Wednesday, April 1, 2009

ဘာသာရေး ပြဿနာ ( ၄၅ )

( ဘဒ္ဒန္တ တိလောကသာရ ဖြေသည် )

( မေး ) ( ကံ )
ဆရာတော်ဘုရား။ လူတွေဟာ ကံစီမံရာအတိုင်းပဲ တကယ်ဖြစ်ကြရတာလား ဘုရား၊
သူ့ရဲ့လုပ်ဆောင်မှု တခုတခုကြောင့် ကံဟာ ပြောင်းလဲသွားနိုင်ပါသလား ဘုရား။
ဒါမမဟုတ် မွေးဖွားရာမှ စ၍ ယခုအချိန်အထိ ဒီလိုဖြစ်ရမယ့် ကံပါလို့သာ ဖြစ်နေကြရတာပါလား၊
လူတွေရဲ့စိတ်တွေဟာ ကံနှင့်သက်ဆိုင်ပါသလားဘုရား၊ လုပ်ငန်းတခုဟာ မိမိရဲ့စိတ်ဓာတ်ပျော့ညံ့မှု ကျဆင်းမှုကြောင့် မအောင်မြင်ဘဲဖြစ်လာတဲ့အခါ ဒီလိုမအောင်မြင်ရမယ့်ကံ ပါနေလို့သာ စိတ်ဓာတ်ပျော့ညံ့မှု ကျဆင်းမှုတွေ ကြံဖန်ပြီး ဖြစ်ပေါ်နေရတာပါလားဘုရား၊
ဒါမမဟုတ် မိမိရဲ့ ညံ့ဖျင်းမှုကြောင့် အောင်မြင်ရမယ့်ကံဟာ ပြောင်းလဲပြီး မအောင်မမြင် ဖြစ်သွားတာလား၊ ဖြေကြားပေးတော်မူပါဘုရား။
( သင်းသင်းခိုင်-အမှတ် ၂၊ ဘူတာရပ် မတ္တရာမြို့ )

( ဖြေ )
ဤသို့ ဘာကိစ္စဖြစ်ဖြစ် ကံ-ကြောင့်ဖြစ်ရသည်ဆိုလျှင် မမှန်ပါ။
ဤစွဲလမ်းမှုမျိုးကို ပုဗ္ဗေကတဟေတု ဒိဋ္ဌိ-ဟု ဒိဋ္ဌိအယူတမျိုးဟူ၍ ဆိုပါသည်၊
ကံကို လုံးဝစွန့်ပစ်ရမည်ကား မဟုတ်၊ ကုသိုလ်ကံကြောင့် လူ့ဘ၀ဟူသော သုဂတိဘုံဘ၀သို့ ရောက်လာရသည်၊
တနည်းဆိုသော်-ကံက ဘ၀လမ်းကြောင်းပေါ်သို့ အရောက်ပို့ပေးလိုက်သည်။ ဤဘ၀လမ်းကြောင်းပေါ်သို့ ရောက်လာရသည့်အခါ မိမိ၏ ဉာဏ်၊ ၀ီရိယတို့ဖြင့် သွားလာလုပ်ကိုင် ရှာဖွေပြုလုပ်မှုတို့ဖြင့် လူချင်းတူ၊ သူချင်းမျှအောင် လုပ်ကိုင်ရှာဖွေကြရမည် ဖြစ်ပါသည်။

ဥပမာ-မိမိအမှီပြုရာ အားထားရာ ပုဂ္ဂိုလ်ကြီးတဦးက ရာထူးနေရာ တခုရရန် အကူအညီပေး၍ ရာထူးနေရာ ရလာခြင်းမှာ ကံ၏စီမံပေးမှုနှင့် တူသည်။ ထိုရာထူးနေရာ၌ မြဲရန်၊ တိုးတက်ရန်၊ စာဝတ်နေရေး ဖူလုံရန်၊ ရာသက်ပန် လူချင်းသူချင်း တူညီရန်၊ စီးပွားဥစ္စာပြည့်စုံရန် စသည်တို့ကား မိမိ၏ကြံဖန် ကြိုးစားမှု၊ ဉာဏ်၊ ၀ီရိယတို့ပေါ်မှာသာ တည်ပါသည်။

မြတ်စွာဘုရားလက်ထက်တော်က မဟာဓနသူဋ္ဌေးသည် ပထမအရွယ်၌ ကြိုးစားလျှင် ပထမတန်းသူဋ္ဌေး၊
ရဟန်းဝတ်၍ ကြိုးစားလျှင် ရဟန္တာဖြစ်နိုင်သော ကံ ပါလာသော်လည်း ငါ့တသက် စားမကုန်ဟုဆိုကာ ဘာမျှမလုပ်ဘဲ သုံးဖြုန်းပစ်လိုက်သည်။ နောက်ဆုံးတောင်းရမ်း စားသောက်ရကာ ဇရပ်တွင် သေရလေ၏။
ထို့ကြောင့် နေရာတကာ အဖြစ်အပျက်အားလုံးတွင် ကံကို မစွဲလမ်းမိရန် အရေးကြီးလှပေသည်။
*********************************************************************************

( မေး ) ( ဗေဒင်ကိစ္စ )
အရှင်မြတ်ဘုရား၊( မြတ်မင်္ဂလာ အတွဲ ၁၀၊ အမှတ် ၁ ) စာစောင်ဆောင်းပါး တပုဒ်တွင် ဗေဒင်ဟောပြောခြင်း စသောကိစ္စများသည် အသုံးမကျသော စွဲလမ်းမှုများသာဖြစ်၍ ဗုဒ္ဓမြတ်စွာဘုရားက သူ၏တပည့်များအား ထိုအလေ့အကျင့်များမှ ရှောင်ရှားကြရန် မှာကြားကြောင်း ရေးသားဖော်ပြထားပါသည်၊
တဖန် မဟာဗုဒ္ဓ၀င် (ပထမတွဲ ဒုတိယပိုင်း-၅၃၁ ) တွင် မြတ်စွာဘုရားအလောင်းတော်သည် ကဿပမြတ်စွာဘုရား လက်ထက်တော်၌ ဗေဒင်သုံးပုံကို တဖက်ကမ်းခတ် တတ်မြောက်ပြီး ကျော်စောထင်ရှားသူဖြစ်ကြောင်း လေ့လာဖတ်ရှုရပါသည်၊ မသိနားမလည်သူများအတွက် လမ်းမှားသို့ ရောက်ရှိသွားနိုင်ပါသဖြင့် သနားသည်းခံ ဖြေရှင်းပေးတော်မူပါဘုရား။
( ဦးစိန်ထွန်း-တမာကုန်းရွာသစ်၊ ဆင်တဲ-ပြည် )

( ဖြေ )
မြတ်စွာဘုရား၏ တပည့်သာဝက (ရဟန်းသံဃာ)များအား သာသနာတော်၌ ပရိယတ် ပဋိပတ် အားထုတ်မှု၊ ဂန္ဓဓုရ ၀ိပဿနာဓုရ နှစ်ပါးတို့မှတပါး ခြားဗေဒင်စသည်တို့ကို လေ့လာသင်ကြားဟောပြောခြင်း စသည်တို့မှာ သာသနာပျက်စီးကြောင်းများ ဖြစ်၍ မြတ်စွာဘုရားက အားမပေးရုံမျှမက လုံးဝပြုလုပ်ရန် ခွင့်မပြုခဲ့ပါ။

ဗုဒ္ဓ၀င်လာ ဘုရားအလောင်းတော်မှာ ပုဏ္ဏားမျိုးဖြစ်၍ လူ့ဘ၀တွင် ဗေဒင်သုံးပုံကို တဖက်ကမ်းခတ် တတ်မြောက်ကျော်ကြားပုံမှာ ပုဏ္ဏားတို့အဖို့ ဂုဏ်ယူဖွယ်ဖြစ်၍ ရေးသားခြင်းဖြစ်ပါသည်။
ကဿပမြတ်စွာဘုရားလက်ထက် အလောင်းတော် ဇောတိပါလ ဘ၀သာမက
လေးအသင်္ချေနှင့် ကမ္ဘာတသိန်းထက် သုမေဓာပုဏ္ဏားလုလင်ဘ၀တုန်းကလည်း ထိုကဲ့သို့ပင် တတ်ကျွမ်းခဲ့ကြောင်း၊
အလားတူ ပုဏ္ဏားလုလင်ဘ၀များစွာမှာပင် ဘုရားအလောင်းတော်သည် ဗေဒင်သုံးပုံကို တတ်ကျွမ်းကြောင်း ဇာတ်တော်များစွာပင် ရှိပါသည်။

လူ့ဘ၀၌ တတ်သင့်တတ်ထိုက်သော ပညာရပ်များကို တတ်ကျွမ်းရကြောင်း ထင်ရှားစေလို၍ ဖော်ပြရခြင်း ဖြစ်သော်လည်း ရဟန်းဘ၀စသည်တို့၌ကား ၄င်းတို့မှာ သာသနာတော်၏ အညစ်အကြေးများသာဖြစ်ကြောင်း ၀ိနည်းပိဋကတ် စသည်တို့တွင် ဟောကြားတော်မူလေ့ရှိပါသည်။
*********************************************************************************

( မေး ) ( သာသနာတော်၏ အံ့ဖွယ်များ )
ဆရာတော်ဘုရား၊ အံ့ဖွယ်ရှစ်ဖြာ သာသနာ-ဟု တပည့်တော်များ မှတ်သားရဖူးပါသည်၊ အပြည့်အစုံ သိလိုပါသည်ဘုရား၊ တဆက်တည်းပင် အသံတော် ရှစ်ပါး ဆိုသည်ကိုလည်း ဖြေကြားပေးတော်မူပါဘုရား။
( ဦးတင့်ဆွေ-ဗိုလ်ချုပ်လမ်း၊ ကလေးမြို့ )

( ဖြေ )
အင်္ဂုတ္တိုရ်ပါဠိတော်လာ ပဟာရာဒသုတ်တွင် သမုဒ္ဒရာ၏ အံ့ဖွယ်ရှစ်ပါးနှင့် ဥပမာပြု၍ သာသနာတော်၏ အံ့ဖွယ်ရှစ်ပါးကို ဟောတော်မူထားပါသည်။ အကျဉ်းချုံး၍ ဖော်ပြပါမည်။

၁။ သမုဒ္ဒရာသည် ကမ်းစပ်မှ အလယ်သို့ တစတစနက်သွားသကဲ့သို့
သာသနာတော်၌ တစတစကျင့်သွားရသော ကျင့်စဉ် ရှိလေသည်။

၂။ သမုဒ္ဒရာရေသည် ကမ်းကို မလွန်သကဲ့သို့
သာသနာတော်၌ တပည့်သားတို့သည် သိက္ခာပုဒ်များကို လွန်ကျူး၍ မကျင့်။

၃။ အကောင်ပုဒ်များကို သမုဒ္ဒရာက လက်မခံ ( ကမ်းသို့ ပုတ်၍တင်ပစ် ) သကဲ့သို့
သာသနာတော်က ယုတ်မာသူတို့ကို လက်မခံ၊ သူ့အလိုလိုပင် သာသနာမှ ဝေးရာသို့ ရောက်သွားရသည်။

၎။ မြစ်ချောင်းတို့သည် သမုဒ္ဒရာသို့ရောက်လျှင် မူလအမည်ပျောက်၍ သမုဒ္ဒရာဟူသော အမည်သာ ဖြစ်ရသကဲ့သို့
မည်သည့်အမျိုးမှဝင်၍ ရဟန်းပြုပြု သာသနာတော်သို့ရောက်လျှင် ဘုရားသားတော်သာ ဖြစ်ရသည်။

၅။ မိုး မည်မျှပင်ရွာရွာ၊ နေ မည်မျှပင်ပူပူ သမုဒ္ဒရာ၌ ရေအတိုးအလျော့ မရှိသကဲ့သို့
နိဗ္ဗာန်ဟူသော ငြိမ်းအေးမှု ဓာတ်တမျိုးသည် သာသနာတော်၌ အတိုးအလျော့ မရှိ။

၆။ သမုဒ္ဒရာသည် ငန်သောအရသာ တမျိုးတည်းသာ ရှိသကဲ့သို့
သာသနာတော်၌ လွတ်မြောက်မှု ၀ိမုတ္တိရသ တမျိုးတည်းသာ ရှိသည်။

၇။ သမုဒ္ဒရာသည် ရတနာအမျိုးမျိုး၏ တည်ရာဖြစ်သကဲ့သို့
သာသနာတော်သည် သတိပဋ္ဌာန်၊ သမ္မပ္ပဓာန် စသော ဗောဓိပက္ခိယတရား ၃၇-ပါးတို့၏ တည်ရာဖြစ်သည်။

၈။ သမုဒ္ဒရာသည် ကြီးမားသော ငါးသတ္တ၀ါကြီးတို့၏ နေရာဖြစ်သကဲ့သို့
သာသနာတော်သည် သောတာပန်စသော အရိယာတို့၏ နေရာ ကျင့်သုံးရာ ဖြစ်လေသည်။


အသံတော် ၈-ပါးမှာ-
သန့်ရှင်း, သာယာ,၊ သိသာအလွယ်၊ နာဖွယ်တနဲ၊ ဖရိုဖရဲကင်းလျက်၊
လုံး, နက်, ပဲ့တင်၊ ဤရှစ်အင်၊ မြတ်ရှင် အသံတော်။
ဟူသော ဆောင်ပုဒ်အတိုင်းပင် မှတ်သားနိုင်ပါသည်။
********************************************************************************

( မေး ) ( သိမ်နှင့်ဓာတ်ကြိုး )
ဆရာတော်ဘုရား၊ သိမ်ထဲတွင် ရဟန်းခံခြင်း၊ အစရှိသော ကံဆောင်မှုများ ပြုလုပ်ရာ၌ လျှပ်စစ်ဓာတ်ကြိုးများ ဆက်သွယ်မှု ဖြတ်တောက်ထားရဖြင်၏ အနှစ်သာရသဘောကို ရှင်းလင်းပေးတော်မူပါဘုရား။
( မောင်စန္ဒ-ကျိုက္ကဘာ၊ ဖျာပုံမြို့ )

( ဖြေ )
ဓာတ်ကြိုးသည် ရဟန်းခံ ကံဆောင်နေသော ဗဒ္ဓသိမ်သို့ အခြားတခုမှ ဆက်သွယ်လာသည်၊
ထိုလာရာ သိမ်အတွင်း၌လည်း ရဟန်းရှိနေသည်ဆိုက ယင်းဓာတ်ကြိုး ဆက်သွယ်နေမှုကြောင့် သိမ်နှစ်သိမ်မှ သံဃာသည် ၀ဂ္ဂ-ဟူသော အစု ကွဲပြားသီးခြား ဖြစ်နေပေမည်၊
ကံပြုနေသောသံဃာမှာ ဓာတ်ကြိုးလာရာ သိမ်ရှိသောကြာင့် ကံပျက်နိုင်ပါသည်၊ ထို့ကြောင့် ဆက်သွယ်နေသော ဓာတ်ကြိုးကို ဖြတ်တောက်ထားရပါသည်။

( မြတ်မင်္ဂလာ ၁၉၉၅-ခု ဖေဖော်ဝါရီလ )

No comments: