Tuesday, June 9, 2009

ဘာသာရေး ပြဿနာ ( ၆၆ )

( ဘဒ္ဒန္တတိလောကသာရ ဖြေသည် )

( မေး ) ( ကားပေါ် ရထားပေါ်ဝယ် )
အရှင်ဘုရား၊ တပည့်တော်တို့သည် ကားပေါ် ရထားပေါ်တို့တွင် ရဟန်းသံဃာများနှင့် တခုံတည်းတွဲ၍ စီးကြရသည့်အခါမျိုးရှိပါသည်။ ရဟန်းသံဃာများသည် မိမိထက် သုံးဝါကြီးသော ရဟန်းနှင့်ပင် တခုံတည်း မထိုင်ရ-ဟု ကြားဘူးပါသည်၊ လူနှင့် ရဟန်း ဤသို့ တွဲ၍ထိုင်သဖြင့် ရဟန်းမှာ အပြစ်ရှိလျှင် လူမှာလည်း အပြစ်ရှိနိုင်ပါသည်။ မည်သို့အပြစ်ရှိ၍ မည်သို့ ဖြေဖျောက်သင့်ကြောင်း ရှင်းလင်းဖြေကြားတော်မူပါဘုရား။
( ဒကာတင်လှ-ဘုန်းကြီးလမ်း၊ ရန်ကုန် )

( ဖြေ )
ရဟန်းအချင်းချင်း နေရာတူ ထိုင်နိုင်ခွင့်ရှိသည့် သုံးနှစ်သုံးဝါအတွင်းရှိသူ ( နှစ်နှစ်နှင့် ဆယ်လ၊ ဆယ့်တလကွာ ကြီးသူ၊ ငယ်သူ ) သာ တခုံတည်း ထိုင်နိုင်သည်ဟု ခွင့်ပြုချက်ရှိသည်မှာ မှန်ပါသည်။ သို့သော် တခုံတည်း ဟူသည်မှာ ရွှေ့နိုင်၊ ပြောင်းနိုင်သော ခုံမျိုး (သံဟာရိမ) မျိုးကိုသာ ဆိုပါသည်။
မြေစိုက်ခုံမျိုး၊ အသေရိုက်ထားသော ကား-ရထား ခုံမျိုး (အသံဟာရိမ) ကို မဆို။ ထိုအသေရိုက် တပ်ဆင်သော (အသံဟာရိမ) ခုံမျိုးမှာ ကျောက်တုံး၊ ကျောက်ဖျာ၊ သစ်ပင်အောက်များတွင် တိုင်စိုက်၍ ပြုလုပ်ထားသော ကွပ်ပျစ်၊ အိမ်ကြမ်းပြင်၊ ဇရပ်ကတုံးများနှင့် အလားတူသဖြင့် တထာရူပေ အပိ ဖလကက္ခဏ္ဍေ အနုပသမ္ပန္နေနာပိ သဒ္ဓိံ နိသီဒိတုံ ၀ဋ္ဋတိ (၀ိနယသင်္ဂဟ-ဋ္ဌ၊ ၄၂၆) အခြေအနေအရ (သွားရင်း လာရင်း) ရဟန်းနှင့် လူတကာတို့မှာ အာပတ်မသင့်ပါ။ မာတုဂါမများနှင့်သာ အတူမထိုင်ကောင်းသဖြင့် ရှောင်ကြဉ်သင့်ပါသည်။
*********************************************************************************

( မေး ) ( ကထိန်ဒါယကာ နှစ်ဦးရှိနေလျှင် )
အရှင်ဘုရား၊ ကထိန်သင်္ကန်း ကပ်လှူရာတွင် ရှေးဦးစွာ ကထိန်လာရောက်လျှောက်ထားသူနှင့် နောက်မှ လာရောက်လျှောက်ထားသူ ဤနှစ်ဦးတို့အား မည်သူ၏ ကထိန်အလှူကို လက်ခံရပါမည်နည်း။ နောက်မှ လာရောက်လျှောက်သူ၏ ပစ္စည်းတန်ဖိုးသည် ဦးစွာလျှောက်သူ၏ ပစ္စည်းတန်ဖိုးထက် များနေလျှင် တန်ဖိုးနည်းသော ပထမလျှောက်ထားသူ၏ ကထိန်ကို လက်မခံဘဲ တန်ဖိုးများသော နောက်မှလျှောက်ထားသူ၏ ကထိန်ကိုသာ လက်ခံရမည်ဟု ကြားဖူးပါသည်။ အဘယ်ကြောင့် ပထမ လာရောက်လျှောက်ထားသည့် ကထိန်ကို လက်မခံရပါသနည်း။ ရှင်းလင်းစွာ ဖြေကြားပေးတော်မူပါဘုရား။
( ဦးသိန်းဆောင်-လယ်ကြီးရွာ၊ စစ်ကိုင်းမြို့နယ် )

( ဖြေ )
ရှေးဦးစွာ လျှောက်ထားလာသူထက် နောက်မှ လာရောက် လျှောက်ထားသူက သံဃာအား လာဘ်လာဘ ပိုမိုများပြားစွာ လှူဒါန်းနိုင်လျှင် နောက်လျှောက်ထားသူ၏ ကထိန်ကို အလှူခံနိုင်ကြောင်း အဋ္ဌကထာက ညွှန်ပါသည်။
သို့သော် ဦးစွာလျှောက်ထားသူအား ခေါ်ယူညှိနိုင်း၍ ပူးပေါင်းပေးခြင်း၊ ကထိန်သင်္ကန်းအဖြစ် မဟုတ်သော်လည်း ရိုးရိုးသင်္ကန်းအလှူဖြစ်စေခြင်း စသည်ဖြင့် ကျေနပ်စေသင့်သည်ဟု ဆိုပါသည်။ သစေ တသ္မိံ အနတ္ထတေယေ၀ အညံ ကထိနဒုဿံ အာဟရတိ။ ပ ။ ဣတရော ယထာ ယထာ သြ၀ဒိတွာ သညာပေတဗ္ဗော။( ၀ိ-ဋ္ဌ၊ ၃-၃၈၉)
ဆိုလိုသည်မှာ ကထိန်မခင်းမီ အခြားတဦးက လာ၍လျှောက်ထားလာလျှင် ထိုလျှောက်ထားလာသူက အာနိသင်များလျှင် ထိုနောက်လျှောက်ထားသူ၏ သင်္ကန်းဖြင့် ကထိန်ခင်းရမည်။

အာနိသင်လာဘ်နည်းသော ပထမဒါယကာကို ကထိန်မခင်းရသော်လည်း သံဃိကသင်္ကန်းလှူမှု အကျိုးကြီးလှပါသည်-ဟု ဆုံးမ သိစေအပ်ပါသည်-ဟု အဓိပ္ပါယ်ဖွင့်ဆိုထားလေသည်။
********************************************************************************

( မေး ) ( ဒက္ခိဏသာခါ )
အရှင်ဘုရား၊ ဒက္ခိဏသာခါသည် ဘုရား။ (သို့မဟုတ်) ရဟန္တာ ဖြစ်ပါသလား။ (သို့မဟုတ်) ရဟန္တာဖြစ်လျှင် မည်သည့်မျိုးရိုးမှ ဆင်းသက်ပြီး မယ်တော်၊ ခမည်းတော်တို့သည် မည်သူတို့ဖြစ်ကြပြီး ဘုရား။ (သို့မဟုတ်) ရဟန္တာဖြစ်လာပုံကို သိလိုပါသည်ဘုရား။
ဒက္ခိဏသာခါသည် အဘယ်ကြောင့် မီးကွင်းပါသနည်း။ မိမိအိမ်၌ မြတ်စွာဘုရားနှင့် အတူယှဉ်တွဲ ကိုးကွယ်သင့်ပါသလား။ မီးကွင်းဂါထာ နှင့် ဒက္ခိဏသာခါ ထုလုပ်ကိုးကွယ်ပုံ အင်္ဂါအလုံးစုံကို သိလိုပါသည်ဘုရား။
( မောင်မင်းမင်းထွန်း-လေးမျက်နှာမြို့၊ မြစ်ကျိုးရွာ၊ ဧရာဝတီတိုင်း )

( ဖြေ )
ဒက္ခိဏသာခါ ဟူသည် ဒက္ခိဏ-လက်ျာ (သို့မဟုတ်)တောင်ဘက်။ သာခါ-အကိုင်း။ ဗောဓိညောင်ပင်၏ တောင်ဘက်ကိုင်းကိုဖြတ်၍ သီဟိုဠ်ကျွန်း (သီရိလင်္ကာ) ၌ စိုက်ပျိုးထားသော ဗောဓိပင်ဖြစ်သည်။
ထိုဗောဓိပင်၏ အခက်အရွက်များကို သရိုးပြု၍ ထုလုပ်ထားသော (သို့မဟုတ်) ထိုညောင်ပင်၏ အပွား ညောင်သားများကို ထုလုပ်ထားသော (သို့မဟုတ်) ထိုထုပ်လုပ်ထားသည့် ဘုရားပုံအတိုင်း ပုံတူပြု၍ ထုလုပ်ထားသော ဘုရားရုပ်ပွားတော်ဖြစ်သည်။

ရဟန္တာပုံ မဟုတ်။ ဘုရားရုပ်ပွား ဥဒ္ဒိဿစေတီတော်ပင် ဖြစ်၍ မယ်တော် ခမည်းတော်သည် ဗုဒ္ဓ၀င်ပါအတိုင်း မှတ်ပါ။ ဘုရားပုံတော်ဖြစ်၍ သီးခြားထား ကိုးကွယ်စရာ မလိုပါ။ မီးကွင်းခြင်း၊ အန္တရာယ်ကင်းခြင်းတို့မှာ ကိုးကွယ်သူတို့၏ စေတနာ သဒ္ဓါတရားပေါ်မှာ တည်ပါသည်။ ကိုးကွယ်သူတို့ စေတနာ သဒ္ဓါတရား ကောင်းမွန်လျှင် မည်သည့်ရုပ်ပွား ဥဒ္ဒိဿစေတီတော်မဆို မီး ရေ စသော ဘေးအန္တရာယ်တို့မှ ကင်းရှင်းနိုင်ပါသည်။ မီးကွင်းဂါထာဟူ၍ အထူးမရှိပါ။ ကိုးကွယ်ထုလုပ်ပုံ အင်္ဂါအလုံးစုံတို့ကို သိလိုလျှင် ဒက္ခိဏသာခါအကြောင်း စာအုပ်စာတမ်းများကို ရှာဖွေဖတ်ရှုစေလိုပါသည်။ ဤတွင် အကျယ်မရေးသာပါ။
********************************************************************************

( မေး ) ( ဂုဏ်တော် ပရိတ်တော် ပွားများမှု )
အရှင်ဘုရား၊ ဘုရားရှင်၏ ဂုဏ်တော်၊ ပရိတ်တော်နှင့် မေတ္တာပွားများခြင်းတို့ကို အချိန်အခါအားလျော်စွာ အသံမထွက်ရဘဲ နှုတ်ခမ်းလှုပ်ရုံ၊ စိတ်အာရုံဖြင့် ရွတ်ဆိုပွားများခြင်းအတွက် အကျိုး ရှိ-မရှိနှင့် စေတီပုထိုးများရှေ့တွင် သီလခံယူခြင်းအတွက် ရ-မရ တို့ကို သိလိုလှပါသည်ဘုရား။
( ငှက်ပြာ-ချောက် )

( ဖြေ )
မြတ်စွာဘုရား၏ ဂုဏ်တော်နှင့် မေတ္တာဘာဝနာတို့မှာ သမထကမ္မဋ္ဌာန်းများ၌ ပါဝင်သဖြင့် စိတ်နှလုံးထဲ၌ အဖန်ဖန်ပွားများ စီးဖြန်းသင့်သော တရားများ ဖြစ်ပါသည်။
ပရိတ်တော်များကား ပွားများစီးဖြန်းရသော ဘာဝနာကမ္မဋ္ဌာန်းမျိုး မဟုတ်ဘဲ ရွတ်ဆိုသရဇ္ဈာယ်ရသော တရားမျိုး ဖြစ်ပါသည်။ ထို့ကြောင့် ပရိတ်တော်၊ ဂါထာတော်များကို ပုဒ် ပါဌ် မှန်ကန်အောင် သင်ယူလေ့လာ၍ အသံထွက်ကာ ရွတ်ဆိုရပါကြောင်းနှင့် ငါးပါးသီလ ရှစ်ပါးသီလ တို့ကိုလည်း ဘုရားရှေ့တော်၌ အသံထွက်၍ မိမိကိုယ်တိုင် ရွတ်ဆိုခံယူမှသာ ရနိုင်ပါကြောင်း ဖြေကြားအပ်ပါသည်။
********************************************************************************

( မေး ) ( ပါရာဇိကရဟန်းအတွက် ကံပျက်-မပျက် )
အရှင်ဘုရား၊ ပါရာဇိကကျနေသော အလဇ္ဇီရဟန်းသည် ဥပသမ္ပဒကံဆောင်ရာ၌
(၁) ကာရကသံဃာ၌ ပါဝင်ခြင်း
(၂) ဥပသမ္ပဒကမ္မ၀ါစာ ရွတ်ဖတ်ခြင်း
(၃) အနုသာသက ပုဂ္ဂိုလ်ပြုလုပ်၍ ဆုံးမခြင်း

သိမ်သမုတ်ရာ၌-
(၁) သံဃာ၌ ပါဝင်ရောနှော၍ နေထိုင်ခြင်း
(၂) သိမ်နုတ် သိမ်သမုတ် ကမ္မ၀ါစာများ ရွတ်ဖတ်ခြင်း စသည်များ၌ ပါဝင်ပြုလုပ်နေခဲ့ပါလျှင်
ထိုကံများ ပျက်-မပျက် ဖြေကြားချီးမြှင့်တော်မူပါရန် ရိုသေစွာ လျှောက်ထားပါသည်ဘုရား။
( အရှင်ဝိသောဓန-ကျောက်မြောင်းကျောင်းတိုက်၊ တာမွေ၊ ရန်ကုန် )

( ဖြေ )
သိမ်အတွင်း ဥပသမ္ပဒ ကံဆောင်ရာ၌ ဖြစ်စေ၊ သိမ်သမုတ်၊ သိမ်နုတ်ရာ၌ဖြစ်စေ ပါရာဇိကကျနေသော ရဟန်းမှတပါး သံဃာပြည့်လျှင် ငါးပါးထက်ပိုလျှင် ပါရာဇိကကျနေသော ရဟန်းကိုယ်တိုင် ကမ္မ၀ါစာဖတ်သည် ဖြစ်စေ၊ မဖတ်သည်ဖြစ်စေ ကံအောင်ပါသည်။ ၄င်းအဆုံးအဖြတ်ကို ၀ိနယာလင်္ကာရဋီကာ ၁-၂၇၂ ၌ ကြည့်ရှု နိုင်ပါသည်။

ထို့အတူ ၀ဇိရဗုဒ္ဓိဋီကာ၌လည်း ဥပသမ္ပန္နပုဗ္ဗောဧ၀ စေ ကမ္မ၀ါစံ သာဝေတိ၊ သံဃော စ တသ္မိံ ဥပသမ္ပန္နသညီ ဧ၀ဉ္စေ ကမ္မံ ရုဟတိ။ (၀ဇိရ-ဋီ ၁၀၉ ) စသည်ဖြင့် ဆိုပါသည်။ ပါရာဇိကကျသောရဟန်းသည် ငါ-ပါရာဇိက ကျပြီဟု ၀န်ခံ၍ လူထွက်သွားသော်မှသာ ရဟန်းကိစ္စတို့ကို မဆောင်ရွက်နိုင်ခြင်း ဖြစ်သည်။ ၀န်မခံ လူမထွက်သော် ရဟန်းခံ စသော ကံများ၌ ပါဝင်နိုင်ပါသေးသည်။

( မြတ်မင်္ဂလာ ၁၉၉၇-ခု ဒီဇင်ဘာလ )

No comments: