Wednesday, May 27, 2009

ဘာသာရေး ပြဿနာ ( ၆၂ )

( ဘဒ္ဒန္တ တိလောကသာရ ဖြေသည် )

( မေး ) ( စကျင်ကျောက်ဆင်းတု )

အရှင်ဘုရား၊ တပည့်တော်မအိမ်တွင် စကျင်ကျောက်ဖြင့် ထုလုပ်ကိုးကွယ်ထားသော ဘုရားဆင်းတုတော်တဆူ ရှိပါသည်။ မိဘလက်ထက်က ကိုးကွယ်ခဲ့သော ဘုရားဆင်းတုတော် ဖြစ်ပါသည်ဘုရား။
( ၁ ) စကျင်ကျောက်ဖြင့်ထုလုပ်ထားသော ဆင်းတုတော်ကို ဆက်လက်ကိုးကွယ်ရန် သင့်-မသင့်၊ အကယ်၍ မသင့်တော်ပါက မည်ကဲ့သို့၊ မည်သည့်နေရာသို့ လှူဒါန်းရမည်ကို ဖြေကြားပေးတော်မူပါဘုရား။
( ၂ ) စကျင်ကျောက်ဖြင့် ထုလုပ်ထားသော ဆင်းတုတော်ကို အိမ်၌ကိုးကွယ်ပါက စီးပွားရေး ကျန်းမာရေး ညံ့တတ်သည်ဟု ဆိုသည်မှာ မှန်-မမှန် သိလိုပါသည်၊ ဖြေကြားပေးပါရန် လျှောက်ထားအပ်ပါသည်ဘုရား။
( မခင်ဝင်းမြင့်-မင်္ဂလာတောင်ညွန့်၊ ရန်ကုန်မြို့ )

( ဖြေ )
ဥဒ္ဒိဿစေတီဟူသော ရုပ်ပွားဆင်းတုတော်များကို အုတ်၊ ကျောက်၊ အင်္ဂတေ၊ သစ်သား၊ သံ၊ ကြေး၊ ပန်းပေါင်း၊ သားရိုး စသည်တို့ဖြင့် အရွယ်အစားစား ထုလုပ်ကိုးကွယ်ကြသည်မှာ ဗုဒ္ဓဘာသာ သမ္မာနွယ်ဝင် သူတော်စင်တို့၏ ထုံးတမ်းဓလေ့ပင် ဖြစ်ပါသည်။ အိမ်ဦးဘုရားခန်း၌ ကြီးမားသော အုတ်၊ အင်္ဂတေတို့ဖြင့် မထုလုပ်၊ မတည်ထားဘဲ ကျောက် ( စကျင်ကျောက် )၊ သံ၊ ကြေး၊ သစ်သား စသည်တို့ဖြင့် ကိုးကွယ်ကြမြဲဖြစ်ပါသည်။

ကျောက်ဖြင့်ထုလုပ်ကိုးကွယ်ခြင်းမှာလည်း အလွန်ရှေးကျသော ခေတ်ကပင် ကိုးကွယ်ခဲ့သော အစဉ်အလာဖြစ်ခဲ့ ပါသည်။ သာဓကအားဖြင့်-ယခု ပန်းတောင်း ပေါ်တော်မူ ရုပ်ရှင်တော်မြတ်-မှာ ကျောက်သားဆင်းတုတော် ဖြစ်၍ မူလအလောင်းစည်သူမင်းမြတ် တိုင်းခမ်းလှည့်လည်ရာ မဟာသမုဒ္ဒရာ ဇမ္ဗူ့သပြေပင်ရှိရာ အရပ်မှ ပင့်ဆောင်လာသော ရှင်ဖြူဘုရားဖြစ်၍ စစ်ကိုင်းချောက်မ အရပ်၌ ဂူတည်၍ ကိုးကွယ်ခဲ့ကြောင်း၊
နောက် မဏိပူရသို့ ရောက်သွားခဲ့ရာ အလောင်းမင်းတရားကြီး လက်ထက် ပြန်လည်ပင့်ဆောင်လာပြီး နန်းဦး၌ ကိုးကွယ်ခဲ့ရာ သားတော် ဆင်ဖြူရှင်လက်ထက်အထိ အင်းဝ နန်းဦး၌ ကိုးကွယ်ခဲ့ကြောင်း။ ၁၁၂၆-ခုနှစ်တွင် သူရဲဇီး မြို့စား ဦးငြိမ်းက တောင်းပန်၍ ပန်းတောင်းသို့ ပင့်ဆောင်လာကြောင်း စသည့်သမိုင်းကြောင်း ရှိလေသည်။

ထိုသို့ နန်းတော်အတွင်း၌ပင် ကျောက်ဆင်းတု ဥဒ္ဒိဿစေတီတော်များကို ကိုးကွယ်ခဲ့သော ထုံးတမ်းစဉ်လာကိုကြည့်၍ အိမ်၌ ကျောက်ဆင်းတု မကိုးကွယ်ကောင်း၊ ကိုးကွယ်လျှင် စီးပွားရေး ကျန်းမာရေး ညံ့တတ်သည်ဝဟု ယူဆနေသည်မှာ ဗုဒ္ဓဘာသာမပီသရာ ကျလေသည်။ ဤခေတ် လူချမ်းသာအိမ် တော်တော်များများမှာပင် ကျောက်ဆင်းတု ဥဒ္ဒိဿစေတီတော်များ ကိုးကွယ်ပူဇော်ထားသည်ကို တွေ့ရသည်။ မိမိ၏သဒ္ဓါစေတနာသာလျှင် ပဓာနဖြစ်ကြောင်း ဖြေကြားလိုပါသည်။
*********************************************************************************

( မေး ) ( ကာရက သံဃာနှင့် ထဘီ နေကထိုင် )
အရှင်ဘုရား၊
( ၁ ) ရဟန်းခံရာတွင် ကာရကသံဃာ ရေတွက်ရာ၌ ဥပဇ္ဈာယ်ဆရာ၊ ကမ္မ၀ါစာဆရာများ ထည့်သွင်း၍ ရေတွက်ရ-မရေတွက်ရ။
( ၂ ) အမျိုးသမီးများ ၀တ်ဆင်သော ထဘီများသည် ရဟန်းတော်များ၌ အမျိုးသမီး အသက်ရှင်စဉ် မအပ်စပ်ဘဲ အဘယ့်ကြောင့် အသက်သေသွားချိန်မှာ နေကထိုင်-စသည် ချုပ်လှူက အပ်စပ်ပါသလဲဘုရား။
( အရှင်ဝိဇယ-စွယ်ကွေ့ကျေးရွာ၊ စစ်ကိုင်းတိုင်း )

( ဖြေ )
( ၁ ) ကာရကသံဃာဟူသည်မှာ ဥပသမ္ပဒကံ ဆောင်ရာ၌ ပါဝင်သော ရဟန်းအားလုံးကိုပင် ခေါ်ပါသည်။
ကာရက-ရဟန်းဖြစ်အောင် ပြုလုပ်ဆောင်ရွက်ပေးသော။
သံဃာ-သံဃာတော်အပေါင်း ဖြစ်ပါသည်။
သို့သော် ရဟန်းခံရက်ချုပ် ရေးရာ၌ ဥပဇ္ဈာယ်အမည်၊ ကမ္မ၀ါစာဆရာ အမည်များကို ဖော်ပြပြီး ဖြစ်နေ၍ ကျန်သံဃာများကိုသာ ကာရကသံဃာ-ဟု ရေးသားလေ့ရှိနေကြပါသည်။

( ၂ ) အမျိုးသမီး ထဘီများကို ကွယ်လွန်မှသာ နေကထိုင်၊ ကန့်လန့်ကာ စသည် ချုပ်လှူလေ့ရှိသဖြင့် ကွယ်လွန်မှ ကိုင်ကောင်း၊ အလှူခံကောင်းသကဲ့သို့ ထင်မှတ်နေကြပါသည်။
အမှန်မှာ အသက်ထင်ရှားရှိစဉ်ကပင် ချုပ်လုပ်လှူဒါန်းလျှင်လည်း အလှူခံကောင်းပါသည်။ အမျိုးသမီးကိုယ်၌ ၀တ်ဆင်ထားစဉ်သာ ထိုဘမီ (အ၀တ်) ကို မကိုင်ကောင်းပါ။ အကယ်၍ ခရီးသွားစဉ် ရဟန်း၏ သင်္ကန်းတို့ကို ခိုးသူလုယက်သွားလျှင် ရဟန်းသည် ၀တ်လစ်စလစ် မနေကောင်း၊ တွေ့ရာဘမီကိုသော်၎င်း၊ ၀တ်ဆင်ရမည်။ သို့မဟုတ်-သစ်ကိုင်း၊ သစ်ခက်တို့ကို ကိုယ်တိုင်ချိုး၍သော်၎င်း၊ ၀တ်ဆင်ရမည်-ဟု စာရှိပါသည်။
********************************************************************************

( မေး ) ( အလှူခံခ ယူခြင်း )
အရှင်ဘုရား၊ ဘုရားတည်၊ ကျောင်းဆောက်၊ လှူခံကောက်သူ၊ ခိုင်ထောက်နှုန်းစား၊ ယူခြင်းများမှာ၊ ဘုရားကျောင်းငွေ၊ စားသောက်လေ၍၊ ပြစ်နေ ရှိ-မရှိ၊ သိလိုဘိ၏၊ ဖြေညှိရှင်းတော်မူပါ့ဘုရား။
( ကိုကျော်မြင့်(ရွှေ) နတ်တလင်းမြို့ )

( ဖြေ )
ကျောင်းဘုရားကို၊ တည်ဆောက်လို၍၊ ထိုထိုဆောက်ဦး၊ ဆည်းပူးယူနှင့်၊ ပြုသူလက်ခ၊ ကုန်အကျပါ၊ ဘယ်မျှသိန်းသန်း၊ ကိန်းဂဏန်းဟု၊ တွက်မှန်းပြောကြ၊ မှတ်သားရသို့၊ မူလအလှူခံ၊ လုပ်အားမှန်ကို၊ ထိုက်တန်သမျှ၊ ကုန်အကျဝယ်၊ မှတ်ရစာရင်း၊ ခိုင်နှုန်းရှင်း၍၊ ပေးခြင်းကိုပါ၊ တူမှတ်ရာ၏၊ ကောင်းစွာနားလည်ပါ လေဿး။
********************************************************************************

( မေး ) ( မဟာစေတီနှင့် ကောင်းမှုတော် )
အရှင်ဘုရား၊ သီရိလင်္ကာနိုင်ငံတွင် အကြီးဆုံးဖြစ်သော မဟာစေတီကြီးသည် တပည့်တော်တို့နိုင်ငံမှ ကောင်းမှုတော်ကြီးနှင့်စာလျှင် မည်သည်က ကြီးပါသနည်းဘုရား။ တတ်နိုင်ပါက အရွယ်ပမာဏတို့ကိုပါ နှိုင်းယှဉ်ဖော်ပြ၍ ဖြေကြားစေလိုပါသည်ဘုရား။
( ဦးတင့်ဆွေ-ညောင်ပင်သာရပ်၊ ကလေးမြို့ )

( ဖြေ )
သီရိလင်္ကာနိုင်ငံရှိ မဟာစေတီကြီးမှာ အမြင့်ဉာဏ်တော် ၁၂၀၊ လုံးပတ်တော် ၃၆၀-ရှိကြောင်း
ဘော ဣမံ မဟာစေတိယံ ၀ီသ ရတနေန သတာယာမံ၊ တိသတ သဋ္ဌိရတန ပရိဏာဟံ ဟောတိ-ဟု သာရတ္ထဒီပနီ ဋီကာကို ကိုး၍ သတပဒိကပုစ္ဆာကျမ်း၌ မင်းကွန်းဆရာတော် ဖြေဆိုပါသည်။

မြန်မာနိုင်ငံမှ ကောင်းမှုတော်ကြီးမှာ အမြင့်ဉာဏ်တော် ၁၀၁-တောင်၊ လုံးပတ်တော် ၅၀၂-တောင်၊ ၂-မိုက်၊ ၄-သစ် ရှိကြောင်း စွယ်စုံကျမ်း၌ ဖော်ပြထားသဖြင့် သီရိလင်္ကာ မဟာစေတီကြီးက ဉာဏ်တော်မြင့်၍ ကောင်းမှုတော်ကြီးက လုံးပတ်ကြီးကြောင်း သိရပါသည်။
********************************************************************************

( မေး ) ( ဖားကိုမြွေကိုက်-တုတ်ဖြင့်ရိုက် )
အရှင်ဘုရား၊ တပည့်တော်သည် ဖားတကောင်အား မြွေကိုက်နေသည်ကို တွေ့သဖြင့် ဖားအသက်ကို ကယ်လိုသော စေတနာကြောင့် တုတ်ဖြင့် ခြောက်လှန့်လိုက်ရာ ဖားမှာ အသက်ဘေးမှ လွတ်ခဲ့ရသည် မှန်ပါသော်လည်း တပည့်တော်ကြောင့် မြွေသည် အစာငတ်ခဲ့ရပါသည်ဘုရား၊ သို့အတွက် တပည့်တော်၌ အပြစ်ရှိ-မရှိ ဖြေကြားပေးတော်မူပါဘုရား။
( သန်းဇော်-မကျည်းကုန်းရွာ၊ ၀န်းသိုမြို့နယ် )

( ဖြေ )
မြတ်စွာဘုရားလက်ထက်က ခုနစ်ရက်ကြာလျှင် အ၀ရုဒ္ဓကဘီလူးစား၍ သေရမည့် အာယုဝဍ္ဎန သူငယ်အား မြတ်စွာဘုရားကိုယ်တော်တိုင် စီမံ၍ ရဟန္တာ ၈-ပါးနှင့် ခုနစ်ရက်ဝန်းရံ ပရိတ်ရွတ်ပြီး ကယ်ဆယ်ခဲ့ပါသည်။
ထို့ပြင် အာရမ္မဏဒါန ခြောက်ပါးတွင် ဓမ္မဒါနအ၀င်ဖြစ်သော ဇီဝိတဒါနကို ပြဆိုရာ၌ ဖာလံ ဖာလေတိ ကုမိနံ ၀ိဒ္ဓံသာပေတိ သကုဏပဉ္ဇရံ ဘိံသာပေတိ ဗဒ္ဓနမောက္ခံ ကာရေတိ-စသည်ဖြင့် ပိုက်ကွန်ကို ဆုတ်ဖျက်စေ၏။
မြုံးကို ဖျက်ဆီးစေ၏။ ငှက်လှောင်ချိုင့်ကို ဖျက်ဆီးစေ၏။ အနှောင်အဖွဲ့မှ လွတ်ခြင်းကို ပြုစေ၏။ စသည် ဓမ္မသင်္ဂဏီအဋ္ဌကထာတွင် ဖွင့်ဆို၏။

ဝိနည်းအဋ္ဌကထာတွင် သပ္ပေန ဂီဠိတံ မဏ္ဍုကိနိံ အပရာမသေတွာ ဒဏ္ဍကေန ပိဠန္ဓေတွာ မောဓာပေတုံ ၀ဋ္ဋတိ-ဟူ၍ မြွေသည် မြိုအပ်သောဖားမကို လက်ဖြင့်မထိစေမူ၍ တုတ်တံဖြင့်ညှပ်၍ လွတ်စေခြင်းငှါ အပ်၏။ အာပတ်မသင့်။

ဖားမ,ဖြစ်၍ လက်ဖြင့်မကိုင်ကောင်းလျှင်ပင် တုတ်ဖြင့်ခြောက်လှန့်၍ လွတ်စေသင့်ကြောင်း ဆိုပါသည်။ ထို့ကြောင့် ဖားမြွေကိုက်သည်ကို တွေ့လျှင် ကယ်ဆယ်ကောင်းရုံမျှမက မြွေအား ပါဏာတိပါတကံ မသင့်ပါစေလင့်-ဟု နှလုံးသွင်း၍ ကုသိုလ်ပွားခြင်းပင် ဖြစ်ပါသေးသည်။ ကြိုးစား၍ ဇီဝိတဒါနဖြစ်ရန် ပြုလုပ်သင့်ပါသည်။
********************************************************************************

( မေး ) ( မဟောသဓမှ ဘူရိဒတ္တသို့ )
အရှင်ဘုရား၊ ဘုရားအလောင်းတော်များသည် နုစဉ်ကာလဘ၀မှ ရင့်မာသည့် ကာလဘ၀သို့တိုင် ပါရမီတော်များ တဖြည်းဖြည်း တဘ၀ထက် တဘ၀ ပြည့်စုံလာရသည်ဟု ဆိုပါသည်။
သို့သော် ဉာဏ်ပညာနှင့် လွန်စွာပြည့်စုံသည့် ပညာရှိသုခမိန် မဟောသဓာဘ၀ ဖြစ်ပြီးနောက် အဘယ်ကြောင့် အဟိတ် တိရစ္ဆာန် ဘူရိဒတ်နဂါးမင်း ဖြစ်ရပါသနည်း။ ရှင်းလင်းဖြေကြားပေးတော်မူပါ အရှင်ဘုရား။
( ခင်မောင်စိုး-ရခိုင်ပြည်နယ် )

( ဖြေ )
ငါးရာ့ငါးဆယ် ဇာတ်တော်များမှာ တဘ၀ပြီး တဘ၀ ဖြစ်စဉ်အတိုင်း စဉ်ထားသည်မဟုတ်ပါ။ မြတ်စွာဘုရား ဟောကြားစဉ်က ပါရှိသော ဂါထာအနည်းအများအလိုက် စဉ်ထားခြင်းသာ ဖြစ်ပါသည်။
တဂါထာဖြင့် ဟောကြားသော ဇာတ်တော်များကို ဧကနိပါတ်၌၄င်း။
နှစ်ဂါထာဖြင့် ဟောကြားသော ဇာတ်တော်များကို ဒုကနိပါတ်၌၄င်း။
ထိုနည်းအတိုင်း ဂါထာရှစ်ဆယ်ကို အသီတိနိပါတ်၌၄င်း။ ထားရှိ၍ အသီတိ-မှ နောက်ဂါထာ ၁၀၀-ကျော် ဇာတ်များကို မဟာနိပါတ်ဟူ၍ တေ, ဇ, သု, နေ, မ, ဘူ, စံ, နာ, ၀ိ, ဝေ အစဉ်အတိုင်း ထားရှိခဲ့ပါသည်။

ထိုအစဉ်အားဖြင့် တေမိ ( မူဂပက္ခ ) ဇာတ် ဂါထာ ၁၂၂။
မဟာဇနကဇာတ် ဂါထာ-၁၇၄။
သုဝဏ္ဏသာမဇာတ် ဂါထာ ၂၂၅။
စသည်ဖြင့် နောက်ဆုံး ဝေဿန္တရာဇာတ်၌ ဂါထာ ၁၀၀၀-ဖြင့် ဟောကြားထားသဖြင့် ဂါထာအနည်းအများ ရှေ့နောက်စဉ်ကာ တေ, ဇ, သု, နေ, မ, ဘူ, စံ, နာ, ၀ိ, ဝေ ဟူသော ဇာတ်ကြီးဆယ်ဘွဲ့ကို ရှေ့နောက်စဉ်၍ထားခဲ့ခြင်း ဖြစ်ပါသည်။ ထို့ကြောင့် မဟောသဓာပညာရှိ် သုခမိန်ဘ၀ပြီးမှ ဘူရိဒတ်နဂါးမင်း ဖြစ်သည် မဟုတ်ကြောင်း မှတ်သားစေလိုပါသည်။

( မြတ်မင်္ဂလာ ၁၉၉၆-ခုနှစ် ဒီဇင်ဘာလ )

No comments: