Thursday, May 7, 2009

ဘာသာရေး ပြဿနာ ( ၅၈ )

( ဘဒ္ဒန္တ တိလောကသာရ ဖြေသည် )

( မေး ) ( မိရိုးဖလာ ဗုဒ္ဓဘာသာ )
အရှင်ဘုရား၊ ဗုဒ္ဓဘာသာကို မိရိုးဖလာ သဘောထက် သာလွန်၍ သက်ဝင်ယုံကြည် ကိုးကွယ်သည်ဆိုရာ၌ -
၁။ မိရိုးဖလာသဘော သက်ဝင်ယုံကြည် ကိုးကွယ်ဆည်းကပ်မှုဟူသည် အဘယ်ပါနည်း။
၂။ မိရိုးဖလာသဘော သက်ဝင်ယုံကြည် ကိုးကွယ်ဆည်ကပ်မှုသည် အဆင့်အတန်း နိမ့်ကျပါသလား။
၃။ သာလွန်၍ သက်ဝင်ယုံကြည် ကိုးကွယ်ဆည်းကပ်မှု ဟူသည် အဘယ်ပါနည်း။ ဖြေကြားတော်မူပါရန် လေးစားစွာ လျှောက်ထားအပ်ပါသည်ဘုရား။
( မောင်တန်ဆောင်-ယောနယ် )

( ဖြေ )
၁။ ရိုးရိုး မိဘတို့ ကိုးကွယ်မှု ထုံးစံအတိုင်း သရဏဂုံ သီလခံယူ၍ ကျောင်းကန်ဘုရား သွားလာလှူဒါန်းခြင်း၊ ဥပုသ်စောင့်ခြင်း၊ ရှင်ပြု ရဟန်းခံခြင်းတို့ထက် မပိုသော ကိုးကွယ်မှုကို မိရိုးဖလာ ကိုးကွယ်မှုဟု ဆိုပါသည်။

၂။ ယင်းမိရိုးဖလာ ကိုးကွယ်မှုကို မပျက်မကွက် မှန်မှန်ကန်ကန် အသိဉာဏ်ရှိရှိဖြင့် ကိုးကွယ်သူအဖို့ အပါယ်လေးပါး မလားရေးတို့၌ အတော်အတန် စိတ်ချရ၍ အဆင့်အတန်း နိမ့်ကျသည်ဟု မဆိုနိုင်ပါ။

၃။ ယင်း မိရိုးဖလာ ကိုးကွယ်မှုကို အားမရ၍ ပညာရှင်ဆရာတော်၊ သံဃာတော်များထံ ချဉ်းကပ်၍ နက်နဲသော ဘာသာရေး တရားများကို လေ့လာခြင်း။ သမထဘာဝနာ၊ ၀ိပဿနာဘာဝနာများကို အားထုတ်ခြင်း။ မဂ်တရား၊ ဖိုလ်တရားများကို ရအောင် ကြိုးစားခြင်း စသည် ပြုလုပ်မှုကို မိရိုးဖလာထက် သာလွန်၍ သက်ဝင်ယုံကြည် ကိုးကွယ်ဆည်းကပ်သူဟု ဆိုရပါသည်။
*********************************************************************************

( မေး ) ( ပရိတ်တော်များ ဂုဏ်ကျေးဇူး )
အရှင်ဘုရား၊ ပရိတ်တော် ၁၁-သုတ်၏ အကျိုးကျေးဇူးများကို သိလိုပါသည်။ ဖြေကြားပေးတော်မူပါဘုရား။
( အောင်သူဆင့်-ရန်ကုန်တက္ကသိုလ်ဝင်း )

( ဖြေ )
၁။ ကျက်သရေမင်္ဂလာရှိသော အလှူမင်္ဂလာ စသည်ကို ပြုလုပ်သောအခါ၊ အိမ်တက်မင်္ဂလာ စသည်ကို ပြုလုပ်သောအခါ တို့၌ မင်္ဂလသုတ်၊ မေတ္တသုတ်ကို ရွတ်အပ်၏။

၂။ ရောဂန္တရကပ် စသည် ဖြစ်သောအခါ ရတနသုတ်ကို ရွတ်အပ်၏။

၃။ နတ်များ၊ မကောင်းဆိုးဝါးများ ခြောက်လှန့်ခြင်း၊ ရှိသောအခါ မေတ္တသုတ်ကို ရွတ်အပ်၏။

၎။ မြွေ ကင်း၊ ကြွက် စသည် ထူထပ်ပေါများသောအခါ ခန္ဓသုတ်ကို ရွတ်အပ်၏။

၅။ ရာဇ၀တ်ဘေး သင့်ရောက်သောအခါ မောရသုတ်ကို ရွတ်အပ်၏။

၆။ မီးဘေးသင့်ရောက်သောအခါ ၀ဋ္ဋသုတ်ကို ရွတ်အပ်၏။

၇။ စစ်သည်ဘေး ရောက်သောအခါ ဓဇဂ္ဂသုတ်ကို ရွတ်အပ်၏။

၈။ ဘီလူးသဘက် နှောင်ယှက်ဖျက်ဆီးသောအခါ အာဋာနာဋိယသုတ်ကို ရွတ်အပ်၏။

၉။ မိန်းမတို့ ကိုယ်ဝန်ရှိသောအခါ၊ မီးဖွားခက်သောအခါ အင်္ဂုလိမာလသုတ်ကို ရွတ်အပ်၏။

၁၀။ ၉၆-ပါး ရောဂါဝေဒနာ ကပ်ရောက်သောအခါ ဗောဇ္ဈင်္ဂသုတ်ကို ရွတ်အပ်၏။

၁၁။ အတိတ်နိမိတ် ဂြိုဟ်စီးဂြိုဟ်နင်း ကံကြမ္မာဇာတာ မကောင်းသော် ပုဗ္ဗဏှသုတ်ကို ရွတ်အပ်၏။

ပရိတ်ကြီး ၁၁-သုတ်ကို နေ့စဉ် ရွတ်ဆိုနေသူအား ဖော်ပြပါ ဘေးဥပါဒ်တို့မှ ကာကွယ်တားဆီးနိုင်လေသည်။
ရောဂါဖြစ်မှ ဆေးကို စားသည်ထက် ရောဂါမဖြစ်မီက ဆေးကို စား၍ အကာအကွယ် ပြုထားခြင်းက ပို၍ကောင်းမွန်သကဲ့သို့ ပရိတ် ၁၁-သုတ်ကို နေ့စဉ် ရွတ်ဆိုနေလျှင် ပို၍ကောင်းပါ၏။ ထို့ကြောင့် ရှေးဆရာတော်များက-

၁။ တနင်္ဂနွေနေ့-မင်္ဂလသုတ်
၂။ တနင်္လာနေ့-ရတနသုတ်
၃။ အင်္ဂါနေ့-မေတ္တသုတ်၊ ခန္ဓသုတ်
၎။ ဗုဒ္ဓဟူးနေ့-မောရသုတ်၊ ၀ဋ္ဋသုတ်
၅။ ကြာသပတေးနေ့-ဓဇဂ္ဂသုတ်
၆။ သောကြာနေ့-အာဋာနာဋိယသုတ်
၇။ စနေနေ့-အင်္ဂုလိမာလသုတ်၊ ဗောဇ္ဈင်္ဂသုတ်၊ ပုဗ္ဗဏှသုတ် တို့ကို ၇-ရက်လှည့်၍ ရွတ်ဆိုမှု ပြုလေ့ရှိကြပါသည်။
*********************************************************************************

( မေး ) ( မရွတ်ဆိုဘဲ ကပ်လှူခြင်း )
အရှင်ဘုရား၊ မိမိနေအိမ် ဘုရားတွင် ဆွမ်း၊ ရေချမ်း၊ ဆီမီးကပ်လှူပူဇော်ရာ၌ ဘာမျှ ရွတ်ဆိုခြင်း မပြုဘဲ တင်ထား ပူဇော်ခြင်းမှာ ကုသိုလ်ဖြစ်-မဖြစ် သိလိုပါသည် အရှင်ဘုရား။
( ဦးစောမောင်-မကွေးမြို့ )

( ဖြေ )
ဘုရား၌ ဆွမ်းစသည် ကပ်လှူပူဇော်ရာ၌ ဆွမ်းကပ်ပူဇော်စာ စသည်များကို မရရှိ၍ မရွတ်ဆိုနိုင်သည့် တိုင်အောင် ဤဆွမ်းစသော လှူဖွယ်ဝတ္ထုအစုစုကို ရွှေဘုန်းတော်သခင် ဘုရားရှင် ကိုယ်တော်မြတ်ကြီးအား လှူဒါန်းပူဇော်ပါ၏ဘုရား။ ဤကောင်းမှုကြောင့် ဒုက္ခခပ်သိမ်း ကင်းငြိမ်းရာဖြစ်သော မဂ်ဖိုလ်နိဗ္ဗာန်ကို မျက်မှောက်ပြုရပါလို၏ ဘုရား-ဟူ၍ ဖြစ်စေ၊ ဤအဓိပ္ပါယ်မျိုးပါဝင်သော အနက်အဓိပ္ပါယ် တမျိုးမျိုးကိုဖြစ်စေ စိတ်ထဲ၊ နှလုံးထဲမှ ရွတ်ဆိုစဉ်းစား၍ တင်လှူပူဇော်သင့်ပါသည်။ မည်သို့မျှ ဆိုလည်းမဆို၊ အာရုံလည်းမပြုဘဲ တင်ထားပူဇော်ခြင်းထက် မိမိတတ်သလို လှူဒါန်းမှုသဘောပေါ်အောင် ပြုမူခြင်းသာ သင့်လျော်ပါကြောင်း ဖြေကြားလိုပါသည်။
*********************************************************************************

( မေး ) ( ဒေ၀ဒတ်နိုင် ဇာတ်ငါးဇာတ် )
အရှင်ဘုရား၊ ဇာတ်တော်တို့တွင် ဘုရားလောင်းကို ဒေ၀ဒတ်က သတ်နိုင်ခဲ့သော ဇာတ်ငါးဇာတ်ဟူ၍ စူဠဓမ္မပါလဇာတ်, ဒဒ္ဒရဇာတ်, ခန္တီဝါဒီဇာတ်, စူဠနန္ဒိယဇာတ်,နှင့် မဟာကပိဇာတ်တို့ကိုဖော်ပြထားပါသည်။ ဆဒ္ဒန္တ ဇာတ်မှာလည်း ဆဒ္ဒန်ဆင်မင်းကို ဒေ၀ဒတ်အလောင်း သောနုတ္တိုရ် မုဆိုးသတ်ခဲ့သည်မဟုတ်ပါလော။ အဘယ်ကြောင့် ၆-ဇာတ်ဟု မဆိုပါသနည်းဘုရား။
( သန်းထွန်း-ဓမ္မာစရိယ၊ မော်လမြိုင် )

( ဖြေ )
ဆဒ္ဒန္တဇာတ်၌ ဒေ၀ဒတ်အလောင်း သောနုတ္ထိုရ်မုဆိုးသည် ဆင်မင်းအား သူ့အလိုအလျောက် သတ်လို၍ သတ်ရခြင်းမဟုတ်။ ရှေးဘ၀က အငြိုးရှိခဲ့သော စူဠသုဘဒ္ဒါ မိဖုရားက စေခိုင်း၍ မသတ်ချင်ဘဲ သတ်ရခြင်း ဖြစ်သည်။
ရာဇ၀တ်သင့်သူများအား မင်းမိန့်ဖြင့် သူသတ်သမားတို့က သတ်ရခြင်း ဖြစ်သော်လည်း မင်းကသတ်သည်ဟုသာ ဆိုရသကဲ့သို့ ဆဒ္ဒန်ဆင်မင်းအားစူဠသုဘဒ္ဒါက သတ်ခြင်းသာဖြစ်၍ သူတပါးပယောဂနှင့် စပ်သဖြင့် ဒေ၀ဒတ်အလောင်း သောနုတ္ထိုရ်သတ်သည် မမည်သောကြောင့် ဖော်ပြပါ ဘုရားလောင်းကို ဒေ၀ဒတ်အလောင်း သတ်နိုင်သော ဇာတ်စာရင်းတွင် မပါဝင်ပါ။ ဆဒ္ဒန်ဆင်မင်းကို စူဠသုဘဒ္ဒါက ရန်ငြိုးထား၍ သတ်သည်ဟူ၍သာ သမိုင်းတွင်ခဲ့ကြောင်း မှတ်သားသင့်ပါသည်။
*********************************************************************************

( မေး ) ( မသာတခေါက်ကျောင်းဆယ်ခေါက် )
အရှင်ဘုရား၊ ဘုန်းကြီးကျောင်း ဆယ်ခေါက်သွားရတာထက် အသုဘတခေါက် ပို့ရတာက မြတ်တယ်ဆိုတာ မှန်ပါသလားဘုရား။ အသုဘပို့ပြီး သရဏဂုံသီလ မယူဘဲ ပြန်လာခဲ့လျှင် ကုသိုလ် ရ-မရ သိလိုပါသည်ဘုရား။
( မောင်နေမင်းထွန်း-အညာကျေး )

( ဖြေ )
ဗုဒ္ဓဘာသာဝင် သူတော်စင်တို့ ဘုန်းကြီးကျောင်းသို့ သွားသောအခါ ဒါနပြုခြင်း၊ သီလဆောက်တည်ခြင်း၊ ကိစ္စတို့ဖြင့်သာ ပြီးသည်။ ထို့ကြောင့် ဒါနအကျိုး၊ သီလအကျိုးတို့ကိုသာ ရရှိဖို့ဖြစ်သည်။
မသာပို့သွားသူသည် အနည်းဆုံး သေဆုံးသူအား ကြည့်ရှု၍ ငါလည်း ဤကဲ့သို့ မုချသေဆုံးရချေအံ့ဟု မရဏာနုဿတိ ကမ္မဋ္ဌာန်းတရားကို တခဏမျှပင် ဖြစ်စေ၊ နှလုံးသွင်းမိနိုင်၏၊ မရဏာနုဿတိ အာရုံဖြစ်မိသူအား သေခြင်းတရား၌ မေ့လျော့မှုမရှိခြင်း၊ ဘုံသုံးပါး၌ မွေ့လျော်မှု ကင်းခြင်း၊ အသက်၌ တွယ်တာမှု နည်းခြင်း။ မကောင်းမှုကို ရှုတ်ချနိုင်ခြင်း။ ဥစ္စာစည်းစိမ်၌ တွယ်တာမှုနည်းခြင်း။ ၀န်တိုမှုနည်းခြင်းတို့ကြောင့် ရဲရဲဝံ့ဝံ့ မတွေမဝေ သေရ၍ ဤဘ၀၌ မဂ်ဖိုလ်ကို မရသည့်တိုင်အောင် သုဂတိဘ၀သို့ ရောက်၍ ဘ၀တိုတိုနှင့် မဂ်တရား ဖိုလ်တရားတို့ကို ရရှိနိုင်ပေသည်။ ထို့ကြောင့် ဗုဒ္ဓဘာသာဝင် သူတော်စင်တို့သည် ကျောင်းသို့ ဆယ်ခေါက် သွား၍ ဒါန သီလပြုရ၊ ဆောက်တည်ရသည်ထက် မသာတခေါက်ပို့၍ အသုဘဘာဝနာ မရဏာနုဿတိ ဘာဝနာ ကောင်းစွာ နှလုံးသွင်းရခြင်းက မြတ်သည်ဟု အမှတ်အသား ပြုထားကြခြင်း ဖြစ်ပါသည်။
*********************************************************************************

( မေး ) ( ဗုဒ္ဓပုံတော် ကိုးကွယ်ခြင်းနှင့် မွန်းတည့်ချိန် )
အရှင်ဘုရား၊
၁။ မြတ်စွာဘုရားလက်ထက်က ဗုဒ္ဓဘာသာဝင် အိမ်တိုင်းတွင် ယခုကဲ့သို့ မြတ်စွာဘုရားပုံတော်များကို
ကိုးကွယ်ပါသလား။
၂။ မြတ်စွာဘုရားသည် ရဟန်းတို့အား နေ့လယ် ၁၂-နာရီကျော်လျှင် ဆွမ်းမစားရန် တားမြစ်ခဲ့ပါသလား၊ အချို့ နေ့(လ)များတွင် ၁၂-နာရီပင် ထိုးသော်လည်း မွန်းမတည့်သေးပါ၊ ထိုအခါမျိုးတွင် ဆွမ်းတော်တင်၍ ရပါသလားဘုရား။
( မသက်နွယ်နွယ်ဝင်း-ပဲခူးတိုင်း )

( ဖြေ )
၁။ သမိုင်းကြောင်းအရ ဗုဒ္ဓပုံတော်များမှာ သာသနာနှစ်ငါးရာ ပတ်ဝန်းကျင်မှာမှ ပေါ်ပေါက်လာပါသည်၊ သာသနာနှစ် နှစ်ရာကျော်ခေတ် အသောကမင်းကြီး လက်ထက်မှာပင် ဗုဒ္ဓပုံတော်များ မရှိသေး။
ဗုဒ္ဓကိုယ်စား ခြေတော်ရာ၊ ဗောဓိပင်ပုံ စသည်များကို ကိုးကွယ်ခဲ့ပါသည်။
မိလိန္ဒမင်းကြီးတို့ ခေတ်ကျမှ ဗုဒ္ဓပုံတော်များ ပေါ်စပြုလာကြောင်း သိရ၍ မြတ်စွာဘုရား လက်ထက်က ဗုဒ္ဓဘာသာအိမ်တိုင်းတွင် ပုံတော်များ ကိုးကွယ်ထားလေ့မရှိပါ။ သို့သော် ပါဠိတော်ကျမ်းစာများ အရ အချို့အိမ်များ၌ မြတ်စွာဘုရား ကြွလာလျှင် သီတင်းသုံးရန် ခေါင်းရင်းတွင် နေရာတော်များ ခင်းထားလေ့ရှိကြောင်း သိရပါသည်။

၂။ ၁၂-နာရီ ဆိုသည်မှာ ဤခေတ်တွင် မွန်းတည့်ချိန်ကို လွယ်လွယ်သိနိုင်ရန် အမှတ်အသား သဘောမျှသာ ဖြစ်ပါသည်။ ၀ိကာလဘောဇနသိက္ခာပုဒ်အရ မွန်းတည့်ပြီးနောက် ဆွမ်းမစားရန် ပညတ်ထားသည်မှာ မှန်ပါသည်။ ၁၂-နာရီ ထိုးပြီးသော်လည်း နေက မွန်းမတည့်သေးလျှင် ဆွမ်းတော်ကပ်လှူနိုင်ပါသေးသည်။ နာရီက ပဓာနမဟုတ်၊ အမှန်အကန် နေမွန်းတည့်ခြင်းသာ ပဓာနဖြစ်ပါသည်။

( မြတ်မင်္ဂလာ ၁၉၉၆-ခု ဇူလိုင်လ )

No comments: