Wednesday, March 25, 2009

ဘာသာရေး ပြဿနာ ( ၃၈ )

( ဘဒ္ဒန္တ တိလောကသာရ ဖြေသည် )

( မေး ) ( ကြေးစည်နှင့် အသုဘ )
အရှင်ဘုရား၊ ကြေးစည်ခေါင်းလောင်းတို့ကို ဘာသာရေးကိစ္စ၌ သုံးရသည်၊ အမျှအတန်းဝေရာ၌ ထိုးခေါက်ရသည်-ဟု နားလည်ပါသည်၊ သို့သော် အသုဘချရာ၌ ကြေးစည်တီးသည်ကို မြင်တွေ့နေရပါသည်၊ ဘာသာရေး-သုံး ကြေးစည်ကို အဘယ်ကြောင့် အသုဘတွင် တီးသည်ကို သိလိုပါသည်၊ ရှင်းလင်းဖြေကြားပေးပါ ဘုရား။
( မိုးလေး-ကြံခင်း )

( ဖြေ )
ခေါင်းလောင်း၊ ကြေးစည်၊ ထိုးစည်များကို ဘာသာရေးကိစ္စများတွင် သုံးစွဲကြရာ၌ခေါင်းလောင်းသံ၊ ကြေးစည်သံကြားလျှင် သာဓုအနုမောဒနာ ပြုကြရန် ရည်ရွယ်ပါသည်၊
ဒါနပြုရာ၌ ဒါန၏အဖို့ကို ရယူနိုင်စေရန် ကြေးစည် ခေါင်းလောင်းဖြင့် အမျှဝေကြသည်၊ ကြေးစည် ခေါင်းလောင်းသံ ကြား၍ သာဓုခေါ်လျှင် ဒါနကောင်းမှု၏ အဖို့ဘာဂကို အမျှရသည်။
သီလ၌လည်း ထို့အတူပင်။

အသုဘ၌ အသုဘသို့ လာသူ၊ မသာပို့သူတို့သည် ငါလည်း ဤကဲ့သို့ သေရဦးမည်-ဟု မရဏာနုဿတိ ဘာဝနာကို ပွားကြရသည်၊ မသာပို့သူတိုင်း၏ တာဝန်မှာ ထိုသို့ မရဏာနုဿတိ ဘာဝနာပွားခြင်း၊ အသုဘကမ္မဋ္ဌာန်း နှလုံးသွင်းခြင်း စသည်ဖြင့် ရှုပွားရသည်မှာ ဗုဒ္ဓဘာသာတိုင်း ပြုရမည့်တာဝန်ဝတ္တရားပင် ဖြစ်သည်၊

အောက်ထစ်ဆုံး သုဘလုလင်နှင့် သူငယ်ချင်း သူဋ္ဌေးသား ၅၅-ဦးအလောင်းအလျာများကဲ့သို့ ဤအသုဘ အပုပ်ကောင်ကြီး လူကြားသူကြားထဲမှာ ထား၍မလျော်၊ သုသာန်သင်္ချိုင်းသို့ ပို့ဆောင်ကြကုန်အံ့-ဟူသော လူမှုရေး ကုသိုလ်စိတ် ထားရှိကြရသည်၊ ထိုကုသိုလ် ကောင်းမှုများကို ကြားသူ မြင်သူတို့ သာဓုခေါ်၍ ကုသိုလ်အမျှယူနိုင်ရန် အသုဘများတွင် ကြေးစည်တီး၍ ချပို့ကြရခြင်း ဖြစ်ပါသည်။
********************************************************************************

( မေး ) ( သဘင်သည်နှင့် ဈေးသည် )
ဆရာတော်ဘုရား၊ သဘင်သည်၊ ဈေးသည်များသည် ငရဲ (သို့) ပြိတ္တာဘ၀သို့ ရောက်ကြသည်-ဟု ကြားဖူးပါသည်။ သဘင်သည် ဈေးသည်တိုင်း ငရဲသို့ ကျရောက်ပါသလားဘုရား၊ ထိုဘ၀များသို့ မကျရောက်ရအောင် မည်ကဲ့သို့ ပြုလုပ်ရမည်ကို သနားသဖြင့် ဖြေကြားပေးပါဘုရား။
( ခင်မိုးဝေ-ချောင်းဆုံ (တ)၊ တန်ဆည်မြို့နယ် )

( ဖြေ )
ပွဲကြည်သူများ ရာဂတရား ပွားသည်ထက်ပွားအောင် နှိုးဆွတတ်သော သဘင်သည်များ ပဟာသငရဲ၌ ကျရောက်တတ်ကြောင်း ဆိုပါသည်။
ထိုကဲ့သို့ မဟုတ်ဘဲ လူအများ ပညာဗဟုသုတ တိုးပွား၍ ကုသိုလ်တရား၌ ပွားများစေရန် ပြုသော သဘင်သည်များဆိုလျှင် တမျိုးဖြစ်နိုင်ပါသည်၊

ဈေးသည်များမှာ တောင်းစဉ်းလဲ၊ ချိန်စဉ်းလဲ အမြဲနိစ္စ မုသာဝါဒဗန်းတင်၍ မစင်မကြယ် ရောင်းဝယ်ဖောက်ကား နေသူများအဖို့ ငရဲ ပြိတ္တာ ဘ၀တို့သို့ ရောက်ရန် လမ်းကြောင်းဖြောင့်တန်းနေပါသည်၊ ဈေးသည်ဘ၀က မမှန်မကန် စီးပွားရှာခဲ့၍ ပြိတ္တာဖြစ်ကြရသော ဈေးသည်မများအကြောင်း ပေတ၀တ္ထုတွင် ပါရှိသည်ကို တွေ့ရသည်၊

သမ္မာအာဇီဝဖြစ်ကြောင်း ကောင်းကောင်းမွန်မွန် စီးပွားရှာကြသည့် ဈေးသည် ကုန်သည်များအဖို့ ငရဲ ပြိတ္တာ ဖြစ်စရာအကြောင်း မရှိပါ။
********************************************************************************

( မေး ) ( သောတာပန်ဖြစ်ရန် )
သောတာပန်ဖြစ်ရန် မည်သည့်အင်္ဂါရပ်များနှင့် ပြည့်စုံရပါမည်နည်း ဘုရား၊
တပည့်တော် ရထားသောလင်္ကာမှာ-
သက်သတ် ခိုးမှု၊ ကာမေသု၊ မုသား သုရာ၊ ကင်းပြတ်ကွာ၊ မှတ်ပါ သောတာပန်-ဟု ဖြစ်ပါသည်၊ သည်လောက်နှင့် မပြည့်စုံသေး ဆို၍ မေးလျှောက်ရခြင်း ဖြစ်ပါသည် ဘုရား။
( ဦးမှတ်ကြီး-တာယာစက်ရုံ၊ သထုံမြို့ )

( ဖြေ )
သောတာပန်ဖြစ်ရန်အတွက် သောတာပတ္တိမဂ်ရရန် ရှေ့အဖို့က ပြည့်စုံစေရမည့် အကြောင်းအင်္ဂါများမှာ-
သပ္ပုရိသသံသေ၀-သူတော်ကောင်းတို့နှင့် ပေါင်းသင်းခြင်း။
သဒ္ဓမ္မဿဝန-တရားနာခြင်း။
ယောနိသောမနသိကာရ-သင့်တင့်အောင် နှလုံးသွင်းခြင်း။
ဓမ္မာနုဓမ္မပဋိပတ္တိ-မဂ်ဖိုလ်အားလျော်သော အကျင့်တရားကို ကျင့်ခြင်း။
သောတာပတ္တိယင်္ဂတရား လေးပါးတို့ ဖြစ်သည်။

ထို့ပြင် ဗုဒ္ဓေ အ၀စ္စပသာဒ စသည့် ဘုရား၌ မတုန်မလှုပ် သက်ဝင်ယုံကြည်ခြင်း။
တရား၌ မတုန်မလှုပ် သက်ဝင်ယုံကြည်ခြင်း။
သံဃာတော်၌ မတုန်မလှုပ် သက်ဝင်ယုံကြည်ခြင်း။
အရိယကန္တဟု ဆိုအပ်သော ငါးပါးသီလနှင့် ပြည့်စုံခြင်း
ဤတရားလေးပါးနှင့်လည်း ညီညွတ်ကုံလုံစေရမည် ဖြစ်ပေသည်။

ဤသောတာပတ္တိယင်္ဂ တရားများနှင့် ပြည့်စုံသူသာ သောတာပန်ပုဂ္ဂိုလ် ဖြစ်နိုင်ပါသည်၊
ပြဿနာရှင်ဖော်ပြသောလင်္ကာမှာ- သောတာပန်ပုဂ္ဂိုလ် ငါးပါးသီလ လုံခြုံကြောင်းကို ပြသည့်လင်္ကာဖြစ်၍ အောက်ဖော်ပြလတံ့သော ဆောင်ပုဒ်ကလေးများကို ဆောင်ယူထားသင့်ပါသည်။

သူတော်ကောင်းခို၊ တရားကိုနာ၊ သင့်စွာစိတ်ထား၊ တရားကျင့်ကာ၊ ညီလေးဖြာ၊ သောတာပတ္တိယင်။
ဗုဒ္ဓ ဓမ္မ၊ သံဃကိုယုံ၊ မတုန်လှုပ်ဘိ၊ အရိယကန္တ၊ သီလငါးဖြာ၊ စုံညီညာ၊ သောတာပတ္တိယင်။
********************************************************************************

( မေး ) ( နိဗ္ဗာန် နှင့် ပရိနိဗ္ဗာန် )
နိဗ္ဗာန် နှင့် ပရိနိဗ္ဗာန်ကို ရှင်းလင်းဖြေကြားပေးပါဘုရား။
( ဦးသိန်းဖေ-ဗဟိုကွက်သစ်၊ ချောက်မြို့ )

( ဖြေ )
နိဗ္ဗာန်ဟူသည် အမြဲနိစ္စတည်ရှိနေသော သန္တိသုခ အသင်္ခတ ဓာတ်သဘောကြီးဖြစ်သည်၊
ပရိနိဗ္ဗာန်မှာ ဘုရား ရဟန္တာ ပုဂ္ဂိုလ်တို့ ရုပ်နာမ်ခပ်သိမ်း အကြွင်းမဲ့ ချုပ်ငြိမ်းသွားခြင်းပင် ဖြစ်ပါသည်။
********************************************************************************

( မေး ) ( တထောင့်ငါးရာ ကိလေသာ နှင့် ၀ိပဿနာတရား )
ဆရာတော်ဘုရား၊ တထောင့်ငါးရာ ကိလေသာဆိုတာ ဘယ်လိုနည်းနှင့် တွက်၍ တထောင့်ငါးရာ ဖြစ်လာပါသလဲ ဘုရား။
ထို့ပြင် ၀ိပဿနာ ရှုနည်း အမျိုးမျိုးဖြစ်သော ကသစ်ဝိုင်နည်း၊ မဟာစည်နည်း၊ မိုးကုတ်နည်း စသည်ရှိရာ ဘယ်နည်း အထိရောက်ဆုံးဖြစ်ကြောင်း အကြံပေးဖြေကြားတော်မူစေချင်ပါသည် ဘုရား။
( စိုးဝင်း-ကျောင်းဆရာ၊ ဘုရားပြို အ-လ-က၊ ဝေါမြို့နယ် )

( ဖြေ )
စိတ် ၁-ပါး၊ စေတသိက် ၅၂-ပါး၊ ဟူသော နာမ်တရား ၅၃-ပါး၊
ရုပ် ၂၈-ပါးမှ နိပ္ဇန္နရုပ် ၁၈-ပါးနှင့် လက္ခဏရုပ် ၄-ပါးကို ယူ၍ ရုပ် ၂၂-ပါး။
၎င်း ရုပ်နာမ်နှစ်မျိုးပေါင်း ၇၅-ပါးကိုမူတည်ကာ မိမိနှင့် သူတပါးဟူသော အဇ္ဈတ္တ-ဗဟိဒ္ဓ သန္တာန် ၂-ပါးနှင့် မြှောက်လျှင် ၁၅၀-ရသည်။
ယင်းကို ကိလေသာ ၁၀-ပါးနှင့် မြှောက်သော် ၁၅၀၀-ကိလေသာ ရလေသည်။

ယင်းကို-
နာမ်တေပညာ၊ နိပ္ဇန္နာ၊ တည်ပါလက္ခဏ။
သန္တာန် နှစ်ဖြာ၊ မြှောက်ပွားကာ၊ တရာ ငါးဆယ်ရ။
ယင်းကိုတဖြာ၊ ကိလေသာ၊ ဆယ်ဖြာ မြှောက်ပြန်က။
တထောင့်ငါးရာ၊ ကိလေသာ၊ ထိုခါ ဖြစ်သည်ပ။

တနည်း လင်္ကာ-
နာမ်တေ ပညာ၊ ရုပ်နိပ္ဇန်၊ လက္ခဏရုပ်လေး။
သန္တာန် နှစ်ဝ၊ မြှောက်ဆင့်က၊ တရာ့ငါးဆယ်ရေး။
ဆယ်ကိလေသာ၊ မြှောက်ပွားကာ၊ ငါးရာတထောင်တွေး။

ဒုတိယအမေးပြဿနာနှင့် စပ်၍ကား ၀ိပဿနာကမ္မဋ္ဌာန်းတရားနည်းများမှာ သူ့နည်းနှင့်သူ ကောင်းကြသည်ချည်းဖြစ်၍ မေးမြန်းစုံစမ်းနေသည်ထက် လက်တွေ့ တနည်းနည်းကို ၀င်ရောက် အားထုတ်ခြင်းသာ နည်းမှန်လမ်းမှန်ဖြစ်ကြောင်း ဖြေကြားအပ်ပါသည်။
********************************************************************************

( မေး ) ( အစောင့်အရှောက် အကူအညီ )
ဆရာတော်ဘုရား၊ ည ၉-နာရီ အချိန်လောက်မှာ ဆရာလေးတို့ တိုက်တာအတွင်းသို့ လူမှုရေးကိစ္စများဖြင့် ၀င်ရောက်ပြီး ခြိမ်းခြောက်ကြိမ်းမောင်းရာ နောင်အနာဂတ်ကို ရည်မျှော်၍ မနှောင့်ယှက်ရန် အကြောင်းပြုပြီး ဆိုင်ရာသို့ တိုင်တန်းပါက ဆရာလေးများမှာ အပြစ်ဖြစ်ပါမည်လား ဘုရား။
( သိလိုသူ-လ-တ-မုံရွာ )

( ဖြေ )
ရက္ခံ ယာစတီတိ ဓမ္မိကံ၊ ရက္ခံ ယာစတိ အနာပတ္တိ-ဟူ၍ အဋ္ဌကထာ (၀ိ-ဋ္ဌ၊ ၃-၁၈၂) တွင် ဆိုသဖြင့် တရားသောအစောင့်အရှောက်ကို ရဲဘက်ဆိုင်ရာမှာဖြစ်စေ၊ ရပ်ကွက်မြို့နယ်ဆိုင်ရာ လူကြီးတို့ထံမှာဖြစ်စေ၊ တရားရုံးများမှာဖြစ်စေ၊ တောင်းကောင်းပါသည်၊
ထိုသို့တောင်းခြင်းကြောင့် ရဟန်းသံဃာတော်များမှာလည်း အပြစ်မဖြစ်ပါ။

အစောင့်အရှောက်အကူအညီကို တောင်းခံရာ၌ မည်သူနှောင့်ယှက်နေပါသည် စသည်ဖြင့် အမည်ကိုမူ မဖော်ပြောသင့်ပါ၊ မိမိက အမည်ကို ဖော်လိုက်လျှင် ထိုသူအား ဒဏ်ရိုက်ခြင်းစသည် ပြုလျှင်ကား မိမိမှာ အပြစ်ဖြစ်ပါသည်။

အကျယ်ကို ဖော်ပြပါ သိက္ခာပုဒ် အဋ္ဌကထာ၌၄င်း၊ ခုဒ္ဒသိက္ခာ ဘာသာဋီကာ ၄၄၉-၌၄င်း၊ စံကင်းဆရာတော် ၅၀၄-၌၄င်း ကြည့်ရှုပါ။ ဤ၌အကျယ်မရေးသာပါ။

( မြတ်မင်္ဂလာ ၁၉၉၄-ခု ဧပြီလ )

No comments: