Wednesday, April 8, 2009

ဘာသာရေး ပြဿနာ ( ၄၉ )

( ဘဒ္ဒန္တ တိလောကသာရ ဖြေသည် )

( မေး ) ( နတ်ပြည် နှင့် နိဗ္ဗာန် )
ဆရာတော်ဘုရား၊ နတ်ပြည် ဗြဟ္မာ့ပြည်များမှ နိဗ္ဗာန်သို့ တိုက်ရိုက် ရောက်နိုင်ပါသလား ဘုရား။
( ဦးသန်းလွင်-ဦးမြင့်ဟန်-အထက-ပြွန်တန်ဆာ )

( ဖြေ )
၁။ သောတာပတ္တိမဂ်
၂။ သောတာပတ္တိဖိုလ်
၃။ သကဒါဂါမိမဂ်
၎။ သကဒါဂါမိဖိုလ်
၅။ အနာဂါမိမဂ်
၆။ အနာဂါမိဖိုလ်
၇။ အရဟတ္တမဂ်
၈။ အရဟတ္တဖိုလ် ဟု နိဗ္ဗာန်ခရီးတွင် ၈-ဆင့်ရှိရာ ၁-၂-၃-၄ အဆင့်တို့မှာ နတ်ပြည်အပါအ၀င် ကာမဘုံ၌ ဖြစ်နိုင်၍ ယင်း ၄-ဆင့်ဖြင့် နိဗ္ဗာန်မရနိုင်သေးသဖြင့် နတ်ပြည်မှ နိဗ္ဗာသို့ တိုက်ရိုက်မရောက်နိုင်-ဟု ဆိုရပါမည်။

၅-၆ အဆင့်သို့ရောက်လျှင် ဗြဟ္မာ့ပြည်၌ ဖြစ်သည်။ အနာဂါမ်ပုဂ္ဂိုလ်ကြီးများဖြစ်ပြီးလျှင်ကား သုဒ္ဓါဝါသ ဗြဟ္မာ့ဘုံ၌ ဖြစ်ကာ ထိုဘုံမှ နိဗ္ဗာန်တရားတော်ကို မျက်မှောက်ပြုလျက် ဘ၀ဇာတ်သိမ်းလေတော့သည်။
ထို့ကြောင့် ဗြဟ္မာ့ပြည်သည် နိဗ္ဗာန်သို့ တိုက်ရိုက်ရောက်နိုင်ကြောင်း မှတ်သားသင့်ပါသည်။
*********************************************************************************

( မေး ) ( ပါရာဇိကရဟန်း ပေးလှူဒါန်း )
ပါရာဇိကကျလျက် အာပတ်ကို ကုစားခြင်းမပြု ( လူဝတ်လဲခြင်း၊ သာမဏေပြုခြင်း၊ မလုပ် ) ဘဲ နေသူအား လူဒါယကာ ဒါယိကာမများက မသိ၍ဖြစ်စေ သိလျက်နှင့်ဖြစ်စေ ပေးကမ်းလှူဒါန်းနေလျှင် အကျိုးရှိမည်-အပြစ် ရှိမည်ဆိုသည်ကို သိလိုပါသည်ဘုရား။
( ဦးခင်မောင်မြင့်-ရေနံချောင်း )

( ဖြေ )
ပါရာဇိက ရဟန်းအား မသိ၍ လှူဒါန်းနေသော လူဒါယကာ ဒါယိကာမများအဖို့ ဒုဿီလရဟန်းအား ပေးကမ်းလှူဒါန်းနေသူ ရရှိသကဲ့သို့သော ကုသိုလ်ကောင်းမှုကျိုးကို ရရှိနိုင်ပါသည်။

ပါရာဇိကရဟန်းမှန်းသိလျက် ချီးမြှောက်လှူဒါန်းခြင်းကား သာသနာတော်ကို ကူညီ၍ ဖျက်ဆီးနေသကဲ့သို့ ဖြစ်သဖြင့် အဆိပ်ပင် ရေလောင်းသူပမာ အပြစ်များသာ တိုးပွားလာစရာ ရှိကြောင်း သိထားသင့်ပါသည်။
*********************************************************************************

( မေး ) ( သန္တောသ ၁၂-ပါး )
အရှင်ဘုရား၊ ပရိတ်ကြီးပါဠိတော် နိဿယ ပရိတ်တော်အချီး အပိုဒ် ၄-တွင် သန္တောသဟေတုံ-
ယထာလာဘ, ယထာဗလ, ယထာသာရုပ္ပ, သန္တောသသုံး, ပေါင်းရုံးဆယ့်နှစ်, ရောင့်ရဲခြင်း၏ အကြောင်းဖြစ်သော-ဟု ဆိုထားရာ သန္တောသ ၃-ပါးမှ မည်သို့ ၁၂-ပါး ဖြစ်ပါသနည်း ရှင်းလင်းဖြေကြားပေးပါဘုရား။
( ဦးဘဆိုင်-အင်းစိန်မြို့နယ် )

( ဖြေ )
ယထာလာဘ သန္တောသ-ရသမျှဖြင့် ရောင့်ရဲခြင်း၊
ယထာဗလ သန္တောသ-မိမိနှင့်တန်ရုံမျှဖြင့် ရောင့်ရဲခြင်း၊
ယထာသာရုပ္ပ သန္တောသ-မိမိအားလျှောက်ပတ်ရုံမျှဖြင့် ရောင့်ရဲခြင်း-ဟူသော သန္တောသ သုံးပါးတွင်
ဆွမ်း, သင်္ကန်း, ကျောင်း, ဆေး ပစ္စည်းလေးပါးဖြင့် မြှောက်၍
တနည်း-ပစ္စည်းလေးပါးတွင် တပါးတပါး၌ သုံးပါးသော ရောင့်ရဲခြင်းတို့ဖြင့် သုံးဆောင်၍ ရောင့်ရဲခြင်း ၁၂-ပါး ရှိသည်ဟု မှတ်သားသင့်၏၊

လူတို့အဖို့လည်း အ၀တ်, အစား, ဆေးဝါး, နေရာ-လေးမျိုးလေးစား၌ ရောင့်ရဲခြင်း သုံးပါးဖြင့် ရောင့်ရဲနိုင်လျှင် ချမ်းသာနိုင်သည်ဟု ယူနိုင်ပါသည်။
*********************************************************************************

( မေး ) ( ဧတဒဂ် )
အရှင်ဘုရား၊ မြတ်စွာဘုရားသည် အရှင်ဘဒ္ဒိယအား ဥစ္စကုလိတာ ဧတဒဂ်-အမျိုးမြတ်ခြင်းအရာဝယ် အမြတ်ဆုံး၊
အရှင်လကုဏ္ဍကဘဒ္ဒိယ-အား မဉ္ဇုဿရ ဧတဒဂ်-အသံသာခြင်းအရာဝယ် အမြတ်ဆုံးစသည်ဖြင့် ထားခဲ့ရာ
မတည်မြဲသော လောကီ အရာများကို မြှောက်စားရာ မကျဘူးလား-ဟု မေးစရာ ဖြစ်နေပါသည်၊ ဖြေရှင်းပေးတော်မူပါဘုရား။
( ၀ဏ္ဏအောင်-ပေါက်ခေါင်းမြို့ )

( ဖြေ )
မြတ်စွာဘုရားက တပည့်သာဝကများအား ဧတဒဂ်ပေးတော်မူခြင်းမှာ လောကီ-လောကုတ္တရာ-ဟု ရှုငဲ့သည်မဟုတ်၊ ၄င်းတို့၏ ပါရမီအလျှောက်
၁။ အတ္ထုပ္ပတ္တိ-
အရှင်ဘဒ္ဒိယအလောင်းသည် ပဒုမုတ္တရမြတ်စွာဘုရား လက်ထက်က အမျိုးမြတ်ရာ၌ ဧတဒဂ်ရသော သာဝကတပါးအား အားကျ၍ ဆုတောင်းခဲ့ခြင်း။
၂။ အာဂမန-
ဘ၀ပေါင်းများစွာ၌ ဆုတောင်းခဲ့သည့်အတိုင်း အမျိုးမြတ်ခဲ့ခြင်း။
၃။ စိဏ္ဏ၀သီ-
ဘ၀များစွာပင် အမျိုးမြတ်သည့်အဖြစ်မှ တောထွက်တရားအားထုတ်ခဲ့ခြင်းနှင့်
၎။ ဂုဏာတိရေက-
ဤဘ၀၌လည်း အခြားဂုဏ်များထက် အမျိုးမြတ်သည့်အဖြစ်မှ တောထွက်၍ ရဟန်းဖြစ်ခဲ့ခြင်း-ဟူသော အင်္ဂါလေးပါးကို ကြည့်တော်မူလျက် ဧတဒဂ်ပေးတော်မူခြင်း ဖြစ်သည်။

ထို့အတူ အရှင်လကုဏ္ဍကဘဒ္ဒိယသည် အသံသာခြင်း၌ ဧတဒဂ်ရတော်မူခြင်း စသည်ကိုလည်း သိသင့်ပါသည်၊ ထိုအကြောင်းအရာများကို အင်္ဂုတ္တရနိကာယ ဧကကနိပါတ ဧတဒဂ္ဂအဖွင့် (အံ-ဋ္ဌ၊ ၉၇) တွင် အကျယ်လေ့လာနိုင်ပါသည်။
*********************************************************************************

( မေး ) ( သစ်သီးများကို ဘုရားစင်၌ ရက်ရှည်ထားခြင်း )
ဆရာတော်ဘုရား၊ သစ်သီးများကို မမှည့်သေးမီ ဘုရားစင်၌ တင်ထားပြီး ၃-၄ ရက် စသည်ထား၍ မှည့်သောအခါတွင် စွန့်ပြီးစားခြင်းများ လုပ်ကောင်းပါသလားဘုရား၊
အဖိတ်နေ့ညတွင် ဘုရားစင်၌ပင် ပြင်ဆင်ထားပြီး ဥပုသ်နေ့ နံနက်တွင် ကပ်လှူ၍ မွန်းမတည့်မီ စွန့်လျှင်ကော ရပါသလား၊ ဖြေကြားပေးတော်မူပါဘုရား။
( မလှညို-ကျားတက်ရွာ၊ သံကုန်းမြို့ )

( ဖြေ )
မမှည့်သေးသောသစ်သီးများကို ဘုရားရှေ့၌ ရက်ရှည် နေ့ရော ညပါ ဆွမ်းတော်တင်သကဲ့သို့ တင်ထားခြင်းမျိုးကို မပြုအပ်ပါ၊ မှည့်မှသာ နံနက်ပိုင်းတွင် ခွဲစိတ်လှူဒါန်းပြီး မွန်းမတည့်မီ စွန်ပစ်ခြင်းသာ သဘောမှန်ဖြစ်ပါသည်၊

ဥပုသ်နေ့နံနက် ကပ်လှူရန် အဖိတ်နေ့ညနေတွင် ဘုရားရှေ့တွင် မဟုတ်ဘဲ မနီးမဝေးတွင် ပြင်ဆင်ထားပြီး ဥပုသ်နေ့နံနက်ပိုင်းတွင် ခွဲစိတ်ပြုပြင်လျက် လှူဒါန်းခြင်းမျိုးကား လုပ်သင့်ပါသည်၊

စွန့်ပြီးစားခြင်း၊ မစားခြင်းမှာ ဘုရားဝေယျာဝစ္စ ပြုသူအနေဖြင့် ပြောဖွယ်မရှိပါ။ စားလိုက စားနိုင်ပါသည်။
********************************************************************************

( မေး ) ( ယောက်ျားဘ၀နှင့် အဂ္ဂသာဝက )
ဘုန်းဘုန်းဘုရား
၁။ ယောက်ျားဘ၀ကို ရလိုသော မိန်းမသည် မိမိလင်ယောက်ျားကို ကျွန်မသဖွယ် ပြုစုလုပ်ကျွေးရဘည်-ဟု ဆိုပါသည်၊ အပျိုဘ၀ဖြင့် ဆုတောင်း၍ ယောက်ျားဘ၀ကို မရနိုင်တော့ဘူးလား ဘုရား။

၂။ အဂ္ဂသာဝကနှစ်ပါးဖြစ်သော အရှင်သာရိပုတ္တရာနှင့် အရှင်မဟာမောဂ္ဂလာန်တို့သည် အဂ္ဂသာဝကဖြစ်ရန် မည်ကဲ့သို့ ဆုတောင်း၍ ပါရမီဖြည့်ခဲ့ကြပါသလဲဘုရား။

၃။ အရိမေတ္တေယျ ဘုရားရှင်လက်ထက်တွင်လည်း အဂ္ဂသာဝကဖြစ်ရန် ဆုတောင်းထားသည့်ပုဂ္ဂိုလ် ရှိပါသလား၊ အကယ်၍ အဂ္ဂသာဝက ဖြစ်ချင်လျှင် မည်ကဲ့သို့ ဆုတောင်းကျင့်ကြံရပါမည်လဲ ဘုရား။
( မဋ္ဌေးဋ္ဌေးဦး-မှော်ဘီကျေးရွာ၊ ဖျာပုံမြို့နယ် )

( ဖြေ )
၁။ အပျိုဘ၀ဖြင့် ဒါန သီလ ဘာဝနာ ကုသိုလ်ပြုတိုင်း ယောက်ျားဘ၀ကို စိတ်ညွတ်ဆုတောင်းလျှင် ယောက်ျားဖြစ်နိုင်ပါသည်။
မြတ်စွာဘုရားလက်ထက်က ဂေါပိကာမည်သော သာကီဝင်မင်းသမီးသည် အပျိုဘ၀ဖြင့် ထိုကဲ့သို့ ကုသိုလ်ပြု စိတ်ညွတ်ဆုတောင်း၍ သိကြားမင်း၏ သားတော် ဂေါပက နတ်သားဟူ၍ ဖြစ်ခဲ့ဖူးသည်။

၂။ လွန်ခဲ့သည့် တသင်္ချေနှင့် ကမ္ဘာတသိန်းထက်၌ ပွင့်တော်မူသော အနောမဒဿီ ဘုရား လက်ထက်၌ အရှင်သာရိပုတ္တရာအလောင်း ရသေ့နှင့် အရှင်မဟာမောဂ္ဂလာန်အလောင်း သူကြွယ် (သူငယ်ချင်းနှစ်ဦး) အဂ္ဂသာဝကအဖြစ် ဆုတောင်းခဲ့ကြပုံ အပဒါန်တွင် အထင်အရှား ရှိပါသည်။

၃။ အရိမေတ္တေယျ မြတ်စွာဘုရား လက်ထက်တွင်-
လက်ယာတော်ရံ အဂ္ဂသာဝက ဖြစ်မည့်သူမှာ ဤမြတ်စွာဘုရား သာသနာတော်တွင် သီဟိုဠ်ကျွန်း၌ ဒုဋ္ဌဂါမဏိမင်းဖြစ်၍
လက်ဝဲရံ အဂ္ဂသာဝကဖြစ်မည့်သူမှာ ညီတော် အိမ်ရှေ့မင်း တိဿဖြစ်ကြောင်း မဟာဝင်တွင် ပါရှိပါသည်။

အကယ်၍ အဂ္ဂသာဝကဆုကို တောင်းလိုလျှင် -ဘုရား, ပစ္စေကဗုဒ္ဓါ, ရဟန္တာ တပါးပါးထံ၌ ဒါနစသည်ပြုလုပ်၍ တောင်းဆိုနိုင်သည်၊ ဤကမ္ဘာမှတောင်း၍ ဆုတောင်ပြည့်လျှင်ပင် လာမည့်အနာဂတ်ကာလ ကမ္ဘာတသင်္ချေနှင့် တသိန်း အလွန်ကျမှ ဖြစ်နိုင်ခွင့် ရှိပေသည်။

( မြတ်မင်္ဂလာ ၁၉၉၅-ခု ဇွန်လ )

No comments: