Wednesday, May 6, 2009

ဘာသာရေး ပြဿနာ ( ၅၇ )

( ဘဒ္ဒန္တ တိလောကသာရ ဖြေသည် )

( မေး ) ( ဥပုသ်နှင့် မြက်နုတ်ခြင်း )
အရှင်ဘုရား၊ တပည့်တော်သည် စိုက်ပျိုးရေး လုပ်ကိုင်သူတဦးဖြစ်ပါသည်။ တပည့်တော် ဥပုသ်နေ့များ၌ ဘုရားရှေ့တွင် ရှစ်ပါးသီလခံယူပါသည်။ ဤသို့ပြု၍ ရ,မရ သိလိုပါသည်။
ရှစ်ပါးသီလ ခံယူပြီးလျှင် မြက်နုတ်ပါသည်၊ မြက်နုတ်၍ ရ,မရလည်း သိလိုပါသည်။ မြက်နုတ်၍ မရပါက ရှစ်ပါးသီလခံယူရာတွင် ၇-ပါးသီလ ဘယ်လိုခံယူရမည်လဲ သိလိုပါသည်ဘုရား၊ တပည့်တော်အား စိတ်ရှည်စွာဖြင့် ဖြေကြားပေးပါရန် ရိုသေစွာ လျှောက်ထားအပ်ပါသည်ဘုရား။
( ခင်ခင်-ကုန်းတလပေါင်ကျေးရွာ၊ မင်္ဂလာဒုံမြို့နယ် )

( ဖြေ )
ရဟန်းသံဃာနှင့် သီလပေးသူမရှိက ဘုရားရှေ့တွင် မိမိဘာသာ ရှစ်ပါးသီလ ခံယူ၍ရပါသည်။ ရှစ်ပါးသီလသည် မိမိခြံတွင် မြက်နုတ်အလုပ် လုပ်၍ မပျက်ပါ။ သို့သော် သီလခံယူထားသောနေ့၌အိမ်အလုပ်များကို မလုပ်ကိုင်ဘဲ ဘုရားဂုဏ်၊ တရားဂုဏ်၊ သံဃာဂုဏ်များကို ပွားများ၍ ဆိတ်ငြိမ်ရာတွင် ပုတီးစိပ်ခြင်း၊ တရားထိုင်ခြင်းများကို ပြုလုပ်နေထိုင်သင့်ပါသည်။
ဥပုသ်သီလ၌ ၇-ပါးသီလဟု မရှိပါ။ အချို့ ညစာစားလို၍ ၀ိကာလဘောဇန ထည့်မဆိုဟု ကြားဘူးပါသည်၊ အလွန်ဆိုးရွား၍ တရားတော်များကိုပင် ဖျက်ဆီးမည့်သူများ ဖြစ်ပါသည်။ ရှစ်ပါးသီလဥပုသ် မစောင့်နိုင်လျှင် မစောင့်ဘဲနေခြင်းကပင် ကောင်းပါသေးသည်။ ဘုရားမဟော၊ စာပေကျမ်းဂန်မလာသော ၇-ပါးသီလ စောင့်ခြင်းမျိုးကိုကား မလုပ်သင့်ပါကြောင်း သတိပေးလိုပါသည်။
********************************************************************************

( မေး ) ( ရန်သူမျိုး ငါးပါး )
အရှင်ဘုရား၊ ရန်သူမျိုးငါးပါးတွင် နောက်ဆုံးရန်သူမျိုးကို မချစ်မနှစ်သက်သောသူ-ဟူ၍ သင်ကြားခဲ့ဖူးပါသည်။ အခြေပြုမင်္ဂလာလက်စွဲ စာအုပ်တွင် အမွေခံဆိုးဟူ၍ ပါပါသည်။ အဘယ်က မှန်ကန်ကြောင်း ဖြေကြားပေးတော်မူပါဘုရား။
( မောင်အောင်မင်း-မြောင်းမြမြို့နယ် )

( ဖြေ )
နှစ်မျိုးလုံးပင် စာရှိပါသည်။ သို့သော် မချစ်မနှစ်သက်သောသူ၊
တနည်း-မုန်းတီးရွံရှာသူ၊ မိမိ၏ မကောင်းကျိုးကိုသာ လိုလားသူမှာ ရန်သူဖြစ်သော်လည်း တရပ်တရွာ ဝေးကွာနေပါမူ မိမိ၏အကျိုးမဲ့ကို အခါခပ်သိမ်း မပြုနိုင်ပေ။ ဤရန်သူမျိုးမှာ လူတိုင်းမှာပင် မကင်းနိုင်သဖြင့် အထူးမှတ်သားထားစရာပင် မလို၊
အမွေခံဆိုး-ဟူသော သားဆိုး သမီးဆိုးများကား အနီးကပ်၍ မပြတ်ဒုက္ခပေးနေသဖြင့် အလွန်ကြောက်စရာ ကောင်းလှသည်။ အမွေခံဆိုး ရန်သူသည် မိဘ၏ အသက်အိုးအိမ် စည်းစိမ်ကို အကြိမ်ကြိမ်ဒုက္ခပေးလေ့ရှိ၍ သာမန် မချစ်မနှစ်သောသူထက် ဆိုးသဖြင့် ရန်သူမျိုးငါးပါးတွင် အဆိုးရွားဆုံး နောက်ဆုံးစာရင်း၌ သွင်းထားရကြောင်း မှတ်သားနိုင်ပါသည်။
********************************************************************************

( မေး ) ( မိုးကြီး ၉-မျိုး )
အရှင်ဘုရား၊ မိုးကြီး ၉-မျိုးရှိသည်ဟု တပည့်တော် မှတ်သားရဖူးပါသည်။ အပြည့်အစုံ သိလိုပါသည်ဘုရား၊
တဆက်တည်းပင် မိုးကြိုးပစ်သော်လည်း မတုန်မလှုပ်သူများကိုလည်း ဖြေကြားပေးတော်မူပါဘုရား။
( မောင်အောင်သူရ-ရန်ကုန် )

( ဖြေ )
မိုးကြီး ၉-မျိုး ဟူသည်မှာ မိုးကြိုးပစ်ခြင်းမျိုး ၉-မျိုးကိုပင် ဆိုသည်။
သုတ်မဟာဝါအဋ္ဌကထာ မဟာပရိနိဗ္ဗာနသုတ် အဖွင့်၌
၁။ အသံမမြည်ဘဲ ကျသော မိုးကြိုး
၂။ ပုဆိန၊ ပဲခွပ်များကဲ့သို့ အသွားတဖက်သာရှိသော မိုးကြိုး
၃။ ရယ်သကဲ့သို့ ကျသော လျှပ်စစ်မိုးကြိုး
၎။ ဂျက်ဂျက်မြည်လျက် ကျသော မိုးကြိုး
၅။ မျောက်မျက်နှာ မျှော်သကဲ့သို့ ကျသော မိုးကြိုး
၆။ ငါးမြူသကဲ့သို့ ကျသော မိုးကြိုး
၇။ ကြက်တောင်ဖြန့်သကဲ့သို့ ကျသော မိုးကြိုး
၈။ ထွန်တုံးကဲ့သို့ ကျသော မိုးကြိုး
၉။ မိုးပင်ရွာသော်လည်း အလျှံနှင့်တကွဖြစ်၍ ရေမစွတ်သော လောင်မီးမိုးကြိုး-ဟူ၍ ၉-မျိုး ပြဆိုထားသည်။
ပါဠိအမည်များကို မထည့်လိုက်ပါ။

မိုးကြိုး အနီးတွင်ကျသော်လည်း မထိတ်လန့် မကြောက်ရွံတတ်သော အာဇာနည်များမှာ-
၁။ သီဟ-ခြင်္သေ့အာဇာနည်မျိုး
၂။ ဟတ္ထိဇာနေယျ-ဆင်အာဇာနည်မျိုး
၃။ အဿာဇာနေယျ-မြင်းအာဇာနည်မျိုး
၎။ ဥသဘာဇာနေယျ-နွားလားအာဇာနည်မျိုး
၅။ ပုရိသာဇာနေယျ-ယောက်ျားအာဇာနည်မျိုးနှင့်
၆။ ခီဏာသ၀-ရဟန္တာပုဂ္ဂိုလ်တို့ ဖြစ်ပါသည်။
********************************************************************************

( မေး ) ( သုဘဒ္ဒပရိဗိုလ် )
အရှင်ဘုရား၊ နောက်ဆုံးသာဝက သုဘဒ္ဒဟူသည် ဥပက ဆာဝါတို့၏ သား သုဘဒ္ဒလည်းမဟုတ်၊ မြတ်ဗုဒ္ဓ ပရိနိဗ္ဗာန်စံပြီးသည့်နောက် မြတ်ဗုဒ္ဓ ပရိနိဗ္ဗာန်စံပြီဟူ၍ ငါတို့ပြုလုပ်လိုရာ လွတ်လပ်စွာ ပြုလုပ်ကြတော့မည်-ဟု ရိုင်းပျရင့်သီးသည့်စကား ပြောကြားသော တောထွက်ရဟန်းကြီး သုဘဒ္ဒလည်းမဟုတ်ဟု ဆိုပါသည်။
သို့ဖြစ်လျှင် နောက်ဆုံးသာဝက သုဘဒ္ဒသည် အဘယ်သုဘဒ္ဒဖြစ်သည်ကို ဖြေကြားပေးတော်မူပါဘုရား။
( မောင်နေမျိုးထွန်း-မအူပင်မြို့နယ် )

( ဖြေ )
သုဘဒ္ဒသည်
၁။ ဥပက ဆာဝါတို့၏ သား မုဆိုးမျိုးနွယ် သုဘဒ္ဒ။
၂။ တောထွက်ရဟန်းကြီး သုဘဒ္ဒနှင့်
၃။ ဥဒိစ္စဇာတ်မြင့် ပုဏ္ဏားမျိုး သုဘဒ္ဒ-ဟု ဘုရားလက်ထက်တော်က သုဘဒ္ဒ ၃-ဦးရှိခဲ့ရာ
နောက်ဆုံးသာဝက သုဘဒ္ဒမှာ အမှတ်သုံး ဥဒိစ္စဇာတ်မြင့် ပုဏ္ဏားမျိုး သုဘဒ္ဒ ဖြစ်ပါသည်။

ထိုနောက်ဆုံး သာဝက သုဘဒ္ဒမှာ မြတ်စွာဘုရား ပရိနိဗ္ဗာန်စံဝင်ခါနီးတွင်မှ ရောက်လာသူ အသက်ငယ်ရွယ်သူ ပရိဗိုလ်ဝတ် ဖြစ်သည်ဟုဆိုသည်။
ဥပက ဆာဝါတို့၏သား သုဘဒ္ဒမှာ ထိုအချိန်၌ ( ဥပကပရိဗိုလ်ရဟန်းကြီးသည် ဘုရားဖြစ်တော်မူစ တွေ့၍ မကြာမီ လူထွက်ပြီး မုဆိုးသမီး ဆာပါနှင့်ရကာ သုဘဒ္ဒကို ဖွားမြင်သည်ကို ထောက်လျှင် သုဘဒ္ဒသည် ) အသက်လေးဆယ်အောက် ငယ်မည်မဟုတ်သည် တကြောင်း။ ဇာတ်မြင့်အမျိုးအနွယ် မဟုတ်သည်တကြောင်း၊ ပရိဗိုလ် မ၀တ်၊ ရဟန်းအဖြစ်သို့ ရောက်သွားသည် ဆိုသဖြင့် တကြောင်းတို့ကြောင့် နောက်ဆုံးသာဝက သုဘဒ္ဒ မဟုတ်နိုင်ကြောင်း ထင်ရှားလှပါသည်။
*********************************************************************************

( မေး ) ( အပါယ်မကြောက် ၇-ယောက် )
အရှင်ဘုရား၊
၁။ သရဏုံသုံးပါး တည်သူ
၂။ ငါးပါးသီလ တည်သူ
၃။ စာရေးတံဆွမ်း လှူသူ
၎။ ပက္ခိကဆွမ်း လှူသူ
၅။ ၀ါဆိုသင်္ကန်း လှူသူ
၆။ ရေကန်လှူသူနှင့်
၇။ နေရာကျောင်းလှူသူ ဤ ၇-ဦးတို့သည် အပ်ယ်တံခါးပိတ်သည်-ဟု ဟောခြင်းသည် မှားယွင်းသည်ဟု အချို့ပုဂ္ဂိုလ်များက ပြောဆိုကြပါသည်။

သေခါနီး၌ ဤသူ ၇-ဦးတို့သည် မိမိတို့၏ ကုသိုလ်ကို အောက်မေ့ဆင်ခြင်ကာ အာသန္နကံကုသိုလ်ဖြစ်စေ နိုင်မှသာ ဤဘ၀အတွက် အပါယ်မရောက်နိုင်သော အကုသိုလ်ကို ဖယ်ရှားပေးနိုင်ပါသည်။
ထို့ကြောင့် အပါယ်မကြောက် ၇-ယောက် ဆိုသော အဋ္ဌကထာစကားသည် မှားသည်ဟု ဘုရားတပည့်တော် ကြားသိရပါသည်ဘုရား။ ဘုရားတပည့်တော် မရှင်းလင်း၍ သနးသဖြင့် ဖြေကြားရှင်းလင်းပေးပါရန် လျှောက်ထားအပ်ပါသည်ဘုရား။
( ကိုကြည်စန်းလှိုင်-သာကေတမြို့ )

( ဖြေ )
အပါယ်မကြောက် ၇-ယောက် စကားမှာ အင်္ဂုတ္တရအဋ္ဌကထာ (အံ-ဋ္ဌ ၃၊ ၂၆၅ ) လာ စကားဖြစ်ပါသည်။
ယင်းမှာ ယေသံ ပန ကာလာနံ ၊ပ၊ ဧ၀ရူပါနိ နိဗဒ္ဓပုညာနိ အတ္ထိ၊ တေသမ္ပိ ဂတိ နိဗဒ္ဓေါ၊ သောတာပန္နသဒိသာနေ၀ တာနိ ပုညာနိ-ဟု ဆိုပါသည်။
၎င်းကုသိုလ် ၇-မျိုးရှိသူတို့မှာ နိဗဒ္ဓကုသိုလ်ရှင်များဖြစ်၍ သေသည့်နောက် အပါယ်မရောက်။ သောတာပန်နှင့် အလားတူသည်ဟု ဥပမာပြသည်။

စဉ်းစားနိုင်ရန် သရဏဂုံ အမြဲတည်သူ၊ ငါးပါးသီလ တည်သူတို့ကို ကြည့်ပါ။ နိဗဒ္ဓဆိုသည်မှာ တသက်ပန်လုံး မလစ်မလပ် တည်ရှိနေသူတို့ပင် ဖြစ်သည်။ ထိုသရဏဂုံ ငါးပါးသီလ နိဗဒ္ဓတည်နေသူအဖို့ သေသည့်နောက် အပါယ်ရောက်စရာအကြောင်း မရှိတော့ပါ။ ထို့အတူ စာရေးတံ၊ ပက္ခိကဆွမ်း၊ ၀ါဆိုသင်္ကန်း၊ ရေကန်၊ ကျောင်းအလှူတို့မှာလည်း နိဗဒ္ဓကုသိုလ်များပင် ဖြစ်ပါသည်။ နိဗဒ္ဓဖြစ်ပါကလည်း အာစိဏ္ဏကံ ကုသိုလ်များပင် ဖြစ်၍ အာသန္နကံထက် အားကောင်းပါသည်။ ထို့ကြောင့် ထို ၇-မျိုးသော ကုသိုလ်ရှင်များမှာ အပါယ်ကြောက် စရာ မလိုတော့ဟု ဆိုရကြောင်း မှတ်သားသင့်ပါသည်။
*********************************************************************************

( မေး ) ( အကုသိုလ်ကံများ အကျိုးမပေးအောင် )
အရှင်ဘုရား၊ တပည့်တော်မ ယခု အသက် ၃၁-နှစ်ရှိပါပြီ။ တပည့်တော်မသည် မွေးသည့်အချိန်မှစ၍ ယခုအချိန်အထိ အမေ့ကို ကာယကံဖြင့် စောကားသောကံ တခု၊ အဒိန္နာဒါနကံ (သူတပါးပစ္စည်းဥစ္စာ ခိုးယူမှုကံ) သုံးခု၊ ကာမေသုမိစ္ဆာစာရကံ လေးခု၊ မုသာဝါးကံ ခြောက်ခု ကျူးလွန်မိပါသည်။ ထိုသို့သော်ကံများကို ကျူးလွန်ခြင်းသည် နောက်ဘ၀တွင် ငရဲခံရသည်ဟု သိရပါသည်။ တပည့်တော်မ ကျူးလွန်မိသော ထိုကံများ နောက်ဘ၀တွင် အကျိုးမပေးအောင် (တနည်းအားဖြင့်) ငရဲမခံရအောင် ယခုဘ၀မှာ ဘာလုပ်ရပါမည်နည်း ဘုရား၊ သီလ သမာဓိ ပညာနှင့် ပြည့်စုံသော ရဟန်းတော်များအား ဆွမ်းစားကျောင်း ဆောက်လုပ်လှူဒါန်းလျှင် သင့်ပါမည်လားဘုရား။
( မသီတာချို-ဟင်္သာတမြို့ )

( ဖြေ )
ပြဿနာရှင်ဖော်ပြသော အကုသိုလ်ပြစ်မှုများသည် ဖြေမရသော မုချငရဲကျနိုင်သည့် ဂရုကံမျိုး မဟုတ်၊ မိမိစိတ်ကို ပြုပြင်၍ ဖြေနိုင်သောကံများ ဖြစ်သဖြင့် ယင်းပြစ်မှုများ နောက်ထပ်မဖြစ်ရအောင် အဓိဋ္ဌာန်ပြု၍ ကုသိုလ်ကောင်းမှုများကို ပြုပေးရမည် ဖြစ်ပါသည်။

မိမိကာယကံဖြင့် ပြစ်မှားမိသော မိခင်ကား သက်ရှိထင်ရှားရှိလျှင် ကန်တော့တောင်းပန်၍ နောက်ထပ် မပြစ်မှား မိအောင် ကြိုးစားရပါမည်။ သက်ရှိထင်ရှား မရှိလျှင်လည်း သုသာန်၊ မီးသင်္ဂြိုဟ်သောနေရာ၊ မြှုပ်နှံထားသော နေရာ၊ စသည်တို့သို့ သွားရောက်ကန်တော့ရပါမည်။

အခြား ကာယကံ ၀စီကံများအတွက် နောင်တွင် မကျူးလွန်မိအောင် စောင့်ထိန်းပါမည်ဟု အဓိဋ္ဌာန်ပြု၍ နေ့စဉ်ဘုရားရှေ့၌ ငါးပါးသီလကို အကြိမ်ကြိမ် ခံယူကာ အထူးအားဖြင့် အဒိန္နာဒါန၊ ကာမေသုမိစ္ဆာစာရနှင့် မုသာဝါဒ တို့ကို ထပ်ကာထပ်ကာ ခံယူပြီးလျှင် မိမိစိတ်က ဤအမှုများ ဘယ်တော့မှ မဖြစ်စေရဟု နောင်တကြီးစွာဖြင့် ရဲရဲဝံ့ဝံ့ ကတိက၀တ်ပြုလျက် ကုသိုလ်ကောင်းမှုများကို မပြတ်ပြုပေးရပါမည်။

ထိုအကုသိုလ်ကံများသည် ပျောက်ပျက်၍ မသွားသည့်တိုင်အောင် ကုသိုလ်တရားများကြားသို့ ၀င်ရောက်အကျိုးမပေးနိုင်ဘဲ ကုသိုလ်များသာ ဆက်ကာဆက်ကာ အကျိုးပေးသွားနိုင်ပါသည်။ သို့မဟုတ် ထိုပြစ်မှုကံများ အားသေး၍ သွားကာ မိမိက တရားအားထုတ်၍ မဂ်တရား ဖိုလ်တရားများ ရရှိသွားလျှင်လည်း
အဟောသိကံဖြစ်ကာ မကောင်းကျိုးများ ပျောက်ကင်း ပျက်ပြယ်သွားနိုင်သဖြင့် ကြိုးစား၍ အားထုတ်သွားစေလိုကြောင်း ဖြေကြားအပ်ပါသည်။

( မြတ်မင်္ဂလာ ၁၉၉၆-ခု ဇွန်လ )

No comments: