Tuesday, July 14, 2009

စေတနာမှန်သော ကံတရား

ကျွန်တော်တို့သားအမိ ဈေးဝယ်ပြီး ကမ်းနားကိုဆင်းခဲ့ကြပါသည်။ ကမ်းနားရောက်တော့ စက်လှေစီးပြီး ခရီးဆက်ခဲ့ကြပြန်ပါသည်။ စက်လှေပေါ်ကဆင်းပြီး မြင်းလှည်းစီးကြရမည် ဖြစ်ပါသည်။ ထိုသို့ မြင်းလှည်းစီးကြရမည့် အစီအစဉ်မှာ ဖျက်ရမလို ဖြစ်ရပါပြီ။

ပါသွားသောငွေနှင့် မလောက်င တချို့ဆိုင်များတွင် အကြွေးပင် ချန်ယူခဲ့ရသေးသည်။ ထို့ကြောင့် အိမ်အပြန်လမ်းတွင် ငွေပိုပြန်မပါ၊ စက်လှေခ ကားခနှင့် မြင်းလှည်းခကိုပင် မနည်းကျန်အောင် ချန်ခဲ့ကြရသည်။
သို့သော် စက်လှေပေါ်ကဆင်းသည်နှင့် တပြိုင်နက် အလှူခံနှင့် ပက်ပင်းတိုးနေသည်။ မြင်းလှည်းမစီး၍လည်းမဖြစ် ပစ္စည်းတွေကများသည်။ ရွာက ကားဂိတ်နှင့်လည်း တမိုင်သာသာလောက် ဝေးသည်။

နေကလည်းပူ ဖုတ်ကလည်းထူသည်။ သို့သော် အမေက ကျွန်တော့်ကိုပြောပြသည်။
ဒီမှာသား-မရှိလို့ မလှူ၊ မလှူလို့ မရှိ-တဲ့။ ပြီးတော့ ပိုလျှံမှ ပေးကမ်းလှူဒါန်းတာထက် မိမိစားဖို့ သုံးဖို့ ရည်စူးထားတာလေးကို ကြည်နူးစွာနဲ့ မစားတော့ မသုံးတော့ဘဲ လှူရတာက ပိုမြတ်တယ်လို့ အမေထင်တယ်သား။ ဒီတော့ ပစ္စည်းတွေနဲ့ အတူ ငါ့သား မြင်းလှည်းစီးပြီး လိုက်သွား။ အမေ မြင်းလှည်းမစီးတော့ဘူး။ မြင်းလှည်းစီးမယ့်ငွေ နှစ်ဆယ်ကို အရှင်ဥပဂုတ္တ ပူဇော်ပွဲအတွက် လှူလိုက်မယ်။ အမေ ခြေကျင်လျှောက်လာခဲ့တော့မယ်-ဟု ဆိုလာပါသည်။၏

အမေလိုက်သွားပါ။ သား လမ်းလျှောက်လိုက်ခဲ့ပါ့မယ်-ဟု ဆိုသော်လည်း မရ။ သို့ဖြင့် အမေ့ပါရမီကို ဖြည့်သည့်အနေဖြင့် အမေစီမံသလိုနေလိုက်ရတော့သည်။
ကားဂိတ်တွင် ပစ္စည်းတွေချြီ့း ကျွန်တော်ရောက်လို့မှ မကြာသေး၊ မြင်းလှည်းစီး၍ပင် အမေရောက်ရှိလာပါတော့သည်။ အမေ့မျက်နှာသည် တပေါင်းလပြည့်ဝန်းလို ရွှန်းရွှန်းသာနေပါသည်။

သားရေ သူတော်ကောင်း နတ်ကောင်းစောင်မ ဆိုတာအမှန်ပဲသိလား။ အမေ လမ်းတ၀က်လောက်ရောက်တော့ ရှေ့ကလာနေတဲ့သူဌေးမိသားစုစီးတဲ့ ကားလေးဟာ အမေ့နားလဲရောက်ရော ကားကို ရပ်ပြီး ဒီလောက်နေပူပူ၊ ဖုတ်ထူထူထဲမှာ အမေဘြာု့လို့ မြင်းလှည်းမစီးတာလဲလို့ မေးတယ်။ အမေကလဲ ခါတိုင်ေးတာ့ မြင်းလှည်းစီးပါတယ်ကွယ်လို့ ဆိုပြီး အကျိုးအကြောင်း အစအဆုံး ပြောပြလိုက်တာပေါ့။ ဒါနဲ့ပဲ ငွေတထောင်ကြီးများတောင် ပေးသွားတယ် သားရဲ့။

အမေသည် ကြည်နူးမဆုံး ပီတိတွေဖုံးပြီး ဆုတွေ ပေး၍မဆုံး ရှိနေပါတော့သည်။

( ငှက်ပြာ မောင်မောင်-ချောက် )
********************************************************************************

( ကိုယ်ကျင့်တရား ကောင်းသူ )

ဦးတင်အောင်သည် လက်သမားရှစ်ယောက်အဖွဲ့ကို ဦးစီးပြီး လုပ်ကိုင်နေသည့် လက်သမားဆရာကြီး တဦးပင် ဖြစ်သည်။ ဆရာကြီးသည် လူမှန်းသိတတ်စ အရွယ်မှစ၍ သူတပါး ပစ္စည်းဥစ္စာကို ခိုးယူခြင်း အလျဉ်းမရှိခဲ့ပေ။ ရတနာသုံးပါး ဦးထိပ်ထားပြီး အရဟံ ပုတီးစိပ်ခြင်းကို အပြန်ပြန်အလှန်လှန် စိပ်လာခဲ့သည်မှာ နှစ်ရှည်လများပင် ကြာခဲ့ပြီဖြစ်သည်။

ူသူသည် တပည့်လက်သမားအဖွဲ့ကို ဦးစီး၍ အိုးအိမ်တိုက်တာ အဆောက်အအုံများ ဆောက်လုပ်ရာတွင်လည်း ဆရာကောင်းတဦး ပီသစွာ အုပ်ချုပ်လုပ်ကိုင်သည်။ ထိုသို့ လုပ်ကိုင်ရာ တနေ့တွင် စာရေးသူတို့ မြို့ပေါ်ရှိ လူမျိုးခြား သူဌေးတယောက်၏ တိုက်အိမ်ကို ဆောက်လုပ်ရပါသည်။ သို့ဆောက်လုပ်နေစဉ် တနေ့သော အလုပ်ဆင်းချိန်၌ သူဌေး၏တီဗွီ အောက်စက်ကြီးမှာ အလုပ်ဆင်းနေစဉ်တွင် ရှိနေခဲ့ပြီး အလုပ်သိမ်းပြီးချိန်ကျမှ ပျောက်ချင်းမလှ ပျေက်ဆုံးသွားခဲ့သည်။

သူတပါးပစ္စည်း မခိုးမ၀ှက်တတ်သော ဆရာကြီးသည် သူ၏တပည့်များနှင့် လက်တွဲလုပ်ကိုင်လာခဲ့သည်မှာ နှစ်ရှည်လများ ကြာပြီဖြစ်၍ သူ့တပည့်များ သူဌေးအိမ်မှ အောက်စက်ကို ခိုးယူကြလိမ့်မည် မဟုတ်ကြောင်း ဆရာကြီးသာ အသိဆုံး ဖြစ်သည်။

သူဌေးကြီးသည် စီးပွားရေးလုပ်ငန်းကြီးများကို လုပ်ကိုင်နေသူတဦးဖြစ်ရာ သူ၏ဆောက်လက်စ တိုက်အိမ်တွင် သူဌေးကြီး၏ အလုပ်သမားများလည်း ရှိကြ့ပီး အခြား လူဝင်လူထွက်လည်း အလွန်များလှသည်။ သို့သော် သူဌေးကြီးသည် ဆရာကြီးနှင့်တပည့်များကိုသာ ယုံမှားသံသယ ဖြစ်နေပြီး သက်ဆိုင်ရာသို့ တိုင်တန်းသည်အထိ ဖြစ်ခဲ့သည်။ ဆရာကြီးနှင့်တပည့်များအားလုံး တယောက်မကျန် ခေါ်ယူစစ်ဆေးခံရသည်။

ဆရာကြီးမှာ ရန်သူတပါးဖြစ်သော ဒေါသကို ရှေ့မထားသော်လည်း အရှက်ကြီး ရှက်ရှာသည်။ ချက်ချင်းပင် အားကိုးရာဖြစ်သော ဘုရားစင်ရှေ့တွင် မိမိမခိုးယူကြောင်းနှင့် ကောင်းမှုပြုခဲ့သည်များကို တိုင်တည်သည်။ သစ္စာပြုသည်။
နောက်တနေ့ နံနက် စောစောတွင် သူဌေးကြီး၏ ဆောက်လက်စ အိမ်ဝင်းထဲရှိ အုန်းပင်ကြီးအောက်၌ ခိုးယူသူ ပြန်လည်ထားရှိသော တိဗွီအောက်စက်ကြီးကို အံ့သြဖွယ် တွေ့ရှိကြရသည်။ ထို့ပြင် ခိုးယူသူကိုပါ သိခဲ့ကြရပါတော့သည်။

ကိုယ်ကျင့်တရား မှန်ကန်ဖြောင့်မတ်သူများအဖို့ အမှန်တရားက လက်ပိုက်ကြည့်နေမည်မဟုတ်ပါ။ သူဌေးကြီးမှာ သူ့အမှားကို သိမြင်သွားသည်။ ဦးတင်အောင်မှာ ကြည်နူးဝမ်းသာမဆုံး ဖြစ်သွားသည်။ ဘုရားကယ်တာပဲဟုလည်း တကိုယ်တည်းကြားသာရုံ တီးတိုးလေး ရေရွတ်လိုက်ပါသည်။

( ရွှေမြန်မာ-ကသာ )
********************************************************************************

( ပြုသမျှ )

အဖေ ကိုမြသက်ကြီးတယောက် ရွှေကျင်တောမှာ တွင်းပိလို့တဲ့-သမီးကြီး၏ စကားကြောင့် နှုတ်က ဘုရားတ,လိုက်မိသည်။ ပြီးတော့မှ ရင်ဘတ်ကို လက်နှင့်ဖိရင်း ဘယ်လိုနေသေးသတဲ့လဲ သမီး-ဟုစိုးရိမ်စိတ်ဖြင့် မေးမိသည်။

ဆုံးသွားပြီလို့ ပြောတာပဲအဖေ၊ မိုးရွာထားတဲ့အရှိန်နဲ့ အပေါ်ကမြေသားတွေ လျှောကျလာပြီး တွင်းပိတ်ပြိုတာတဲ့။ အနီးအနားက တွင်းသမားတွေ သိသိချင်း ကြိုးစားပေမယ့် မြေထုက သိပ်ကြီးတော့ ဘယ်လိုမှ ကယ်ချိန်မရလိုက်ဘဲ အော်ရင်းနဲ့ အသက်ပျောက်သွားတာတဲ့ အဖေ။

သမီးကြီး၏ စကားကို နားထောင်ရင်း ဝေဒနာ၏ဒဏ်ကို အလူးအလဲခံစားသွားရရှာမည့် ကိုမြသက်၏ မျက်နှာကို မြင်ယောင်မိသည်။ ထို့အတူ ဟိုလွန်ခဲ့သည့် နေ့တနေ့က ကိုမြသက်အဖြစ်ကိုလည်း ပြေး၍သတိရလိုက်မိသည်။ ထိုနေ့က ကျွန်တော်ရုံးကအပြန် ကိုမြသက်တို့ခြံဘက်မှ မြေကျင်းတူးနေသံ ကြားလိုက်ရသည်။ သိလိုစိတ်ဖြင့် ခြံနားကပ်ပြီး လှမ်းကြည့်မိသည်။ ထိုအခါ ကိုမြသက်တယောက် ပေါက်ပြားတလက်ဖြင့် မြေကြီးကို တူးနေသည်။ ၄င်းအနီးတွင်လည်း ထင်းရှူးသေတ္တာစုတ်ကလေးတလုံး ချထားသည်ကို တွေ့လိုက်ရသည်။ ယင်းထင်းရှူးသေတ္တာကလေးကို ကြည့်၍ စိတ်ထဲ မသင်္ကာသဖြင့် ကိုမြသက်ကို လှမ်းမေးမိ၏။

ဗျို့ ကိုမြသက်၊ ဘာလုပ်နေတာလဲဗျ၊ ပြီးတော့ ထင်းရှူးသေတ္တာထဲက ဘာတွေလဲဗျ၊ ကျွန်တော့အမေးကို ချက်ချင်းမဖြေ၊ တူးလက်စ မြေကျင်းကိုသာ ခဏရပ်လိုက်ပြီး ကျွန်တော့်ကို တချက်လှမ်းကြည့်သည်။ ကိုမြသက် မျက်လုံးများသည် ဒေါသစိတ်ဖြင့် ခက်ထန်နေသည်ကို တွေ့လိုက်ရသည်။
ဘာဖြစ်ရမလဲဗျ၊ ဟို-ခွေးလေ ခွေလွင့်မပေါ့၊ ကျုပ်အိမ်ထဲလာပြီး သားပေါက်ထားလို့ အားလုံးမြေမြှုပ်ပစ်မလို့ဗျို့။

ကိုမြသက်စကားကြောင့် ကျွန်တော်မျက်လုံး ပြူးသွားသည်။ ထင်းရှူးသေတ္တာလေးထဲသို့လည်း ပျာပျာသလဲ လှမ်းကြည့်လိုက်မိသည်။
ဟုတ်ပါသည်၊ မျက်စိတောင် ကောင်းကောင်း မဖွင့်တတ်ကြသေးသော ခွေးပေါက်စလေးတွေ တစာစာ အော်ညဉ်းရင်း ထင်းရှူးသေတ္တာထဲတွင် တိုးဝှေ့နေကြသည်ကို ကျွန်တော်တွေ့လိုက်ရသည်။

ကျွန်တော့်ရင်ထဲတွင် ထိတ်ခနဲ ဖြစ်သွားပြီး-
ဟာ ဒီလိုတော့ မလုပ်ပါနဲ့ ကိုမြသက်ရာ၊ ကျွန်တော်တောင်းပန်ပါတယ်-ဟု ပျာပျာသလဲ ပြောလိုက်သည်။ သို့သော် ကိုမြသက်က လက်မခံ။
ရှုပ်တယ်ဗျာ။ ကျုပ်-ခွေးတွေကိုကြည်မရတာ ခင်ဗျားလဲ အသိပဲ-ဟု စကားကို တုံးတိတိပြောပြီး မြေကျင်းကို ဒေါနှင့်မောနှင့် ဆက်တူးနေသည်။ ဟုတ်တော့လည်း ဟုတ်ပါသည်။ ကိုမြသက်က ခွေးနှင့်လုံးဝမတည့်၊ ပြီးတော့ ကိုမြသက်က အရက်သမား၊ တညတွင် ကိုမြသက် အရက်မူးပြီး အိမ်ပြန်အလာ လမ်းတွင် အိပ်နေသော ခွေးတကောင်ကို တက်နင်းမိပြီး ခွေးကိုက်ခံလိုက်ရသည်။ ဒဏ်ရာက တော်တော်လေး ပြင်းသဖြင့် ဆေးရုံတက်ပြီး ကုသလိုက်ရသည်။ ဆေးရုံကဆင်းသောအခါ ကိုမြသက် ခွေးတွေကို လုံးဝကြည့်မရတော့ပေ။ ခွေးတွေ အိမ်ရှေ့ဖြတ်လာလျှင် လောက်လေးခွနှင့် ထပစ်သည်။ ခြံထဲဝင်လာလျှင်လည်း ၀ါးရင်းတုတ်ဆွဲပြီး လိုက်ရိုက်သည်။ သည်လို အခြေအနေမျိုးတွင် ခွေးပိန်မက သူ့ခြံထဲဝင်ပြီး သားလာပေါက်ထားသည်။

ကိုမြသက်ရာ ကျွန်တော် တောင်းပန်ပါတယ်။ ခင်များခြံထဲမထားချင်လဲ ကျွန်တော့ခြံဘက် ရွှေ့ထားလိုက်ပါ့မယ်။ ဒါမှမဟုတ်လဲ တခြားနေရာ ပြောင်းထားရင်လဲ ရပါတယ်ဗျာ။ ဒီခွေးပေါက်ကလေးတွေက ဘာမှသိကြသေးတာ မဟုတ်ပါဘူး။ ကိုမြသက် စိတ်ကိုသိနေသော ကျွန်တော်က အေးအေးဆေးဆေး ဖျောင်းဖျတောင်းပန်သည်။ ကျွန်တော်၏ စကားကြောင့်ပင် သူ့မျက်နှာ ပို၍မည်းခနဲ ဖြစ်သွားသည်။ ထို့နောက်-

အို-ရှုပ်ရှုပ်ယှက်ယှက်ဗျာ။ ခင်ဗျားခြံထဲထားလဲ ဒီခွေးတွေ ကျုပ်ခြံဘက်ရောက်ဦးမှာပဲ၊ ဒီတော့ မျိုးဖြုတ်ပစ်တာပဲ အေးတယ်-ဟု နှုတ်ကလည်းပြောသည်။ လက်ကလည်း ခွေးပေါက်စလေးတွေ ထည့်ထားသည့် သေတ္တာကလေးကို မယူလိုက်ပြီး မြေကျင်းထဲကို သွန်ထည့်လိုက်သည်။ မြေကျင်းကိုလည်း ပေါက်ပြားဖြင့် တဖန်းဖုန်း ရိုက်ဖို့ပစ်လိုက်သည်။

ကျွန်တော်သည် ခွေပေါက်စလေးတွေ ကြောက်လန့် ကြောက်လန့် အော်မြည်ရင်း အသက်ပျေက်သွားကြရ ရှာသည့် ထိုနေ့က အဖြစ်ကိုတွေးပြီး ကြက်သီးတဖြန်းဖြန်း ထမိသည်။ ထိုနည်းတူပင် သည်နေ့ ကိုမြသက် တယောက် မြေကျင်းပိပြီး သေဆုံးသွားသည့်အဖြစ်ကိုလည်း ဆက်စပ်တွေးမိသည်။ သြော်-၀ဋ်ဟူသည် သံသရာတွင်သာမဟုတ်၊ ယခုဘ၀တွင်လည်း လည်တတ်ကြောင်းကို သံဝေဂစိတ်ဖြင့် ဆင်ခြင်လိုက်မိပါသည်။

( ရွှေကူ-နွေးကိုကို )

( မြတ်မင်္ဂလာ ၁၉၉၉-ခု ဇန်န၀ါရီလ )

No comments: