Tuesday, May 5, 2009

စွန်းလွန်းဆရာတော်ဘုရားကြီး ဘဒ္ဒန္တ က၀ိ

စွန်းလွန်းဆရာတော်ဘုရားကြီး ဘဒ္ဒန္တက၀ိသည် မြင်းခြံမြို့နယ် စွန်းလွန်းရွာကြီးတွင် ၁၂၃၉-ခု၊ တပေါင်းလဆန်း ၂-ရက်၊ ( ၄-၃-၁၈၇၈ ) တနင်္လာနေ့တွင် ဖွားမြင်တော်မူခဲ့ပါသည်။ ခမည်းတော် ဦးသန့်+မယ်တော် ဒေါ်တုတ် တို့ဖြစ်သည်။ အမည်မှာ မောင်ကျော်ဒင် ဖြစ်သည်။

မောင်ကျော်ဒင်သည် အရွယ်ရောက်သောအခါ တရွာတည်းနေ မရွှေရည်နှင့် သင့်မြတ်သည်။ သားသမီး ၅-ယောက် ထွန်းကားသည်။ ၀မ်းရေးအတွက် လယ်ယာအလုပ်ကို လုပ်ကိုင်သည်။ တနေ့တွင် ဦးကျော်ဒင်၏ အိမ်ရှေ့၌ မဏ္ဍပ်ထိုး၍ ဘုရားပင့်၊ ၀တ်တက် ပြုလုပ်ကြသည်။ ထိုစဉ် မိတ်ဆွေဖြစ်သူ စတီးဘရားသားစက်မှ စာရေးကြီးဦးစံတင်နှင့် စကားလက်ဆုံကျရင်း လယ်တီဆရာတော်ဘုရားကြီး၏ အာနာပါနအကြောင်းကို ပြောဆိုဆွေးနွေးမိကြသည်။ ဦးကျော်ဒင်က စာမတတ်ဘဲ တရားအားထုတ်၍ ရသလား-ဟု မေးသည်။ ဦးစံတင်က စာတတ်ဖို့ လိုရင်းမဟုတ်၊ သဒ္ဓါနှင့် ၀ီရိယသာ လိုရင်း-ဟု ပြောပြသည်။ ထိုအခါ ဦးကျော်ဒင်သည် အိမ်ဘေးအဖီတွင် အာနာပါနကို စတင်အားထုတ်သည်။ ထို့နောက် အိမ်၌သော်၎င်း၊ မောင်ရင်ပေါ် ချောက်ထဲ၌သော်၎င်း၊ သဒ္ဓါ ၀ီရိယ သန်သန်ဖြင့် အဆက်မပြတ် အားထုတ်ခဲ့သည်။

၁၂၈၂-ခုနှစ် သီတင်းကျွတ်လပြည့်ကျော် ၅-ရက် ( ၁-၉-၁၉၂၀ ) တွင် လယ်ထွန်ရာမှ နွား ၂-ကောင်နှင့် ထွန်တုံးကို ဖြုတ်၍ထားခဲ့ကာ ဘုန်းတော်ကြီး ဦးဝီရိယထံတွင် ကိုရင်ကြီးဝတ်သည်။ ရှင်က၀ိ ဘွဲ့ကို ခံယူခဲ့သည်။ ၁၂၈၂-ခုနှစ်၊ တပေါင်းလပြည့်ကျော် ၁၂-ရက် ( ၄-၄-၁၉၂၁ ) သက်တော် ၄၃-နှစ်တွင် မိတ္ထီလာမြို့ ရေလယ်ကျောင်းတိုက်၌ ရဟန်းဝတ်သည်။ တရားကို အဆက်မပြတ် အားထုတ်ရာ ကမ္မဋ္ဌာနာစရိယ ဆရာကြီးတပါးအဖြစ်သို့ ရောက်တော်မူခဲ့သည်။

ဆရာတော်ဘုရားကြီးသည် ၃၂-နှစ်တိုင် တပည့်ပေါင်းများစွာအား စွန်းလွန်းဝိပဿနာရှုနည်းတရားကို ညွှန်ပြတော်မူပြီးနောက် ၁၃၁၄-ခုနှစ်၊ ကဆုန်လပြည့်ကျော် ၉-ရက်နေ့ ( ၁၇-၅-၁၉၅၂ ) သက်တော် ၇၆-တွင် မြင်းခြံမြို့ စွန်းလွန်းဂူကျောင်း၌ ပျံလွန်တော်မူခဲ့သည်။

No comments: