Monday, April 13, 2009

ကံ ကံ၏အကျိုး ( ၄၇ )

( စေတနာမှန်၏ အကျိုး )

တနေ့ မေမေက အမှိုက်များစွန်ပစ်ခိုင်းသဖြင့် လမ်းထိပ်အမှိုက်ပုံသို့ သွားရောက်စွန့်ပစ်ရလေ၏၊ ထိုစဉ် ကြက်အော်သံကြား၍ အနားတိုးကြည့်လိုက်ရာ ကြက်ငယ်ကလေးဖြစ်နေသည်၊ မျက်စိတွင်လည်း အဖုကြီးများ ပေါက်နေသည်၊ ပိုင်ရှင်က စွန့်ပစ်ထားသည်ဟုလည်း ထင်မိပါသည်။

ထို့ကြောင့် ကျွန်တော်သည် ကြက်ငယ်ကို သနားစိတ်ဝင်ပြီး ဖမ်းယူလာခဲ့သည်၊ အိမ်သို့ရောက်သော် မေမေက ဆူပါတော့သည်၊ ခြေနှစ်ချောင်းဝင်လျှင် မကောင်း၊ လူမှုရေးပြဿနာ ဖြစ်တတ်သည်၊ ငွေထွက်ကိန်းမြင်သည်-ဟု ဗေဒင်က ဟောထားသဖြင့် နယ်မှ ကျောင်းလာတက်နေသော သူ့တူအရင်းကိုပင် နေရာပြောင်းခိုင်းထားသည်၊ ထို့ကြောင့် ကျွန်တော့ကိုလည်း မာန်မဲကာ ကြက်ကလေးကို ပြန်လွှတ်ခိုင်းသည်။

ကျွန်တော်သည် ကြက်ကလေးကို မေမေမမြင်အောင် ခြင်ထောင်ထဲတွင် ၀ှက်ထားလိုက်သည်၊ မေမေ့အလစ်တွင် အိမ်အပေါ်ထပ် ကျွန်တော့အိပ်ခန်းထဲသို့ သွင်းထားလိုက်ပါသည်၊ ကြက်ကလေးအတွက် ဆန်ကွဲ၊ သောက်ရေ၊ အိပ်တန်းတို့ကို စနစ်တကျ ပြုလုပ်ပေးသည်၊ မျက်စိမှ အဖုကြီးနှစ်ခုကိုလည်း အုန်းဆီဆွတ်၍ ပင်အပ်ဖြင့် အသာအယာ ထိုးခွာပေးသည်၊ ထိုအခါ မျက်စိအထဲမှ ဖြူဖြူအဖတ်များ ထွက်လာပြီး မျက်လုံးပွင့်သွားလေသည်၊ နောက်ရက်များတွင် မျက်စိမြင်သွားသဖြင့် အစာကိုလည်း တ၀ကြီးစားနိုင်သည်၊ အိပ်တန်းလည်း သူ့အလိုလို တက်နိုင်သွားသည်။

ကြက်ကလေးသည် ကျွန်တော့ကို အတော်ခင်ပါသည်၊ ကျွန်တော် စာကျက်နေလျှင် ကျွန်တော့ပေါင်ပေါ်၊ ရင်ဘတ်ပေါ်သို့တက်၍ ငြိမ်နေတတ်သည်၊ တဖြည်းဖြည်း ကြီးထွားလာသောအခါ ကြက်မကလေး ဖြစ်နေသည်၊ ထိုကြက်မကလေးကို မေမေမြင်သွားသော်လည်း လုံးဝမဆူတော့ပါ။

သည်လိုနဲ့ ကျွန်တော်ဆယ်တန်းစာမေးပွဲ ဖြေဆိုသောနေ့သို့ ရောက်လေသည်၊ ထိုနေ့က မမျှော်လင့်ဘဲ အိပ်တန်းအဆင်း အတောင်ချင်းရိုက်၍ ထူးထူးခြားခြား အားရပါးရ ကြက်မကလေး တွန်ပါတော့သည်။

ထိုအခါ အယူသည်းသော မေမေက ကြက်မတွန်တယ်၊ အဲဒါမျိုး လူခိုက်တတ်တယ်-ဟု ဆိုကာ နှစ်အိမ်ကျော်မှ နိုင်နိုင်စိန်ကိုခေါ်ပြီး ခဲဖြင့်ပေါက်၍ မောင်းထုတ်ခိုင်းသည်၊ ထိုစဉ် ဖေဖေရောက်လာပြီး မေမေ့ကိုရှင်းပြမှ ကြက်မကလေး ချမ်းသာခွင့်ရသွားသည်။

ဖေဖေက ပြောသည်မှာ မအေကြီးရယ်၊ ဒါမျိုးကြုံခဲတယ်၊ သခင်ကို အားပေးတာဖြစ်မှာပါ၊ မင်းအသာစောင့်ကြည့်၊ ထူးခြားမှုတခု ကြုံလိမ့်မယ်-ဟူ၍ ဖြစ်ပါသည်၊ ကျွန်တော်သည် ထိုနှစ်တွင် ဆယ်တန်းစာမေးပွဲကို ဂုဏ်ထူးသုံးဘာသာဖြင့် အောင်မြင်ခဲ့ပါသည်၊ ယခုကဲ့သို့ အောင်မြင်ခြင်းသည် ကြက်မကလေးကို ကယ်တင်ပြီး မျက်စိနှစ်ကွင်း အလင်းရအောင် ပြုလုပ်ပေးခဲ့သော စေတနာ၏ အကျိုး-ဟု ကျွန်တော်ယုံကြည်ယူဆမိပါသည်။

( မောင်လွှမ်းသစ်-ဥသျှစ်ပင် )
********************************************************************************

( ကိုမြသာ၏ နောင်တ )

ကိုမြသာတယောက် လေးဂွတချောင်းနှင့် ရွာရိုးလျှောက်ကာ ဟိုပစ်သည်ပစ် လုပ်တတ်သည်၊ သည်ကနေ့လည်း ရွာအရှေ့ပိုင်းရှိ ဦးဖိုးလွှာခြံသို့ ဗျိုင်းပစ်ရန် ရောက်လာခဲ့သည်၊ ဦးဖိုးလွှာ၏ခြံသည် ဗျိုင်းငှက်များပျော်စံရာ ဂေဟာဖြစ်သည်၊ ခြံပိုင်ရှင်ကလည်း ဗျိုင်းငှက်များကို မပစ်ရန် တားမြစ်ထားသည်၊ သို့သော်လည်း ကိုမြသာသည် ခြံရှင်မသိအောင် ခိုးပစ်သည်၊ ထိုသို့ပစ်ရခြင်းမှာ ကျောင်းပိတ်ရက်တွင် မြို့မှပြန်လာမည့်သားအား ဗျိုင်းသားဟင်း ချက်ကျွေးရန် ဖြစ်သည်။

ဗျိုင်းငှက်များကလည်း သည်ကနေ့မှ ရှားရှားပါးပါး ဖြစ်နေသည်၊ နောက်ဆုံး သူ့လက်ချက်ဖြင့် ဗျိုင်းတကောင်ရသည်၊ ထိုဗျိုင်းအတောင် ကျိုးသွားသည်၊ သူသည် ဗျိုင်းကိုဆွဲလျက် အိမ်ပြန်လာခဲ့သည်။
သူတို့လယ်စပ်အရောက်တွင် ကွင်းလယ်၌ လူများဝိုင်းအုံနေသည်ကို တွေ့ရသည်၊ အကျိုးအကြောင်းသိချင်၍ ဘာဖြစ်ကြတာလဲ-ဟု မေးမြန်းကြည့်သည်၊ ထိုအခါ ထိုအထဲမှ ညီဖြစ်သူ ကိုဘ၀င်းက အကို့သား ကျွဲပေါ်ကကျလို့ လက်ကျိုးသွားတယ်-ဟုပြန်ဖြေသည်။

ကိုမြသာတယောက် သားကိုပြေးပွေ့ပြီး မြို့တက်ဆေးကုရန် ပဲ့ထောင်ရှိရာသို့ သွားလေသည်၊ ဗျိုင်းသားဟင်းဖြင့် ညစာကျွေးမည့် အစီအစဉ်လည်း ပျက်ခဲ့ရပေပြီ၊ သူ့ကြောင့် အတောင်ကျိုးသွားသော ဗျိုင်းငှက်နှင့် ကျွဲကြောင့် လက်ကျိုးသွားသော သူ့သားအဖြစ်ကို နှိုင်းယှဉ်၍ တွေးတောမိသည်၊ ထို့နောက် ဆုံးဖြတ်ချက်တခုကို ပိုင်နိုင်စွာ ချလိုက်သည်။

သူ၏ဆုံးဖြတ်ချက်ကား သူတပါးအသက်ကို သတ်ခြင်း, ညှင်းဆဲခြင်းမှ ရာသက်ပန် ရှောင်ကြဉ်တော့မည်-ဟူ၍ ဖြစ်သည်၊ သူ၏နောင်တကား မနှောင်းသေးသော နောင်တပါပေ။

( ခင်မေ-ရွှေတောင် )
********************************************************************************

( သူနာပြုခြင်း )

တနေ့သော နံနက်ခင်းက ဖြစ်ပါသည်၊ ကျွန်တော်တို့အိမ်ရှေ့ မန်ကျည်းပင်ကြီးအောက်မှာ စာငှက်ကလေးတကောင် လဲကျနေသည်ကို တွေ့ရပါသည်၊ စာငှက်ကလေး၏ ခြေထောက်နှစ်ချောင်းမှာ
နောက်သို့ပစ်လျက်သား ဖြစ်နေပြီး တောင့်တင်းနေပါသည်၊ ခြေတံကလေးများမှာလည်း လက်သီးဆုပ်ထားသကဲ့သို့ ဖြစ်နေသည်၊ တဆတ်ဆတ်လည်း တုန်နေပါသည်၊ လည်ကုပ်ကလည်း ပျော့ကျနေပါသည်၊ ခေါင်းလည်း မထောင်နိုင်တော့ပါ။

ကျွန်တော်သည် စာကလေးကို တွေ့တွေ့ချင်း အလွန်သနားမိသည်၊ အသက်ရှင်လိုရှင်ငြား ပြုစုစောင်ရှောက်ရန်လည်း ဆုံးဖြတ်ချက် ချလိုက်ပါသည်၊ ထို့ကြောင့် စာကလေးကိုကောက်ပြီး အိမ်ထဲသို့ ယူခဲ့ပါသည်။

အိမ်ထဲသို့ရောက်သောအခါ ကျွန်တော်သည် စာကလေး၏ နှုတ်သီးလေးကို ပရုတ်ဆီများများ လိမ်းပေပါသည်၊ စာကလေး ပရုတ်ဆီနံ့ကို ရှူရှိုက်မိရန် ဖြစ်ပါသည်၊ စာကလေးသည် အလွန်မောရှာလွန်း၍ နှာခေါင်းနှင့် အသက်မရှူနိုင်ဘဲ နှုတ်သီးကလေးကို ဟ,ကာ ဟ,ကာ ခက်ခက်ခဲခဲ ရှူရှိုက်နေရပါသည်။

ထို့နောက် ကျွန်တော်သည် ပရုတ်ဆီနှင့်ရေကို ဖျော်၍ စာကလေး၏ နှုတ်သီးကို အသာအယာဖြဲပြီး တစက်ချင်း ဖြည်းညှင်းစွာ ထည့်ပေးပါသည်၊ ငြင်းဆန်သည့်သဘောဖြင့် ခါမထုတ်ပါ၊ မျိုချရှာပါသည်။

စာကလေး၏ တောင့်တင်းနေသော ခြေထောက်ကလေး နှစ်ချောင်းကိုလည်း ပရုတ်ဆီများများ လိမ်းပေးကာ ညင်သာစွာ နှိပ်နယ်ပေးပါသည်၊ ပေါင်းရင်းနှင့် ခြေဆစ်ကလေးများကိုလည်း အသာအယာ ဆွဲဆန့်ပေးပါသည်၊ နွေးနွေးထွေထွေး ရှိစေရန်လည်း စာကလေးကို နေရောင်ခြည်ရသည့် နေရာတွင် အ၀တ်နှင့် ထွေးပေးထားပါသည်။

ကျွန်တော်သည် ထိုသို့ဂရုစိုက်ရင်း စာကလေး၏ အခြေအနေကို မျက်ခြည်မပြတ် စောင့်ကြည့်နေပါသည်၊ သို့နှင့် ၁-နာရီကျော်ကျော်ခန့် အချိန်တွင် ထူးခြားမှုတခုကို စတွေ့ရပါတော့သည်၊ ထိုအခါမှ ကျွန်တော်သည် စာကလေးမသေနိုင်တော့-ဟု ယုံကြည်ပြီး အားတက်လာပါသည်၊ ၀မ်းလည်းသာရပါသည်။

ထူးခြားလာပုံမှာ မနက်က သူ့ကိုခွံ့ကျွေးဖို့ ယူထားသော ထမင်းလုံးကလေးများကို သူ့ကိုယ်သူ မနိုင်မနင်းဖြင့် ကောက်စားလာပါသည်၊ စာကလေး၏ အခြေအနေမှာ တိုးတက်နေပါပြီ၊ အိမ်ခန်းထဲမှာ ဟိုတိုး သည်တိုးနှင့် ပြန်ချင်နေရှာပါပြီ။

အစာဝအောင်ကျွေး၍ အိမ်ရှေ့မန်ကျည်းပင်ကြီးပေါ်သို့ ပြန်လွှတ်လိုက်ပါသည်၊ စာကလေးသည် တကျည်ကျည်နှင့် အသံပြုရင်း ပျော်ရွှင်စွာ ပျံတက်သွားပါသည်၊ သူ့ကို အခြားစာငှက်ကလေးများက တကျည်ကျည်နှင့် အော်ရင်း ပျောက်နေသူကို မမျှော်လင့်ဘဲ ပြန်တွေ့လိုက်ရ၍ ၀မ်းသာနေကြသည့်အလား ပျော်ရွှင်စွာ ကြိုဆိုနေကြသည် ထင်ပါသည်။

ကျွန်တော်သည် သူတို့ကို ကြည့်ရင်း တကြိမ်တခါမှ မခံစားဖူးသော ၀မ်းသာကြည်နူးမှုများကို ရင်မှာအတိုင်းမသိ ခံစားရပါ၏၊

( မောင်ဝေစည်-မလှိုင်၊ ကံကြီး )

( မြတ်မင်္ဂလာ ၁၉၉၅-ခု ဇူလိုင်လ )

No comments: