Friday, June 26, 2009

ကံ ကံ၏အကျိုး ( ၆၄ )

( ရေချမ်းစင် )

ကျွန်မတို့အိမ်နှင့် မျက်နှာချင်းဆိုင်ဖြစ်သော ဦးမောင်နှင့် ဒေါ်လှတို့၏ အိမ်ရှေ့တွင် ရေချမ်းစင်ကလေး ရှိသည်။ ထိုရေချမ်းစင်ကလေးသည် နွေ-မိုး-ဆောင်း ရာသီအလိုက် အမြဲ ရေပြည့်လျက်ရှိသည်။ ဦးမောင်တို့မိသားစုသည် ရေချမ်းစင် ရေမပြတ်အောင် အမြဲဂရုပြုကြသည်။ ရေချမ်းစင်ကလေးမှာ သပ်သပ်ရပ်ရပ်၊ သန့်သန့်ရှင်းရှင်း ရှိသဖြင့် ရေချမ်းစင်နားသို့ ရောက်သူတိုင်း ရေသောက်ပြီးမှ သွားကြသည်။ အိမ်ရှိမိသားစုကလည်း အယုတ်-အလတ်- အမြတ် မရွေး မည်သူမဆို သောက်သုံးရန်အတွက် စေတနာသန့်သန့်ဖြင့် တည်ထားခြင်းဖြစ်ပါသည်။

ကျွန်မတို့ရွာလေးသည် နွေရာသီရောက်တိုင်း ရေဒုက္ခနှင့် တွေ့ကြုံရစမြဲပါ။ သို့သော် ဦးမောင်တို့ အိမ်ရှေ့ရှိ ရေချမ်းစင်ကလေးသည် ဘယ်သောအခါမှ ရေပြတ်သည်ဟူ၍ မရှိခဲ့ဘူးပါ။ ရေလှူရသော ကုသိုလ်ကံ စေတနာကြောင့် ရေအကျိုး ၁၀-ပါး ရသည်ကိုတော့ လူတိုင်းသိကြပြီး ဖြစ်ပါသည်။ ရဟန်း-သံဃာတော်များနှင့် လူကြီးသူမများက လူငယ် လူရွယ်များအား ပြောပြပေးကြသဖြင့် ရေအကျိုး ၁၀-ပါး၊ ဆွမ်းအကျိုး ၅-ပါး စသည့် ကုသိုလ်များ ရတတ်ကြောင်းကို သိကြသော်လည်း ရေချမ်းစင်ကိုဖြင့် အိမ်အများတွင် မတွေ့ရပါ။ ယခုဘ၀ မိမိပြုလိုက်သော ကုသိုလ်ကံ စေတနာအကျိုးသည် နောင်ဘ၀မှ ခံစားရမည်ဟု ကျွန်မ ထင်မိပါသည်။

ယခုကား ဤသို့မဟုတ်ပါ။ နောင်ဘ၀ရော ယခုဘ၀ပါ အကျိုးထူးကို ခံစားရပါသည်။ မိမိပြုလိုက်သောကုသိုလ်ကံ အကုသိုလ်ကံသည် မိမိနောက်သို့ အရိပ်လို လိုက်ပါနေပါလား-ဟု ကျွန်မခံယူမိပါသည်။ ဦးမောင်တို့ မိသားစုသည် ယခုဘ၀၌ပင်လျှင် ကောင်းကျိုးချမ်းသာကို ခံစားနေရသည်မှာ ကျွန်မတို့ မျက်စိရှေ့မှောက်၌ပင် ဖြစ်ပါသည်။

ဦးမောင်တို့ မိသားစုသည် လယ်ယာလုပ်ငန်းဖြင့် အသက်မွေးကြသည်။ ယခင်က တနှစ်လျှင် တသီးစား စိုက်ပျိုးခဲ့ရာမှ ယခုအခါ နှစ်သီးစား စိုက်ပျိုးခဲ့ရာ အောင်မြင်ဖြစ်ထွန်းလျက် ရှိပါသည်။ လယ်လုပ်ငန်းပြီး၍ အားလပ်သောအချိန်တွင် ဦးမောင်၏သား တယောက်သည် ရွှေကျင်ခြင်းအလုပ်ကို လုပ်ကိုင်သည်။ လုပ်ငန်းတိုင်း အဆင်ပြေသဖြင့် ဦးမောင်တို့ မိသားစုကို ကြည့်ရသည်မှာ အားကျစရာပင် ကောင်းလှသည်။ အဆင်ပြေလို့လုပ်၊ လုပ်လို့ အဆင်ပြေ ဆိုသလို ဖြစ်နေပါသည်။

ယခုအခါတွင် ဦးမောင်တို့အိမ်မှာ စပါးကြိတ်စက် (ကျွန်မတို့အရပ်ဒေသခေါ် ဟာလာစက်) ရေစုတ်စက်တို့ ပိုင်နေပြီ။ အိမ်တွင်းပစ္စည်းများလည်း ပြည့်စုံနေပြီ။ ဦးမောင်ရဲ့သား ရွှေပြန်ရပြီတဲ့-ဟူသော သတင်းကောင်းကိုလည်း မကြာခဏကြားရသည်။ ဦးမောင်တို့ စီးပွားရေးသည် တနေ့တခြား ဒီရေအလား တိုးတက်လာသည်။ ယခင်က အခြေအနေနှင့် ယခုအခြေအနေသည် ကွာခြားနေပေပြီ။ ဦးမောင်တို့ မိသားစုသည် ကျွန်မတို့ရွာတွင် လူချမ်းသာစာရင်းဝင် ဖြစ်နေပါသည်။

ရွာထဲမှ အသက်အရွယ်ကြီးရင်းသူများက ငမောင်တို့ မိသားစုကတော့ အားကျစရာပါပဲကွာ။ သူတို့မိသားစု စေတနာသန့်သန့်နှင့် လှူထားတဲ့ ရေချမ်းစင်ကလေးက သူတို့ကို ကောင်းကျိုးပေးနေပြီလေ။ ရေချမ်းစင်က ရေလေးအေးမြသလို သူတို့မိသားစုရဲ့ ရှေ့ရေးဟာလဲ စိတ်အေးရပြီပေါ့ကွာ-ဟု ပြောဆိုတတ်ကြသည်။
မိမိပြုလိုက်သော ကိုသုလ်ကံသည် ကောင်းကျိုးကို ပေးတတ်၏။ လှူတာခြင်းတူသော်လည်း စေတနာပါပါနှင့် လှူဖို့က အရေးကြီးပါသည်။ ဦးမောင်တို့ စေတနာသန့်သန့်နှင့် လှူသောအလှူသည် ငွေကုန်သောအလှူ မဟုတ်သော်လည်း အလှူ၏အကျိုးကို လက်ငင်းပင် ခံစားရပါသည်။

( သင်း-မြန်မာစာ )
*********************************************************************************

( ဒါနကုသိုလ် )

ကလေးမြို့နယ် အာဝါးရွာတွင် နေထိုင်သော ဦးဘသောင်းနှင့် ဒေါ်အုံးခင်တို့ ဇနီးမောင်နှံတွင် သားသမီး ၆-ယောက် ထွန်းကား၏။ မိသားစု ၈-ယောက်လုံးစုံမှ ထမင်းဝိုင်းဖွဲ့ စားလေ့ရှိသည်။ ပစ္စည်းဥစ္စာ မချမ်းသာသော်လည်း ကိုယ်ကျန်းမာ စိတ်ချမ်းသာ ကြသည်။

၁၉၉၃-ခုနှစ်က ဖြစ်ပါသည်။ သားလတ်သည် ၆-တန်းအရွယ် ရောက်ပြီဖြစ်သော်လည်း ရှင်မပြုရသေးပါ။ ထို့ကြောင့် ရှင်ပြုနိုင်ရေးအတွက် တမိသားစုလုံး လယ်ယာလုပ်ငန်းကို ယခင်ကထက် ကြိုးစား၍ ဆောင်ရွက်ကြသည်။ ရွာနှင့်နီးသော မိမိပိုင်လယ်ကွက်များမှ စပါးရိတ်သိမ်းပြီးလျှင် သားကို ရှင်ပြုမည်ဟု မှန်းထားသည်။ ရွာနှင့် ၁-မိုင်ခန့်ဝေးသော သဖန်းအိုင်ရွာ အနီး၌လည်း သူတို့ပိုင်သော လယ် ၂-ကွက်ရှိသည်။ ထိုလယ်ကွက်များတွင် စားတော်ပဲများ စိုက်ပျိုးထားသော်လည်း အလုပ်များနေသောကြောင့် အပင်များ အညွှန့်တလူလူ ဖြစ်သည်အထိ လယ်ထဲသို့ မရောက်ဖြစ်ကြပေ။

သူတို့၏ လယ်နီးချင်း ဦးကြီးတယောက်က ဦးဘသောင်းနှင့် တွေ့သောအခါ-
မင်းတို့ ပဲစိုက်ခင်းကို လူတွေဝင်ခူးတာ ပဲညွှန့်တွေ ကုန်တော့မယ်၊ လယ်တဲအစောင့်ချထားပေါ့ကွ-ဟု ပြောလျှင်
သဘောကောင်းသော ဦးဘသောင်းက-
တအိုးစာ၊ တနပ်စာ ကြော်စားဖို့ ခူးကြတာနေမှာပါ၊ ခူးကြပါစေ-ဟု ပြန်ပြောလေသည်။

တနေ့ သူတို့မိသားစုအတွက် ပဲလုံးသီး (စားတော်ပဲအနုသီး) ဟင်းချက်စားရန် သူ့သမီးအား အဆွတ်ခိုင်းသည်။ ပဲသီးများဆွတ်နေချိန် လယ်နီးချင်း ဦးကြီးတယောက်က ဦးဘသောင်း၏ သမီးမှန်မသိ၍ လှမ်းအော်ငေါက်၏။ အကျိုးအကြောင်း ရှင်းပြမှ ငြိမ်သွားသည်။ ထို့နောက် သူမက အိမ်ပြန်ရန် ပြင်နေစဉ် စောစောက ဦးကြီး-ရောက်လာပြီး-
အေး-ညဉ်းကို ငါက ပိုင်ရှင်မှန်းမသိလို့ အော်မိတာပါ။ ညဉ်းအဖေကိုလည်း ပြောလိုက်ပါ။ လယ်ကွက်က လူသွားလမ်းနဲ့နီးတော့ တချို့က တအိုးစာ၊ တနပ်စာ မက၊ ရောင်းဖို့အတွက်ပါ ခိုးဆွတ်နေတဲ့အကြောင်း ပြောဖြစ်အောင် ပြောပြပါ-ဟု ဆို၏။

အိမ်ပြန်ရောက်သောအခါ သမီးဖြစ်သူက လယ်နီးချင်း ဦးကြီး မှာကြားသည့်အတိုင်း သူမ၏အဖေကို ပြန်ပြောလျှင်-သမီးရယ်၊ ပဲကောက်တဲ့သူတွေကို မေတ္တာမပျက်ပါနဲ့၊ ဒါလဲ ဒါနတမျိုးပဲပေါ့၊ အဖေတို့မှ မစောင့်အားတာ၊ ကျန်တာ ကိုယ့်အတွက်ပဲလို့ အောက်မေ့လိုက်ပါ။

စပါးကိစ္စပြီး၍ စားတော်ပဲခင်း ရိတ်သိမ်းပါသည်။ လယ်ကွက်ကျဉ်းသော မြေများတွင် တကွက်လျှင် သာမန်အားဖြင့် ၆-တင်း၊ ၇-တင်း ထွက်သည်။ ၁၀-တင်းထွက်လျှင် ရာနှုန်းပြည့်ထွက်ခြင်း ဖြစ်ပါသည်။
လယ်နီးချင်းများက ဦးဘသောင်း၏ ပဲစိုက်ခင်းအား တကွက်လျှင် လေးငါးတင်းလောက်သာ ထွက်လိမ့်မည်ဟု ခန့်မန်းကြသည်။ သို့သော် ၂-ကွက်ပေါင်း တင်း ၂၀-ရာနှုန်းပြည့်ထွက်သောအခါ လယ်ပိုင်ရှင် ဦးဘသောင်း မိသားစုနှင့်တကွ လယ်နီးချင်းအားလုံးက အံ့သြကြရသည်။

ဦးဘသောင်း၏ မိသားစုလည်း စပါးအပြင် လုံးဝမျှော်လင့်မထားသော ပဲခင်းကပါ အထွက်တိုးနေ၍ သားရှင်ပြုပွဲကို တရွာလုံး မီးခိုးတိတ် ခြိမ့်ခြိမ့်သဲ ဆင်နွှဲနိုင်ခဲ့သည်။

( သင်းသင်းပျံ့-ကလေးမြို့ )

( မြတ်မင်္ဂလာ ၁၉၉၈-ခု မတ်လ )

No comments: