Wednesday, June 24, 2009

ကံ ကံ၏အကျိုး ( ၆၃ )

( မိဘလုပ်ကျွေး အန္တရာယ်ဝေး )

မောင်မောင်ကြီးသည် အိမ်ခန်း၊ တိုက်ခန်းများအား အငှါးဆေးသုပ်ခြင်းအလုပ်ဖြင့် မိဘတို့ကို လုပ်ကျွေးနေရှာသော သားလိမ္မာတယောက် ဖြစ်သည်။ သူသည် စိတ်သဘောထား ပြည့်ဝသည်။ ရိုးသားဖြူစင်သည်။ ငါးပါးသီလကိုလည်း တတ်နိုင်သလောက် စောင့်ထိန်းသည်။ ထို့ပြင် ဘုရားရှိခိုးခြင်း၊ မေတ္တာပို့ အမျှဝေခြင်း ပရိတ်တော်များ ရွတ်ဆိုခြင်းတို့ကို မပြတ်ပြုလုပ်လေ့ရှိသည်။

တခုသော နေ့တနေ့တွင် မိမိ မိဘများကိုးကွယ်သော ဘုန်းကြီးကျောင်းအား အခကြေးငွေမယူ၊ ကုသိုလ်ဖြစ် သွားရောက်ဆေးသုတ်ခဲ့သည်။ ဆေးသုတ်ရန်ကျောင်းမှာ အမြင့်ပေ ၄၀-ခန့်ရှိသော နှစ်ထပ်တိုက်ကျောင်းဖြစ်သည်။ မောင်မောင်ကြီးမှာ ဆေးမသုတ်မီ မြတ်စွာဘုရားရှေ့မှောက်တွင် ငါးပါးသီလ ဆောက်တည်သည်။ ပြီးမှ လုပ်ငန်းကို စတင်တော့သည်။

သူသည် ဆေးသုတ်နေစဉ်မှာလည်း ပရိတ်ကြီး ၁၁-သုတ်ကို စိတ်ထဲမှာ ရွတ်ဆိုပွားများမြဲ ဖြစ်သည်။ မောင်မောင်ကြီးသည် မြင်းမိုရ်ထိပ်မှ စတင်သုတ်လာရာ ဘေးဘက်ပန်းဆွဲအောက် အရွှေ့အကူးတွင် ငြမ်းစင်ပေါ်မှ ခြေချော်ကာ လန်ကျပါတော့သည်။ ဤတွင် ငြမ်းစင်ရှိ နီးရာဝါးလုံးကို လှမ်းဆွဲလိုက်ပါသည်။ သို့သော် လက်ဖျားဖြင့်သာထိပြီး အရှိန်နှင့် မြေပေါ်သို့ ကျသွားပါတော့သည်။

သို့သော် မောင်မောင်ကြီးမှာ ကံထူးလှသည်။ အမြင့်ပေ ၄၀-ခန့်ရှိသော ငြမ်းစင်ပေါ်မှ ပြုတ်ကျသည့်တိုင် ပွန်းပဲ့ရုံ အနည်းအကျဉ်းမျှသာ ခံရပြီး ဘာဆို ဘာတခုမျှ မဖြစ်ပါ။ ထို့ထက်ပို၍ ထူးခြားသည်မှာ ယခု သူကျသော နေရာနှင့် တထွာခန့် အကွာလေးမှာပင် ရေတွင်းအား ၀ိုင်းကာထားသော ကျောက်သမံတလင်းကြီး ရှိနေသည်။ အကယ်၍ တထွာလောက်မျှ ဟိုဘက် တိုးကျလိုက်ပါမူ ဦးခေါင်းနှင့် ကျောက်သမံတလင်း ရိုက်ချလိုက်သကဲ့သို့ ဖြစ်မှာ သေချာပြီး မတွေးဝံ့စရာပင် ဖြစ်တော့သည်။

ဤကဲ့သို့ မောင်မောင်ကြီးတယောက် အန္တရာယ်မှ သီသီကလေး ကင်းလွတ်သွားခြင်းသည် မိဘတို့ကို လုပ်ကျွေးခြင်း။ ငါးပါးသီလစောင့်ထိန်းခြင်း နှင့် ပရိတ်တော်များကို ရွတ်ဆိုပွားများခြင်းတို့ကြောင့် ဖြစ်သည်ဟု ကျွန်တော် အကြွင်းမဲ့ ယုံကြည်မိပါတော့သည်။

( ညီညီလေး-Zoology. လယ်ကြီး-စစ်ကိုင်း )
*********************************************************************************

( တကယ့်ဖြစ်ရပ်မှန် )

ဤအဖြစ်အပျက်သည် ကျွန်မ၏ ကိုယ်တွေ့ တကယ့်ဖြစ်ရပ်မှန် ဖြစ်ပါသည်။ ကျွန်မ၏ သမီးတဦးထံ အလည်သွားခဲ့စဉ်က ဖြစ်ပါသည်။
သမီးအိမ်သို့ ကျွန်မရောက်သွားရာ သမီးက-မေမေ၊ အိမ်နားက အုန်းနို့ခေါက်ဆွဲ လာပို့ထားတယ်၊ မေမေ-အရင်စားပါ-ဟု ပြော၍ ကျွေးပါသည်။

ကျွန်မကလည်း-အေးအေး စားတာပေါ့ကွယ်၊ မေမေလဲ အုန်းနို့ခေါက်ဆွဲကြိုက်တာနဲ့ အတော်ပဲ-ဟု ပြောပြီး ထည့်ထားသော ခေါက်ဆွဲဗန်းနှင့် ဟင်းရည်ချိုင့်ကိုယူ၍ အိမ်ရှေ့သို့ ထွက်လာပါသည်။ ကျွန်မ၏အကျင့်တခုမှာ စားစရာ သောက်စရာတို့ကို လာရောက်ပေးကမ်းလျှင် ပေးသူလည်း ကုသိုလ်ရ, ကျွန်မလည်း ကုသိုလ်ရ, ဘေးရန်လည်း ကင်းစေရန် ဘုရားကို ဦးစွာကပ်ပြီးမှ ပြန်၍တောင်းခံကာ စားတတ်ပါသည်။

ထိုအကျင့်အတိုင်း ခေါက်ဆွဲဗန်းနှင့် ဟင်းရည်ချိုင့်ကို ကိုင်မြှောက်ကာ ဘုရားကပ်ပြီး ဘုရားဂုဏ်တော်ကိုးပါးကို သုံးကြိမ် ရွတ်ဆိုပါသည်။ ထို့နောက် ယင်းတို့ကို ခဏချထားပြီး အတန်ကြာမှ မြတ်စွာဘုရားထံ-ဆေးအဖြစ် စားသုံးခွင့်ပြုပါရန်-လျှောက်ကြားကာ ပြန်လည်တောင်းခံ၍ စွန့်ပါသည်။ စွန့်ပြီးနောက် ပန်ကန်တခုတွင် အနည်းငယ်ထည့်၍ ဟင်းရည်ကို အသားမပါအောင် ခပ်ထည့်ကာ စားပါသည်။

စားပြီး၍ မကြာမြင့်မီပင် ညာဘက်လည်ချောင်း၌ တခုခု တစ်ဆို့သကဲ့သို့ မျက်တက်တက် ဖြစ်လာပါသည်။ တစ်ဆို့သည့် အရာရှိနေပါက ကျသွားစေရန် ကော်ဖီသောက်ချပါသော်လည်း ကျသွားခြင်းမရှိပါ။ တနေ့လုံး ထမင်းစား၊ ရေသောက် ပြုလုပ်နေသော်လည်း လည်ပင်း၌ တစ်ဆို့ဆို့ ရှိနေဆဲဖြစ်ပါသည်။

သမီးအား ပြောပြရာ-မေမေရယ်၊ တခုခု ကပ်နေတာ ဖြစ်ပါလိမ့်မယ်၊ ညအိပ်ရင် ကျသွားမှာပေါ့-ဟု ပြောပါသည်။
နောက်နေ့ နံနက် အိပ်ရာထလျှင် ကျွန်မပြုနေကျအတိုင်း ရေတခွက်ခပ်၍ ဘုရားအား ကပ်ပြီး-ဤရေသည် ကြည်လင်အေးမြသကဲ့သို့ သုံးဆယ့်တဘုံရှိ လူနတ်ဗြဟ္မာ သတ္တ၀ါအပေါင်း ကိုယ်စိတ်နှစ်ဖြာ အေးမြချမ်းသာကြ ပါစေ၊ ဘေးရန်ကင်းကြပါစေ၊ မတောင့်မတ မကြောင့်မကြ လိုအင်ဆန္ဒနှင့် တလုံးတ၀တည်း ပြည့်စုံကြပါစေ။ နှလုံးစိတ်ဝမ်း အေးချမ်းကြပါစေ-စသည်ဖြင့် မေတ္တာပို့ပါသည်။

ပြီးမှ ရေဖြင့် ပါးစပ်ဆေး၊ အာခေါင်ကျင်းပါသည်။ အာခေါင်ကျင်းသည်နှင့် လည်ပင်း၌ တစ်ဆို့နေသည့် နေရာမှ ဂုန်နီအိတ်ကြိုး အထွေးလိုက် တော်တော်များများ ထွက်ကျလာပါသည်။ မျက်ခြင်း၊ စူးရှခြင်း ဝေဒနာလည်း မရှိတော့ပါ၊ လည်ချောင်းလည်း ရှင်းသွားပါသည်။

ထိုအခါမှ ကျွန်မသည် သူတပါးက အကောက်ကြံ၍ အောက်လမ်းဖြင့် ပြုစားထားသည်ကို မြတ်စွာဘုရားအား ဦးထိပ်ထားသည့်အတွက် ၀မ်းထဲသို့ မရောက်နိုင်ဘဲ နောက်တနေ့နံနက်တွင် မေတ္တာပို့သည့်အခါ ထွက်ကျလာခြင်း ဖြစ်ကြောင်းကို တွေးတောဆင်ခြင်မိပါတော့သည်။

ကျွန်မ၏ကိုယ်တွေ့ဖြစ်ရပ်မှန်ကို ရေးသားတင်ပြခြင်း ဖြစ်ပါသည်။ အားလုံးသော လူအပေါင်း၊ ပုဂ္ဂိုလ်အပေါင်းတို့ ကျွန်မကဲ့သို့ မြတ်စွာဘုရားအား အရာရာ၌ မမေ့မလျော့ ဦးထိပ်ထားပါရန်၊ ဘုရားဂုဏ်တော် ကိုးပါးကိုလည်း ရွတ်ဆိုပါရန်နှင့် မေတ္တပို့ခြင်းကိုလည်း ပြုလုပ်ကြပါရန် မေတ္တာ စေတနာကောင်းဖြင့် တိုက်တွန်းနှိုးဆော်လို၍ ရေးသားတင်ပြခြင်း ဖြစ်ပါသည်။

( တက္ကသိုလ်-ခေမာ၊ ကျိုက်လတ် )

( မြတ်မင်္ဂလာ ၁၉၉၈-ခု ဖေဖော်ဝါရီလ )

No comments: