Thursday, May 7, 2009

ကံ ကံ၏အကျိုး ( ၅၂ )

( ဘိုးဘွားအမွေ )

ဒိုက်ဦးမြို့နယ် ကျိုက်စကောကျေးရွာသည် ရန်ကုန်-မန္တလေး ကားလမ်းမကြီးပေါ်တွင် ရှိပါသည်။ အချိုမှုန့်စက်ရုံရှိသဖြင့် လူသိများလှသည်။ ကျိုက်စကောရွာ ရွာလယ်ပိုင်းတွင် ခြင်္သေ့သုံးကောင် ဆေးလိပ်ခုံ ရှိပါသည်။ ပဲခူးမြို့ ခြင်္သေ့သုံးကောင် ဆေးလိပ်ခုံကြီး၏ လက်အောက်ခံ ရုံခွဲဖြစ်သည်။ ဆေးလိပ်ခုံကို ဦးစီလျက်ရှိသူမှာ ဦးညိုအေးဖြစ်ပါသည်။ ဆေးလိပ်သမပေါင်း ၂၀၀-ကျော်ခန့်ရှိသည်။

ထိုကျေးရွာတွင် ရန်ကုန်-မန္တလေး ကားလမ်းမပေါ်၌ ရေချမ်းစင် လေးခုရှိရာ ဦးထွန်းကြိုင်+ဒေါ်တင်နုတို့ လက်ဖက်ရည်ဆိုင်နှင့် ကပ်လျက် ရေချမ်းစင်တခုရှိသည်။ ခြင်္သေ့သုံးကောင် ဆေးလိပ်ခုံရှေ့ ကိုအောင်လွင်၏ ကုန်စုံဆိုင်နှင့်လည်း ကပ်လျက်ပင်ဖြစ်၏။ ဤရေချမ်းစင်ကို အထက်ပါ ဦးညိုအေး၏ ဖခင် အဘိုး ဦးစံခိုင် ကိုယ်တိုင် တည်ဆောက်ခဲ့ပါသည်။ သွပ်မိုး၊ ပျဉ်ကာ၊ အုတ်၊ ကွန်ကရစ် အခင်းနှင့် ဖြစ်ပါသည်။

ကားစီးမည့်ခရီးသည်များ နားနေခြင်း၊ သောက်ရေအေးအေးလေး သောက်ခြင်းတို့ဖြင့် သာယာလှသည့် အေးရိပ်သာလေး ဖြစ်ပါသည်။ ပူလောင်သည့်အခါ အနားယူ အပန်းဖြေကြရသည်။ မိုးရွာသည့်အခါ မိုးခိုကြရသည်။ လူတကာ စိတ်ချမ်းသာရန် ပျူငှာစွာ ထွေးပိုက်လက်ခံနေသည့် အေးရိပ်သာကလေးပါတည်း။

အဘိုး ဦးစံခိုင်ဆိုလျှင် တရွာလုံးက ချစ်ခင်လေးစားကြပါသည်။ နှစ်ပေါင်းများစွာ ရေကို အမြဲတမ်း ကိုယ်တိုင်ဖြည့်ပေး၊ လှူပေးနေသော ရေအလှူရှင်အဖြစ် အသိအမှတ်ပြု၍လည်း လေးစားရိုသေမှု ရှိကြပါသည်။ သားသမီး ၁၃-ယောက်နှင့် မြေးမြစ်ပေါင်း ၅၀-ကျော်တို့ကလည်း အဘို ဦးစံခိုင်ကို ချစ်ကြောက်ရိုသေကြပါသည်။ အာစိဏ္ဏကံ ကုသိုလ်အဖြစ် ခရီးသည်တိုင်း၊ နားခိုသူတိုင်း စိတ်ချမ်းသာ ကိုယ်ချမ်းသာ သောက်သုံးကြပါစေ-ဟု မွန်မြတ်သော စေတနာဖြင့် ကုသိုလ်ပြုခဲ့သော အဘိုးတဦး ဖြစ်ပါသည်။

အဘိုးမှာ အားလပ်ချိန်ဟု မရှိပါ၊ အချိန်ကို မဖြုန်းပါ။ အိမ်ပေါ်တွင် လျောင်း၊ ထိုင်၊ ရပ်၊ သွား ဣရိယာပုထ် ၄-ပါး စလုံးပင် ပုတီးစိပ်နေပါသည်။ အိပ်ပျော်လျှင်သာ နားပါသည်။ စကားလည်း နည်းပါသည်။ သားသမီးများ၊ မြေးများ၊ မြစ်များအရေးနှင့် သာရေး နာရေး စီးပွားရေးကိစ္စများကိုလည်း စိတ်မ၀င်စားတော့ပါ။ ပုတီးသာစိပ်လျက် နေပါသည်။

သူ့စားပွဲပေါ်တွင် သမီးများက ထမင်း ဟင်း လာတင်ပေးမှ စား၏။ ချိုသည် ငန်သည် မပြောပါ။ ထမင်း ဟင်း စားလျှင် ဟိုဟင်းမှ သည်ဟင်းမှဟု၎င်း၊ နည်းသည် များသည်ဟု၎င်း၊ မပြောပါ။ ရှိသည့် ထမင်း-ဟင်းတို့ကိုသာ သင့်တင့်အောင် စားလိုက်ပါသည်။ သားသမီးများက အလိုက်သင့်ပင် သိမ်းချိန်သိမ်း၊ ကျွေးချိန်ကျွေးကြပါသည်။

သားသမီးများက အဖေ-ဒီကိစ္စလေး ကြည့်ပြောပါဦး-ဟု ပြောလာလျှင် ငါ ဒီအရွယ်ရောက်မှ ဘာပြောရဦးမှာလဲ၊ ကိုယ့်လမ်းကို ဖြောင့်ဖြောင့်လျှောက်ကြ၊ ကိုယ့်အကြောင်းနဲ့ကိုယ်၊ ကိုယ့်တရားကိုယ်ထိန်းကြ-ဟုသာ ပြောပါသည်။

အမြဲတမ်း အရဟံဂုဏ်တော်ကို ပုတီးစိပ်သဖြင့် သမာဓိ အထိုက်အလျောက် ရှိနေခဲ့ပါသည်။ ဟဲ့-မနက်ဖြန် ရန်ကုန်က စိုးဝင်းတို့၊ ငွေရင်တို့ လာမလားမသိဘူး၊-ဟုပြောလျှင် ပြောသည့်အတိုင်း ရောက်လာတတ်သည်။ ထိုအကြောင်းကို သမီးအကြီးဆုံး ဒေါ်တင်နုက ပြောပြပါသည်။

အဘိုး ဦးစံခိုင်သည် အသက် ၉၀-ကျော်မှ ကွယ်လွန်ခဲ့ပါသည်။ အဘိုး ကွယ်လွန်သည့်အခါ အဘိုးအတွက် လှူဒါန်းကြသည့် အလှူငွေများကို ကျိုက်စကောရွာ တောင်ကျောင်းအ၀င်ဝတွင် သံတံခါး ဆောက်လုပ်လှူဒါန်း ကြပါသည်။

အဘိုး ဦးစံခိုင် ကွယ်လွန်ခဲ့သည်မှာ ၁၀-နှစ်ကျော်ခဲ့ပါပြီ။ သို့သော် အဘိုး ဦးစံခိုင်၏ ကျိုက်စကောရွာလယ်ရှိ ရေချမ်းစင်ကလေးမှာ အေးမြကြည်လင်လျက်ရှိပါသည်။ သောက်ရေများကို သားသမီး မြေးမြစ်များက စဉ်ဆက်မပြတ် လှူဒါန်းလျက် ရှိပါသည်။ ခရီးသည်များ အပန်းဖြေနားနေရာ ရေချမ်းသောက်သုံးရာ အေးရိပ်သာကလေးမှာလည်း လူတကာကို ပျူငှာစွာ ကြိုဆိုလျက်ရှိပါသည်။ ဘိုးဘွားအမွေအနှစ်ကို ချစ်မြတ်နိုးသော၊ ကောင်းမွေကို ခံယူတတ်သော၊ သားသမီး မြေးမြစ်များသည်လည်း ကိုယ်ကျန်းမာ စိတ်ချမ်းသာလျက် ရှိကြပါသည်။

( တက္ကသိုလ်-စိုးယဉ် )
*********************************************************************************

( စေတနာအကျိုး နှင့် သမ္ဗုဒ္ဓေဂါထာ တန်ခိုး )

ကျွန်တော်၏ ဘ၀တသက်တာတွင် မေ့မရနိုင်သော အဖြစ်ဆိုးကြီးတခုကို တွေးမိတိုင်း ကြက်သီးမွေးညင်းများ ထလောက်အောင် ကြောက်ရွံ့နေမိပါသည်။ အချိန်ကား မှတ်မှတ်ရရ ၁၉၈၉-ခု မေလ ၁၃-ရက်နေ့ ဖြစ်ပါသည်။ ထိုနေ့က အမေသည် သေလုမြောပါး ရောဂါဝေဒနာ ခံစားနေရပါသည်။ မကျန်းမာသဖြင့် ဆေးထိုးရာမှ ဆေးမကြေဘဲ ပြည်တည်နာဖြစ်ခဲ့ပါသည်။ အမေသည် ထိုအနာ၏ ကိုက်ခဲမှုဝေဒနာကို ပြင်းပြစွာ ခံစားနေရပါသည်။

ကျွန်တော်တို့ မိသားစုသည် ချို့တဲ့နွမ်းပါးစွာ ရုန်းကန် ရှာဖွေစာသောက်ကြရပါသည်။ ညီနှစ်ယောက်၏ ကျောင်းစရိတ်နှင့် မိသားစု စားဝတ်နေရေးအတွက် ကျွန်တော်သည် ဆယ်တန်းစာမေးပွဲကို ပြင်ပမှ ဖြေမည်ဟု ရည်ရွယ်၍ ကျောင်းထွက်ကာ အလုပ်လုပ်ပါသည်။ ပုဂ္ဂလိက သကြားလုံးစက်ရုံတွင် အလုပ်ရပါသည်။ အလုပ်ရှင် မိသားစုသည် စေတနာဖြူစင်သူများဖြစ်သည်။ အလုပ်သမားတို့၏ အခက်အခဲကို အကျိုးအကြောင်း ပြောပြလျှင် ခွင့်ပြုကူညီမြဲ ဖြစ်သည်။

၁၉၈၉-ခု မေလ ၁၃-ရက်နေ့က ကျွန်တော်သည် အလုပ်သိမ်းချိန်ထက်စော၍ ပြန်လာခဲ့ပါသည်။ ကမာရွတ်ဘူတာမှ ငါးနာရီဆယ့်ငါး လှော်ကားရထားဖြင့် လိုက်ပါလာပါသည်။ ထိုနေ့တနေ့လုံး အမေ့အနာ ဒီနေ့ခွဲရမယ်-ဟု ပြောလိုက်သောစကားကို ကျွန်တော့နားတွင် ကြားယောင်နေမိပါသည်။ အင်းစိန်ဘူတာသို့ ရထားရပ်လျှင် ဆင်းသူ၊ တက်သူ ခရီးသည်များ ရှုပ်ထွေးကျပ်ခဲနေပါသည်။

ကျွန်တော်သည် ထိုလူအုပ်ကြားမှ တိုးဝှေ့ကာ ရထားသံလမ်းကို ဖြတ်ကူးရန် ခြေလှမ်းလိုက်စဉ် လူတဦးက နောက်ကလှမ်းဆွဲခြင်းကို ခံလိုက်ရပါသည်။ ကျွန်တော် အနောက်သို့ လှည့်ကြည့်သောအခါ ညီလေး-ဟိုမှာ ရထားလာနေလို့-ဟု ပြောသော အသက် ၃၀-၀န်းကျင်ခန့် လူတဦးကို တွေ့ရပါသည်။ ထိုစဉ် ပြည်စာပို့ရထားသည် ကျွန်တော်တို့ ရပ်နေရာနှင့် ပွတ်ကာသီကာလေး ဘူတာထဲဝင်ရောက်လာပါသည်။ ထိုအခါ ကျွန်တော်သည် အလွန်ကြောက်ရွံ့တုန်လှုပ်သွားပါသည်။ သို့သော် ကျွန်တော့အသက်သခင် ကျေးဇူးရှင်ကို ကျေးဇူးတင်စကားပင် မပြောမိဘဲ အိမ်အရောက် အမြန်ပြန်လာခဲ့ပါသည်။ အမေ့ကို ဆေးခန်းပို့ရန် အရေးကြီးနေ၍ ဖြစ်သည်။

အမေ့အား ဆေးခန်းလိုက်ပို့စဉ် အမေ-ဒီနေ့စိတ်တွေ လေးနေတာနဲ့ သမ္ဗုဒ္ဓေဂါထာကို တနေ့လုံး ရွတ်နေတာ-ဟု အမေက ပြောပါသည်။ ထိုနေ့မှစ၍ ကျွန်တော်သည် သမ္ဗုဒ္ဓေဂါထာကို စွဲမြဲစွာ ရွတ်ဖတ်ခဲ့ပါသည်။ လအတန်ကြာမှ ကျွန်တော်၏ဖြစ်ရပ်ကို အမေ့အား ပြောပြသောအခါ မိဘကို လုပ်ကျွေးတဲ့ စေတနာနဲ့ သမ္ဗုဒ္ဓေ ဂါထာရဲ့ တန်ခိုးကြောင့် သား သေဘေးမှ လွတ်ခဲ့တာပေါ့-ဟု အမေက ပြောပါသည်။

( ဗညားသန်းဌေး-အင်းစိန် )
********************************************************************************

( ဘုရားဂုဏ်တော် အကျိုး )

၂၄-၃-၉၄-ရက်နေ့၊ ဤနေ့ကား စာရေးသူအတွက် အလွန်ထူးခြားသောနေ့ဟု ဆိုရပါမည်။ အံ့သြခြင်း၊ ကြည်နူးခြင်းများကို တပြိုင်တည်း ခံစားခဲ့ရပါသည်။

၁၉၉၄-ခု နှစ်က ကျွန်တော့တွင် အိမ်ဆောက်ရန် ၀ါးများလိုအပ်နေပါသည်။ ထိုလိုအပ်သော ၀ါးများကို ၀ယ်၍လည်းမရ၊ ချေးငှား၍လည်းမရပါ၊ သို့အတွက် အကြံအိုက်နေပါသည်။ သို့သော်လည်း စိတ်တော့မပျက်ပါ။ ဂုဏ်တော်ကိုးပါး ပုတီးစိပ်နည်းကို နေ့စဉ်ဝတ်မပျက် စိပ်ခဲ့သောကြောင့် ဖြစ်ပါသည်။

၂၃-၃-၉၄-နေ့က နန်ဖယ်နန်ချော ၀ါးတော်စခန်းသို့ ၀ါးခုတ်ရန် လှည်းနှစ်စီး၊ လူသုံးယောက်ဖြင့် အိမ်မှထွက်ခဲ့ကြပါသည်။ ၄င်းနေ့တွင် ၀ါးတောသို့မရောက်ခဲ့ပါ။ မြောက်ရွာ ဘုန်းကြီးကျောင်းတွင် ညအိပ်ကြပါသည်။

ညတွင် လေတိုက်၊ မိုးရွာပါသည်။ ကျွန်တော်သည် ထိုညက ငါးပါးသီလဆောက်တည်ပြီး မေတ္တသုတ်ကို ရွတ်ဆိုပါသည်။ ထို့နောက် အထက်ပါ ပုတီးစိပ်နည်းအတိုင်း စိပ်ပါသည်။ ပုတီးစိပ်ပြီးသော် မနက်ဖြန်နံနက်တွင် ခရီးသွားရန် အဆင်ပြေပါစေ၊ မိုးရွာခြင်းမှ ရပ်တန့်ပါစေ-ဟု ဆုတောင်းမိပါသည်။

မိုးလင်းသောအခါ မိုးလုံးဝမရွာဘဲ နေပူခဲ့ပါသည်။ ၀ါးခုတ်သည့်အခါလည်း မိုးလုံးဝ မရွာပါ။ ညရောက်မှ အနည်းငယ် ရွာပါသည်။ ဘုရားဂုဏ်တော်ကြောင့် အဆင်ပြေခဲ့သည်ဟု ယူဆမိပါသည်။

စာရှုသူများလည်း ၄င်းပုတီးစိပ်နည်းကို ယုံကြည်စွာဖြင့် နေ့စဉ်ဝတ်မပျက် စိပ်သွားမည်ဆိုလျှင် ကျွန်တော်ကဲ့သို့ အကျိုးထူးများ ခံစားရမည်ဟု ယုံကြည်ပါသည်။

ပုတီးစိပ်နည်းမှာ-
၁။ တနင်္ဂနွေနေ့တွင်-အရဟံဂုဏ်တော် ပုတီး ၆-ပတ်။
၂။ တနင်္လာနေ့တွင်-သမ္မာသမ္ဗုဒ္ဓေါဂုဏ်တော် ပုတီး ၁၅-ပတ်။
၃။ အင်္ဂါနေ့တွင်-၀ိဇ္ဇစရဏသမ္ပန္နောဂုဏ်တော် ပုတီး ၈-ပတ်။
၎။ ဗုဒ္ဓဟူးနေ့(နံနက်)တွင်သုဂတောဂုဏ်တော် ပုတီး ၁၇-ပတ်။
(ညနေ) လောက၀ိဒူဂုဏ်တော် ပုတီး ၁၂-ပတ်။
၅။ ကြာသပတေးနေ့တွင်-အနုတ္တရောပုရိသ ဒမ္မသာရထိဂုဏ်တော် ၁၉-ပတ်။
၆။ သောကြာနေ့တွင် သတ္ထာ ဒေ၀မနုဿာနံ ဂုဏ်တော် ၂၁-ပတ်။
၇။ စနေနေ့တွင်-ဗုဒ္ဓေါဂုဏ်တော် ၁၀-ပတ်။
အခြားအချိန် ကိတ်ဂြိုဟ်အတွက် ဘဂ၀ါဂုဏ်တော် ၁၀-ပတ်။

မှတ်ချက်။ ပုတီးမစိပ်မီ ငါးပါးသီလခံ၊ မေတ္တသုတ်ရွတ်ဆိုပါ၊ ထို့နောက် ပုတီးစိပ်ပြီးပါက လိုရာဆုကို တောင်းပါ။
( ဦးမြသောင်း )

( မြတ်မင်္ဂလာ ၁၉၉၆-ခု ဇွန်လ )

No comments: