန်အထိ အကျိုးပေးနိုင်ပါသည်။

ဤကဲ့သို့ ရေစက်ချ (ဆုတောင်း) ခြင်း မပြုက လူ့ရွာနတ်ရပ် သုဂတိအကျိုးမျှသာ ပေးနိုင်၍
မဂ်ဖိုလ်နိဗ္ဗာန် အကျိုး မပေး။
ပါရမီဒါန မမြောက်။
အမျှမဝေ၍ ပတ္တိဒါနကုသိုလ် မဖြစ်။
ပေတလောကရှိ ဆွေမျိုး ဝေမာနိက စသည်တို့ သာဓုမခေါ်ရ၍ ကောင်းကျိုးမခံစားရ
စသည်တို့ ဖြစ်လာနိုင်သည်။

ဘုရားလောင်း ဝေဿန္တရာမင်းကြီးလည်း ဆင်ဖြူတော်လှူရာ၊ သား မယား လှူရာတို့၌ ဤသို့ ရေစက်ချ၍ ဘုရားအဖြစ် ဆုတောင်းကြောင်း ဇာတ်အဋ္ဌကထာတွင် ပါရှိပေသည်။ ထို့ကြောင့် ရှေးဆရာမြတ်တို့က အလှူလုပ်တိုင်း ရေစက်ချရန် အစဉ်အလာကောင်းတခု ထားခဲ့ခြင်းဖြစ်ကြောင်း မှတ်သားထားစေလိုပါသည်။
********************************************************************************

( မေး ) ( ရဟန္တာနှင့် ကာလနဂါး )
ဆရာတော်ဘုရား၊
၁။ ရဟန္တာဖြစ်လျှင် မိမိငယ်စဉ်ကတည်းက သင်အံ ကျက်မှတ်ထားသော စာများ ရပါသလားဘုရား။
၂။ ဘုရားအဆူဆူ ပွင့်ပါလျက် ကာလနဂါးသည် အဘယ်ကြောင့် မကျွတ်ပါသလဲဘုရား။
( မသီရိမာလာ-ရန်ကုန် )

( ဖြေ )
၁။ ရဟန္တာသည်
က။ ပဋိသမ္ဘိဒါပတ္တ ရဟန္တာ။
ခ။ ဆဠာဘိည ရဟန္တာ။
ဂ။ တေ၀ိဇ္ဇ ရဟန္တာ။
ဃ။ သုက္ခ၀ိပဿက ရဟန္တာ ဟူ၍ ၄-မျိုးရှိသည်။

အနိမ့်ဆုံး သုက္ခ၀ိပဿက ရဟန္တာမှာ ဈာန်မရသော ရဟန္တာမျိုး ဖြစ်သည်။
ဉာဏ်အမြင်မှာမူ ထက်မြက်ပြည့်စုံ၍ သောတာပန်၊ သကဒါဂါမ်၊ အနာဂါမ်တို့ထက် သာလွန်သော ပညာရှိသဖြင့် ငယ်စဉ်က သင်အံထားသောစာများထက် ပိုမို၍ပင် သိမြင်တတ်မြောက်နိုင်မည်မှာ အထူးဆိုစရာ မလိုတော့ပါ။

အထက်မြက်ဆုံး ပဋိသမ္ဘိဒါပတ္တ ရဟန္တာဖြစ်လျှင်ကား မူလက စာတလုံးမှ မတတ်သူပင် ဖြစ်စေကာမူ ပိဋကတ်သုံးပုံကို အာဂုံဆောင်စွမ်းနိုင်တော့သည်။

၂။ ကာလနဂါးသည် တကမ္ဘာ အသက်ရှည်၍ ယင်းကမ္ဘာအတွင်း၌ ပွင့်သော ဘုရားများကို မီနိုင်၊ ဖူးတွေ့နိုင်လေသည်။
သို့သော် နဂါးဘ၀သည် ( တိရန္တိ အဓောဘာဂေန ဂစ္ဆန္တီတိ တိရစ္ဆာနာ ) -ဟု ဆိုသဖြင့် အောက်အဖို့အားဖြင့်သာ လားရောက်တတ်သော တိရစ္ဆာန်မျိုး။
တနည်း-မဂ်ဖိုလ်မှ ဖီလာသွားတတ်ကုန်သော တိရစ္ဆာန်မျိုး ဖြစ်သဖြင့် နဂါးဘ၀ဖြင့် ကျွတ်တမ်းဝင်နိုင်ဖွယ် မရှိပါ။

( မြတ်မင်္ဂလာ ၁၉၉၃-ခု ဧပြီလ )

No comments: