Friday, March 6, 2009

ဘာသာရေး ပြဿနာ ( ၂၇ )

( ဘဒ္ဒန္တ တိလောကသာရ ဖြေသည် )

( မေး ) ( ခန္ဓာ နှင့် ဥပါဒါနက္ခန္ဓာ )
ဆရာတော်အရှင်သူမြတ်ဘုရား၊ ခန္ဓာ ငါးပါးနှင့် ဥပါဒါနက္ခန္ဓာ ငါးပါး မြတ်စွာဘုရား ခွဲခြားဟောထားပါသဖြင့် ဥပါဒါနက္ခန္ဓာ ငါးပါးမှာ ပုဂ္ဂိုလ်တိုင်းမှာ ရနိုင်ပါသလားဘုရား၊ ဘယ်ပုဂ္ဂိုလ်မှာ ရနိုင်၍ ဘယ်ပုဂ္ဂိုလ်မှာ မရနိုင်ကြောင်း သိလိုပါသည်ဘုရား။
( အရှင်ကောဝိဒ-အောင်ခဲ့စဉ်ကျောင်း၊ ပုဏ္ဏားကာအုပ်စု၊ ရေဦးမြို့နယ် )

( ဖြေ )
ခန္ဓာငါးပါးနှင့် ဥပါဒါနက္ခန္ဓာ ငါးပါးကို အများသိရန် ဖော်ပြလိုက်ပါသည်။
ခန္ဓာငါးပါးမှာ ရုပ်အစု ရူပက္ခန္ဓာ၊
ခံစားမှု ဝေဒနာက္ခန္ဓာ၊
မှတ်သားမှု သညာက္ခန္ဓာ၊
ပြုပြင်မှု သင်္ခါရက္ခန္ဓာ၊
သိမှု ၀ိညာဏက္ခန္ဓာ ဟူ၍ ငါးပါးပြား၏၊

ထိုတွင် မဟာဘုတ်လေးပါး၊ ဥပါဒါရုပ် ၂၄-ပါး ဟူသော များစွာသောရုပ်တို့ကို စုပေါင်း၍ ရူပက္ခန္ဓာ ရုပ်အစုဟု ခေါ်ဝေါ်ခြင်းသည် သင့်တန်စေ။
သညာစေတသိက် တခုတည်းကို အဘယ်ကဲ့သို့ သညာအစု သညာက္ခန္ဓာ-ဟု ခေါ်မည်နည်းဟု မေးငြားအံ့၊
တခုတည်းသော သညာစေတသိက်သည်လည်း အတိတ် အနာဂတ် ပစ္စုပ္ပန် စသည် ၁၁-ပါး ကွဲပြားသောကြောင့် သညာအစု သညာက္ခန္ဓာဟု ခေါ်သင့်ပေသည်ဟု ဖြေရာ၏။

ခန္ဓာဟူ၍ သာမညအားဖြင့် ခေါ်ဝေါ်သုံးစွဲလျှင် နိဗ္ဗာန်မှ တပါးသော လောကီ လောကုတ္တရာ တရားအားလုံးကို ယူရမည်။
ခန္ဓာပုဒ်ရှေ့၌ ဥပါဒါနသဒ္ဒါ တွဲဖက်၍ ဥပါဒါနက္ခန္ဓာ-ဟု ဆိုလျှင် လောကီ ရုပ်နာမ် တရားများကို ယူလေ။
အကြောင်းမူ လောကီရုပ်တရား နာမ်တရားများသည် လောဘ ဒိဋ္ဌိဟူသော ဥပါဒါန်တရားတို့၏ ကျက်စားရာ အာရုံဖြစ်သောကြောင့် ဥပါဒါနက္ခန္ဓာမည်၏။

ထို့ကြောင့် လုံးဝ ဥပါဒါနက္ခန္ဓာ ကင်းနိုင်သော ပုဂ္ဂိုလ်မရှိ၊ ရဟန္တာပုဂ္ဂိုလ်များ၌ အဇ္ဈတ္တဥပါဒါန် ကင်းသော်လည်း အရှင်အနုရုဒ္ဓါ စသည်၌ ချစ်ခင်စွဲလမ်းသော အမျိုးသမီးများ ရှိခဲ့သည်ကို ထောက်၍ ဗဟိဒ္ဓဥပါဒါန်တရားများ ရှိနေကြာင်း သိသာ၏။
*********************************************************************************

( မေး ) ( ဒိဗ္ဗသာတ ဘုရားရှိခိုး ဂါထာ )
အရှင်ဘုရား၊ ရောဂါပျောက်ကင်းစေရန် သွားရောဂါရှင်တို့ မြတ်စွာဘုရား၏ သွားတော်လေးဆယ်ကို ရှိခိုးသောဂါထာ၊
မျက်စိရောဂါရှင်တို့ မြတ်စွာဘုရား၏ စက္ခုတော်ငါးပါးကို ရှိခိုးသော ဂါထာများရှိသလို
နားရောဂါရှင်တို့အတွက် မြတ်စွာဘုရား၏ ဒိဗ္ဗသောတအဘိညာဉ် တန်ခိုးတော်ကို ရှိခိုးသောဂါထာများ
ရှိပါက ဖော်ထုတ်ရေးသား သနားချီးမြင့်တော်မူပါဘုရား။
( ဒေါ်ယုယုဆွေ-အ-ထ-က(၁) စမ်းချောင်း )

( ဖြေ )
ဒိဗ္ဗသောတ အဘိညာဉ် တန်ခိုးတော်ကို ရှိခိုးသောဂါထာ
ဒူရဉ္စ သုခုမံ သဒ္ဒံ ၊ သောတုံ သမတ္ထ နာယကံ ။
ဒိဗ္ဗသောတေန သမ္ပန္နံ ၊ လောကနာထံ နမာမဟံ ။

ဘန္တေ-ရှင်တော်မြတ်ဘုရား၊ ဒူရဉ္စ သဒ္ဒံ-ဒူရသဒ္ဒဉ္စ-စကြာဝဠာ လွန်ဝေးစွာမှ လာသောအသံဓာတ် အရပ်ရပ်ကို၎င်း၊ သုခုမံ သဒ္ဒံစ-ပုရွက်ပိုး၍ ငယ်စွသတ္တ၀ါ အဖြာဖြာတို့၏ သေးစွာလုံးစုံ သိမ်မွေ့ကုန်သော အသံမျိုးစုံကို၎င်း၊ သောတုံ-တန်ခိုးတော်အား ပကတိနားဖြင့် ကြားသိတော်မူခြင်းငှါ၊ သမတ္ထံ-စွမ်းနိုင်တော်မူသော၊ ဒိဗ္ဗသောတေန-နတ်နားအသွင် ဒိဗ္ဗသောတအဘိညာဉ်နှင့်၊ သမ္ပန္နံ-ပြည့်စုံကုံလုံတော်မူသော၊ လောကနာထံ-လူနတ်ဗြဟ္မာ သတ္တ၀ါတို့၏ ကိုးကွယ်ရာ ဖြစ်တော်မူသော၊ နာယကံ-လောကတံခွန် ပုဂ္ဂိုလ်မွန်ဟု လမ်းညွှန်ရှေ့သွား မြတ်စွာဘုရားကို၊ အဟံ-အရှင်ဘုရားအား အားထားကော်ရော် ဘုရားတပည့်တော်သည်၊ နမာမိ-ရိုသေညွတ်ကျိုး လက်စုံမိုး၍ ရှိခိုးပါ၏ အရှင်ဘုရား။
*********************************************************************************

( မေး ) ( ၀ဋ်နှင့် ငရဲ )
ဆရာတော်ဘုရား၊ သတ္တ၀ါတဦးဦးကို အသက်မသေစေဘဲ ကျိုးအောင် ကန်းအောင် မသွားနိုင်အောင် ပြုလုပ်မိတဲ့အခါ ဒီအတိုင်းထားရင် အပြစ်ကြီးတယ်၊ ၀ဋ်လိုက်တတ်တယ်၊
တခါထဲ အသေသတ်တာက ကောင်းတယ်၊ အပြစ်မကြီးဘူးလို့ ပြောကြပါတယ် အဲဒီစကား ဟုတ်နိုင် မဟုတ်နိုင် သနားသဖြင့် ဖြေကြားပေးပါဘုရား။
( ခင်မိုးဝေ-ချောင်းဆုံတောင်ရွာ-တန့်ဆည်မြို့နယ် )

( ဖြေ )
ကျိုးရုံ ကန်းရုံ ပြုလုပ်ခြင်းထက် သတ်ခြင်းက အပြစ်ကြီးပါသည်။
လူတို့သည် ၀ဋ်မှာအမြဲ ငရဲမှာ အပ-ဟူသော စကားကို အားကိုး၍ ၀ဋ်သည် မပျက်မကွက် အမြဲခံရ၍
ငရဲမှာ လွတ်မြောက်နိုင်သည်-ဟု ယူဆကြဟန်တူပါသည်။
သူ့အသက်သတ်၍ ခံရမည့်ငရဲကို ကျော်လွှား လွတ်မြောက်နိုင်ဖို့ အတွက် ကုသိုလ်အဆက်ဆက် ပြုလုပ်နေရန်၊ ကုသိုလ်အကျိုးချည်း ဆက်ပေးနေရန် မလွယ်ပါ၊

ဝဋ်နှင့်ငရဲ ဟူသည်မှာလည်း ၀ဋ်မှာ ပ၀တ္တိအကျိုးသာ ဖြစ်၍ ငရဲမှာ ပဋိသန္ဓေအကျိုး ဖြစ်သဖြင့် အကြီးအသေး ကွာခြားလှပါသည်၊ ထို့ပြင် ၀ဋ်မှာ တခဏ၊ ငရဲမှာ တဘ၀-ဟု ဆိုသော်လည်း ငရဲတဘ၀ ကျသွားလျှင် အကုသိုလ်အကျိုးများ ဆက်၍ သုဂတိဘ၀သို့ ပြန်ရောက်ရန် မလွယ်ကူပါ။ ထို့ကြောင့် ၀ဋ်ထက် ငရဲကို ပိုပြီးကြောက်သင့်ပါသည်။

မျက်မြင်မှာလည်း ကျိုးခြင်းနှင့် သေခြင်းကို နှိုင်းယှဉ်ကြည့်ပြီး ကျိုးခြင်းထက် သေခြင်းက ပို၍ဆိုးသဖြင့် သူ့အသက်သတ်ခြင်းကို လုံးဝမပြုလုပ်မိရန် လွန်စွာအရေးကြီးလှပါသည်။
********************************************************************************

( မေး ) ( ကျွတ်လွတ်ခြင်း )
လူတယောက် သေဆုံးသွားသောအခါ ကျွတ် မကျွတ် မည်ကဲ့သို့ သိနိုင်ပသနည်း အရှင်ဘုရား။
( မိုးမမ-အင်းစိန်မြို့သစ် )

( ဖြေ )
လူသေတိုင်း ပြိတ္တာဘ၀ ကဲ့သို့သော ဘ၀သို့ ရောက်ရသည်-ဟု ယူဆ၍ မေးဟန်တူ၏၊
လူ သို့မဟုတ် သတ္တ၀ါတဦးဦး သေဆုံးတိုင်းပင်
၁-နိရယဂတိ-ငရဲဘ၀။
၂-တိရစ္ဆာနဂတိ-တိရစ္ဆာန်ဘ၀။
၃-ပေတဂတိ-ပြိတ္တာဘ၀။
၎-မနုဿဂတိ-လူ့ဘ၀။
၅-ဒေ၀ဂတိ-နတ်ဗြဟ္မာဘ၀။
ဤငါးမျိုးတွင် တမျိုးမျိုးသို့ မိမိပြုသော ကံအားလျှော်စွာ လာရောက်ရပေသည်။

ပေတဂတိ ပြိတ္တာဘ၀မှလွဲ၍ အခြားဘုံဘ၀ ဆိုင်ရာတို့၌ ကျွတ် မကျွတ်ပြဿနာ ဆိုဖွယ်ရာလိုမည် မဟုတ်ပါ၊
ပေတဂတိ-ပြိတ္တာဘ၀ ဟူသည်မှာ ဝေမာနိက ပရဒတ္တူပဇီဝိက ပြိတ္တာဆိုလျှင် ဒုဂ္ဂတိဘ၀တို့တွင် သက်သာသောဘ၀-ဟု ဆိုရပါမည်။

အကုသိုလ်နှင့် ကုသိုလ် အနည်းအပါးစီ ရှိသူတို့ ရောက်ရာဘုံဘ၀ဖြစ်၍ ရံခါ ကုသိုလ်အကျိုးကို ခံစားရပြီး
အချို့ တိဟိတ်ပဋိသန္ဓေနေ၍ မဂ်တရား ဖိုလ်တရားများပင် ရနိုင်သေးသည်၊ ယင်းဘ၀တို့မှာလည်း လူတို့ထင်သလို ရုပ်မရှိ၊ နာမ်တရား (၀ိညာဉ်)သာ လွင့်ပျံသွားလာနေရသည် မဟုတ်ပါ။

လူ့ဘ၀က ကွယ်လွန်သည်နှင့် တပြိုင်နက် ကံအားလျော်စွာ ယင်းဘ၀တွင် ပဋိသန္ဓေတွယ်၍ ရုပ်တရား နာမ်တရားများ တပြိုင်နက် ဖြစ်ပေါ်ရသည်၊ တန်ခိုးဖြင့်၎င်း၊ ဆေးဝါးဆေးမြစ်တို့ဖြင့်၎င်း၊ ရုပ်အသွင်ကို ကွယ်ထားကြလေ့ရှိသည်။

အချို့ပြိတ္တာတို့သည် ဆာလောင်မွတ်သိပ်လွန်း၍ မိမိဆွေမျိုး မိသားစုတို့အား တနည်းနည်းဖြင့် အသိပေး၍ ကုသိုလ်ပြုစေကာ သာဓုခေါ်လျက် ချမ်းသာမှုကို ရယူတတ်ကြသည်၊ ထိုသို့ အသိပေးကုသိုလ် ပြုစေ၍ သာဓုခေါ်ကြသော ဝေမာနိက ပရဒတ္တူပပြိတ္တာတို့သာ မိမိတို့ချမ်းသာသွားလျှင် ချမ်းသာသွားကြောင်း၊
အကြောင်းတစုံတရာကြောင့် သာဓုမခေါ်နိုင်၍ ဆင်းရဲမှ မလွတ်သေးလျှင် မလွတ်သေးကြောင်း အိပ်မက်စသည်ဖြင့် အသိပေးတတ်ကြသည်ဟု ကြားသိရဖူးသည်။

ပြဿနာရှင် ဆိုလိုသော ကျွတ် မကျွတ်ဆိုသည်မှာ ထိုကိစ္စမျိုးပင် ဖြစ်စရာ ရှိပါသည်၊ အခြားနည်းဖြင့် သိနိုင်သော အကြောင်းမျိုး ဗုဒ္ဓစာပေတွင် မရှိပါ။
*********************************************************************************

( မေး ) ( ကွယ်လွန်သူများကို ကန်တော့ခြင်းနှင့် သီလ )
၁။ ကွယ်လွန်ပြီးသော ဘိုးဘွားမိဘများနှင့် အသက်ကြီးသူ ရပ်ဆွေရပ်မျိုးတို့အား နေ့စဉ်ကန်တော့ခြင်းမှာ
ကုသိုလ်ရပါသလား၊ သို့မဟုတ်-အကျိုးမရှိ ဖြစ်ပါသလား။

၂။ ရှစ်ပါးသီလ ဥပုသ်စောင့်ပြီး မိမိအိပ်နေကျ ခုတင်ပေါ်တွင် ဇနီးခင်ပွန်းအတူ အိပ်ကောင်းပါသလား။

၃။ ၄င်းဥပုသ်သည်သည် တတောင့်ထွာထက် မမြင့်သော ခုတင် ကုလားထိုင်ပေါ်၌ အိပ်ခွင့် ထိုင်ခွင့် ရှိပါသလား။
( ခင်ဖုန်းတင့်-မော်လမြိုင်မြို့ )

( ဖြေ )
၁။ ကွယ်လွန်ပြီးသော ဘိုးဘွားမိဘ စသည်တို့အား ရည်မှန်း၍ ကန်တော့ခြင်းမှာ ဂုဏ်ကိုရည်မှန်း၍ ကန်တော့ပါက ကုသိုလ်ဖြစ်ပါ၏။
သို့သော် ထိုသို့ ကန်တော့ခြင်းထက် ကုသိုလ်ပြု၍ အမျှဝေခြင်းကသာလျှင် သာလွန်၍ အကျိုးရှိပါသည်။

၂။ ရှစ်ပါးသီလ ဥပုသ်စောင့်သူသည် ဗြဟ္မစရိယ အကျင့်မြတ်ကြီး မညစ်နွမ်းစေရန် ဇနီးခင်ပွန်း တအိပ်ရာတည်းအတူ မအိပ်သင့်ပါ၊ တအိပ်ရာစီသာ ခွဲ၍ အိပ်သင့်ပါသည်။
ရှေးခေတ်က ဥပုသ်သည်တို့မှာ အမျိုးသမီးများသာ အိမ်ပြန်ကြ၍ အမျိုးသားများမှာ ကျောင်းကန်ဘုရား ဥပုသ်ဇရပ်တို့တွင် အိပ်ကြပါသည်။

၃။ ဥပုသ်သီလ ခံယူထားသူသည် တတောင့်ထွာထက် မမြင့်သော ခုတင် (မိမိအိပ်နေကျအိပ်ရာ) ပေါ်၌ နူးညံ့သော လဲမှို့ဝါဂွမ်းသွတ်သော ဘုံလျှို (မွေ့ရာ) အခင်းတို့ကို ဖယ်ရှား၍ အိပ်သင့်ပါသည်။
မြင့်သောနေရာအဖြစ် တရားအင်းပျဉ်၊ ပလ္လင်၊ သဉ္ဇာလီတို့ကို ယူ၍
မြတ်သောနေရာအဖြစ် လဲဝါဂွမ်း သွတ်သော အခင်း၊ နူးညံ့သော မွေးရှည် ကော်ဇော်ကြီး စသည်တို့ကို
ယူနိုင်ပါသည်။
*********************************************************************************

( မေး ) ( အာဝေဏိကဂုဏ်တော် )
အရှင်ဘုရား၊ မြတ်စွာဘုရား၏ အာဝေဏိက တရားတော်များသည် မည်သည့်ကျမ်းမှ လာပါသနည်း၊
မူအမျိုးမျိုး ဖြစ်နေပါသည်၊ တမူတည်း ဖြစ်သင့်ပါသည်ဘုရား။
( ဦးလှဖေ-က-ပ-စ၊ တပ်တွင်းအိမ်ထောင်စု၊ ချော်တွင်းကုန်း၊ ရန်ကုန် )

( ဖြေ )
အာဋာနာဋိယသုတ်တော်ပါ အဋ္ဌာရသ ဗုဒ္ဓဓမ္မ-ခေါ် အာဝေဏိက ဂုဏ်တော် ၁၈-ပါးမှာ သုတ်ပါထိက၊ သင်္ဂ်ီတိသုတ် အဖွင့် ( ဒီ-ဋ္ဌ ၃၊ ၁၇၆ ) ၄င်းဋီကာ ( ဒီ-ဋီ ၃၊ ၁၉၇ ) တို့တွင် လာသည်။
သို့သော် အစဉ်တမျိုးစီဖြစ်နေ၍ ရှုပ်ထွေးသလို ရှိနေသဖြင့် ရွတ်ဆို၍ကောင်းရန် ၀ိဘင်္ဂမူလဋီကာက ပြင်ဆင်စီစဉ်ပေးထားသည်၊ အများအားဖြင့် ၄င်းမူလဋီကာ မူအတိုင်းပင် ဆိုကြပါသည်။
အချို့ အစဉ်တမျိုးဖြစ်နေသော်လည်း အဓိပ္ပါယ် မမှားပါ။

ယင်းအာဝေဏိက ဂုဏ်တော် ၁၈-ပါးမှာ အခြားမည်သည့် ပုဂ္ဂိုလ်မျှ မရနိုင်ပါ၊ မြတ်စွာဘုရားသာ ရသည်။ မြတ်စွာဘုရား တပါးတည်းနှင့်သာ သက်ဆိုင်သော ဂုဏ်တော်အထူးများ ဖြစ်သဖြင့် အထူးကြည်ညို လေးစားစွာ ရွတ်ဆိုပွားများကြရန် သင့်ပါသည်။

( မြတ်မင်္ဂလာ ၁၉၉၂-ခု ဇွန်လ )

No comments: