Thursday, April 2, 2009

ဘာသာရေး ပြဿနာ ( ၄၆ )

( ဘဒ္ဒန္တ တိလောကသာရဖြေသည် )

( မေး ) ( သာသနာတော်စောင့်နတ်နှင့် ပဋ္ဌာန်းကျမ်း )
ဆရာတော်ဘုရား
၁။ သာသနာတော်စောင့်နတ်ဟု သံဃာတော်များ ရေစက်ချသည့်အခါ ပါပါသည်၊ ၄င်းသာသနာတော်စောင့်နတ် ဟူသည်မှာ ဘယ်လိုပုဂ္ဂိုလ်ဖြစ်၍ သာသနာတော်ကို မည်ကဲ့သို့ စောင့်ရှောက်ပါသလဲဘုရား။

၂။ အဘိဓမ္မာ ၇-ကျမ်းရှိသည့်အနက် မြို့တိုင်း ရွာတိုင်းမှာ ပဋ္ဌာန်းကျမ်းကိုသာ အသံမစဲ ပဋ္ဌာန်းပွဲ-ဟူ၍ ရွတ်ဖတ်ကြပါသည်၊ အခြားသောကျမ်းများကို အဘယ်ကြောင့် ရွတ်ဖတ်မှု မပြုကြပါသလဲဘုရား။
( အောင်ဇော်ဝင်း-ရွှေပြည်သာမြို့ )

( ဖြေ )
၁။ သာသနာတော်စောင့်နတ်-ဟု အသီးအခြားမရှိသော်လည်း မြတ်စွာဘုရားသာသနာတော်ကို ကြည်ညိုကြသည့် သိကြားမင်း။ စတုလောကပါလနတ်မင်းကြီးနှင့် မြတ်စွာဘုရား တရားတော်များ အရှည်တည်တံ့ရန် လိုလားကြည်သည့် နတ်ကောင်းနတ်မြတ်များကို သာသနာတော်စောင့်နတ်-ဟူ၍ တင်စားခေါ်ဆိုခြင်း ဖြစ်ပါသည်။

ထိုနတ်ကောင်းနတ်မြတ်တို့သည် မဟာသမယသုတ်-စသော တရားတော်များကို နာကြားလို၍ လူ့ပြည်တွင် လှည့်လည်၍ နေကြသည်ဟု ဆိုပါသည်၊ ထို့ကြောင့် ပရိတ်တော် ရွတ်ဆိုသောအခါ ဖိတ်ကြားခြင်း။ အမျှဝေရာ၌ အထူးပြု၍ဝေခြင်းများ ပြုလုပ်ကြလျှင် ၄င်းတို့တရားနာခြင်း၊ သာဓုခေါ်ခြင်းများ ပြုကြကြောင်း အဆိုရှိပါသည်။

၂။ ပရိယတ္တိသာသနာကွယ်လျှင် ဦးစွာ အဘိဓမ္မာ ၇-ကျမ်းကစ၍ ကွယ်မည်၊ အဘိဓမ္မာ ၇-ကျမ်းတွင်လည်း အခက်ခဲဆုံး၊ အနက်နဲဆုံး သမန္တနယ ပဋ္ဌာန်းကျမ်းကြီးကစ၍ ကွယ်မည်ဟု ဆိုပါသည်၊ ထို့ကြောင့် ပဋ္ဌာန်းကျမ်းကြီး မကွယ်ပျောက်ရန် ပဋ္ဌာန်းကျမ်းကိုသာ ဦးစားပေး၍ ရွတ်ဆိုနေကြရခြင်း ဖြစ်သည်၊ ပဋ္ဌာန်းကျမ်း မကွယ်ပျောက်လျှင် အခြားအဘိဓမ္မာကျမ်းများလည်း မကွယ်ပျောက်နိုင်သေး-ဟူသော အဓိပ္ပါယ်ဖြင့် အသံမစဲ ပဋ္ဌာန်းရွတ်ပွဲများ ပြုလုပ်ကြခြင်း ဖြစ်ပါသည်။
*********************************************************************************

( မေး ) ( ကန်တော့ခြင်း နှင့် အခြင်းအရာ )
ဇဋိလသူဋ္ဌေးသည် ပန်းတိမ်သည်ဘ၀က ဘုရားကို ပြစ်မှားပြောဆိုမိ၍ ရေမျှောခံရသည်-ဟု ဆိုပါသည်၊ ထိုပြစ်မှားမှုကို ရွှေပန်းခိုင်ပြုလုပ်၍ ကန်တော့သည်ဟုလည်း ဆိုပါသည်၊ သို့ပါလျက် ခုနစ်ဘ၀တိုင် ရေမျှောခံရသည်မှာ ကန်တော့လျက် မကြေ၊ မပြေ ဖြစ်ခြင်းပါလားဘုရား၊
ကန်တော့ရာ၌ စိုသောအ၀တ်ဆံပင်တို့ဖြင့် ကန်တော့သည်ဟု ဆိုခြင်းမှာ အဘယ့်ကြောင့်ပါနည်းဘုရား၊
ထို့ပြင် ယခုခေတ်၌ မိဘဆရာသမားတို့အား ပြစ်မှားမိက ဓာတ်ပုံများကို ကန်တော့ခြင်းဖြင့် ပျောက်ကင်းနိုင်ပါသလားဘုရား။
( မာလာ-ရန်ကုန် )

( ဖြေ )
ဇဋိလသူဋ္ဌေးသည် ပန်းတိမ်သည်ဘ၀က ကဿပမြတ်စွာဘုရား ဓာတ်တော်စေတီတည်ရာ၌ ဇနီးနှင့်စိတ်ဆိုးခိုက် အလှူခံလာသော ရဟန္တာမြတ်အား သည်ဘုရားကို ရေမှာသာ မျှောပစ်လိုက်ပါ-ဟု ၀စီကံဖြင့် ပြစ်မှားပြောဆိုမိသည်၊ ထိုအတွက် သတိရ၍ ရွှေပန်းခိုင်ပြုလုပ်၍ ကန်တော့သည်။ ကန်တော့၍ အပါယ်ဒုဂ္ဂတိဘေးမှ လွတ်ကင်းရလေသည်၊ သို့သော် မြွက်မိသော ၀စီကံပြစ်မှုကြောင့် ခုနစ်ဘ၀တိုင်အောင် မွေးစ၌ ရေမျှောခံရသည်။

ကန်တော့ရာ၌ စိုသောအ၀တ်၊ စိုသော ဆံပင်တို့ဖြင့် ကန်တော့သည်ဆိုရာ၌ တန်းတူအနေဖြင့် မဟုတ်ဘဲ အလွန်နိမ့်ချသော နိဝါတတရားကို သရုပ်ဖော်၍ ကန်တော့ခြင်းမျိုး ဖြစ်ကြောင်း မှတ်သားရဖူးပါသည်။

မိဘဆရာသမားတို့အား ပြစ်မှားမိလျှင် သက်ရှိထင်ရှားရှိက မိဘ ဆရာသမားတို့အား သွားရောက်ရှိခိုး၍ မိမိပြုမိ၊ ပြောမိသည်တို့ကို ကျေနပ်ရန် နှုတ်မြွက်ခွင့်ပန် ကန်တော့ရမည်ဖြစ်ပြီး သက်ရှိထင်ရှား မရှိတော့က မြေပုံ သင်္ချိုင်း အရိုးဂူစသည်တို့၌ ကန်တော့ရမည်ဖြစ်ကြောင်း ဆိုပါသည်၊ ခေတ်အားလျော်စွာ ဆရာမိဘ ဓာတ်ပုံတို့ကို ကန်တော့ခြင်းမှာလည်း အပြစ်ကင်းစင်ကြောင်း ကောင်းသောအပြုအမူပင် ဖြစ်ပါသည်။
*********************************************************************************

( မေး ) ( တရားမဟောရန် စိတ်အကြံ )
ဆရာတော်အရှင်ဘုရား၊ ဂေါတမမြတ်စွာဘုရားသည် ဘုရားအဖြစ်သို့ ရောက်ရှိတော်မူပြီးနောက် သတ္တ၀ါများအား တရားမဟောရန် စိတ်အကြံဖြစ်ကြာင်း ဖတ်ရဖူးပါသည်၊ အဘယ်ကြောင့် ဤသို့ စိတ်အကြံဖြစ်ရပါသနည်းဘုရား၊ အတိတ်မှ ပွင့်ပြီးသောဘုရားရှင်တို့နှင့် နောင်ပွင့်လတံ့ ဘုရားရှင်တို့လည်း ထိုကဲ့သို့ စိတ်အကြံ ဖြစ်-မဖြစ် သိလိုပါသဖြင့် ဖြေကြားတော်မူပါဘုရား။
( နေထွန်းခိုင်-ပြည် )

( ဖြေ ) မြတ်စွာဘုရားသည် ဘုရားအဖြစ်သို့ ရောက်တော်မူစ၌ တရားတော်ကို ဆင်ခြင်တော်မူရာ တရားတော်၏ အလွန်တရာ သိမ်မွေ့ နက်နဲ ခက်ခဲမှုကို မြင်တော်မူပြီး သတ္တ၀ါတို့ကို ဆင်ခြင်ကြည့်ရှုရာ၌ သတ္တ၀ါတို့၌ ကိလေသာမြူမြှေးများ လွန်စွာ ထူထဲနေသည်ကို မြင်တော်မူ၍ တရားတော်နှင့် သတ္တ၀ါတို့ အခြေအနေကို နှိုင်းယှဉ်လျက် ယခု ငါ-တရားဟောလျှင် ပင်ပန်းရုံသာဖြစ်မည်-ဟု ကြံတော်မူ၍ လောလောဆယ် တရားမဟောသေးရန် စိတ်ညွတ်တော်မူပါသည်။

ထို့ပြင် ထိုအချိန်၌ လူတို့သည် ဗြဟ္မာ၌ လေးစားမှုရှိ၍ သဟမ္ပတိ ဗြဟ္မာမင်း တရားတောင်းပန်အံ့သည်ကိုလည်း ငံ့လင့်တော်မူခဲ့သည်-ဟု ဆိုပါသည်၊ ဗြဟ္မာတောင်းပန်မှ တရားဟောတော်မူသည်မှာ ဘုရားရှင်တိုင်း၏ ဓမ္မတာဖြစ်ကြောင်း ဓမ္မတာ ၃၀-၌ ပါဝင်သဖြင့် ဗြဟ္မာတောင်းပန်သည်အထိ ငံ့လင့်ခြင်းလည်း ဖြစ်နိုင်ပါသည်။ ထိုသို့ ဘုရားတိုင်းပင် ဗြဟ္မာတောင်းပန်မှ တရားဟောတော်မူရသည့် ဓမ္မတာရှိ၍ အတိတ် အနာဂတ် မြတ်စွာဘုရားတို့သည်လည်း ဤကဲ့သို့ ရုတ်တရက်ချက်ချင်း အဆောတလျှင် တရားမဟောရန် စိတ်အကြံဖြစ်ရမြဲပင် ဖြစ်ကြောင်း သိနိုင်ပါသည်။
********************************************************************************

( မေး ) ( ရဟန်းဖြစ်လိုပါသောကြောင့် )
အရှင်ဘုရား၊ တပည့်တော်သည် ရှင်သာမဏေ နှစ်ခါပြုပြီးပါပြီဘုရား၊ အသက် ၁၇-နှစ်သာ ရှိသေးသော်လည်း ရဟန်းခံလို၍ ရဟန်းခံလို့ ရပါသလား၊ သိလိုပါသည်ဘုရား။
( မောင်ဝင်းလင်းနိုင်-ရန်ကုန်မြို့ )

( ဖြေ )
အသက် ၂၀-မပြည့်ဘဲ ရဟန်းခံ၍ မရပါ။ အသက် ၂၀-ဆိုသည်မှာ ပဋိသန္ဓေနေချိန်မှစ၍ ရေတွက်နိုင်သဖြင့် သာမန်အားဖြင့် ၁၉-နှစ်နှင့် ၅-လလွန်လျှင် ရဟန်းခံနိုင်ပါသည်။
ရဟန်းခံရာ၌ သံဃာတော်များက ရဟန်းလောင်းအား ပရိပုဏ္ဏံ တေ ၀ီသတိဝေဿာ-သင် ပဋိသန္ဓေမှစ၍ အသက် ၂၀, ပြည်ဖြိုးကြွယ်သူ ဖြစ်လေသလော-ဟု မေးပါသည်၊
ယင်းကို အာမ ဘန္တေ-ဖြင့် ဖြေနိုင်မှသာ ရဟန်းဖြစ်ပါသည်။
*********************************************************************************

( မေး ) ( ငရဲ အသညသတ်နှင့် အရူပဘုံ )
ဆရာတော်ဘုရား
၁။ လူများသေလွန်တဲ့အခါ ယမမင်းကြီးက စစ်တယ်ဆိုတာ ဟုတ်ပါသလားဘုရား။
ဟုတ်ပါလျှင် စစ်နေတဲ့အခိုက်အတန့် ဘ၀လေးကို ဘယ်ဘ၀ရောက်နေတယ်လိ်ု့ ခေါ်ဆိုရမှာပါလဲ ဘုရား။
၂။ အရူပလေးဘုံနှင့် အသည်သတ်ဘုံသို့ ရောက်နေတဲ့ ဗြဟ္မာများဟာ အဘယ်တရားများ အကျင့်လွန်လို့ ရောက်နေပါသလဲ ဘုရား။
( မောင်ပန်းမွှေး-၀က်လက်မြို့ )

( ဖြေ )
လူများသေလွန်တိုင်း ယမမင်းကြီး ရှေ့မှောက်သို့ ရောက်ရသည်မဟုတ်၊
အကုသိုလ်ကံနည်းပါး ကုသိုလ်ကံ များပြားသူ တယောက် သေခါနီးတွင် အကုသိုလ် အာသန္နကံကြောင့် ငရဲသို့ ပဋိသန္ဓေအကျိုးပေး၍ ရောက်သွားလျှင် ချက်ချင်း ငရဲမခံရသေးဘဲ ငရဲကြီးများ၏ အရံငရဲငယ် တခုခု (ဥဿဒငရဲ) သို့ ရောက်၍ ယင်းငရဲရှိ ယမမင်းကြီးထံ ရောက်ရှိ အစစ်ခံရသည်။

ထိုအချိန်တွင် ပြုခဲ့သောကုသိုလ်တမျိုးမျိုးကို တဖန်အမှတ်ရခြင်း၊ အာသေ၀နသတ္တိ အကူအညီရလျှင် ထိုကုသိုလ်ကောင်းမှု အားကောင်းလာက ထိကုသိုလ်အကျိုးကြောင့် ငရဲမှလွတ်၍ သုဂတိဘ၀ တခုခုသို့ ရောက်ရသည်ဟု ဆိုသဖြင့် ယမမင်းကြီးထံ ရောက်သွားရသော ဘ၀သည် ငရဲဘုံ ငရဲဘ၀ပင် ဖြစ်သည်ဟု ဆိုရပါမည်။

အကုသိုလ်အားကြီး ကုသိုလ်အားသေးသူတို့ ယမမင်းကြီးရှေ့သို့ပင် မရောက်ရ၊
ငရဲသို့ပင် ချက်ချင်းရောက်သွားရသည်ဟု မှတ်သားသင့်ပါသည်။

၂။ အသညသတ်ဘုံ အရူပဘုံတို့မှာ ရုပ်သက်သက်၊ နာမ်သက်သက်ဘုံများဖြစ်၍ တရားမနာနိုင်၊ ဘုရားမဖူးနိုင် သဖြင့် ရပ်ပြစ်ရှစ်ပါး၌ ထည့်သွင်းထားသော်လည်း အညံ့စားဘုံများ မဟုတ်ကြ။
အလွန်အဆင့်မြင့်သော သုဂတိဘုံကြီးများ ဖြစ်ပါသည်၊

အသညသတ်ဘုံသို့ ရောက်ရန် ရူပဈာန်ငါးဆင့် အဘိညာဉ်သမာပတ်များရပြီးမှ နာမ်ကြောင့် ဒုက္ခခံရသည်ဟု နာမ်ကို အပြစ်မြင် အားထုတ်၍ ရုပ်တုံးရုပ်ခဲ သက်သက်ဘုံဖြစ်သည့် အသညသတ်ဘုံ၌ ကမ္ဘာပေါင်းများစွာ နာမ်တရားကင်းမဲ့သော ကိုယ်ဖြင့် ချမ်းသာစွာဖြစ်နေရပေသည်။

အရူပဘုံမှာလည်း ရူပဈာန်အားလုံး ရရှိပြီးမှ ပညတ်အာရုံများကို ရှုပွား၍ တဆင့်တက်ကာ အရူပဈာန်ကို အဆင့်ဆင့်ရယူပြီး ရုပ်တရားကင်းရာ အရူပဘုံသို့ ရောက်ရ၍ ကမ္ဘာပေါင်း မြောက်မြားစွာ နာမ်တရားသက်သက်ဖြင့် ချမ်းသာစွာ နေရပေသည်။

အရူပဈာန် ရရှိထားပြီးသော ဒေ၀ီလရသေ့ကြီးသည် မုချ ဘုရားဖြစ်တော့မည့် ဘုရားလောင်း သိဒ္ဓတ္ထ မင်းသားအား တွေ့ရသော်လည်း သူ-ရထားသော အရူပဈာန်ကို မလျောချနိုင်လောက်အောင် ရှိသည်ကို ထောက်၍ မည်မျှလောက် ရရှိရန် ကြိုးစားထားရသည်ကို သိသာနိုင်ပါသည်။

( မြတ်မင်္ဂလာ ၁၉၉၅-ခု မတ်လ )
၁။

No comments: