Saturday, April 18, 2009

အသက်ရှည်၍ အနာကင်းခြင်း

ဘုန်းကြီးတို့ကတော့ ဘုရား ပညတ်တော်မူထားခဲ့တဲ့ ဥပဒေသအတိုင်း လိုက်နာပြီး ဘုရားကြိုက်တဲ့ ပရိယတ်၊ ပဋိပတ် အလုပ်ကို မှန်မှန်လုပ်ပြီး ဘုရားရှင်ကို ပူဇော်တယ်။
နတ် လူ သတ္တ၀ါတွေကို မေတ္တာပို့တယ်။ အထူးသဖြင့်တော့ ဘုန်းကြီးပြုသမျှ ဒါန သီလ ဘာဝနာကုသိုလ်များကို ကိုယ်စောင့်နတ်၊ ကျောင်းစောင့်နတ်၊ တောတောင်စောင့်နတ်၊ ဘုမ္မစိုး၊ ရုက္ခစိုး၊ အာကာသစိုး၊ စတုလောကပါလနတ်၊ သာသနာစောင့်နတ်များကို အမျှပေးဝေတယ်၊ မေတ္တာပို့သတယ်၊ နတ် လူ သတ္တ၀ါတွေ ဘေးရန်ကြောင့်ကြ ဆင်းရဲကင်း၍ ကိုယ်စိတ်နှစ်ဖြာ ကျန်းမာ ရွှင်လန်းကြပါစေ-လို့ အချိန်ရှိတိုင်း စွဲစွဲမြဲမြဲ မေတ္တာပို့တာပဲ။
ဒီမေတ္တာတန်ခိုးတွေကြောင့် ဘုန်းကြီး အသက်ရှည်နေတာ ဖြစ်ပါလိမ့်မယ်။
ရောဂါလည်း ကြီးကြီး မားမား တခါမျှ မဖြစ်ဖူးပါဘူး။
ဘယ်ဆေးမှလည်း စွဲစွဲမြဲမြဲ မမှီဝဲရပါဘူး။
ယနေ့အထိ မျက်စိလည်းကြည်၊
နားလည်းကြည်၊
သွားလည်းကောင်း၊
ခါးလည်းမတ်၊
တောင်ဝှေးတောင် မကိုင်ရသေးပါဘူး။
( ဆရာတော်ကြီး သက်တော် ၉၅-နှစ်အရွယ်တွင် မြွက်ကြားသော သြ၀ါဒ )

( စစ်ကိုင်း ရွှေဟင်္သာဆရာတော် ဘုရားကြီး )

No comments: