Tuesday, April 14, 2009

ဘာသာရေး ပြဿနာ ( ၅၁ )

( ဘဒ္ဒန္တ တိလောကသာရ ဖြေသည် )

( မေး ) ( သီလရှင်အား ရှိခိုးငြားက )
၁။ ဆရာတော်ဘုရား-
သီလရှင်အား၊ လူယောက်ျားတို့၊ ၀ပ်တွားရိုကျိုး၊ ကောင်း အဆိုး၊ ကြောင်းကျိုး မည်သို့ရှိသနည်း။
၂။ မိန်းမအများ၊ ရှိခိုးငြား၊ ကျိုးကား ဘယ်သို့ရှိသနည်း။
သာဓကသွင်း၊ ယုံမှားကင်း၊ ဖြေရှင်းပေးပါဘုရား။
( ရှင်သိဒ္ဓိဗလ-မြောင်းမြမြို့ )

( ဖြေ )
မဟောသဓာ၊ ဇာတ်တော်မှာလျှင်၊ မဟောသဓာ၊ လောင်းအလျာက၊ ပရိဗ္ဗာဇက၊ ဘေရီမအား၊ ညွတ်ခ-၀ပ်လျှိုး၊ ရှိလျှင်ခိုးခဲ့။
စံထိုးသမှု၊ ထိုဝတ္ထုကို၊ စွဲရှုကြည့်က၊ ကျင့်သီလကို၊ ပဓာနထား၊ ရှိဝပ်တွား၏။
ကျားမ မရွေး၊ ရှိခိုးရေးကို၊ ဆတွေးကြံကာ၊ ကင်းသင်္ကာသည်၊ မြဲစွာမှတ်သားဖွယ်ပင်တည်း။
********************************************************************************

( မေး ) ( မေတ္တာပို့ )
ဆရာတော်ဘုရား၊ တပည့်တော်တို့ မေတ္တာပို့သရာ၌ အနက်အဓိပ္ပါယ်မသိဘဲ ပါဠိကိုသာ ရွတ်ဆို၍ မေတ္တာပို့ပါက ၄င်းပို့သသောမေတ္တာသည် အစွမ်းတန်ခိုး ထက်-မထက် ဖြေကြားပေးပါရန်နှင့် အစွမ်းတန်ခိုးထက်အောင် မည်ကဲ့သို့ ပို့သရမည်ကို ဆရာတော်ဘုရားက စေတနာမေတ္တာ ရှေ့ထား၍ ဖြေကြားပေးပါရန် လျှောက်ထားအပ်ပါသည်ဘုရား။
( မောင်မြတ်နိုး-မြောင်းမြ )

( ဖြေ )
မေတ္တာပို့သရာတွင် ပါဠိဘာသာ မတတ်ကျွမ်းသူတို့အဖို့ မိမိတို့မိခင်ဘာသာဖြင့် ပို့သသင့်ပါသည်။
မေတ္တာပို့ရာတွင် အနောဓိသ (မရည်ရွယ်ဘဲ ပို့သအပ်သူ) ၅-မျိုး။
သြဓိသ (ရည်ရွယ်ပို့သအပ်သူ) ၇-မျိုးကို မူတည်၍
တု (ပါစေ) ၄-မျိုးနှင့် စနစ်တကျ ပို့သရန် အရေးကြီးပါသည်။

( က ) သတ္တ၀ါအားလုံး။
သက်ရှိအားလုံး။
ထင်ရှားရှိအားလုံး။
ပုဂ္ဂိုလ်အားလုံး။
ခန္ဓာကိုယ်ရှိသူအားလုံး။ ( အနောဓိသ ၅-မျိုး )

( ခ ) အမအားလုံး။
အဖိုအားလုံး။
အရိယာအားလုံး။
ပုထုဇဉ်အားလုံး။
နတ်ဗြဟ္မာအားလုံး။
လူအားလုံး။
အပါယ်ဘုံသားအားလုံး။ ( သြဓိသ ၇-မျိုး ) တို့သည်

( ဂ ) ဘေးရန်ခပ်သိမ်း ကင်းငြိမ်းကြပါစေ။
စိုးရိမ်ခပ်သိမ်း ကင်းငြိမ်းကြပါစေ။
ဆင်းရဲခပ်သိမ်း ကင်းငြိမ်းကြပါစေ။
မိမိကိုယ်ကို ချမ်းသာအောင် ရွက်ဆောင်နိုင်ကြပါစေ။
(တု-၄-မျိူး ) ဟု ရိုးရိုး (အရပ် ၁၀-မျက်နှာမပါ) မေတ္တာ ၄၈-ပါး။

ထို့နောက် ( ဃ ) အရှေ့မျက်နှာအရပ်။
အနောက်မျက်နှာအရပ်။
မြောက်မျက်နှာအရပ်။
တောင်မျက်နှာအရပ်။
အရှေ့မြောက်မျက်နှာအရပ်။
အရှေ့တောင်မျက်နှာအရပ်။
အနောက်မြောက်မျက်နှာအရပ်။
အနောက်တောင်မျက်နှာအရပ်။
အောက်မျက်နှာအရပ်။
အထက်မျက်နှာအရပ်။
ဤအရပ်လေးမျက်နှာ၊ အရပ်ရှစ်မျက်နှာ၊ အရပ်ဆယ်မျက်နှာ ဤစကြာဝဠာနှင့်တကွ စကြ၀ဠာအနန္တ၌ ရှိကြကုန်သော သတ္တ၀ါအားလုံး အထက်ပါအတိုင်း ဆိုပါ။

သြဓိသ၊ အနောဓိသ သတ္တ၀ါ ၁၂-မျိုး၊ မေတ္တာ ၄-မျိုးနှင့် မြှောက် ၄၈-မေတ္တာ။
အရပ် ၁၀-မျက်နှာနှင့်မြှောက် ၄၈၀-မေတ္တာ။
အရပ်မျက်နှာ မရည်ရွယ်သော မူလ ၄၈-ပါးနှင့် ထပ်ပေါင်း ၅၂၈-မေတ္တာ။
ဤသို့ ပါဠိမတတ်သူတို့အဖို့ မြန်မာဘာသာဖြင့် မေတ္တာပို့လျှင် အကောင်းဆုံးပင်ဖြစ်ကြောင်း လမ်းညွှန်အပ်ပါသည်။
*********************************************************************************

( မေး ) ( စွယ်တော်လေးဆူ )
အရှင်ဘုရား၊ စွယ်တော်လေးဆူအကြောင်း ဖတ်ရ၍ မြတ်စွာဘုရား ပရိနိဗ္ဗာန်စံတော်မူမှ ရယူကြရကြောင်း ကြည်ညိုရပါသည်၊
ပရိနိဗ္ဗာန်စံတော်မမူမီ အခြား အံတော် သွားတော်များ ရနိုင်-မရနိုင် သိလိုပါသည်ဘုရား။
သက်တော် ၈၀-မှ ပရိနိဗ္ဗာန်ပြုသဖြင့် ရမည်ဆိုက ရနိုင်ရန်ရှိကြောင်း ကြံစည်မိ၍ မေးရပါသည်ဘုရား။
( ဦးစောဖြူ-စစ်တွေ )

( ဖြေ ) မြတ်စွာဘုရားတို့သည် ပါရမီ ၁၀-ပါး၊ အပြား ၃၀-တို့ကို ကမ္ဘာပေါင်းများစွာ ဖြည့်ဆည်းဖူးခဲ့သဖြင့် ပရိနိဗ္ဗာန်စံတော်မူသည်အထိ အသားအရေ တွန့်လိပ်ခြင်း၊ ဆံတော်ဖြူခြင်း၊ သွားတော် ကျိုးခြင်း မရှိ။
သက်တမ်း၏ ငါးပုံ လေးပုံအရောက် လူအပေါင်းတို့ ချစ်ခင်မြတ်နိုးနေစဉ်မှာပင် ပရိနိဗ္ဗာန်စံတော်မူကြောင်း
ဗုဒ္ဓါနာမ ခဏ္ဍိစ္စာဒိ ဘာဝံ အပ္ပတွာဝ ပဉ္စိမေ အာယုကောဋ္ဌာသေ ဗဟုဇနဿ ပိယမနာပကာလေယေ၀ ပရိနိဗ္ဗာယန္တိ။ ( သံ-ဋ္ဌ ၃-၂၈၃ ) ဟု အဋ္ဌကထာဆရာတို့ မိန့်ကြားတော်မူခဲ့ပါသည်။ ( အင်္ဂုတ္တရ-ဋ္ဌ၊ ဒီဃ-ဋ္ဌ တို့တွင်လည်း အလားတူ ဆိုပါသည်။)
********************************************************************************

( မေး ) ( ရုပ်ရှင်တော် )
ဆရာတော် အရှင်မြတ်ဘုရား၊ အချို့ ဗုဒ္ဓရုပ်ပွားတော်များကို ရုပ်ရှင်တော်မြတ်-ဟူသော ဝေါဟာရဖြင့် ဖော်ပြထားသည်ကို တွေ့ရပါသည်၊ ရုပ်ရှင်တော်-၏ အဓိပ္ပါယ်ကို သိလိုပါသည်ဘုရား။
( သန်းလွင်-ပြွန်တန်ဆာမြို့ )

( ဖြေ )
အလွန်သပ္ပါယ်တော်မူသော ရုပ်ပွားတော်များသည် မျက်နှာတော်က လှုပ်ရှားနေသယောင်၊ ဖူးမြော်သူတို့ အမြင်တွင် အမျိုးမျိုး ထင်မြင်ကြရပါသည်။
ဥပမာ-ခြောက်ထပ်ကြီး လျောင်းတော်မူကြီးသည် မျက်လုံးတော် ကြည်လင်လှသဖြင့် မျက်တောင်ပင် ခတ်နေသကဲ့သို့ ထင်ရသည်။

ရခိုင်ပြည် ကျောက်တော်မြို့ မဟာမုနိရုပ်ပွားတော်မှာ မျက်နှာတော်ပုံ အမျိုးမျိုး ပြောင်းနေသကဲ့သို့ ထင်ရသည်။
မဟာဿွံသာရ ရုပ်ပွားတော်သည်လည်း တခါဖူး တမျိုး၊ တပုံတော် ဖြစ်နေတတ်သည်-ဟု ဆိုပါသည်။
ကျိုက်ထိုမြို့ ကျိုက်ပေါလော ရုပ်ပွားတော်၏ ညာဘက်နားထင်တော်ရှိ မှည့်ရှင်တော်မှာ နေရာရွှေ့ပြောင်းနေတတ်သည်-ဟု ကြားသိရပါသည်။

ထိုကဲ့သို့ ထူးထူးခြားခြား သပ္ပါယ်တော်မူသော ရုပ်ပွားတော်များကို ရုပ်ရှင်တော်-ဟု ဝေါဟာရ ပြုကြပါသည်၊ ထိုကဲ့သို့ ရုပ်ရှင်တော်ဟု အမည်တော်ရသော ရုပ်ပွားဆင်းတု ဥဒ္ဒိဿစေတီတော်များ မြန်မာနိုင်ငံတွင် တော်တော်များများ ရှိနေကြကြောင်း သိရပါသည်။
********************************************************************************

( မေး ) ( သီလခံယူရာဝယ် )
ဆရာတော် ဖြေစေညွှန်းပါလို့၊ ဒကာတော်တွေ ဝေလွန်းသည်မို့၊ ရွှေပေခွန်းမြွက်စေလို၊
အများအကျိုးပေမို့၊ ပွားတိုးစေတနာဖြင့်၊ အဖြေလွှာ ဖြေကာရေးပါလို့၊ စာစောင်မှာ ပါအောင်ပေးကာပ၊ မေးနှင့်ဖြေက်ို။
ညီမျှမှန်စွာ ဆရာတပည့်တွေတို့၊ သီလခံရာ မကွာ အရှိပါဘဲ၊ ပါဠိလိုတဲ့ ရှေ့ကဆို၊ နောက်က ထိုသို့ လိုက်စေခြင်း။
ပါဠိဉာဏ်ရှင်၊ စာရှိ ပန်ဆင်လျက်၊ အမှန်ပင် ကုသိုလ်ပွားပေလိမ့်၊ အများပါဠိဝေးတို့မှာ၊ ကြက်တူရွေးစာပေသင်သို့၊ နက်မမြင် ကျိုးမှာနည်းကာပ၊ ချည်းနှီး ဖြစ်မည်လားရယ်လို့၊ ကြံများ တွေဝေမိတာမို့၊ အဖြေလွှာ ဖွေရှာမိသူသို့၊ ထေရ်ဆရာ ပြည်ရွာသိအောင်၊ ညှိ၍ဖြေရှင်း။
( ဦးမြင့်ဆွေ-ညောင်ဦး )

( ဖြေ )
ထုတ်ပြစရာ သုံးရန်မမှားစေဖို့၊ ဗုဒ္ဓဘာသာ ထုံးစံများကိုလ၊ ချုံးပြန်ကြားပါရ အဖြေလွှာ။
သေချာပြရလျှင်၊ စေတနာ ဓမ္မပေမို့၊ သရဏ သီလာ၌၊ ဤအခါ ခံယူမယ်ရယ်လို့၊ ညီအညာ သံတူဟ,ကာပ၊ အကြံယူ ကံဟူသမျှကိုလ၊ လုံးဝ ရှောင်ကြဉ်မည်ဟု၊ သံကြည်ကြည် ဆရာဆိုသို့၊ ပါဠိလို နှုတ်ဆိုညွှန်း၊ ခွန်းဟသေချာ။
သမာဒိယာမိဟု၊ ပါဠိကျု ဆိုကြပါသော်လဲ၊ စိတ်က ပဉ္စသီ-ကိုလ၊ မိမိခံယူတယ်လို့၊ အသိဝယ် ငြိတွယ် ထွန်းတာမို့၊ ပတ်ဝန်းကျင့်-ပြည့်စုံစွာ၊ တည်ပါ၏ သီလများ။
သီလဟူသည်၊ ကြည်မြ ဖြူစင်တည်၍၊ စိတ်တည်ကြည် ခံယူရေးပေမို့၊ နက်ပေး ဓိပ္ပါယ် မသိပေမယ့်၊ သမာဒိယာမိသာ ပဓာနပေမို့၊ ဒကာတော် အာဘော်မျှအောင်၊ သဘောကျ မမှားစေဖို့၊ ဟောပြတရား။
********************************************************************************

( မေး ) ( နတ်ကတော် )
ဆရာတော်ဘုရား၊ တပည့်တော်၏ ဇနီးမှာ တပည့်တော်က စားဝတ်နေမှု ဖူလုံအောင် ရှာဖွေပေးနိုင်ပါလျက် နတ်ကတော်အလုပ်ကို လုပ်ကိုင်လျက်ရှိပါသည်၊ ဘာကြောင့် သည်အလုပ်ကို လုပ်နေရသလဲ-ဟု မေးမြန်းသည့်အခါတွင် ဘ၀ကံအကြောင်းတရားပေါ့-ဟု ဖြေပါသည်၊ အတင်းအကျပ် မပြောလိုသဖြင့် သူတပါးအပေါ် လိမ်လည်လှညြ့်ဖြား၍ မစားရန်နှင့် ဆင်းရဲသားများအပေါ် ညှာတာရန်သာ ဆုံးမမှုပေးနိုင်ပါသည်၊ ၄င်းအလုပ်သည် အကုသိုလ်ဖြစ်စေ၍ အပါယ်ငရဲသို့ ကျနိုင်ပါသလားဘုရး၊ မလုပ်အပ်သော အလုပ် ဖြစ်ပါသလား ဘုရား၊ ဖြေကြားပေးတော်မူပါရန် တောင်းပန်ပါသည်ဘုရား။
( ဦးခင်မောင်စိုး-တောင်ဥက္ကလာပ )

( ဖြေ ) နတ်ကတော်အလုပ်သည် မြတ်စွာဘုရား လက်ထက်ကပင် ရှိပါသည်၊ နတ်ပူးဝင်လေ့ရှိသော မိန်းမကို ၀ရုဏီ-ဟု ခေါ်သည်၊ ဗြဟ္မဇာလသုတ်တွင် ကုမာရိပဥှာ-ခေါ် မိန်းကလေးတို့ကိုယ်တွင်းသို့ နတ်ကိုပူးဝင်စေ၍ မေးမြန်းသော အတတ်တမျိုးရှိကြောင်း ဆိုပါသည်။( ဒီ-ဋ္ဌ ၁-၉၁ )။

သို့သော် နတ်ကောင်းနတ်မြတ်များ ၀င်လာလေ့မရှိ၊ နတ်ညံ့များသာ ၀င်လေ့ရှိကြောင်း၊ နတ်ကတော်တို့ကလည်း နတ်မ၀င်သော်လည်း နတ်ဝင်ဟန် ပြုလေ့ရှိကြောင်း ဆိုပါသည်။ သံယုတ္တနိကာယ် နိဒါန၀ဂ္ဂ အဋ္ဌကထာတွင် ဤမည်သော ဤမည်သော ပူဇော်မှုကိုပြုလျှင် သင်တို့အား ဤသို့ ဤသို့ ကြီးပွားချမ်းသာခြင်း ဖြစ်လတံ့-ဟု လူအပေါင်းကို လှည့်ပတ်၍ ပန်းနံ့သာစသည်ကိုယူကာ မဟုတ်မမှန်သည်ကို သိစေ၊ ကြားစေ၍ လိမ်လည်ခဲ့သဖြင့် အရုပ်ဆိုး အနံ့မကောင်း ကြောက်မက်ဖွယ်ရာ ပြိတ္တာဖြစ်တတ်ကြောင်း ဆိုပါသည်။( သံ-ဋ္ဌ ၂၊ ၂၀၄ )။

ထို့ကြောင့် နတ်ကတော်အလုပ်မှာ မှန်ကန်မှု နည်းပါး၊ လည်ဆယ်မှု များပြား၍ အပါယ်ငရဲနှင့် နီးစပ်နေသဖြင့် အထူးသတိထား၍ လုပ်သင့်သောအလုပ်ဖြစ်ကြောင်း သတိပေးလိုပါသည်။
********************************************************************************

( မေး ) ( မောက္ကလူ ပါလည်းကွေး-ရှေးစာအရေး )
ဆရာတော်ဘုရား၊ တပည့်တော်တို့အရပ်တွင် မွေးစ ကလေးများ ရောဂါဘယ ကင်းရန် ကလေးပုခက်တွင်
ဘုရားဟူက မောက္ကလူ-၂၄၊ တရားဟူက ပါလည်ကွေး-၄၅၊ သံဃာဟူက သံချပ်ဝတ်-၆၇၊
ဓုတင်တေရသကို ကျင့်ဆောင်တော်မူသော အရှင်မဟာကဿပ ကိန်းဝပ်တော်မူပါသည်၊ ဘေးရန်ဟူသမျှ လွဲစေ-ရှောင်စေ-ဟု ရေး၍ ဆွဲချိတ်လေ့ရှိပါသည်၊ ယင်းစာပါ မောက္ကလူ၊ ပါလည်ကွေး၊ သံချပ်ဝတ်တို့နှင့် သင်္ချာဂဏန်းတို့ အဓိပ္ပါယ်ကို ရှင်းပြပေးတော်မူပါဘုရား။
( သန်းထက်-ချင်းတွင်း )

( ဖြေ )
မောက္ကလူ-ဟူသည်မှာ မောက်လူဟု ဆိုသင့်လျက် က-ထည့်၍ ဆိုသည်။
မောက်လူမှာ ရှေးမြန်မာစစ်သူကြီးတို့ ဆောင်းရသော စစ်ခမောက်ဖြစ်သည်။
၂၄-မှာ ဒီပင်္ကရာမြတ်စွာဘုရားမှ ကဿပမြတ်စွာဘုရားအထိ ဂေါတမမြတ်စွာဘုရား တွေ့ကြုံဆုပန်ခဲ့သော ဘုရား ၂၄-ဆူ ဖြစ်ပါသည်။

ပါလည်ကွေး ဆိုသည်မှာ စစ်သူကြီးတို့ ပခုံးနှစ်ဖက်ကို အုပ်၍ လည်ကို ကွေးဝိုက်ဆင်သထားသော အဆင်တန်ဆာဖြစ်၍ ၄၅-မှာ ပထမဗောဓိ ၁၅-၀ါ၊ ဒုတိယဗောဓိ ၁၅-၀ါနှင့် တတိယဗောဓိ ၁၅-၀ါ
ပေါင်း ၄၅-၀ါတွင် ဟောတော်မူသော တရားတော်များဟု ဆိုလိုပါသည်။

သံချပ်ဝတ်မှာ ယင်းစစ်သူကြီးတို့ကိုယ်တွင် ၀တ်ဆင်ထားသော သံချပ်အင်္ကျီကို ဆိုလို၍
၆၇-မှာ မြတ်စွာဘုရား ပထမ၀ါတွင် အတူဝါဆိုကြသော ပဉ္စ၀ဂ္ဂီ ၅-ဦးနှင့် အရှင်ယသ စသော ရဟန္တာ ၅၅-ပါး၊ ပေါင်း ရဟန္တာ ၆၀၊ ထို့နောက် ဘုရားကိုးဆူကပ်ရာတွင် ပါသော ရဟန္တာ ၈-ပါးတွင် ပဉ္စ၀ဂ္ဂီ၌ ပါပြီးသော ရှင်ကောဏ္ဍညကို နုတ်၍ ၇-ပါးထည့်ကာ ၆၇-ပါးကို ဆိုပါသည်။

အိမ်တွင်လည်း အန္တရာယ်ကင်းအောင် နတ်ဆိုး, စုန်း, သရဲတို့ မ၀င်ဝံ့အောင် ထန်းရွက်ကို သန်လျက်ပုံလှီးကာ ၄င်းစာများကို ရေး၍ ဆွဲချိတ်ရုံမက ခရီးသွားရာတွင်လည်း ရှင်မဟာကဿပ ကြွလာတော်မူသည်-ဟု ပြင်၍ ဆိုရသည်ဟု ဝေါဟာရ၀ိပလ္လာသလက္ခဏဒီပကကျမ်းတွင် ဆိုပါသည်။

( မြတ်မင်္ဂလာ ၁၉၉၅-ခု စက်တင်ဘာလ )

No comments: