Sunday, March 15, 2009

ဘာသာရေး ပြဿနာ ( ၃၂ )

( ဘဒ္ဒန္တတိလောကသာရ ဖြေသည် )

( မေး ) ( နတ်နှင့် ပါဠိ )
အရှင်ဘုရား၊ ဗုဒ္ဓဘာသာဝင်တိုင်း ၀တ်တက်ဝတ်ကပ် ပြုကြရာမှာ မကင်းနိုင်သည့် နတ်ပင့် မေတ္တာပို့ အမျှဝေစသည်တို့ကို အချို့ မြန်မာဘာသာဖြင့် ပြုလုပ်ကြပြီး အချို့ ပါဠိဘာသာဖြင့် ပြုလုပ်ကြပါသည်။ ပါဠိဘာသာဖြင့် ပြုလုပ်ကြရာတွင် လောက၌ရှိသမျှ နတ်ဗြဟ္မာအားလုံးတို့မှာ မိမိတို့ကို ပင့်ဖိတ်နေသည်၊ မေတ္တာပိုပနေသည်၊ အမျှဝေနေသည်-ဟု သိရှိနိုင်ကြပါမည်လား။
ပါဠိဘာသာဖြင့် နတ်ပင့်၊ မေတ္တာပို့၊ အမျှဝေရမည့်အစား မြန်မာဘာသာဖြင့်သာ ပြုလုပ်သင့်ပါသည်-ဟု ထင်ပါသည်။ ရှင်းလင်းဖြေကြားပေးတော်မူပါဘုရား။
( ဦးထိန်ဝင်း-မြို့မရပ်၊ ကလေးမြို့ )

( ဖြေ )
ပါဠိဘာသာသည် မူလဘာသာဖြစ်၏။
မြတ်စွာဘုရားသည် ပါဠိဘာသာဖြင့်ပင် တရားကိုဟော၏၊ ဗြဟ္မာ့ပြည် နတ်ပြည်နှင့် အားလုံးသော ဗြဟ္မာမင်းကြီးများ၊ နတ်မင်းကြီးများသည် ပါဠိဘာသာဖြင့်သာ ပြောဆိုကြသည်၊ ကမ္ဘာဦးသူ လူတို့သည်လည်း ပါဠိဘာသာဖြင့်သာ ပြောဆိုကြသည်၊ နှစ်ကာလ ကြာညောင်း၍ လူမျိုးကွဲပြားသွားခြင်း၊ အရပ်ဒေသ ကွာခြားသွားခြင်းတို့ကြောင့် လူ့ပြည်တွင် ဘာသာစကား အမျိုးမျိုးကွဲပြား၍ သွားကြသော်လည်း နတ်ပြည် ဗြဟ္မာ့ပြည်တို့တွင်ကား ယခုထက်တိုင် ပါဠိဘာသာကိုသာ သုံးနှုန်းလျက်ရှိကြသည်ဟု ဆိုပေသည်။ ထို့ကြောင့် ပါဠိ မာဂဓဘာသာကို တန္တိဘာသာ၊ ပကတိဘာသာ၊ မူလဘာသာ-ဟူ၍ ဆိုရ၏။

မြန်မာဘာသာဖြင့်ဆိုက မြန်မာလူမျိုးက ဖြစ်သော နတ်များ နားလည်မည်ဖြစ်သော်လည်း အခြားလူမျိုးကဖြစ်သော နတ်များ နားလည်ချင်မှ နားလည်မည်။ ပါဠိဘာသာဖြင့်ဆိုက နတ်ပြည်ခြောက်ထပ်၊ ဗြဟ္မာ နှစ်ဆယ်ရှိ နတ်ဗြဟ္မာများမှာ ၄င်းတို့၏ ဘာသာစကားဖြစ်၍ အားလုံးနားလည်နိုင်တော့သည်။ ထို့ကြောင့် နတ်ဗြဟ္မာတို့နှင့် ဆိုင်ရာ၌ ပါဠိဘာသာကိုသာ အသုံးပြုသင့်ပါသည်-ဟု မှတ်သားနိုင်ပါသည်။
********************************************************************************

( မေး ) ( ဆွံ့အ နားမကြားနှင့် ဘုရားစာ )
အရှင်ဘုရား၊ တပည့်တော်သည် အသက် ၈-နှစ်သမီး အရွယ်မှစ၍ ရောဂါတခုကြောင့် နားမကြား ဖြစ်သွားပါသည်၊ နားမကြားခြင်းကြောင့် စကားလည်း ပီသအောင် ပြောမရပါ၊ စကားမပီခြင်းကြောင့် ဘုရားစာကို ပီအောင် မဆိုတတ်ပါ၊ ဘုရားစာဆိုရာတွင် အများအားဖြင့် မှားပါသည်၊ တပည့်တော် ဤသို့ ဘုရားစာကို မှန်အောင်မဆိုတတ်ခြင်းကြောင့် ကုသိုလ်ရပါမည်လား၊
နောင်ဘ၀တွင်လည်း ကောင်းသောဘ၀သို့ ရောက်ပါမည်လား၊ တပည့်တော်ကဲ့သို့ ဆွံ့အ နားမကြားသူများ ဘုရားစာ မဆိုတတ်၍ ဘုရားရှိမခိုးဘဲနေလျှင် နောင်ဘ၀တွင် မကောင်းသောဘ၀ အပါယ်ငရဲသို့ လားမည်လား ဆိုသည်ကို ဖြေကြားတော်မူပါ အရှင်ဘုရား။
( အေးအေးမြင့်-ပေါင်းတလည်၊ ပြည်မြို့နယ် )

( ဖြေ )
ဘုရားရှိခိုးခြင်း ဟူသည်မှာ ရှေးဦးစွာ ဘုရား၌ကြည်ညိုသော စိတ်စေတနာသာ လွန်စွာအရေးကြီးလှပါသည်။ စေတနာမပါဘဲ နှုတ်က မြွက်ဆိုနေသော်လည်း ပြည့်စုံပြီဟု မဆိုနိုင်ပါ၊ သို့ဖြစ်၍ မိမိ ကိုယ်တိုင်က ဘုရားကို တကယ်ကြည်ညိုမြတ်နိုးသော စိတ်ဖြင့် နှုတ်က တတ်သမျှ ရွတ်ဆိုလျက် ရိုရိုသေသေ ရှိခိုးဦးချ၍ ပူဇော်ကြဖို့ လိုပါသည်။ မပီသ၍ ကုသိုလ်မရဟု မရှိ၊ ပကတိ ကြည်ညိုသောစိတ် ထားရှိနိုင်က ပီသသည်ဖြစ်စေ၊ မပီသသည်ဖြစ်စေ ကုသိုလ် အထူးဖြစ်ပါသည်။

မြတ်စွာဘုရား ဝေဒိဿက တောင်တွင် သီတင်းသုံးစဉ် ခင်ပုပ်ငှက်ခေါ် ဇီးကွက်တကောင်သည် မြတ်စွာဘုရားအားမြင်၍ ကြည်ညိုလှသဖြင့် ကွိကွိ ကွက်ကွက်-အော်မည်လျက် ဘုရားရှေ့တော်တွင် နှုတ်သီးမြေစိုက် ဦးခိုက်ညွတ်ပျောင်း အတောင်နှစ်ချောင်းကို ကျောတွင်ယှက်ကာ ရှိခိုးလာသည်ကို အရှင်အာနန္ဒာက မေးလျှောက်၍ မြတ်စွာဘုရားက-

ဤခင်ပုပ်ငှက်-ခေါ် ဇီးကွက်ငယ်သည် ငါဘုရားကို မြတ်နိုးစေတနာ သူတို့ဘာသာဖြင့် အော်ကာမြည်ကာ ရှိခိုးရသဖြင့် နောက်ဘ၀တွင် ဒေ၀ရိပ်ငြိမ် နတ်နန်းအိမ်၌ အကြိမ်များစွာ စံစား၍ အဆုံးဘ၀တွင် သောမနဿမည်သော ပစ္စေကဗုဒ္ဓါ ဖြစ်လတံ့-ဟု ဗျာဒိတ်တော်ထားကြောင်း ပိဋကတ်တော်၌ ပါရှိသည်။

ထို့ကြောင့် မပီသ၍ ရှိမခိုးဘဲ မနေသင့်၊ စေတနာထား သဒ္ဓါပွား၍ ကိုယ်နှုတ်စိတ်အားဖြင့် စွမ်းနိုင်သမျှ နေ့ညမကွာ ရှိခိုးပါရန် တိုက်တွန်းလိုပါသည်။
********************************************************************************

( မေး ) ( ဒါနပြုရာဝယ် )
အရှင်ဘုရား တပည့်တော်သည် အလှူဒါနကို သူတပါးအား ပေးလှူစေရန် တိုက်တွန်းပါသည်၊ မိမိကိုယ်တိုင်လည်း ပေးလှူပါသည်၊ လှူရန်တိုက်တွန်းသူတွင် အပြစ်ရှိပါသလားဘုရား။
( မောင်မောင်-၃၆-လမ်း၊ ကျောက်တံတား )

( ဖြေ )
အလှူဒါနပြုရာ၌
၁။ မိမိကသာလျှင် အလှူကိုပေး၏။
သူတပါးကိုလှူရန် မတိုက်တွန်းတတ်။
ထိုသူသည် နောက်နောင်ဘ၀၌ စည်းစိမ်ချမ်းသာကိုရ၏။ အခြံအရံကို မရတတ်။

၂။ သူတပါးကိုသာ တိုက်တွန်း၏။
မိမိကမူ မပေးလှူ။
ထိုသူသည် နောက်နောင်ဘ၀၌ အခြံအရံကိုသာ ရ၏။ စည်းစိမ်ချမ်းသာကို မရ။

၃။ မိမိကလည်း မပေးလှူ။
သူတပါးကိုလည်း လှူရန် မတိုက်တွန်း။
ထိုသူသည် နောက်နောင်ဘ၀၌ စည်းစိမ်ချမ်းသာကိုလည်း မရ။ အခြံအရံလည်း ကင်းမဲ့၏။

၎။ မိမိကိုယ်တိုင်လည်း ပေးလှူ၏။
သူတပါးကိုလည်း တိုက်တွန်း၏။
ထိုသူသည် နောက်နောင်ဘ၀၌ စည်းစိမ်ချမ်းသာကိုလည်း ရနိုင်သည်။ အခြံအရံလည်း ပေါများသည်-ဟု ဘုရားဟောရှိသည်။ ( ဓမ္မပဒ-ဋ္ဌ ၁၊ ၃၅၉ )

ထို့ကြောင့် မိမိကိုယ်တိုင်လည်း အလှူအတန်းပြု၍ သူတပါးအားလည်း လှူဒါန်းပေးကမ်းရန် တိုက်တွန်း နှိုးဆော်သင့်ပါသည်။
ဝိသာခါ ကျောင်းအမကြီးသည် ထိုကဲ့သို့ ကိုယ်တိုင်လည်း လှူ၊ နှိုးဆော်တိုက်တွန်းခြင်းလည်း ပြုခဲ့၍ အမိတဘောဂခေါ် ပေး၍မကုန်၊ လှူ၍ မခန်းသော စည်းစိမ်ဥစ္စာရှိ၍ သားသမီးမြေးမြစ်များစွာ၊ အခြံအရံများစွာနှင့် အကျိုးပေးကြောင်း သိသာထင်ရှားလှပါသည်။
*********************************************************************************

( မေး ) ( သေခါနီး၌ နတ်ရထားဆိုက်ခြင်း )
အရှင်ဘုရား အချို့သူတို့ သေလျှင် မသေမီ နတ်၇ထားများဖြင့် လာ၍ခေါ်ကြောင်း၊ ပန်းကုံးများ ပစ်တင်ပါက ရထားစွန်း၌ ချိတ်နေကြောင်း ကြားဖူးပါသည်၊ မည်သို့သော အကျင့်သီလနှင့် ပြည့်စုံသူဖြစ်၍ ဤသို့ဖြစ်ရကြောင်း ရှင်းလင်းတောမူပါရန် လျှောက်ထားပါသည်ဘုရား။
( မသီတာခိုင်-၂-ရပ်ကွက်၊ ရွှေပြည်သာ )

( ဖြေ )
ဓမ္မပဒ-လာ မဟာဓမ္မိက ဥပါသကာ ၀တ္ထုတွင် မဟာဓမ္မိက ဥပါသကာသည် သား ၇-ယောက်၊ သမီး ၇-ယောက် ရှိကြောင်း၊ ၄င်းတို့ မိသားစုအားလုံး နေ့စဉ် စာရေးတံဆွမ်း၊ လဆန်းပက္ခ လဆုတ်ပက္ခ၌ လှူသောဆွမ်း၊ ပင့်ဖိတ်၍ လှူသောဆွမ်း၊ ဥပုသ်နေ့၌ လှူသောဆွမ်း၊ ဧည့်သည်တို့အား လှူသောဆွမ်း၊ သံဃာအားလှူသော ဆွမ်းနှင့် ၀ါဆိုသင်္ကန်း၊ ကျောင်းကန်တို့ အမြဲမပြတ် လှူဒါန်းကြောင်း ၄င်းတို့အဖို့ နေ့စဉ် ဒါနသီလတို့ကို ပြုလုပ်၍သာ နေလေ့ရှိကြောင်း ဓမ္မိကဥပါသကာကြီး သေခါနီး၌ ရဟန္တာ ၁၆-ပါးတို့ကို ပင့်ဖိတ်၍ မဟာသတိပဋ္ဌာန သုတ်တော်အား နာကြားနေစဉ် နတ်ရထားများ ဆိုက်လာ၍ သူ့ရထားပေါ်တက်ပါ၊ ငါ့ရထားပေါ်တက်ပါ-ဟု အလုအယက် ဖိတ်ခေါ်ကြောင်း ပါရှိပါသည်။( ဓမ္မပဒ ဋ္ဌ-၁၊ ၈၃ )

ဤကဲ့သို့ ဒါန သီလ ဘာဝနာနှင့် တသက်တာပတ်လုံး အမြဲမပြတ်နေသူ၊ သေခါနီးအထိ တရားတော်နှင့် နေသူဖြစ်က ဤသို့ နတ်ရထားများဖြင့် လာ၍ ပင့်ခေါ်ရသူ ဖြစ်နိုင်ပါသည်၊ ဤခေတ်တွင်လည်း အချို့အလှူရှင် သူတော်ကောင်းကြီးများ သေခါနီးတွင် နတ်ရထားများ လာနေသည်၊ နတ်သား နတ်သမီးတွေ လာခေါ်နေသည်-ဟု ပြောကြားသွားကြောင်း ကြားသိရဖူးပါသည်၊ သေခါနီး ဂတိနိမိတ်သည် အတိတ် ပစ္စုပ္ပန် တရားနှစ်ပါး၌ ဖြစ်နိုင်ရာ ပစ္စုပ္ပန် ဂတိနိမိတ်ဖြစ်လျှင် အမှန်ပင် နတ်ရထားများ၊ နတ်သား နတ်သမီးများ လာရောက်သည်မှာ မဖြစ်နိုင်ဟု မဆိုနိုင်ပေ။

အမှန်တကယ် တရားရှင်ကြီးများအဖို့ ကမ္မ၀ိပါကော အစိန္တိယော-အရ သို့လောသို့လော တွေးတောကြံစည်နေဖွယ် မလိုတော့ပါ-ဟု ပြောလိုပါသည်။

( မြတ်မင်္ဂလာ ၁၉၉၃-ခု စက်တင်ဘာလ )

No comments: