Wednesday, April 22, 2009

ဘာသာရေး ပြဿနာ ( ၅၄ )

( ဘဒ္ဒန္တ တိလောကသာရ ဖြေသည် )

( မေး ) ( အရိမေတ္တေယျ မြတ်စွာဘုရားကို ဖူးတွေ့ရန် )
အရှင်ဘုရား၊ နောင်ပွင့်မည့် အရိမေတ္တေယျ ဘုရးရှင်အား ဖူးတွေ့ခွင့်ရရန် ယခုဘ၀က ဆုတောင်းထား၍ ရနိုင်ပါသလားဘုရား။
( မအေးအေးမြင့်-ပေါင်းတလည်မြို့ )

( ဖြေ ) အရိမေတ္တေယျ မြတ်စွာဘုရားသည် ဤကမ္ဘာ၌ ပွင့်မည်ဟုဆိုသော်လည်း အန္တရကပ် တကပ်ကျော်မျှ အချိန်ဝေးလှသေး၏။
ယခု အနှစ်တရာတမ်းမှ ၁၀-နှစ်တမ်းအထိ လူတို့အသက် ကျဆင်းသွားဦးမည်။
ထို ၁၀-နှစ်တမ်း ရောက်အောင်ပင် နှစ်အသိန်း အသန်းမက ကြာဦးမည်။
ထို ၁၀-နှစ်တမ်းမှ တစတစတက်၍ အသင်္ချေယျတမ်းအထိ တက်ဦးမည်။
ယင်း ၁၀-နှစ်မှ အသင်္ချေယျအထိကို အန္တရကပ်-တကပ်ဟု ဆို၏။
ထိုမှ အသက်တမ်း ယုတ်လျော့လာပြီး အသက်တမ်း တသိန်းတမ်းအောက် ရောက်မှ အရိမေတ္တေယျဘုရား ပွင့်မည်ဖြစ်ရာ မည်မျှကြာဦးမည်ကို ခန့်မှန်းကြည့်ပါလေ။

ထိုမျှ သံသရာရှည်မျောစွာ နှစ်ပေါင်းကြာအောင်စောင့်၍ အရိမေတ္တေယျဘုရားကို ဖူးတွေ့လိုပါသည်-ဟု ဆိုသည်မှာ ဤစကြာဝဠာမှ အခြားစကြာဝဠာတခုသို့သွား၍ မင်းအဖြစ်ကို ရလိုပါသည် ဆိုသူနှင့်မခြား-ဟု ရှေးဆရာတို့ ဆိုကြပါသည်။ ထို့ကြောင့် သံသရာကို ငြီးငွေ့ကြသော သမ္မာနွယ်ဝင် သူတော်စင်တို့အဖို့ လက်ရှိဘ၀တွင်ပင် ကျွတ်တမ်းဝင်နိုင်အောင် ကြိုးစားသင့်ကြပါသည်။ ဆုတောင်းခြင်း ဟူသည်မှာလည်း
မိမိ၌ သဒ္ဓါ သီလ သုတ စာဂ ပညာ ဤငါးဖြာနှင့် ပြည့်စုံလျှင် ပြည့်နိုင်သည်ဟု ဆိုသဖြင့် ဆုမတောင်းမီ ထိုတရားငါးပါး ပြည့်စုံအောင် ကြိုးစားသင့်ကြောင်း ပြောလိုပါသည်။
*********************************************************************************

( မေး ) ( ပါရာဇိက ကျခဲ့သူ )
အရှင်ဘုရား၊ လူငယ်တယောက် ရဟန်းဘောင်တက်ပြီး ပါရာဇိကကျ၍ လူပြု အိမ်ထောင်ကျခဲ့ပါသည်။
လူငယ်ဟာ နောင်တရပြီး ပုတီးစိပ်၊ တရားထိုင် လုပ်ငန်းများကို အမြဲမပြတ် လုပ်နေပါသည်၊ ၄င်းလူငယ် တရားထူး ရနိုင်-မရနိုင်၊ ငရဲ လွတ်-မလွတ် ဖြေကြားပေးတော်မူပါ။
( ကိုကိုအောင်-မင်္ဂလာဒုံမြို့နယ် )

( ဖြေ )
ပါရာဇိကကျပြီး ရဟန်းဘောင်မှာ မနေဘဲ လူပြုလိုက်လျှင် ပါရာဇိကပြစ် မရှိတော့ပေ။
၎င်းမှာ နောက်တဖန် ရဟန်းဘ၀ကို ပြန်မရနိုင်ခြင်းသာ အပြစ်ဟူ၍ ပြောစရာ ရှိတော့သည်။
ပါရာဇိကကျသော ရဟန်းများ၏ ထွက်ရပ်လမ်း (အပြစ်ဖြေဖျောက်မှုမှာ) လူ့ဘ၀သို့ ပြောင်းရွှေ့ထွက်ခွါသွားရခြင်းပင် ဖြစ်ပါသည်။
လူ့အဖြစ်နှင့် တရားအားထုတ်၍ တရားထူးများလည်း ရနိုင်ပါသည်။ ကုသိုလ်ကောင်းမှုများ ပြု၍လည်း ကုသိုလ်ရနိုင်ပါသည်။
*********************************************************************************

( မေး ) ( ထေရဿင်္ဂုလိမာလဿ )
အရှင်ဘုရား၊ အင်္ဂုလိမာလသုတ်၏ ဒုတိယစာပိုဒ် စာကြောင်းရေ ၃-တွင် ထေရဿင်္ဂုလိမာလဿ-တွင် အချို့က သအက္ခရာအသံထွက်ပြီး ထေရဿ အင်္ဂုလိမာလဿ-ဟု ရွတ်ဆိုပြီး
အချို့က စာအတိုင်း ထေရဿင်္ဂုလိမာလဿ-ဟု ရွတ်ဆိုကြပါသည်။
မည်သို့ရွတ်ဆိုခြင်းက မှန်ကန်ကြောင်း ဖြေကြားပေးတော်မူပါဘုရား။
( မောင်လှဌေး-အင်းလေး၊ ခေါင်တိုင် )

( ဖြေ )
ထေရဿင်္ဂုလိမာလဿ ပါဠိပုဒ်ကို ဂါထာဖြစ်၍ အက္ခရာ ၈-လုံး ဖြစ်စေရန် ထေရဿင်္ဂုလိမာလဿ-ဟု သန္ဓိ ပုဒ်စပ်၍ စီကုံးထားခြင်း ဖြစ်ပါသည်။ ထို့ကြောင့် ပရိတ်စာမူတိုင်းမှာပင် ထေရဿင်္ဂုလိမာလဿ-ဟု ရှိပါသည်။
ထိုသို့ သန္ဓိစပ်ရသည်မှာ ပါဠိတော်များ၌ အစဉ်တွေ့ရသည့် သဒ္ဒါထုံးစံများပင် ဖြစ်ပါသည်။

အာဋာနာဋိယသုတ်တွင် ၀ိပဿိဿ စ နမော အတ္ထု-ဟု ဆိုရမည် ဖြစ်သော်လည်း နမတ္ထု-ဟု ဆိုသည်ကို သတိပြုရန် ဖြစ်ပါသည်။
ထို့အတူ သိခိဿာပိ စ နမတ္ထု ၊ ဝေဿဘုဿ စ နမတ္ထု-စသည် သန္ဓိစပ်၍ ရွတ်ဆိုရပါသည်။ ထို့ကြောင့် ထေရဿင်္ဂုလိမာလဿ-ဟု ရွတ်ဆိုလျှင် ပိုမိုသင့်မြတ်ပါသည်။
********************************************************************************

( မေး ) ( ဂင်္ဂါဝါဠု သဲစုမက )
အရှင်ဘုရား၊ ဗုဒ္ဓမြတ်စွာတို့သည် ဂင်္ဂါမြစ်အတွင်းရှိ သဲပွင့် အရေအတွက်မျှ ရှိသည်-ဟု အချို့က ပြောကြပါသည်။
အချို့ကမူ ဘုရားများမှာ ၂၈-ဆူသာရှိကြောင်း ဂင်္ဂါမြစ်ထဲရှိ သဲပွင့်တို့သည် ရဟန္တာများ၏ အရေအတွက်သာဖြစ်ကြောင်း ပြောပါသည်။ အဘယ်စကားကို မှတ်သားရမည်နည်း ဖြေကြားတော်မူပါဘုရား။
( မောင်တိုး-မြောက်ဥက္ကလာပမြို့နယ် )

( ဖြေ )
၂၈-(နှစ်ကျိပ် ရှစ်ဆူ) မှာ ဂေါတမမြတ်စွာဘုရား အလောင်းတော် နိယတဗျာဒိတ်ရသည့် ကမ္ဘာပေါင်း လေးအသင်္ချေနှင့် တသိန်း အတွင်း၌ ပွင့်တော်မူသော မြတ်စွာဘုရား အရေအတွက်ကို ဆိုခြင်းဖြစ်ပါသည်။

သံသရာသည် အစမထင် ရှည်လျားခဲ့သဖြင့် ထိုရှည်လျားခဲ့သော အတိတ်သံသရာအတွင်း၌ ပွင့်တော်မူခဲ့သော ဘုရားများမှာ လွန်စွာများပြားလှပြီဖြစ်ကြောင်း၊ မည်မျှများပြားခဲ့သည်ကို ဥပမာ ပြဆိုရလျှင် ဂင်္ဂါမြစ်အတွင်း၌ရှိသော သဲပွင့်များပမာ အသင်္ချေ အသင်္ချာ မရေတွက်နိုင်စရာပင် ဖြစ်ကြောင်း ပြောဆိုလိုရင်းပင် ဖြစ်ပါသည်။
သမ္ဗုဒ္ဓေ ဂါထာလာ အပ္ပကာ ၀ါဠုကာ ဂင်္ဂါ၊ အနန္တာ နိဗ္ဗုတာ ဇိနာ-ဆိုသည်မှာ ယင်းအဓိပ္ပါယ်ပင် ဖြစ်ပါသည်။
*********************************************************************************

( မေး ) ( သင်္ကန်း စီစဉ်ခြင်း )
ဆရာတော်ဘုရား၊ အချို့သော ဓမ္မရိပ်သာကျောင်းများတွင် ၀ါတွင်းသင်္ကန်း၊ ကထိန်သင်္ကန်း၊ ၀တ္ထုပစ္စည်း၊ ကပ်လှူရာတွင် ထိုဓမ္မရိပ်သာကျောင်းမှပင် သင်္ကန်း၊ ထီး၊ ဖိနပ်၊များကို ဆရာတော်ကြီးနှင့် အကျိုးဆောင်အဖွဲ့များ၏ အစီအစဉ်နှင့် ခွင့်ပြုချက်အရ ကျသင့်သော အဖိုးနှုန်းများဖြင့် ၀ယ်ယူပြီး ထိုကျောင်းမှာပင် ၀ါဆိုသင်္ကန်း၊ ကထိန်သင်္ကန်း ကပ်လှူရပါသည်။ ထိုကျောင်းမှ ၀ယ်ယူလာသော ၀တ္ထုပစ္စည်းများ ကပ်လှူခြင်းနှင့် အခြား အပြင်ဆိုင်မှ ၀ယ်ယူ ကပ်လှူသော ၀တ္ထုပစ္စည်းတို့သည် အတူတူပင် ဖြစ်ပါသလား၊ ကုသိုလ်အကျိုး ခြားနားမှု-တူညီမှု ရှိ-မရှိ သိလိုပါသည်၊ ဖြေကြားပေးတော်မူပါဘုရား။
( နိုင်ကျော်လှိုင်-အငြိမ်းစား၊ မင်္ဂလာဒုံ )

( ဖြေ)
အချို့ သံဃာများသော ရိပ်သာကျောင်းတိုက်များ၌ လှူဒါန်းသူများ သက်သာမှုရှိအောင် ဂေါပကအကျိုးဆောင်အဖွဲ့များက သင်္ကန်းများကို စုပေါင်း၍ ၀ယ်ယူခြင်း၊ ဆိုင်ရာမှ ထုတ်ခြင်း၊ ပိတ်အုပ်ဝယ်၍ ဆိုးချုပ်ခြင်းများကို ပြုလုပ်လေ့ရှိပါသည်။ ထိုသို့ပြုလုပ်သဖြင့် တစုံချင်း အပြင်ဆိုင်မှာ ၀ယ်ယူသည်ထက် များစွာ သက်သာပါသည်၊

ထီး ဖိနပ် စသည်များကိုလည်းသံဃာဦးရေနှင့်ကိုက်၍ ကြိုတင် မှာထားခြင်းလည်း ပြုလုပ်ကြပါသည်။ ထိုသို့ လုပ်ဆောင်ခြင်းကို သံဃာများက လုပ်လေ့မရှိ၊ လုပ်လည်း မလုပ်အပ်ပါ၊ ဝေယျာဝစ္စအဖွဲ့၊ ဂေါပကအဖွဲ့ အကျိုးဆောင်သူများကသာ အလှူထမြောက်ရန် လှူဒါန်းလိုသူများ သက်သက်သာသာဖြင့် စိတ်အေးချမ်းသာစွာ လှူဒါန်းနိုင်ရန် ပြုလုပ်ခြင်းပင် ဖြစ်ပါသည်။

သံဃာတော်များ ဝေယျာဝစ္စအဖွဲ့နှင့် ကုသိုလ်ရှင်များအားလုံး အကျိုးရှိသော လုပ်ဆောင်မှုများဖြစ်၍ ကုသိုလ်ရရန် ချမ်းသာစွာ လှူဒါန်းနိုင်သောကြောင့် ကောင်းသောလုပ်ဆောင်ခြင်းပင် ဖြစ်ကြောင်း ဖြေကြားအပ်ပါသည်။
*********************************************************************************

( မေး ) ( ၀ိပဿနာ၊ ပုတီးနှင့် ၀ဋ္ဋသုတ်ပါဠိ )
(က) ၀ိပဿနာတရားအလုပ်ကို အားထုတ်နေသူ ပုတီးစိပ်ခြင်း၊ ပရိတ်တရားတော်များ၊ ဂါထာတော်များ ရွတ်ဖတ်ခြင်း၊ စသည် ပြုလုပ်နိုင်ပါသလားဘုရား။
(ခ) ၀ဋ္ဋသုတ် အပိုဒ် ၃-ပါ သစ္စကိရိယ မနုတ္တရံ-၌ သစ္စကိရိယ မုတ္တမံ-ဟူ၍လည်း ရှိရာ မည်သည်က မှန်ပါသလဲဘုရား။
( ဦးထွန်းအောင်တင်-မြန်မာ့ရေနံနှင့် သဘာဝဓာတ်ငွေ့ လုပ်ငန်း )

( ဖြေ )
(က) ၀ိပဿနာတရားအလုပ်ကို အားထုတ်နေသူသည် ကမ္မဋ္ဌာနာစရိယ ဆရာတော် ညွှန်ကြားပြသသော ၀ိပဿနာအလုပ်မှတပါး အခြားသော ပုတီးစိပ်ခြင်း၊ ပရိတ်တရားတော်များ ရွတ်ဆိုခြင်း၊ ဂါထာတော်များ ရွတ်ဆို ခြင်းတို့ကို ပြုလုပ်နေရန် မလိုပါ။
အချိန်ရှိသမျှ ၀ိပဿနာတရားကိုသာ မပြတ်မလပ် အားထုတ်နေရပါမည်။ ထိုပုတီးစိပ်ခြင်း စသည်တို့သည် ကောင်းသောအလုပ်များ ဖြစ်သော်လည်း ၀ိပဿနာအားထုတ်ရာ၌ သမာဓိပျက်ပြားစရာ အာရုံများဖြစ်၍ ရှောင်ကြဉ်ရပါမည်။

(ခ) အနုတ္တရံ နှင့် ဥတ္တမံ ပုဒ်တို့မှာ အလွန်မြတ်သော၊ မြတ်သော-အနက်များဖြစ်၍ မထူးခြားလှ၊
ပါဠိဂါထာ ၈-လုံးဖွဲ့၌ အနုတ္တရံ-ဆိုလျှင် ၉-လုံးဖြစ်၍ ဥတ္တမံ-၈-လုံးက သဘာဝကျပါသည်။
မူရင်း စရိယာပိဋက ပါဠိတော် (၄၁၅) ၌လည်း သစ္စကိရိယ မုတ္တမံ-ဟူ၍ပင် ရှိပါသည်။ ဆဋ္ဌမူ ပရိတ္တပါဠိတွင်လည်း ထိုအတိုင်းပင် တင်ထားသည်ကို တွေ့နိုင်ပါသည်။
********************************************************************************

( မေး ) ( ရဟန်းခံနှင့် ပရိက္ခရာ ၈-ပါး )
ဆရာတော်ဘုရား၊ တပည့်တော်တို့သည် အချို့သော မြို့ရွာဒေသများတွင် ရဟန်းခံ သိမ်ဝင်ရာ၌ ရဟန်းလောင်းအဖို့ ပရိက္ခရာ ၈-ပါးတို့တွင် အပ်-သည် ယခုခေတ်၌ ချုပ်စရာမလိုသောကြောင့်-ဟု ဆိုကာ
အပ်-မပါပါ၊
ထို့နောက် ရေစစ်-လည်း မပါကြတော့ပါ၊ ရဟန်းဖြစ်ဖို့ရာ အင်္ဂါ ၅-ပါးတို့တွင် ၀တ္ထု၏ပြည့်စုံခြင်း အင်္ဂါ၌ ပရိက္ခရာ ၈-ပါး ပါ-မပါ၊ ထိုတွင် အပ်-ရေစစ် မပါက ရဟန်းဖြစ်-မဖြစ် ရှင်းပြပေးတော်မူပါဘုရား။
( ရှင်ဝေရောစန-သန်လျင်မြို့ )

( ဖြေ )
ရဟန်းခံရာ၌ သာမန်အားဖြင့် ပရိက္ခရာ ၈-ပါး ပြည့်စုံရမည်ဟု ဆိုသော်လည်း မရှိမဖြစ်၊ မပါမပြီးကား မဟုတ်ပါ၊
မေးစိစစ်ရာ၌ ပရိပုဏ္ဏံ တေ ပတ္တစီဝရံ=သင့်မှာ သပိတ် သင်္ကန်း ပြည့်စုံပါပြီလား-ဟုသာ မေးစိစစ်၍ သပိတ်တလုံး၊ သင်္ကန်းသုံးထည်သာ လိုရင်း ဖြစ်ပါသည်၊ ကိုယ်ပိုင် သပိတ် သင်္ကန်းဖြစ်ရန် လိုအပ်ပါသည်။
အငှါး သပိတ် သင်္ကန်းဖြင့် ရဟန်းမခံအပ်ပါ၊

ပြဿနာရှင်၏ စာတွင်ပါသော ၀တ္ထု၏ပြည့်စုံခြင်း ၀တ္ထုသမ္ပတ္တိ-ဟူသည်မှာလည်း ပရိက္ခရာ ၈-ပါးကို မဆို၊
ပဉ္စင်္ဂ-ဟူသော ပြည့်စုံခြင်း ၅-မျိုး၌ ၀တ္ထုသမ္ပတ္တိကား ရဟန်းလောင်းသည် နပုန်း, ပဏ္ဍုက်, မာတုဃာတက, ပိတုဃာတက, အစရှိသည်မှ ကင်းသော၊ သန့်ရှင်းစင်ကြယ်သော အသက်နှစ်ဆယ်ရှိ ရဟန်းလောင်း ဖြစ်ရမည်ကို ဆိုခြင်းဖြစ်ပါသည်။ ထို့ကြောင့် အပ်-ရေစစ် မပါသော်လည်း ရဟန်းဖြစ်ပါကြောင်း ဖြေဆိုအပ်ပါသည်။

( မြတ်မင်္ဂလာ ၁၉၉၅-ခု ဒီဇင်ဘာလ )

1 comment:

aye said...

မင်္ဂလာ သတင်းစဉ်က စာတွေ အကုန်လုံးလောက် လာဖတ်သွားပါတယ်။ ပြီးပြီးသားတွေလဲ ထပ်ထပ်ဖတ်နေရပါတယ်။ စေတနာထားပြီး တင်ပေးတဲ့ ဓမ္မအလှူရှင်ကို သာဓုခေါ်ပါတယ်။