Saturday, June 20, 2009

၂-ပါးသော တရားများ

( ၁ ) အကျိုးတရား ၂-ပါး
၁။ အတ္တဟိတ-မိမိအကျိုးရှိမှုကို ပြုလုပ်ခြင်း။
၂။ ပရဟိတ-သူတပါးအကျိုးရှိမှုကို ပြုလုပ်ခြင်း။

( ၂ ) အနိယတ သိက္ခာပုဒ် ၂-ပါး
၁။ ရဟန်းသည် မိန်းမနှင့် အကာအကွယ်ရှိသော အများမမြင်ရသောနေရာ၌ ၂-ယောက်တည်း အတူမနေရ။
၂။ ရဟန်းသည် မိန်းမနှင့် အကာအကွယ်မရှိသော အများမကြားရသော နေရာ၌ အတူမနေရ။
( ၀ိနည်းတော် ၂၂၇-မှ )

( ၃ ) အပ္ပမညာ စေတသိက် ၂-ပါး
၁။ ကရုဏာ-ဆင်းရဲသူများကို မြင်က သနားခြင်း။
၂။ မုဒိတာ-ချမ်းသာမှု ရသူများကို မြင်ပါက ၀မ်းမြောက်ခြင်း။

( ၄ ) အစိုးမရသော တရား ၂-ပါး
၁။ မိုဃ်း-မိုဃ်းသည် ရွာမလိုလိုနှင့် မရွာဘဲ ဖြစ်တတ်၏။
မရွာဘူးလိုလိုနှင့်လည်း ရွာတတ်၏။
သူ့သဘောကို မည်သူမှ အစိုးမရ။

၂။ နွားသိုး-နွားသိုးသည် စိတ်ကောင်း ရှိသည်-မရှိသည် ဟု မသိ။
သူဝှေ့လိုသည့်အခါ သခင်ကိုပင် ပြန်ဝှေ့၏။
သူ့သဘောကို အစိုးမရ။

( ၅ ) အုပ်စု ၂-မျိုး
၁။ ၀ဂ္ဂ-မညီညွတ်သော အုပ်စု။
၂။ သမဂ္ဂ-ညီညွတ်သော အုပ်စု။

( ၆ ) ကုသိုလ် ၂-မျိုး
၁။ လောကီကုသိုလ်=ဒါန, သီလ စသော ဘာသာရေးဆိုင်ရာ ပြုလုပ်မှု ကုသိုလ်။
၂။ လောကုတ္တရာကုသိုလ်=လောကမှ ထွက်မြောက်ရန် ၀ိပဿနာပြုကျင့်မှု ကုသိုလ်။

( ၇ ) ကျေးဇူးရှိသော တရား ၂-ပါး
၁။ သတိ=အောက်မေ့မှု တရား။
၂။ သမ္ပဇဉ်=ဆင်ခြင်ဉာဏ်ရှိမှု တရား။

( ၈ ) ကျေးဇူးဆပ်၍ မကုန်နိုင်သူ ၂-ယောက်
၁။ မွေးသည့်မိခင်။
၂။ ကျွေးသည့်ဖခင်။ ( အံ )

( ၉ ) ခုနစ်နှစ်အရွယ် ရဟန်းအမွေရသော သာမဏေ ၂-ပါး
၁။ သုမန သာမဏေ။
၂။ သောပါက သာမဏေ။

( ၁၀ ) ချမ်းသာခြင်း ၂-မျိုး
၁။ ကာယ သုခ=ကိုယ်၏ ချမ်းသာခြင်း။
၂။ စိတ္တ သုခ=စိတ်၏ ချမ်းသာခြင်း။

( ၁၁ ) ဆင်ခြင်အပ်သော အရာ ၂-ပါး
၁။ ချီးမွမ်းလဲ မလောနဲ့။
၂။ အပြစ်တင်လဲ မလောနဲ့။

( ၁၂ ) ဆင်းရဲခြင်း ၂-မျိုး
၁။ ကာယိကဒုက္ခ=ကိုယ်၏ ဆင်းရဲခြင်း။
၂။ စေတသိကဒုက္ခ=စိတ်၏ ဆင်းရဲခြင်း။

( ၁၃ ) ဒါန ၂-မျိူး
၁။ ဇီဝိတဒါန=အပြစ်ရှိသူကို အသက်ဘေးမှ ချမ်းသာပေးခြင်း။
၂။ အဘယဒါန=အပြစ်ရှိသူကို အပြစ်ဒဏ်ဘေးမှ ချမ်းသာပေးခြင်း။

( ၁၄ ) ဓုရ ၂-ပါး
၁။ ဂန္ထဓုရ=စာပေပရိယတ္တိ သင်အံပို့ချခြင်း။
၂။ ၀ိပဿနာဓုရ=၀ိပဿနာ ကျင့်ကြံအားထုတ် ပွားများခြင်း။

( ၁၅ ) နိဗ္ဗာန်ပရိယာယ် ၂-မျိုး
၁။ သဥပါဒိသေသ နိဗ္ဗာန်=ခန္ဓာရှိစဉ် ရအပ်သော နိဗ္ဗာန်။ ရဟန္တာအဖြစ်ကို ဆို၏။
၂။ အနုပါဒိသေသ နိဗ္ဗာန်=ခန္ဓာချုပ်ငြိမ်း၍ ပရိနိဗ္ဗာန်ပြုသဖြင့် ရသောနိဗ္ဗာန်ကို ဆို၏။

( ၁၆ ) ပညာ ၂-မျိုး
၁။ လောကီပညာ=၀ိဇ္ဇာ, သိပ္ပံ ပညာ သင်ကြားတတ်မြောက်မှု။
၂။ လောကုတ္တရာပညာ=လောကမှထွက်မြောက်ရန် ကျင့်ရမည်ဖြစ်သော ၀ိပဿနာပညာ။

( ၁၇ ) ပညာရှိ ၂-မျိုး
၁။ မိမိ၌ရှိသောအပြစ်ကို အပြစ်ဟု ရှုသောသူ။
၂။ အမှားကို ၀န်ချတောင်းပန်သည်ကို တရားသဘောအရ လက်ခံသူ။

( ၁၈ ) ပယ်အပ်သော တရား ၂-ပါး
၁။ အ၀ိဇ္ဇာ=သစ္စာလေးပါး မသိခြင်းတရား။
၂။ တဏှာ=တွယ်တာတပ်မက်ခြင်းတရား။

( ၁၉ ) ပွားများအပ်သော တရား ၂-ပါး
၁။ သမထ=စိတ်၏တည်ငြိမ်မှု ရရှိခြင်း။ စ်ာန္တရားကို ဆို၏။
၂။ ၀ိပဿနာ=အနိစ္စ, ဒုက္ခ, အနတ္တ လက္ခဏာသုံးပါးကို အထူးဆင်ခြင်မှု။

( ၂၀ ) ပိုင်းခြား၍သိအပ်သော တရား ၂-ပါး
၁။ ရုပ်=ထင်ရှားရှိသော ခန္ဓာကိုယ်။
၂။ နာမ်=အာရုံကို သိခြင်းသဘောတရား။

( ၂၁ ) ဘာဝရုပ် ၂-ပါး
၁။ ဣတ္ထိဘာဝရုပ်=မိန်းမ၏အသွင် ပုံသဏ္ဌာန်။
၂။ ပုမ္ဘာဝရုပ်=ယောက်ျား၏အသွင် ပုံသဏ္ဌာန်။

( ၂၂ ) မသင့်သော အယူ ၂-မျိုး
၁။ သဿတ ဒိဋ္ဌိ=မရှိသည်ကို ရှိသည်ဟူ၍ ထင်မှတ်ခြင်း။
၂။ ဥစ္ဆေဒ ဒိဋ္ဌိ=ရှိသည်ကို မရှိဟူ၍ ထင်မှတ်ခြင်း။

( ၂၃ ) မြတ်စွာဘုရား၏ အရံ ရဟန္တာ ၂-ပါး
၁။ လက်ျာရံ-ရှင်သာရိပုတ္တရာ။
၂။ လက်ဝဲရံ-ရှင်မောဂ္ဂလာန်။ ( အံ )

( ၂၄ ) မြတ်စွာဘုရား၏ အရံ ရဟန္တာမ၂-ပါး
၁။ လက်ျာရံ-ခေမာထေရီ။
၂။ လက်ဝဲရံ-ဥပ္ပလ၀ဏ်ထေရီ။ ( အံ )

( ၂၅ ) ရဟန်းတော်များ ၀ါကပ်ခြင်း ၂-မျိုး
၁။ ပုရိမ၀ါ-၀ါဆိုလပြည့်ကျော် ၁-ရက် ၀ါကပ်၍ သီတင်းကျွတ်လပြည့်နေ့ ၀ါကျွတ်၏။
၂။ ပစ္ဆိမ၀ါ-၀ါခေါင်လပြည့်ကျော် ၁-ရက် ၀ါကပ်၍ တန်ဆောင်မုန်းလပြည့်နေ့ ၀ါကျွတ်၏။

( ၂၆ ) ရနိုင်ခဲသော ပုဂ္ဂိုလ် ၂-ယောက်
၁။ ရှေးဦးစွာ ကျေးဇူးပြုတတ်သောသူ ရနိုင်ခဲ၏။
၂။ ကျေးဇူးကို သိ၍ တုံ့ပြန်တတ်သောသူ ရနိုင်ခဲ၏။

( ၂၇ ) ရှေးဦးစွာ သရဏဂုံတည်သူ ၂-ယောက်
၁။ တပုဿ။
၂။ ဘလ္လိက-ကုန်သည်ညီနောင်။

( ၂၈ ) လူမိုက် ၂-မျိုး
၁။ မိမိ၌ ရှိသောအပြစ်ကို အပြစ်ဟု မရှုသူ။
၂။ အမှားကို ၀န်ချတောင်းပန်သည်ကို တရားသဘောအရ လက်မခံသူ။

( ၂၉ ) လောကပါလတရား ၂-ပါး
၁။ ဟိရီ-မကောင်းမှု ပြုလုပ်ခြင်းမှ ရှက်ခြင်း။
၂။ သြတ္တပ္ပ-မကောင်းမှု ပြုလုပ်ခြင်းမှ ကြောက်ခြင်း။

( ၃၀ ) သမ္ပတ္တိ ၂-မျိုး
၁။ ဘောဂသမ္ပတ္တိ-ဥစ္စာစည်းစိမ် ပေါများပြည့်စုံခြင်း။
၂။ ပရိဝါရသမ္ပတ္တိ-အခြွေအရံ ပရိသတ် များပြားပြည့်စုံခြင်း။

( ၃၁ ) သရဏဂုံ ပျက်ခြင်း ၂-မျိုး
၁။ သာဝဇ္ဇဘေဒ-ဘာသာအယူပြောင်းသွား၍ သရဏဂုံပျက်ခြင်း။
၂။ အန၀ဇ္ဖ သုခ၀ိပါကဘေဒ-သေဆုံးခြင်းကြောင့် နတ်ရွာသုဂတိသို့ လား၍ သရဏဂုံပျက်ခြင်း။

( ၃၂ ) သမာဓိ ၂-မျိုး
၁။ ဥပစာရ သမာဓိ-အနီးအပါး၌ တည်ကြည်မှု ရရှိခြင်း။
၂။ အပ္ပနာ သမာဓိ-အပ္ပနာဈာန်၌ဖြစ်သော တည်ကြည်မှု ရရှိခြင်း။

( ၃၃ ) သဒ္ဓါတရား၌ စံထားအပ်သော ဥပါသကာ ၂-ယောက်
၁။ စိတ္တသူကြွယ်။
၂။ ဟတ္ထက (ခေါ်) အာဠာဝက မင်းသား။

( ၃၄ ) သဒ္ဓါတရား၌ စံထားအပ်သော ဥပါသိကာမ ၂-ယောက်
၁။ ခုဇ္ဇုတ္တရာ ဥပါသိကာမ။
၂။ နန္ဒမာတာ ဥပါသိကာမ။ ( ဝေဠုကဏ္ဍကီရွာသူ နန္ဒမိခင် )။

( ၃၅ ) သာဝက ၂-မျိုး
၁။ ပုထုဇဉ် သာဝက-ဘုရားအဆုံးအမ၌တည်သော သာမန်ပုဂ္ဂိုလ်များ။
၂။ အရိယာ သာဝက-အရိယာဂိုဏ်းဝင် ပုဂ္ဂိုလ်များ။

( ၃၆ ) သာသနာ ပျက်စီးခြင်းတရား ၂-ပါး
၁။ မကောင်းသဖြင့်ရအပ်သော မှားသော ပုဒ်ဗျည်းအက္ခရာ။
၂။ မကောင်းသဖြင့်သိအပ်သော မှားသော အနက်အဓိပ္ပါယ်။

( ၃၇ ) သီလ ၂-ပါး
၁။ စာရိတ္တသီလ-မိမိဆိုင်ရာ သီလဖြစ်သော ကိုယ်ကျင့်တရား ထိန်းသိမ်းခြင်း။
၂။ ၀ါရိတ္တသီလ-ကျင့်ပြီးသော သီလကို မပျက်အောင် ကိုယ်တွေ့ကြုံပါက ရှောင်နိုင်ရခြင်း။

( ၃၈ ) သစ္စာ ၂-ပါး
၁။ သမ္မုတိသစ္စာ-လူ, နတ်, ဗြဟ္မာ, ရေ, မြေ, တော, တောင်, သမုဒ္ဒရာ-ဟု ပညတ်အားဖြင့် မှန်ကန်ခြင်း။
၂။ ပရမတ္ထသစ္စာ-နိဗ္ဗာန်ဟု ပရမတ်အားဖြင့် မှန်ကန်ခြင်း။

( ၃၉ ) သုတ္တံ ၂-မျိုး
၁။ သဘာဝသုတ္တံ-မြတ်စွာဘုရားလက်ထက်၌ မျက်မှောက်ဖြစ်ပျက်ပုံကို ဟောကြားမှုများကို ဆို၏။
၂။ အဘာဝသုတ္တံ-မျက်မှောက်မရှိ အတိတ်ကိုဆောင်၍ ဟောကြားမှု။ ( ၅၅၀-ဇာတ်များ )။

( ၄၀ ) သန္တာန်၂-မျိုး
၁။ အဇ္ဈတ္တသန္တာန်- မိမိကိုယ်တွင်း၌ရှိသော ပုံသန္တာန်။
၂။ ဗာဟိရသန္တာန်-အပြင်အပ၌ရှိသော ပုံသန္တာန်။

( ၄၁ ) ရှေးဦးဆရာ မည်ထိုက်သူ ၂-ဦး
၁။ အမိ
၂။ အဖ
ဖေဖေ, မေမေ, မံမံ, ချိုချို, ကိုကို, မမ, ဖိုးဖိုး, ဖွားဖွား, စသည်အားဖြင့် ကလေးငယ်အား လိမ္မာသည့်စကား ဖြစ်စေ၊ မလိမ္မာသည့် စကား ဖြစ်စေ တတ်သိနားလည်အောင် ရှေးဦးစွာ သင်ပေးသူမှာ အမိနှင့်အဖသာ ဖြစ်ပေသည်။
သို့ကြောင့်-ရှေးဦးဆရာ၊ မည်ထိုက်စွာ၊ ပုဗ္ဗာစရိယ၊ မိနှင့်ဖ-ဟူ၍ စာဆိုရှိခဲ့ပေသည်။

မှတ်ချက်။ ပုဗ္ဗ-ရှေးဦးစွာ။ အာစရိယ-ဆရာ။

( ၄၂ ) စွပ်စွဲတတ်ကြောင်း ၂-ပါး
၁။ မရှိ ခိုးနိုး။
၂။ မလှ စုံးရိုး ။

( ၄၃ ) ပုထုဇဉ် ၂-မျိုး
၁။ ကလျာဏပုထုဇဉ်-ကံ ကံ၏အကျိုးကို ယုံကြည်သူ။
၂။ ဗာလပုထုဇဉ်-ကံ ကံ၏အကျိုးကို မယုံကြည်သူ။

( ၄၄ ) ပြင်မရသော အရာ ၂-မျိုး
၁။ အတိတ်ကံ နှင့်
၂။ ၀မ်းတွင်းပါ ဗီဇ-ပြင်မရ။

( ၄၅ ) မြန်မာပြည်သို့ သာသနာယူဆောင်လာသူ မထေရ် ၂-ပါး
၁။ အရှင်ဥတ္တရ မထေရ်။
၂။ အရှင်သောဏ မထေရ်။

( ၄၆ ) သိမ် ၂-မျိုး
၁။ ဗဒ္ဓသိမ်-ဉတ်ကမ္မ၀ါစာတို့ဖြင့် ဖွဲစည်းအပ်သော သိမ်။
၂။ အဗဒ္ဓသိမ်-သူ့အလိုလျောက် ဖြစ်သော သိမ်။







( ၄၂ )

No comments: