Wednesday, June 24, 2009

ဘာသာရေး ပြဿနာ ( ၆၉ )

( ဘဒ္ဒန္တ တိလောကသာရ ဖြေသည် )

( မေး ) ( ဆံပင် မွေးညင်း )
အရှင်ဘုရား၊ လူ၏ခန္ဒာကိုယ်တွင် ဆံပင် မွေးညင်း စသည်ဖြင့် ရှိရာ ဆံပင်ပေါင်းမည်မျှ၊ မွေးညင်းပေါင်းမည်မျှဟု ဟောထားသောပါဠိတော်ရှိသည်ဟု သိရပါသည်။ ထိုဆံပင် မွေးညင်းတို့၏ အရေအတွက်ကို သိလိုပါသည်ဘုရား။
( ဦးထွန်းကို-တောင်ကြီး )

( ဖြေ )
လယ်တီဘုရားတော်ဘုရားကြီး ပြုစီရင်တော်မူသော ဘာဝနာဒီပနီတွင် ပဋိသမ္ဘိဒါမဂ် ပါဠိတော်၌-ကေသကာယံ၊ လောမကာယံ၊ နခကာယံ၊ ဒန္တကာယံ-အစရှိသည်ဖြင့် ဟောတော်မူသောကြောင့် တယောက်သောသူ၏ ကိုယ်သန္တာန်၌ ကေသကာယ၊ လောမကာယ၊ အစရှိသည်ဖြင့် ကာယပေါင်း ၃၂-ပါးရှိ၏။ (ကိုယ်ခန္ဓာပေါင်း ၃၂-ပါး ရှိ၏ဟူလို)။

၁။ ဆံပင်ပေါင်း ၂-ကုဋေ ၄-သန်း ရှိသည်ဆိုသောကြောင့် ကောသကာယပေါင်း ၂-ကုဋေ ၄-သန်းရှိ၏။
၂။ ထို့အတူ မွေးညင်းခေါ်သော ကိုယ်ခန္ဓာပေါင်း ၉-သောင်း ၄-ထောင် ရှိ၏။
၃။ ခြေသည်း လက်သည်း ခေါ်သော ကိုယ်ခန္ဓာပေါင်း ၂၀-ရှိ၏။
၎။ သွားခေါ်သော ကိုယ်ခန္ဓာပေါင်း ၃၂-ပါးရှိ၏။
၅။ အရေခေါ်သော ကိုယ်ခန္ဓာပေါင်း ၂-ပါးရှိ၏။( အရေထူ အရေပါး ဟူလို )။
၆။ အသားခေါ်သော ကိုယ်ခန္ဓာပေါင်း ၉-ရာရှိ၏။
၇။ အကြောခေါ်သော ကိုယ်ခန္ဓာပေါင်း ၉-ရာရှိ၏။
၈။ အရိုးခေါ်သော ကိုယ်ခန္ဓာပေါင်း ၃-ရာရှိ၏။ စသည်ဖြင့် ဖော်ပြထားသည်။ ( ယင်းကျမ်း ၃၂ )။


ဆံပင် မွေးညင်းတို့ကား ယေဘုယျအားဖြင့် ဖော်ပြပါ အရေအတွက်အတိုင်း မှတ်ပါ။ လူမျိုးအလိုက် ပုဂ္ဂိုလ်အလိုက် ကွာခြားမှုကား ရှိနိုင်ပါသည်။
*********************************************************************************

( မေး ) ( ပတ္တာနုမောဒနကုသိုလ် )
အရှင်ဘုရား၊ သူတပါးပြုသော ကုသိုလ်ကောင်းမှုကို သာဓုခေါ်လျှင် ကုသိုလ်ပြုသူနှင့် ထပ်တူရနိုင်ကြောင်း သိရပါသည်။ သိန်းပေါင်းလေးငါးဆယ်ကုန် လှူသောသူ၏အလှူကို သာဓုခေါ်လျှင် ထိုလှူသူနှင့် ထပ်တူ ရနိုင်-မရနိုင်၊ ရနိုင်သည်ဆိုလျှင် မိမိက တကျပ်တပြားမျှ မလှူဘဲ အချောင်ကုသိုလ်ယူနေသည်နှင့် မတူပါလား၊ ထိုပတ္တာနုမောဒန ကုသိုလ်ဟူသည်မှာ ဘုရားဟော ဟုတ်ပါသလား၊ ဖြေကြားပေးတော်မူပါဘုရား။
( သိလိုသူ-ရွှေတောင်မြို့ )

( ဖြေ )
ပတ္တာနုမောဒန ကုသိုလ်ဟူသည်မှာ ပုညကိရိယ၀တ္ထုဆယ်ပါးတွင် အပါအ၀င်ဖြစ်၍ ဘုရားဟောစစ်စစ်ပင် ဖြစ်ပါသည်။ ၄င်းမှာ ပုညကိရိယ ၀တ္ထုဆယ်ပါးတွင် မိမိ ( ပတ္တာနုမောဒန ) မှတပါး အခြားကိုးပါးသော ဒါန၊ သီလ။ ဘာဝနာ၊ အပစာယန၊ ဝေယျာဝစ္စ၊ ပတ္တိဒါန၊ ဓမ္မသ၀န၊ ဓမ္မဒေသနာ၊ ဒိဋ္ဌိဇုကမ္မ တို့ကို သာဓုခေါ်ခြင်းဖြစ်၏။

ဒါန၌ ပတ္တာနုမောဒနကုသိုလ် ဖြစ်ပုံကို ပုံစံထုတ်၍ပြရသော်-
သူတပါးလှူဒါန်းသည်ကို တွေ့ရလျှင် မိမိက ဣဿာ,မစ္ဆေရ ဟူသော ကဲ့ရဲ့ပြောဆို မနာလိုနှင့် ၀န်တိုခြင်း ကင်းရှင်းစွာဖြင့် ၀မ်းမြောက်နိုင်ဖို့ လိုပါသည်။
ထိုသို့ဝမ်းမြောက်နိုင်ရန်မှာလည်း မိမိကိုယ်တိုင်က ဒိဋ္ဌိဇုကမ္မခေါ် သမ္မာအယူ ဖြူစင်သန့်ရှင်း နှလုံးသွင်းကောင်း ရှိမှသာဖြစ်ရာ သာမန်သာဓုခေါ်ရုံဖြင့် ပတ္တာနုမောဒနခေါ် ကုသိုလ်ကို ရနိုင်မည်မဟုတ်ပေ။

လှူဒါန်းသူ၏စိတ်နှင့် ထပ်တူတပ်မျှ သဒ္ဓါတရားရှေ့သွားပြုနိုင်ရန် လွန်စွာအရေးကြီးလှသဖြင့် ဤကုသိုလ်ကို လွယ်လွယ်နှင့်မရနိုင်သည်ကို သိသင့်ပါသည်။ ကျောင်း-ဘုရားတို့တွင် ဝေယျာဝစ္စပြုနေသူကို တွေ့မြင်က တကယ်တမ်း ဣဿာ မစ္ဆေရ ကင်းကင်းဖြင့် ၀မ်းမြောက်ခြင်းဖြစ်သူ ရှားလှသည်။ နှုတ်မြွက်၍ မကဲ့ရဲ့မိသည့်တိုင်အောင် စိတ်ထဲက အပြစ်တင်လျက် ပြင်ပန်းဟန်လုပ်၍ နှုတ်ကသာဓုခေါ်သူသာ များတတ်လေသည်။

အခြားပုညကိရိယ၀တ္ထုတို့တွင်လည်း ထို့အတူ နှိုင်းယှဉ်လျက် သာဓုခေါ်သူအဖို့ အချောင်ကုသိုလ်ယူခြင်း ဖြစ်-မဖြစ် စဉ်းစားနိုင်စရာ ရှိပါသည်။
*********************************************************************************
( မေး ) ( ငါးထပ်ကြီး-ခြောက်ထပ်ကြီး )
အရှင်ဘုရား၊ ဆရာတော်ဘုရားသည် ခြောက်ထပ်ကြီးတိုက်၌ သီတင်းသုံးသည်ဟု သိရပါသည်။ ၄င်းခြောက်ထပ်ကြီး ငါးထပ်ကြီးဟူသော အမည်များကို တပည့်တော်များသိလိုပါသည်။ ဆရာတော်သိပါက ထိုအမည်များ၏ အဓိပ္ပါယ်ကို ရေးသားမိန့်ကြားပါရန် ရိုသေစွာ တောင်းပန်ပါသည်ဘုရား။
( ဦးဝင်း-ကျောက်မြောင်း )

( ဖြေ )
ငါးထပ်ကြီးကိုစွဲ၍ ခြောက်ထပ်ကြီး ဖြစ်လာရသည်။ မူလငါးထပ်ကြီးမှာ စစ်ကိုင်းမြို့မှာရှိ၍ ရန်ကုန်ငါးထပ်ကြီးကို စစ်ကိုင်းငါးထပ်ကြီး အချိုးအစားအတိုင်းယူ၍ တည်သည်။ အင်းဝဘုရင် မင်းရဲရန္တမိတ်ခေါ် ငါးထပ်ဒါယကာ (၁၀၁၀-၁၀၂၃) ကောင်းမှုဖြစ်သည့် စစ်ကိုင်းငါးထပ်ကြီး၏ အမည်တော်မှာ ဝေဠုဝန်ဟူ၍ ဖြစ်သော်လည်း တန်ဆောင်းတော်ကြီး အမိုးငါးထပ် ရှိသည်ကိုစွဲ၍ ငါးထပ်ကြီးအမည်တွင်ပါသည်။

၎င်းငါးထပ်ကြီး အချိုးအစားအတိုင်း တည်၍ ရန်ကုန်ငါးထပ်ကြီးမှာ မဟာသကျအတုလမာရ်အောင် သမုတ်သော်လည်း ငါးထပ်ကြီးဟူ၍ပင် ခေါ်ကြပါသည်။ ငါးထပ်ကြီးဘုရား တည်သောနေရာမှာ အရှေ့တောရဖြစ်၍ ဘုရားဖူးသွားရန် မလွယ်ပါ။ ရွှေတိဂုံမှ အရှေ့မြောက် တောလမ်းအတိုင်း သွားရပါသည်။ ရွှေဂုံတိုင်လမ်းလည်း မရှိသေး။ နောက်ခြောက်ထပ်ကြီးကို လျောင်းတော်မူပုံ တည်သည်။ တောဖြစ်၍ အရောက်သွားဖူးသူနည်းသည်။ ငါးထပ်ကြီးရောက်သူတို့သည် ငါးထပ်ကြီးကုန်းပေါ်မှမျှော်၍-သည်က ငါးထပ်ကြီး ဟိုက ခြောက်ထပ်ကြီး-ဟု ဘုရားဖူးများ နာမည်ပေး၍ ခြောက်ထပ်ကြီးဟု အလိုလို တွင်သွားသည်။

ဤငါးထပ်ကြီး ခြောက်ထပ်ကြီးများကို စွဲ၍ ထိုင်တော်မူဟန် ရုပ်ပွားတော်ကြီးများ အမြို့မြို့အနယ်နယ်တွင် တည်ကြရာ ကိုးထပ်ကြီး၊ ဆယ်ထပ်ကြီး စသည့် နာမည်များတွင်နေကြပါသည်။
*********************************************************************************

( မေး ) ( မိဘကို သတ်ခြင်း )
အရှင်ဘုရား၊ အမိအဖကိုသတ်လျှင် ပဉ္စာနန္တရိယကံ ထိုက်သည်ဟု ကြားဖူးပါသည်။ လူသားစင်စစ်ကို ဆိုတာလားဘုရား၊ အမိအဖတိုိ့ကို သတ်သောသူ၌ အမိအဖတို့သည် တိရစ္ဆာန်ဖြစ်ခဲ့သော် ထိုတိရစ္ဆာန် အမိအဖတို့ကို သတ်သော လူသားစင်စစ်သည် ပဉ္စာနန္တရိယကံ ထိုက်-မထိုက် နှင့် ထိုပဉ္စာနန္တရိယကံ လွန်ကျူးမိပါက မည်မျှအပြစ်ကြီးပါသလဲဘုရား။ သည်းခံ၍ ဖြေကြားပေးတော်မူပါဘုရား။
( အောင်စိုးမိုး-ပဲခူး )

( ဖြေ )
လူသားစင်စစ်ဖြစ်သော အမိအဖတို့ကို သတ်မှသာ ပဉ္စာနန္တရိယကံ ထိုက်ပါသည်။
ဇာတ်ကွဲသော (တိရစ္ဆာန်ဖြစ်သော) အမိအဖတို့ကို သတ်သော သားသမီး အနန္တရိယကံ မထိုက်။
ဤသို့ ကံမထိုက်သော်လည်း အလွန်ဝန်လေးသောကံ ဖြစ်၏။ အနန္တရိယကံကို မမီ့တမီ (မီလုနီးပါး) စွဲ၍ တည်သည်။ ၄င်းကံနီးပါး အပြစ်ကြီးသည်ဟု ဆိုပါသည်။
ဘာရိယံ ပန ဟောတိ၊ အနန္တရိယံ အာဟစ္စေ၀ တိဋ္ဌတိ။

သားသည် လူသားဖြစ်လျက် တိရစ္ဆာန်အမိအဖကို သတ်သော်၎င်း၊
သားသည် တိရစ္ဆာန်ဖြစ်လျက် လူသားဖြစ်သော အမိအဖကို သတ်သော်၎င်း၊
သားသည် တိရစ္ဆာန်ဖြစ်လျက် တိရစ္ဆာန်ဖြစ်သော အမိအဖကို သတ်သော်၎င်း၊ အနန္တရိယကံ မထိုက်။
အလွန်ဝန်လေးစွာသော အတိဘာရိယ ကံသာတည်းဟု သမ္မောဟ၀ိနောဒနီ အဋ္ဌကထာ၌ ဆိုထားချက်ရှိသည်။

လူသားမိဘကို သတ်သူသည် အနန္တရိယကံ ထိုက်၍ အ၀ီစိငရဲ၌ တကမ္ဘာပတ်လုံး ခံရသည်ဟုဆိုသည်။ အမိနှင့်အဖသည် အမိက အဖထက် ပို၍ကျေးဇူးကြီးသဖြင့် အဖသတ်သောကံထက် အမိသတ်သောကံက ပို၍ အပြစ်ကြီး၏။ ထိုမိဘကိုသတ်သောကံသည် ဂရုကံတွင်ပါဝင်၍ မည်သည့်ကုသိုလ်ကိုပင် လုပ်စေကာမူ ငရဲမှ မလွတ်နိုင်တော့ပေ။

အဇာတသတ်မင်းသည် ခမည်းတော်ဗိမ္ဗိသာရမင်းကြီးအား သတ်ခဲ့သည်။ ထို့နောက် ဘုရားရှင်အား အသက်တမျှကြည်ညိုလှူဒါန်း၍ ပထမသံဂါယနာတင်သည်အထိ ကုသိုလ်ကောင်းမှုများကို လုပ်သော်လည်း သုဂတိမရောက်။ အ၀ီစိငရဲမှလွဲ၍ လောဟကုမ္ဘီငရဲ၌ ဖြစ်ရလေသည်။
*********************************************************************************

( မေး ) ( တပါးသီလ )
အရှင်ဘုရား၊ ၇-၇-၉၁-နေ့ထုတ် လုပ်သားပြည်သူ့နေ့စဉ် သတင်းစာ ဘာသာယဉ်ကျေးမှုကဏ္ဍ (စာမျက်နှာ ၈-) တွင် မဟာစည်ဆရာတော်ဘုရား၏ သူတော်စင်တို့ စံအိမ်-တရားတော်ကို ဖော်ပြထားပါသည်။ ထိုတရားတော်တွင် သုတ်အကြောင်းရှင်းလင်းရင်း ငါးပါး ရှစ်ပါးသီလများကို နုတ်ပယ်၍၄င်း၊ ဖြည့်စွက်၍၄င်း မခံယူသင့်ကြောင်း-ပါရှိပါသည်။ ဆရာဦးသုခ၏ တပါးသီလနှင့် ထိုအဆိုအမိန့်နှစ်ရပ်မှာ ဒွိဟ ပွားစရာဖြစ်ပါ၍ ရှင်းလင်းဖြေကြားပေးပါဘုရား။
( သိန်းမင်းဝင်း-ရွှေပြည်သာ )

( ဖြေ )
အချို့သူများက မုသာဝါဒကိုချန်၍ ငါးပါးသီလမှ လေးပါးသီလ၊ ဥပုသ်စောင့်ရာတွင် ညစာစားလို၍ ရှစ်ပါးသီလမှ ၀ိကာလဘောဇန-ကို ချန်၍ ခုစ်ပါးသီလ ခံယူကြကြောင်း ကြားသိရပါသည်။ ဘုရားဟောတရားတော်များကို ဖျက်ဆီးခြင်းပင်ဖြစ်၍ မလုပ်အပ်-မလုပ်သင့်သော အမှုများဖြစ်ပါသည်။ ထို့ကြောင့် ဆရာတော်ဘုရားကြီးများက မလုပ်ကြရန် သတိပေးခြင်း ဖြစ်ပါသည်။

တပါးသီလ-ဆိုသည်မှာ လုံးလုံးသီလမရှိသည်ထက် တပါးတလေရှိနေခြင်းက တော်သေးသည်ဟု ပုံပြင်ပမာ ပြောဆိုခြင်းသာဖြစ်၍ စာလာ ပေလာ ကျန်းဂန်လာ စကား မဟုတ်ကြောင်း သတိပြုစရာ ဖြစ်ပါသည်။
*********************************************************************************

( မေး ) ( ရတနာသုံးပါး၊ ငါးပါး )
အရှင်ဘုရား၊ ရတနာသုံးပါးဟူ၍ ကြားဖူးပါသည်၊ ဆိုရိုးလည်း ရှိပါသည်၊ သို့သော် မိဘနှင့် ဆရာသမားတို့သည် ဘုရားနှင့်တဂိုဏ်းတည်း အနန္တဂိုဏ်းဝင် ဖြစ်သည်ဟု ဆိုသည်။ သို့ပါလျက် အဘယ်ကြောင့် ရတနာငါးပါးဟု မဆိုဘဲ ရတနာသုံးပါးဟုသာ ဆိုရပါသလဲဘုရား။
( လှတင်-ကညင်မြိုင်-ရမ်းဗြဲ )

( ဖြေ )
ရတနတ္တယံ၊ ၀တ္ထုတ္တယံ စသည်ဖြင့် ရတနာသည် ဘုရား၊ တရား၊ သံဃာ ဤသုံးဖြာသာဖြစ်သဖြင့် ရတနာသုံးပါးဟု ဆိုပါသည်။ ဤသုံးပါးမှတပါး အခြား မြတ်သောရတနာ မရှိပါ။ မိဘနှင့် ဆရာသမားတို့မှာ ဂုဏ်ကျေးဇူးကြီးမားသူများဖြစ်၍ အနန္တဂိုဏ်းဝင်အဖြစ် အမှတ်ထား၍ ဘုရားနှင့်ဂုဏ်ကျေးဇူး တူတန်ကြောင်း ဆိုပါသည်။ ရတနာအဖြစ် မဆိုပါ။ အနန္တောအနန္တ ငါးပါးဟုသာ သတ်မှတ်သည်။ ရတနာငါးပါးဟု သတ်မှတ်ချက် မရှိပါ။ ဤသို့ ခွဲခြားမှတ်သားသင့်ကြောင်း ပြောလိုပါသည်။

( မြတ်မင်္ဂလာ ၁၉၉၈-ခု မတ်လ )

No comments: