Tuesday, March 31, 2009

ကံ ကံ၏အကျိုး ( ၄၁ )

( ပေးလှူတတ်သော ကုသိုလ်ရှင် ဇနီးမောင်နှံ )

ကျောက်ကာရွာသည် မန္တလေးတိုင်း တောင်သာမြို့နယ်အတွင်း ပါဝင်ပြီး ၀ဲလောင်ရွာ၏ အရှေ့မြောက်ဘက် ၁-မိုင်ခန့်အကွာ ဆင်တဲဝချောင်းမကြီး၏မြောက်ဘက် ကပ်လျက် တည်ရှိပါသည်၊ ထိုရွာ၏မြောက်ဘက် ၄-ဖာလုံခန့် အကွာတွင် ဦးသိန်းကြီး+ဒေါ်မမကြီးတို့ တည်ထောင်ဖွင့်လှစ်ထားသည့် ကျောက်ကာမဟာဗောဓိ စာသင်တိုက်ကြီးရှိသည်။

စာသင်တိုက်တွင် စာသင်သား ရဟန်းသံဃာ အပါး ၄၀-ခန့်နှင့် သီလရှင် အပါး ၅၀-ခန့်ကို သီးခြားကျောင်းဆောင် များဖြင့် စနစ်တကျ စီမံထားရှိသည်၊ စာသင်သား ရဟန်းသံဃာများကို နာယကဆရာတော် ဦးတေဇိန္ဒ-က အုပ်ချုပ်ပြီး သီလရှင်များကို ဆရာကြီးဒေါ်ကေသာစာရီ-က ကြီးမှူး၍ စာပေပရိယတ္တိများ သင်ကြားပို့ချပေးခဲ့ပါသည်။

စာသင်တိုက်ရှိ ရဟန်းသံဃာများနှင့် သီလရှင်များကို ဦးသိန်းကြီး+ဒေါ်မမကြီးတို့က တဦးတည်း ကျောင်း သင်္ကန်း ဆွမ်း ဆေး ပစ္စည်း၎-ပါးဖြင့် အမြဲတာဝန်ယူ ထောက်ပံ့ခဲ့သည်။ ထို့ကြောင့် ရဟန်းသံဃာများနှင့် သီလရှင်များအားလုံး နေထိုင်ရေး၊ စားသောက်ရေးနှင့် ကျန်းမာရေးတို့မှာ အထူး ကောင်းမွန်လှပါသည်။

သို့သော် ထိုစာသင်တိုက်သည် မြို့နှင့်မနီးသော တောရွာတရွာတွင် တည်ထောင်ဖွင့်လှစ်ထားသဖြင့် တချိန်က လျှပ်စစ်မီး မရှိခဲ့ပေ၊ ရဟန်းသံဃာများနှင့် သီလရှင်များ စာကျက်ရန် ဖယောင်းတိုင်နှင့် မီးအိမ်တို့ကိုသာ အားကိုးနေခဲ့ရပါသည်။ ထိုအဖြစ်ကိုသိသော ၀ဲလောင်ရွာမှ ဘက်ထရီလုပ်ငန်းပိုင်ရှင်ဖြစ်သူ ဦးကျော်မောင်+ဒေါ်သန်းအေး ဇနီးမောင်နှံတို့သည် စိတ်တူကိုယ်တူ သဒ္ဓါတူစွာဖြင့် ရဟန်းသံဃာများနှင့် သီလရှင်များထံ ဘက်ထရီအိုးများ ပြုလုပ်လှူဒါန်းခဲ့သည်။

ထို့အပြင် ဓာတ်အားသွင်းပေးခြင်း၊ အက်ဆစ်မိုးရေ ထည့်ပေးခြင်းနှင့် ပျက်လျှင် ပြင်ပေးခြင်းတို့ကိုပါ ဒါနပြုခဲ့သည်၊ ထိုဒါနကုသိုလ်၏ သက်တမ်းမှာ ၁၀-နှစ် ကျော်ခန့် ရှိပါသည်။ သူတို့တွင် ၀ဲလောင်ရွာတွင်လက်ရှိနေထိုင်ကြသော်လည်း ၀ဲလောင်ရွာဇာတိများ မဟုတ်ကြပါ၊ လွန်ခဲ့သော ၁၀-နှစ်ကျော်ခန့်ကမှ မလှိုင်မြို့နယ် ဆည်တိုကျေးရွာမှ ပြောင်းရွှေ့လာခဲ့ကြသူများ ဖြစ်သည်။

သူတို့သည် ရောက်စတွင် မော်တော်ကားလမ်းကြီး၏ မြောက်ဘက်တွင်ရှိ (ဦးဘညီ) ဒေါ်ကြည်ကြည်တို့အိမ်တွင် အိမ်ခန်းငှါးဘ၀ဖြင့် နေထိုင်ခဲ့ရသည်၊ ၃-နှစ်ခန့်ကြသောအခါ မော်တော်ကားလမ်းမကြီး၏ တောင်ဘက်ကပ်လျက်တွင်ရှိ ၀ိုင်းတ၀ိုင်းကို ၀ယ်ယူနိုင်ခဲ့သည်၊ မကြာမီ ကိုယ်ပိုင်အိမ်ဖြင့် လွတ်လပ်စွာ နေထိုင်ခဲ့ကြသည်၊ စီးပွားဥစ္စာရတနာများလည်း တနေ့တခြား တိုးပွားလာခဲ့ပါသည်။

ဤသို့ မကြာမြင့်သောကာလအတွင်း အဘက်ဘက်မှ ကောင်းကျိုးချမ်းသာ အဖြာဖြာတို့နှင့် အစစပြည့်စုံလာခဲ့ခြင်းသည် သူတို့၏ပေးလှူတတ်သော ကုသိုလ်အကျိုးက သူတို့ထံ ပြန်လည်အကျိုးပေးခြင်း ဖြစ်ကြောင်း တရွာလုံးက ပြောဆိုနေခဲ့ကြပါသည်။

( ခင်မောင်တင်-၀ဲလောင် )
*********************************************************************************

(အသက်ကြီးသူ ဖေးမကူ အန္တရာယ်ဟူက မခရ )

လွန်ခဲ့သော ၆-နှစ်က ဖြစ်ပါသည်၊ ကျောင်းနေဘက် သူငယ်ချင်းတယောက်၏ ရွာသို့ အလည်လိုက်သွားခဲ့ပါသည်၊ ထိုရွာလေးသည် ရေကာတာကြီး၏ ဘေးတွင် တည်ရှိပါသည်၊ ရွာထဲသို့ဆင်းရမည့်လမ်းမှာ တာကိုလှေခါးထစ်ပြုလုပ်၍ ကျောက်ပြားများ ခင်းထားသည်၊ အထစ်ပေါင်း ၁၂-ထစ်ရှိပါသည်၊ ကျွန်မတို့ သူငယ်ချင်းသုံးယောက် တာအောက်သို့ဆင်းမည်အပြု အဘွားအိုတယောက်သည် အထုပ်တထုပ် ခေါင်းပေါ်တွင်ရွက်၍ တောင်ဝှေးကိုအားပြုကာ တာပေါ်သို့တက်ရန် ဟန်ပြင်နေပါသည်၊

ကျွန်မတို့သုံးယောက်ကိုမြင်သည်နှင့် ဘေးဖယ်ကာ လမ်းရှောင်ပေးနေပါသည်၊ ပူပြင်းလှသော နေရောင်အောက်တွင် ခရီးရှည်မည်မျှ ဖြတ်သန်းခဲ့ရသည် မသိ၊ ချွေးသီးချွေးပေါက်ကျ၍ တုန်ယင်နေပါသည်။ ကျွန်မ၏သူငယ်ချင်းနှစ်ယောက်မှာ စကားတပြောပြောနှင့် တာအောက်သို့ ဆင်းသွားကြပါပြီ၊ ကျွန်မသည် အဘွားအိုအား ဥပေက္ခာမပြုနိုင်ပါ၊ ဖေးမကူညီတွဲခေါ်၍ တာပေါ်သို့ တွဲတင်ခဲ့ပါသည်။

အဘွားအိုက ကျွန်မအားကျေးဇူးတင်စကားများပြော၍ ဆုများပေးနေပါသည်၊ ဘုန်းကြီးပါစေ၊ အသက်ရှည်ပါစေ-စသည်ဖြင့် ဆုတောင်းမေတ္တာပို့ပါသည်၊ အဆုံးတွင် သွားလေရာ လာလေရာ အန္တရာယ်ကင်းပါစေ၊ ကူညီဖေးမသူနှင့် တွေ့ပါစေ၊ သူယုတ်မာများ၏ အန္တရာယ်ကို ကျော်လွှားနိုင်၍ သူတော်ကောင်းတို့၏ ကူညီစောင့်ရှောက်မှုကို အမြဲရရှိပါစေ-အဘွားအို၏ စကားအဆုံးတွင် ကျွန်မလည်း ပေးသည့်ဆုနှင့် ပြည့်ပါစေ-ဟု ကျေကျေနပ်နပ် ခံယူမိပါသည်။ စိတ်ထဲတွင်လည်း တန်ဖိုးမဖြတ်နိုင်သော မိမိကိုယ်ကို လုံခြုံသည့် အရာတခုနှင့် ကာကွယ်ထားသလို ခံစားလိုက်ရပါသည်၊

၎င်းနောက် ကျွန်မတယောက်တည်း ခရီးသွားသည့်အခါတွင်၎င်း၊ အဖွဲ့အစည်းနှင့် သွားသည့်အခါတွင်၎င်း၊ အန္တရာယ်ကြုံဖူးပါသည်၊ ထိုအချိန်မျိုးတွင် အဘွားအို၏ ဆုတောင်းမေတ္တာသံကို ပြန်လည်ကြားယောင်မိပါသည်၊ အမှန်တကယ်ပင် အန္တရာယ်မှ လွတ်မြောက်ခဲ့ရပါသည်၊ ကူညီသူများနှင့် ကြုံတွေ့ရပါသည်၊ လှိုင်းကြီးလေထန်သော မြစ်အတွင်း၌ပင် သေကံမရောက် သက်မပျောက်ဘဲ လွတ်မြောက်ခဲ့ရပါသည်၊ ထိုအကျိုးဆက်တို့သည် အဘွားအို၏ အမှန်တကယ်ရင်တွင်းမှ ဖြစ်ပေါ်ပေးဝေသော မေတ္တာများ၏ အကျိုးသက်ရောက်မှု-ဟု ကျွန်မလက်ခံယုံကြည်ပါသည်။

( ခင်သိက္ခာ )

( မြတ်မင်္ဂလာ ၁၉၉၅-ခု ဇန်န၀ါရီလ )

No comments: