Sunday, April 5, 2009

ကံ ကံ၏အကျိုး ( ၄၀ )

( ကိုယ်တွေ့ကြုံသောအခါ )

ကျွန်မ ၁၉၅၇-ခု ပညာရေးဝန်ထမ်းအဖြစ် စတင်အမှုထမ်းစဉ်က ဖြစ်ပါသည်၊ ပျဉ်းမနားမြို့၏တောင်ဘက် မြို့ငယ်လေးတမြို့ ဖြစ်သော ဧလာမြို့သို့ နေ့စဉ်ရထားဖြင့် သွားရောက် တာဝန်ထမ်းဆောင်ရပါသည်၊ အလုပ်ခန့်စာ ရလျှင်ပင် ကျွန်မ၏အိမ်နီးချင်း အဒေါ်တဦးက ခရီးသွားသည့်အခါတိုင်း သမ္ဗုဒ္ဓေဂါထာတော် ရွတ်သွားရန်နှင့် ရထားစီးလျှင်လည်း နောက်ဆုံးတွဲ၌စီးရန် သတိပေးရင်း သူ့ကိုယ်တွေ့ဖြစ်ရပ်ကို ပြောပြပါသည်။

ဆောင်ငူ ကွန်ဗင့်ကျောင်းတွင် သူ၏သမီးများကို ကျောင်းအိပ်ကျောင်းစား ထားပါသည်၊ မကြာခဏလည်း တောင်ငူသို့ မီးရထားဖြင့် သွားလေ့ရှိပါသည်၊ ထိုသို့ခရီးသွားတိုင်းလည်း သမ္ဗုဒ္ဓေဂါထာတော်ကို ရွတ်ဖတ်သွားလေ့ရှိပါသည်။

တခါတွင် ပျဉ်းမနားမှ တောင်ငူအသွား မီးရထားမှောက်ရာ ခရီးသည်အချို့ ဒဏ်ရာအပြင်းအထန် ရကြပါသည်၊ ၄င်းအဒေါ်မှာ ထိခိုက်ဒဏ်ရာ တစုံတရာမျှ မရရှိ၊ ဘေးကင်းစွာဖြင့် မိမိအိမ်သို့ ချောမောစွာ ပြန်လည်ရောက်ရှိခဲ့ကြောင်း ပြောပြပါသည်။

ကျွန်မလည်း ၄င်းအဒေါ်ပြောပြသည့် အချိန်မှစ၍ ရထားပေါ်တက်သည်နှင့် တပြိုင်နက် ရထားလမ်းဘေးတလျှောက်တွင် တွေ့မြင်သမျှအားလုံးကို မေတ္တာပို့ပြီးလျှင် သမ္ဗုဒ္ဓေဂါထာတော်ကိုလည်း ဘူတာမရောက်မချင်း မပြတ်ရွတ်ဆိုသွားပါသည်၊ ၄င်းဧလာမြို့တွင် ၁၃-နှစ်ကြာအောင် မီးရထားဖြင့်တမျိုး၊ ကားဖြင့်တသွယ် သွားရောက်အမှုထမ်းဆောင်ခဲ့ရပါသည်၊သို့ရာတွင် တကြိမ်တခါမျှ ရထားမှောက်ခြင်း၊ ကားမှောက်ခြင်းများနှင့် မကြုံတွေ့ခဲ့ရပါ။

၁၉၇၀-ပြည့်နှစ် ဇွန်လ ကျောင်းဖွင့်စတွင် ရာသီဥတု အလွန်ပူပြင်းသဖြင့် နံနက် ၁၂-နာရီအထိသာ နေ့တ၀က်ကျောင်းတက်ရပါသည်၊ ကျောင်းဆင်းလျှင်ပင် ဧလာမှ လယ်ဝေးသို့သွားသော ခရီးသည်တင်ကားကို ချက်ချင်းရ၍ စီးနင်းလိုက်ပါသွားပြီး လယ်ဝေးမှတဆင့် ပျဉ်းမနားသို့ လိုင်းကားဖြင့်ပင် ဆက်လက်စီးသွားရပါသည်၊ နံနက် ၁၂-နာရီ ကျောင်းဆင်းသည့်အခါတိုင်း ဤကဲ့သို့ ကားဖြင့် အဆင်ပြေစွာ အိမ်သို့ စောစောရောက်သွားတတ်ပါသည်၊

တနေ့ ကျွန်မ၏စိတ်ထဲတွင် ဒီနေ့တော့ ကားမစီးချင်ဘူး၊ ရထား ရှိ-မရှိ ဘူတာသို့သွား၍ စုံစမ်းမည်-ဟု စိတ်ထဲအောက်မေ့မိကာ ရုံပိုင်ကြီးထံ သွားစုံစမ်းပါသည်၊ ရုံပိုင်ကြီးကလည်း ကုန်ရထားတစင်း နာရီဝက်အတွင်း လာမည်ပြောသဖြင့် ဘူတာတွင်စောင့်၍ စီးခဲ့သည်။

၎င်းညနေပိုင်းတွင် ပျဉ်းမနား လယ်ဝေး ခရီးသည်တင်ကား မှောက်လို့-တဲ့ ဟူသော သတင်း ကြားလိုက်ရပါသည်၊ မှောက်သောကားသည် ကျွန်မတို့လယ်ဝေးမှ ပျဉ်းမနားသို့ စီးနေကျကားဖြစ်နေကြောင်း သိရပါသည်။

ထို့ကြောင့် သမ္ဗုဒ္ဓေဂါထာတော်ကို ယုံယုံကြည်ကြည် ရွတ်ဆိုပါက တွေ့ကြုံရမည့် အန္တရာယ်ကိုလည်း ကြိုတင်၍ မှန်းဆရှောင်ကြဉ်နိုင်သကဲ့သို့ အန္တရာယ်နှင့်ကြုံကြိုက်ပါကလည်း ဘေးကင်းရန်ကွာ လွတ်မြောက်တတ်ကြောင်းကို ကျွန်မကိုယ်တွေ့ တင်ပြလိုက်ရပါသည်။

( မမ-ပင်လောင်းမြို့ )
*********************************************************************************

( မကောင်းမှုဒဏ် ချက်ချင်းခံ )

ထိန်ပင်ကုန်းရွာမှ မယဉ်နွယ်တို့ မိသားစုသည် လယ်, ကိုင်း, ခြံ လုပ်ငန်းများဖြင့် ချောင်လည်စွာ နေနိုင်စားနိုင်သည်၊ ထို့ကြောင့် ရွာ၌ သာမှု နာမှု စသဖြင့် လူမှုရေးကိစ္စရှိလျှင် ငွေးကြေးတတ်နိုင်သဖြင့် မယဉ်နွယ်သည် ရှေ့ဆုံးက ဦးဆောင်ပါဝင်တတ်သည်၊ ဤသည်ကို တရွာတည်းနေ မောင်မြင့်လွင်ဆိုသူသည် ကြည့်မရနိုင် ဖြစ်နေ၏။

မမ-ယဉ်နွယ်ရေ၊ ရွာထိပ်က မိမိတို့ ဘိုကိတ်ပဲခင်း မရိတ်သေးဘူးလား၊ ကောင်းလိုက်တာ၊ ရိတ်ဖို့ တော်နေပြီ၊
အေး အေး ညီမလေးရေ၊ ကျေးဇူးပဲ၊ အလုပ်မအားသေးလို့၊ ရွားနားနီးပေမယ့် သွားမကြည့်ဖြစ်သေးတာပါ၊
ကိုင်းထဲက မြေပဲနုတ်ပြီး ပြန်လာသော မအေးသိန်းက သတိပေးပြောကြားသွားသော်လည်း မယဉ်နွယ်မှာ နောက် သုံး-လေးရက်ကြာမှ ၄င်းပဲခင်းကွက်ကို သွားကြည့်မိလေသည်၊

ဟင်-ဘယ်လိုဖြစ်တာပါလိမ့်၊ အပင်ကလေးနည်းနည်းနှင့် ကွက်တိကွက်ကျားဖြစ်နေသော သူမ၏ ပဲခင်းလေးကို ကြည့်၍ မယဉ်နွယ် အံ့သြသွားတော့သည်၊ တစုံတယောက်က မသမာစွာ ရိတ်ယူသွားပြီဖြစ်ကြောင်း နားလည်လိုက်သည်၊
မကြာမီ ညနေချိန် အလုပ်အား၍ ရွာမှလူငယ်လေးများက မယဉ်နွယ်တို့အိမ်တွင် စုဝေးစကားပြောကြသည်ကို နားထောင်ရာမှ အဖြစ်မှန်ကို တရေးရေး သဘောပေါက်လာရသည်။

မမ ယဉ်နွယ်ရေ၊ ကြားပြီးပလား။ ယင်းတိုက်ကုန်းအလှူသွားရင်း မောင်မြင့်လွင် နွားကြီးတကောင် သေသွားပြီ၊ တကောင်ကလည်း ကံကောင်းလို့ မသေတာ၊
ဟယ်- ဘယ်လိုဖြစ်တာလဲ၊ လှည်းမှောက်လို့လား၊ မောင်မြင့်လွင်နွားတွေက အဖိုးတန် သောင်းကျော်တန် နွားကြီးတွေဥစ္စာ။

မသိပါဘူး၊ မမယဉ်နွယ်ရယ်၊ ရွာကလူတွေပြောတော့ ပဲတောက်တာဆိုပဲ၊
မယဉ်နွယ်သည် မောင်မြင့်လွင်နွားများ ပဲတောက်သည်-ဟု ဆိုလိုက်သည်နှင့် သူမ၏ ကွက်တိကွက်ကျား ဖြစ်နေသော ပဲခင်းကလေးကို မြင်ယောင်မိတော့သည်။

အမှန်မှာလည်း မောင်မြင့်လွင်သည် ယင်းတိုက်ကုန်းအလှူကိုသွားရန် မိမိနွားများအား မယဉ်နွယ်၏ ဘိုကိတ်ပဲခင်းမှ ပဲပင်များကိုရိတ်၍ ဗိုက်ကားအောင် အစာကျွေးပြီးမှ မောင်းသွားခြင်းဖြစ်ပါသည်၊ ယခုမူ သူတပါးပစ္စည်းကို ပိုင်ရှင်မသိစေဘဲ ပျက်စီးရာပျက်စီးကြောင်း မိမိအကျိုးအတွက် အသုံးချလိုက်သော မကောင်းမှုဒဏ်ကို မောင်မြင့်လွင်တယောက် ချက်ချင်းပြန်လည်ခံရပြီဖြစ်သည်။

( ခင်ဋ္ဌေးမူ-သာရဝေါ )

( မြတ်မင်္ဂလာ ၁၉၉၄-ခု နိုဝင်ဘာလ )

No comments: