Tuesday, March 31, 2009

မြတ်ဗုဒ္ဓ၏ ဥဒါန်းကျူးရင့်သန်

ဂေါတမအနွယ်တော်ဖြစ်သော သုဒ္ဓေါဒနမင်းကြီးနှင့် မာယာဒေ၀ီတို့မှ ဖွားမြင်သော သိဒ္ဓတ္ထမင်းသားသည် ယသောဓရာမင်းသမီးနှင့် လက်ထပ်ပြီးနောက် ရာဟုလာသားတော်ကို မွေးဖွားပြီးစ သက်တော် ၂၉-နှစ်အရွယ်တွင် နန်းစည်းစိမ်ကိုစွန့်၍ တရားထူးရှာရန် တောထွက်တော်မူ၏၊

ရှေးအစဉ်အဆက် ထင်ရှားခဲ့သော ဂိုဏ်းဆရာကြီးများထံ ချဉ်းကပ်လျက် နည်းနာယူကာ တရားကျင့်၏၊ အမှန်တရားကို မရသဖြင့် ဂိုဏ်းဆရာကြီးများကို စွန့်ပယ်လျက် ပဉ္စ၀ဂ္ဂီရသေ့ငါးပါး၏ ပြုစုမှုကိုခံယူကာ မိမိဘာသာကျင့်လေသည်၊ တောထွက်၍ ခြောက်နှစ်ကြာသောအခါတွင် အစွန်းတရားနှစ်ပါးကို ပယ်၍ မဇ္ဈိမလမ်းစဉ်ကိုလိုက်ကာ ကျင့်သောအခါမှ သစ္စာလေးပါး၊ မဂ္ဂင်ရှစ်ပါးတရားကို သိမြင်လျက် မြတ်ဗုဒ္ဓအဖြစ်သို့ ရောက်တော်မူ၏၊

ဗောဓိပင်ရင်း ရွှေပလ္လင်တွင် သီတင်းသုံးနေတော်မူစဉ် နေမ၀င်မီ မာရ်စစ်သည်တို့ကို အောင်မြင်တော်မူပြီးနောက်
ပထမယံ၌ ပုဗ္ဗေနိဝါသာနုဿတိဉာဏ်၊
မဇ္ဈိမယံ၌ ဒိဗ္ဗစက္ခုဉာဏ်၊
ပစ္ဆိမယံ၌ အာသ၀က္ခယဉာဏ်ကို ရတော်မူ၏။
ထို့နောက် သဗ္ဗညုတဉာဏ်တော်ရှင် ဗုဒ္ဓအဖြစ် ရောက်တော်မူ၏၊
ထိုစဉ် နှစ်သက်ဝမ်းမြောက်တော်မူသော ရွှေစိတ်တော် လှုံ့ဆော်သဖြင့် ရှေးရှေးသော နောင်တော်ဘုရားရှင်များ နည်းတူ ဥဒါန်းကျူးရင့်တော်မူလေသည်။

( ပါဠိဂါထာ )
အနေကဇာတိသံသာရံ၊ သန္ဓာဝိဿံ အနိဗ္ဗိသံ ။
ဂဟကာရံ ဂဝေသန္တော၊ ဒုက္ခာဇာတိ ပုနပ္ပုနံ ။
ဂဟကာရက ဒိဋ္ဌောသိ၊ ပုန ဂေဟံ န ကာဟသိ ။
သဗ္ဗာ တေ ဖာသုကာ ဘဂ္ဂါ၊ ဂဟကူဋံ ၀ိသင်္ခတံ ။
ဝိသင်္ခါရဂတံ စိတ္တံ၊ တဏှာနံ ခယမဇ္ဈဂါ ။

( မြန်မာပြန် )
အဖန်ဖန် ပဋိသန္ဓေနေရခြင်းသည် ဆင်းရဲလှသောကြောင့် ခန္ဓာအိမ်ကို ဆောက်လုပ်တတ်သူ
တဏှာလက်သမားကို ရှာဖွေနေသောငါသည် ထိုတဏှာကို မြင်နိုင်သော ဉာဏ်ကို မရသေးသောကြောင့်
ဘ၀များစွာ သံသရာပတ်လုံး ကျင်လည်ခဲ့ရလေပြီ။

ခန္ဓာအိမ်ကို ဆောက်လုပ်တတ်သော ဟယ်-တဏှာလက်သမား၊ ငါသည် သင့်ကို ပညာမျက်စိဖြင့် ယခုမြင်အပ်ပြီ၊ ခန္ဓာအိမ်ကို နောက်တဖန် သင်ဆောက်လုပ်ရတော့မည် မဟုတ်။
သင်၏ ကိလေသာ အခြင်ရနယ် အားလုံးကို ငါချိုးဖဲ့အပ်ပြီ။ အ၀ိဇ္ဇာတည်းဟူသော အိမ်ခေါင်ထွဋ်ကို ဖျက်ဆီးအပ်ပြီ။ ငါ၏စိတ်သည် ပြုပြင်ခြင်းကင်းရာ နိဗ္ဗာန်သို့ ရောက်ပြီ။ တဏှာ၏ ကုန်ရာကုန်ကြောင်း အရဟတ္တဖိုလ်ကို ရပြီ။

( ဆောင်ပုဒ် )
ပဋိသန္ဓေ၊ ဖန်ဖန်နေရ၊ ဆင်းရဲရအောင်၊ ပြုလှကြိမ်ကြိမ်၊ နှောင်အိမ်ခန္ဓာ၊ ဖန်တီးလာသည့်၊ တဏှာလုပ်သား၊ လက်သမားကို၊ ငါကားရှေးက၊ မမြင်ရ၍၊ ရှည်လှသံသရာ၊ လှည့်လည်ကြာပြီ၊
ခုအခါဝယ်၊ ခန္ဓာငါ့အိမ်၊ ကြိမ်ဖန်များစွာ၊ ဆောက်လုပ်လာသည့်၊ တဏှာယောက်ျား၊ လက်သမားကို၊ မျက်ဝါးထင်ထင်၊ ငါတွေ့မြင်ပြီ၊ သင်နောက်တဖန်၊ ဆောက်ရန်ခွင့်ပိုင်၊ မရနိုင်တော့၊ မြဲခိုင်အခြင်၊ များဖြင်ရနယ်၊ အသွယ်သွယ်ကို၊ ပယ်သတ်လွှမ်းမိုး၊ ငါရိုက်ချိုးပြီ၊ ခေါင်မိုးအ၀ိဇ္ဇာ၊ အထွတ်ပါကုန်၊ လုံးစုံမကြွင်း၊ အကုန်ရှင်း၍၊ လွတ်ကင်းတဏှာ၊ အရဟတ္တာ မဂ် ဖိုလ်၊ ငါကိုယ်တိုင်သာ၊ ရရှိလာပြီ၊ ခန္ဓာအဆုံး နိဗ္ဗာန်တည်း။

( ဧရာဝဂ်၊ ဥဒါန၀တ္ထု )

No comments: