Wednesday, June 10, 2009

ဘာသာရေး ပြဿနာ ( ၆၇ )

( ဘဒ္ဒန္တတိလောကသာရ ဖြေသည် )

( မေး ) ( လှည်း လှေ-စသော ယာဉ်နှင့် ရဟန်းများ )
အရှင်ဘုရား၊ အချို့ရဟန်းသံဃာတော်များသည် တိရစ္ဆာန်နှင့်ဆွဲသော ရထား၊ လှည်း၊ ယာဉ် စသည်များကို စီး၍ ခရီးမသွားကြပါ။ အချို့ရဟန်းတော်များဆိုလျှင် လူများရုန်းကန်၍ နင်းရသော ဆိုက္ကားကိုပင် မစီးကြပါ။ ရှေးအခါက ရေလမ်းခရီးကိုသာ အားထားကြရသဖြင့် လူတို့လှော်ခတ်ရသော လှေသမ္ဗန်များကိုလည်း စီး-မစီး သိလိုပါသည်။ ထိုယာဉ်များနှင့် ပတ်သက်၍ ၀ိနည်းတော် မည်သို့ရှိသည်ကို သိလိုပါသည်ဘုရား။
( ဦးဝမ်း-၃-ရပ်ကွက်၊ ဥဿာမြို့သစ်၊ ပဲခူး )

( ဖြေ )
ယာနာနိ ပုမယုတ္တာနိ ၊ သိဝိကံ ဟတ္ထယုတ္တကံ ။
ပါဋင်္ကိဉ္စ ဂိလာနဿ ၊ ကပ္ပတေ အဘိရုဟိတုံ ။
ဝိနည်းပါဠိတော်အတိုင်း ဆိုထားသော ခုဒ္ဒသိက္ခာအရ နွားထီးစသည်ကသော လှည်းယာဉ်၊ လူထမ်းသော ထမ်းစင်၊ လူတို့က လက်ခြေစသည်ဖြင့် လည်စေအပ်သော လက်တွန်း လက်ဆွဲယာဉ် (ဆိုက္ကား)၊ အ၀တ်ထမ်းစင် (ပုခက်)၊ တို့ကို မကျန်းမာသော ရဟန်းအား စီးရန် အပ်သည်ဟု ၀ိနည်းက ဆိုပါသည်။

ခရီးဝေးဝေး လမ်းမသွားနိုင်ခြင်း စသည်မှာလည်း မကျန်းမာခြင်းပင် ဖြစ်ပါသည်။ နွားထီးကသော လှည်းတို့ကို ယောက်ျား မိန်းမ မည်သူပင် မောင်းမောင်း မကျန်းမာသောရဟန်းနှင့် ခရီးဝေးမသွားနိုင်သော ရဟန်းများ စီးကောင်းသည်ဟု ဆိုပါသည်။

သင်္ဘော လှေတို့ကိုမူ ဂိလာနမဟုတ်သည့်တိုင် စီးကောင်းပါသည်။ မြတ်စွာဘုရားကိုယ်တော်တိုင်ပင် ရာဇဂြိုဟ်မှ ဝေသာလီပြည်သို့ ကြွရာ၌ လှေဖောင်တို့ဖြင့် ကြွတော်မူကြောင်း ရတနသုတ်အဖွင့်တွင် ပါရှိပါသည်။ မီးရထား ကား စသည်တို့မှာလည်း လူက မှန်မှန်သွားရုံလောက်သာ ကြောင့်ကြစိုက်ရ၍ ပင်ပန်းကြီးစွာ မဆွဲ မငင်ရသောကြောင့် ရဟန်းများ အခါခပ်သိမ်း စီးနိုင်ပါသည်။
********************************************************************************

( မေး ) ( အဓုဝံ-အနိစ္စံ )
အရှင်ဘုရား၊ မရဏံ မေ ဓုဝံ မရိဿတိ-ဟူ၍ ပါဠိတော်လာရှိသည်မှာ မေ-ငါ၏။ မရဏံ-သေခြင်းသည်။ ဓုဝံ-မြဲ၏။ ဟု အနက်ရှိပါသည်။
သေခြင်းတရားကို အနိစ္စ-အမြဲမရှိ-ဟူ၍ အနက်ပေးသည်ကိုလည်း တွေ့ရပြန်ပါသည်။
အဓုဝံ-အမြဲမရှိ နှင့် အနိစ္စံ-အမြဲမရှိ အနက်ပေးတူနေခြင်းကို ရှင်းပြပေးစေလိုပါသည်ဘုရား။
( ဦးညိုဝင်း-၄-ရပ်ကွက်၊ ကသာမြို့ )

( ဖြေ )
မေ-ငါ၏၊ မရဏံ-သေခြင်းသည်၊ ဓုဝံ-မြဲ၏-ဟု အနက်ပေးသည်မှာ မှန်ပါသည်။
မေ-ငါ၏၊ မေ-ငါ့အား သေခြင်းတရားသည် မြဲသည်။ မုချသေရမည်-ဟု ဆိုလိုပါသည်။
သေခြင်းတရားသည် အနိစ္စ-အမြဲမရှိ-ဟု ဆိုရိုးမရှိပါ၊ လောကသည် အမြဲမရှိ၊ လူဟူသမျှ သူရော ငါရော အမြဲမရှိ၊ အနိစ္စသာ ဖြစ်သည်။ သေခြင်းတရားကား နိစ္စ-မြဲသည်၊ ဓုဝံ-မြဲသည်၊ မုချအမှန် သေရမည်သာ ဖြစ်သည်-ဟု ဆိုလိုသဖြင့် မရဏံနှင့် အနိစ္စ တွဲ၍မဆိုရ၊ မဆိုနိုင်။
ဓုဝံ-မြဲ၏၊ နိစ္စံ-မြဲ၏။ ဟူ၍သာ ဆိုနိုင်ကြောင်း သတိပြုရန် လိုအပ်ပါသည်။
*********************************************************************************

( မေး ) ( သင်္ကန်းအဟောင်း အသုံး )
အရှင်ဘုရား၊ အချို့ရဟန်းသံဃာများသည် ကိုယ်ရုံဧကသီများနှင့် ခြေသုတ်ခြင်း၊ ဖုန်ခါခြင်း၊ သင်္ကန်းဟောင်းများနှင့် ကျောင်းကို ဖုန်သုတ်ခြင်း၊ အမှိုက်လှည်းခြင်း၊ အိပ်ရာခင်းအဖြစ် အသုံးပြုခြင်းများသည် သင့်-မသင့် ဖြေကြားပေးတော်မူပါဘုရား။ ထို့ပြင် ဒုကုဋ် (၂-ထပ်) သင်္ကန်းကို အိပ်ရာခင်းအဖြစ် မသုံးသင့်ဟု ကြားဖူးပါ၍ ဟုတ်-မဟုတ် ဖြေကြားစေလိုပါသည်ဘုရား။
( ပညာသီရိ-မိတ္ထီလာမြို့ )

( ဖြေ)
သင်္ကန်းအဟောင်းများနှင့် ပတ်သက်၍ တေ အတ္တနော ဇိဏ္ဏစီဝရာနံ ကိံ ကရိဿန္တိ (ဓမ္မပဒ-ဋ္ဌ ၁-၁၄၀) စသည်ဖြင့် သာမာဝတီဝတ္ထုတွင် ဥတေနမင်းကြီးက အာနန္ဒာအား သင်္ကန်းအများအအပြား အလှူခံခြင်းနှင့် စပ်၍ အမေးရှိပါသည်။ ထိုအမေးကို အရှင်အာနန္ဒာက ပိုလျှံသော သင်္ကန်းဟောင်းများကို အခြားရဟန်းများအား ပေးရခြင်း၊ မြေအခင်းပြုရခြင်း၊ ခြေသုတ်ကြိုးဝန်း ပြုရခြင်း၊ နုပ်နုပ်စဉ်း၍ ရွှံ့နှင့်နယ်ကာ နံရံကို သုတ်လိမ်းရခြင်းဖြင့် အသုံးပြုပုံကို ဖြေဆိုပါသည်။

ထိုအဖြေကိုထောက်၍ သင်္ကန်းဟောင်းများကို ခြေသုတ်ဖုံ၊ ဖြေသုတ်ကြိုးဝန်း ပြုနိုင်ပုံကို သိပါ။
(အကျယ်ကို ဓမ္မပဒ သာမာဝတီ ၀တ္ထုတွင် ကြည့်ပါ) အမှိုက်သိမ်း၊ ဖုန်သုတ် စသည်လည်း အကြောင်းအားလျော်စွာ လုပ်နိုင်ပါသည်။ ဒုကုဋ် (၂-ထပ်) သင်္ကန်းကို ခင်း၍ အိပ်ခြင်းငှါ အပ်ပါသည်။ မြတ်စွာဘုရားသည် ဒုကုဋ်သင်္ကန်းကို လေးထပ်ခေါက်၍ ခင်းထိုင်ခြင်း၊ လျောင်းစက်ခြင်းတို့ကို ထိုထိုသုတ္တန်တို့၌ တွေ့နိုင်ပါသည်။
*********************************************************************************

( မေး ) ( ကဿပမြတ်စွာဘုရားနှင့် ဃဋိကာရ အိုးထိန်းသည် )
အရှင်ဘုရား၊ ဘာသာရေးစာစောင် တခုတွင် ဃဋိကာရ အိုးထိန်းသည်အကြောင်း အောက်ပါအတိုင်း ဖတ်ရှုရပါသည်။
(၁) ဃဋိကာရ အိုးထိန်းသည်အိမ်သို့ ကဿပမြတ်စွာဘုရားရှင် ဆွမ်းခံကြွသောအခါ ဃဋိကာရအား မတွေ့သဖြင့် အိုးထဲမှ ဆွမ်းခဲဖွယ် ဟင်းလျာများကို မြတ်စွာဘုရားကိုယ်တော်တိုင် ယူ၍ ဘုဉ်းပေးသုံးဆောင်တော် မူကြောင်း၊ ဃဋိကာရ ပြန်ရောက်သောအခါ အလွန်ပီတိဖြစ်ကြောင်း။
(၂) တကြိမ်တွင် မြတ်စွာဘုရား ကျောင်းတော်၌ မိုးယိုသဖြင့် ဃဋိကာရအိမ်သို့ ရဟန်းတို့အား အမိုးအလှူခံခိုင်းရာ ဃဋိကာရအား မတွေ့ရသဖြင့် ရဟန်းတို့ကိုယ်တိုင် ဃဋိကာရ၏ အိမ်အမိုးကို ဖျက်ယူကြကြောင်း၊ ဃဋိကာရ ပြန်ရောက်သောအခါ အလွန်ပီတိဖြစ်ကြောင်း ရေးသားထားပါသည်။

ဤတွင် ရဟန်းသံဃာတော်များအနေဖြင့် ဆွမ်းအစရှိသော ပစ္စည်းလေးပါးတို့ကို အလှူရှင်ကိုယ်တိုင် ကိုယ်ထိလက်ရောက် ပေးလှူပါမှ၊ သို့မဟုတ်-အကပ်မြောက်ခြင်းအင်္ဂါ ၅-ပါးနှင့် ကိုက်ညီပါမှ သုံးဆောင်ကောင်းကြောင်း ၀ိနည်းဒေသနာနှင့် (၁)အချက်သည် ကိုက်ညီခြင်း မရှိဟု ယူဆမိပါသည်။
(၂)အချက်တွင်လည်း အလှူရှင်ကိုမတွေ့သဖြင့် အလှူရှင့်အိမ်မှ အမိုးတို့ကို ရဟန်းတို့ကိုယ်တိုင် ဖျက်ယူသည် ဆိုသည်မှာလည်း ၀ိနည်းတော်နှင့် မကိုက်ညီရုံမျှမက လောကအမြင်နှင့်လည်း မတင့်တယ်သောကိစ္စ ဖြစ်နေသည်ဟု ယူဆမိပါသည်။

ထို့ကြောင့် ဤအရေးအသားများသည် အမှန်တကယ် အဖြစ်မှန်များမဟုတ်ဘဲ ဃဋိကာရအိုးထိနိးသည်၏ သဒ္ဓါစေတနာကို ပေါ်လွင်ထင်ရှားစေရန် အလွန်အကျူး ဖွဲ့ဆိုထားခြင်းများလော-ဟု သံသယစိတ် ဖြစ်မိပါသဖြင့် သံသယပျောက်၍ ရှင်းလင်းနားလည်မှုရှိရန် မေတ္တာရှေ့ထား၍ ဖြေကြားပေးတော်မူပါဘုရား။
( မောင်ခင်မောင်စိုး-ဂွမြို့ )

( ဖြေ )
ထိုအကြောင်းအရာမှာ မဇ္ဈိမနိကာယ မဇ္ဈိမပဏ္ဏာသ ပါဠိတော် ဃဋိကာရသုတ်တွင် ပါရှိပါသည်။ ယင်း၏အဖွင့် အဋ္ဌကထာ (မ-ဋ္ဌ ၃၊ ၁၉၇ )တွင်
(၁)အချက်ကို ဃဋိကာရသည် အပြင်ထွက်ခါနီး၌ ထမင်းဟင်းချက်ပြီး မိဘတို့အား ကျွေးမွေးသည်။ ထို့နောက် မိမိလည်းစားကာ မြတ်စွာဘုရားအတွက် နေရာခင်း၊ သောက်ရေ၊ သုံးရေတည်ထားပြီး၊ ဆွမ်းဟင်းတို့ကို အသင့်ထားခဲ့၍ သွားကြောင်း ဖွင့်ဆိုပါသည်။

ကဿပမြတ်စွာဘုရားရှင်ကလည်း အလွန်အကျွမ်းဝင်သော ဒါယကာဖြစ်၍ ဤသို့ခူးခပ်ယူ၍ ဘုဉ်းပေးကြောင်း၊ လှူဖွယ်ပစ္စည်းမှာ အလွန်စင်ကြယ်၍ ရဟန်းတို့ သပိတ်တွင်းမှ ဆွမ်းကဲ့သို့ဖြစ်ကြောင်း ဖွင့်ဆိုပါသည်။ ကိုယ်တိုင်ယူ၍ အာပတ် သင့်-မသင့်မှာ သိက္ခာပုဒ်ပညတ်ခြင်းသည် ရဟန်းတို့အဖို့သာဖြစ်၍ မြတ်စွာဘုရား၌ အာပတ်မရှိကြောင်း စသည် ဖွင့်ဆိုသည်။

( ၂ ) ဒုတိယအချက်တွင် ဃဋိကာရ၏ မိဘ မျက်မမြင်နှစ်ဦးတို့သည် မြတ်စွာဘုရား ကျောင်းတော်အတွက်ဆိုလျှင် တအိမ်လုံး ယူသွားပါစေ-ဟူသော စိတ်စေတနာ ရှိသည်။ ဖျက်ယူနေစဉ် ကြည်နူး ၀မ်းမြောက်နေမှုတို့အပြင် ဤစေတနာ ကြည်နူးဝမ်းမြောက်မှုတို့ကြောင့် ဤနေရာသည် ထိုအချိန်မှစ၍ ကမ္ဘာပျက်သည်အထိ မိုးလေမထိ ပကတိလုံခြုံနေမည့် ကပ္ပဋ္ဌိတိ ဖြစ်နေမည်ကို သိတော်မူသဖြင့် ဤသို့ပြုမူခြင်း ဖြစ်ပါသည်။

ဘုရားရှင်ကိုယ်တော်တိုင် ဖျက်၍ယူခဲ့-ဟူသော အမိန့်တော်ကြောင့် ဖျက်ယူသောရဟန်းတော်များမှာလည်း အာပတ်သင့်ဖွယ်မရှိပါ။ နောင်အခါ အမိုးအကာ မရှိသည့်တိုင် မိုးလေမနှိပ်စက် လုံခြုံလျက် ရှိနေသည်ကို တွေ့မြင်ရသည်။ မည်သူမျှလည်း ကဲ့ရဲ့မည့်ကိစ္စ မဟုတ်သည့်ပြင် ဃဋိကာရ၏ မိဘမျက်မမြင် နှစ်ဦး၏ စိတ်စေတနာတန်ခိုးကို ပေါ်လွင်စေသောကိစ္စလည်း ဖြစ်သည်။ ထို့ကြောင့် ကဿပမြတ်စွာဘုရား ကိုယ်တော်တိုင် ပြုစေခြင်း ဖြစ်ပါသည်။

မဇ္ဈိမပဏ္ဏာသ အဋ္ဌကထာတွင် အထင်အရှား ဖွင့်ဆိုဖော်ပြထားသော အရာဖြစ်သည်။ ဤဖွင့်ဆိုချက်သည် အမှန်တကယ် အဖြစ်မှန်များသာဖြစ်ကြောင်း ယုံမှားမဲ့ မှတ်သားထားစေလိုပါသည်။
********************************************************************************

( မေး ) ( နိရောဓသမာပတ်၊ အာပေါဓာတ်၊ ရုပ်နာမ်တရား )
အရှင်ဘုရား၊
(၁) ရဟန္တာများ နိရောဓသမာပတ် ၇-ရက်ဝင်စားသောအခါ ရဟန္တာပုဂ္ဂိုလ်များ ဘယ်သွားနေပါသနည်း။
(၂) ပထ၀ီ၊ အာပေါ၊ တေဇော၊ ၀ါယော ဓာတ်ကြီးလေးပါးတို့အထဲမှ အာပေါဓာတ်အကြောင်း သိလိုပါသည်ဘုရား။
(၃) ရုပ်တရား နာမ်တရား ၂-ပါးအနက် နာမ်တရားသည် ၁-စက္ကန့်တွင် ကုဋေတသိန်း ပျက်ပြီး
ရုပ်တရားကတော့ ကုဋေ ငါးထောင်ရှစ်ရာ့ရှစ်ဆယ်ကျော် ပျက်တယ်-ဟု သိရပါသည်။ ဘယ်လိုကွာခြား၍ သိရပါသနည်း ဖြေကြားတော်မူပါဘုရား။
( ကိုစိုးမောင်-ချောင်းရှည်ရွာ၊ ညောင်ဦးမြို့နယ် )

( ဖြေ )
(၁) နိရောဓသမာပတ် ၀င်စားနေသော ၇-ရက်အတွင်း၌ ရဟန္တာပုဂ္ဂိုလ်တို့သည် နာမ်တရားအားလုံး ချုပ်ငြိမ်းနေသဖြင့် သမာပတ်ဝင်စားစဉ် ထိုင်လျက်ဆိုက ၇-ရက်လုံး ရုပ်တရားကြီးသာ ထိုင်လျက်ရှိနေပါသည်။
သမာပတ်ဝင်စားစဉ် ဣရိယာပုထ်အတိုင်းပင် ၀င်စားသောနေရာ၌ ရှိနေပါသည်။ ဘယ်မျှမသွားပါ။

(၂) ၃၂-ကောဋ္ဌာသတွင် အာပေါဓာတ် ၁၂-ပါး ရှိပါသည်။ ၄င်းမှာ
သည်းခြေ၊ သလိပ်၊ ပြည်၊ သွေး၊ ချွေး၊ အဆီခဲ၊ မျက်ရည်၊ အဆီကြည်၊ တံတွေး၊ နှပ်၊ အစေး၊ ကျင်ငယ်-တို့ ဖြစ်ကြပါသည်။

(၃) နာမ်တရားသည် မျက်စိတမှိတ် လျှပ်တပြက် လက်ဖျစ်တတွက် (၁-စက္ကန့်) တွင် ကုဋေတသိန်း ပျက်သည်ဟု ဆိုသည်။ ၄င်းနာမ်တရား ၁၇-ချက်ပျက်မှ ရုပ်တရား တကြိမ် ပျက်ပါသည်။
ရုပ်တရားသည် နာမ်တရားထက် ၁၇-ဆ အပျက်နှေးသဖြင့် ဖော်ပြပါ ကွာခြားမှု ဖြစ်ရပါသည်။

( ၁၉၉၈-ခု မြတ်မင်္ဂလာ ဇန်န၀ါရီလ )

No comments: